Премудрости Соломона чтение.

Души праведных в руке Божией, и не коснется их мучение. Показались они в глазах неразумных уме́ршими, и сочтен бедствием исход их, и шествие от нас – уничтожением; но они пребывают в мире. Ибо, хотя и были они в глазах людей наказаны, но надежда их полна бессмертия. И немного наказанные, они будут много облагодетельствованы, потому что Бог испытал их и нашел их достойными Себя. Как золото в горниле Он проверил их и как жертву всесожжения принял их. И во время посещения их они воссияют и, как искры в соломе, пробегут. Будут судить племена и владычествовать над народами, и Господь будет над ними царствовать вовеки. Надеющиеся на Него уразумеют истину, и верные в любви пребудут у Него; ибо благодать и милость со святыми Его и промышление – об избранных Его.

Прем 3:1–9

Премудрости Соломона чтение.

Праведники вовеки живут, и в Господе – награда их, и попечение о них – у Вышнего. Потому они получат царство славы и венец красоты от руки Господа, ибо десницею Своею Он покроет их и мышцею Своею защитит их. Возьмет Он всеоружие – ревность Свою, и все творение сделает орудием к отмщению врагам; облечется в броню – в правду, и возложит на Себя шлем – нелицеприятный суд; возьмет щит непобедимый – святость; а строгий гнев изострит, как меч, и весь мiр ополчится с Ним против безумцев. Понесутся меткие стрелы молний и из облаков, как из туго натянутого лука, полетят в цель. И, как из каменометного орудия, полный ярости посыплется град; вознегодует на них вода морская, и реки свирепо потопят их; восстанет против них дух силы и, как вихрь, развеет их. Так опустошит всю землю беззаконие, и злодеяние ниспровергнет престолы властителей. Итак, услышьте, цари, и уразумейте; научитесь, судьи концов земли! Внемлите, обладатели множества и гордящиеся пред толпами народов: ибо от Господа дана вам власть, и сила – от Вышнего.

Прем 5:15–24; 6:1–3

На литiи стихиры, гласъ 1.

Красу́йся и весели́ся гра́де Кíеве, / ра́дуйся и свѣ́тло торжеству́й, Цéрковь Бо́жiя. / Се бо въ тебѣ́ сокрóвище Божéственныхъ дарóвъ неоску́дное яви́ся: / рáка святы́хъ мощéй великому́ченицы Варвáры, / отъ ни́хъ же истекáютъ вѣ́рнымъ исцѣлéнiя / и подаéтся благодáть / вѣ́рно приходя́щимъ и чту́щимъ любóвiю / святу́ю пáмять ея́.

Я́ко сокрóвище многоцѣ́нное, / стяжáвши Цéрковь Россíйская твоя́ всесвяты́я мóщи, / Варвáро преслáвная, / прáздникъ честны́й днéсь совершáетъ / и тебѣ́ свѣ́тло вопiéтъ: / рáдуйся, Варвáро многострадáльная, / радуйся, дѣ́вства вѵ́ссомъ / и мучéнiя порфѵ́рою украшéнная, / рáдуйся, Христóви уневѣ́стившаяся, / и съ Ни́мъ сцáрствующая, / и моля́щаяся о душáхъ нáшихъ.

Гласъ 2: Прiи́дите, дѣ́вство чту́щiй вси́ / и чистоты́ ревни́телiе, / въ нарóчитый дéнь / всехвáльныя дѣ́вы му́ченицы Варвáры / торжéственный прáздникъ состáвимъ / и въ пѣ́снѣхъ воспоéмъ: / ди́венъ éсть во святы́хъ Бóгъ Iзрáилевъ, / прослáвивый на земли́ святу́ю Свою́ дѣ́ву Варвáру / и му́ченическою дïади́мою вѣнчáвый ю́. / Тѣ́мже отъ губи́тельных смертéй избавля́етъ / вѣ́рою призывáющихъ ея́ и́мя / и подаéтъ вéлiю ми́лость.

Áнгельскую добродѣ́тель возлюби́вши, / чистоту́ Жениху́ Христу́ несквéрну сохрани́ла еси́, / Варвáро всечестнáя. / Тѣ́мъ и по смéрти честнóе тѣ́ло твоé, / нетлѣ́нно сохранéнное, / во Архáнгельскомъ хрáмѣ положéно бы́ти сподóбися, / истóчникъ исцѣлéнiй на вся́кiя стрáсти притекáющимъ источáющее. / Ты́ же, со Áнгелы сликовству́ющи, / ми́ръ вѣ́рнымъ всѣ́мъ испроси́ / и душáмъ нáшимъ вéлiю ми́лость.

Слава, гласъ 6: Вéсело ны́нѣ къ торжеству́ Богому́дрыя Варвáры / стéкшеся, о мучениколю́бцы, / сiю́ похвáлами, я́ко цвѣты́, украси́мъ: / рáдуйся, вопiю́ще, / со дерзновéнiемъ Бóга въ Трóицѣ Еди́наго проповѣ́давшая / и безбóжiе отéческое обличи́вшая. / Рáдуйся, отцá и отéчество возненави́дѣвшая, / и любвé рáди Христóвы плóть рáнамъ вдáвшая, / и смéрть пáче извóлившая. / Рáдуйся, гóрнiя оби́тели возмéздiе болѣ́знемъ воспрiи́мшая / и со Христóмъ цáрствующая. / Егóже и прилѣ́жно моли́ / отъ вся́каго обстоя́нiя и губи́тельныя смéрти / и отъ врагóвъ нахождéнiя / грáдъ сей и лю́ди невреди́мы сохрани́ти / и спасти́ ду́ши нáша.

И нынѣ, Богородиченъ, гласъ тойже: Богорóдице, Ты́ еси́ лозá и́стинная, / возрасти́вшая нáмъ Плóдъ животá, / Тебѣ́ мóлимся, моли́ся, Влады́чице, со святы́ми апóстолы / поми́ловати ду́ши нáша.

На стиховнѣ стихиры, гласъ 1.
Подобенъ: Небесныхъ чиновъ:

Отца́ нечести́ваго и ма́терь, Варва́ро, презрѣ́вши, / Бо́га и Вы́шній Іерусали́мъ возлюби́ла еси́, / въ не́мже живу́щи ны́нѣ, / и на́мъ спребыва́ти тебѣ́, / умоли́ Влады́ку Христа́.

Стихъ: Ди́венъ Бо́гъ во святы́хъ Свои́хъ, / Бо́гъ Изра́илевъ.

Ни пристра́стіе роди́телей, ни сла́сти, / ни добро́та тѣле́сная, ни бога́тство, / ни му́ки отторго́ша тя́ отъ любве́ Зижди́теля, / Его́же на́мъ, великому́ченице, ми́лостива сотвори́.

Стихъ: Святы́мъ, и́же су́ть на земли́ Его́, / удиви́ Госпо́дь вся́ хотѣ́нія Своя́ въ ни́хъ.

Въ Тро́ицѣ Еди́наго Бо́га исповѣ́дующи дерзнове́нно, Варва́ро, / во главу́ усѣче́на, / вѣне́цъ побѣ́ды свы́ше отъ Христа́ прія́ла еси́, / съ Ни́мже ны́нѣ ца́рствующи, / ми́ръ всѣ́мъ испроси́.

Слава, глас 2: Я́ко многоцѣ́нное мѵ́ро, / кро́вь твою́ принесла́ еси́ Жениху́ Христу́, / Варва́рo, му́ченице непобѣди́мая, / возмéздiе же отъ Него́ прія́ла еси́, вѣне́цъ нетлѣ́нный. / Тѣ́мже и по страда́нiи твоéмъ / отъ честны́хъ мощéй твои́хъ / исцѣлéнiя бога́тно истека́ютъ вѣ́рою приходя́щимъ и чту́щимъ тя́, / я́же и на́мъ неоску́дно источи́ / и моли́ спасти́ся душа́мъ на́шимъ.

И нынѣ, Богородиченъ, гласъ тойже: Всé упова́нiе моé на Тя́ возлага́ю, / Ма́ти Бо́жiя, / сохрани́ мя подъ кро́вомъ Твои́мъ.

Tропарь святыя, гласъ 8:

Варва́ру святу́ю почти́мъ: / вра́жія бо сѣ́ти сокруши́, / и я́ко пти́ца, изба́вися отъ ни́хъ / по́мощію и ору́жіемъ Креста́, всечестна́я.

Инъ тропарь, глас 4:

А́гнице всеблажéнная Вaрвáро, / Божéственнѣ озари́вшися Свѣ́томъ Святы́я Трóицы Трисóлнечнымъ / и въ купѣ́ли утверди́вшися, / въ побѣждéнiе лéсти отéческiя / вѣ́ру исповѣ́дала еси́ Христóву. / Тѣ́мъ, всечестнáя, свы́ше благодáть тебѣ́ даровá Бóгъ / исцѣля́ти неду́ги и болѣ́зни вся́. / Егóже моли́, великому́ченице, / да спасéтъ ду́ши нáша.

Слава, тропарь преподобнаго, гласъ 8:

Правосла́вія наста́вниче, / благоче́стія учи́телю и чистоты́, / вселе́нныя свѣти́льниче, / мона́шествующихъ богодохнове́нное удобре́ніе, Іоа́нне прему́дре, / уче́ньми твои́ми вся́ просвѣти́лъ еси́, цѣвни́це духо́вная, / моли́ Христа́ Бо́га спасти́ся душа́мъ на́шимъ.

И нынѣ, Богородиченъ.

НА УТРЕНИ.

На Богъ Господь: тропарь святыя дважды, гласъ 8:

Варва́ру святу́ю почти́мъ: / вра́жія бо сѣ́ти сокруши́, / и я́ко пти́ца, изба́вися отъ ни́хъ / по́мощію и ору́жіемъ Креста́, всечестна́я.

Слава, тропарь преподобнаго, гласъ 8:

Правосла́вія наста́вниче, / благоче́стія учи́телю и чистоты́, / вселе́нныя свѣти́льниче, / мона́шествующихъ богодохнове́нное удобре́ніе, Іоа́нне прему́дре, / уче́ньми твои́ми вся́ просвѣти́лъ еси́, цѣвни́це духо́вная, / моли́ Христа́ Бо́га спасти́ся душа́мъ на́шимъ.

И нынѣ, Богородиченъ гласъ тойже: И́же нáсъ рáди рождéйся отъ Дѣ́вы / и распя́тiе претерпѣ́въ, Благíй, / испровéргiй смéртiю смéрть, / и воскресéнiе явлéй, я́ко Бóгъ, / не прéзри, я́же создáлъ еси́ рукóю Твоéю; / яви́ человѣ́колюбiе Твое, Ми́лостиве, / прiими́ рóждшую Тя́ Богорóдицу, моля́щуюся за ны́, / и спаси́, Спáсе нáшъ, лю́ди отчáянныя.

По 1-м стихословiи сѣдаленъ, гласъ 4.
Подобенъ: Яко добля:

Дѣ́вства добрóтами и мучéнiй кровьми́ ду́шу твою́ украси́вши, / му́ченице слáвная Варвáро, / вручи́лася еси́ Создáвшему, / сохраня́ющу тя́ нетлѣ́нну во вѣ́къ и́стинно, / о сéмъ ликовству́ющи съ вóинствы Архáнгелъ и Áнгелъ, / апóстолъ, прорóкъ и му́ченикъ ликостоя́нiи, всехвáльная.

Слава, и нынѣ, Богородиченъ: Я́ко моли́тву неусыпáющую, / мольбу́ пребывáющу иму́щи, Пречи́стая, ко Гóсподу, / напáсти успи́, и вóлны укроти́ окая́нныя моея́ души́, / и въ скóрби су́щее сéрдце моé утѣ́ши, Отрокови́це, молю́ Тя́, / и облагодáти у́мъ мой, я́ко да достóйно Тя́ прослáвлю.

По 2-м стихословiи, сѣдаленъ гласъ 4.
Подобенъ: Яко добля:

Женихá Христá Крóвiю освяти́вшися, прехвáльная, / твоéю крóвiю украси́ла еси́ плотску́ю одéжду. / Тѣ́мже обою́ду просвѣ́щшися, прехвáльная Варвáро, / свѣ́тлаго сподóбилася еси́ чертóга Егó. / Егóже моли́ отъ тли́ и бѣ́дъ избáвитися вѣ́рою творя́щимъ всечестну́ю пáмять твою́.

Слава, и нынѣ, Богородиченъ: Скóро прiими́, Влады́чице, моли́твы нáша / и сiя́ принеси́ Твоему́ Сы́ну и Бóгу, Госпожé Всенепорóчная. / Избáви обстоя́нiй къ Тебѣ́ притекáющiя, сокруши́ ковáрства / и низложи́ дéрзость вооружáющихся безбóжныхъ, Пречи́стая, на рабы́ Твоя́.

Величанiе:

Велича́емъ тя́, / страстоте́рпице Христо́ва Варва́ро, / и чте́мъ честно́е страда́ніе твое́, / е́же за Христа́ претерпѣ́ла еси́.

Псалмы избранныя:

1 Бо́гъ на́мъ прибѣ́жище и си́ла. 2 Помо́щникъ въ ско́рбехъ обрѣ́тшихъ ны́ зѣло́. 1 Сего́ рáди не убои́мся, внегдá смущáется земля́. 2 Бо́же, кто́ уподо́бится Тебѣ́, да не премолчи́ши, нижé укроти́ши, Бо́же. 1 Я́ко сé врази́ твои́ возшумѣ́ша, и ненави́дящiи тя́ воздвиго́ша глaву́. 2 Нá лю́ди твоя́ лукáвноваша вóлею и совѣщáша на святы́я твоя́. 1 Положи́ша тру́пiя рабóвъ твои́хъ брáшнa пти́цамъ небéснымъ. 2 Плóти преподóбныхъ твои́хъ звѣрéмъ земны́мъ. 1 Пролiя́ша крóвь и́хъ, я́ко вóду. 2 Я́ко Тебé рáди умерщвля́еми есмы́ вéсь дéнь. 1 Вмѣни́хомся я́ко óвцы заколéнiя. 2 Положи́лъ еси́ нáсъ въ при́тчу во язы́цѣхъ. 1 И бы́хъ я́звенъ вéсь дéнь. 2 Разжéглъ еси́ ны́, я́коже разжизáется сребрó. 1 Проидóхомъ сквозѣ́ óгнь и вóду, и извéлъ еси́ нáсъ въ покóй. 2 Весели́теся о Гóсподѣ и рáдуйтеся, прáведнiи. 1 Я́ко Госпóдь въ рóдѣ прáведныхъ. 2 И наслѣ́дiе и́хъ въ вѣ́къ бу́детъ. 1 Воззвáша прáведнiи, и Госпóдь услы́шалъ и́хъ. 2 Свѣ́тъ возсiя́ прáведнику, и прáвымъ сéрдцемъ весéлiе. 1 Bъ пáмять вѣ́чную бу́детъ прáведникъ. 2 Святы́мъ, и́же су́ть на земли́ Егó, удиви́ Госпóдь вся́ хотѣ́нiя Своя́ въ ни́хъ. 1 Ди́венъ Бóгъ во святы́хъ свои́хъ. 2 Прáведникъ, я́ко фíнiксъ, процвѣтéтъ: я́ко кéдръ, и́же въ Ливáнѣ, умнóжится. 1 Возвесели́тся прáведникъ о Гóсподѣ и уповáетъ на Негó. 2 И похвáлятся вси́ прáвiи сéрдцемъ.

Слaва, и нынѣ. Аллилуiа [трижды].

По полѵелеи сѣдаленъ, гласъ 6.
Подобен: Рукописаннаго образа:

Благодáть чудéсъ получи́вши, / подаéши исцѣлéнiя въ ну́ждахъ и избавля́eши вся́ человѣ́ки пáгубныхъ неду́говъ вся́кихъ. / Тѣ́мже, къ твоему́ хрáму притекáюще, воспѣвáемъ твою́ пáмять, зову́ще: / исхити́ рабы́ твоя́ отъ пáгубныхъ неможéнiй, / дѣ́во му́ченице Варвáро, / къ Бóгу моли́твами твои́ми.

Слава, и нынѣ, Богородиченъ: Богорóдице Дѣ́во, моли́ Сы́на Твоегó, / вóлею пригвождéннаго на Крестѣ́ / и воскрéсшаго изъ мéртвыхъ, Христá Бóга нáшего, / спасти́ся душáмъ нáшимъ.

Степенна 1-й антифонъ 4-го гласа:

Отъ ю́ности моея́ / мнóзи бóрютъ мя́ стрáсти, / но Сáмъ мя́ заступи́, / и спаси́, Спáсе мóй.

Ненави́дящии Сióна, / посрами́теся отъ Гóспода, / я́ко травá бо огнéмъ / бу́дете изсóхше.

Слaва и нынѣ: Святы́мъ Ду́хомъ / вся́ка ду́ша живи́тся, / и чистотóю возвышáется, / свѣтлѣ́ется Трóическимъ Еди́нствомъ священнотáйнѣ.

Прокименъ, гласъ 4: Ди́венъ Бо́гъ во святы́хъ Свои́хъ, / Бо́гъ Изра́илевъ. Стихъ: Въ це́рквахъ благослови́те Бо́га, Го́спода отъ исто́чникъ Изра́илевыхъ.

Другiй прокименъ: Вся́кое дыха́ніе да хва́литъ Го́спода. Стихъ: Хвали́те Бо́га во святы́хъ Его́, хвали́те Его́ в утверже́ніи си́лы Его́.

Евангеліе Матѳея, зачало 104.

Рече Господь притчу сію: подобно будетъ Царство Небесное десяти дѣвамъ, которыя, взявши свѣтильники свои, вышли на встрѣчу жениху; изъ нихъ пять было мудрыхъ и пять неразумныхъ; неразумныя, взявши свѣтильники свои, не взяли съ собою масла; мудрыя же, вмѣстѣ со свѣтильниками своими, взяли масла въ сосудахъ своихъ; и какъ женихъ замедлилъ, то задремали всѣ и уснули. Но въ полночь раздался крикъ: вотъ, женихъ идетъ, выходѝте на встрѣчу ему. Тогда встали всѣ дѣвы тѣ и поправили свѣтильники свои; неразумныя же сказали мудрымъ: дайте намъ вашего масла, потомучто свѣтильники наши гаснутъ. А мудрыя отвѣчали: чтобы не случилось недостатка и у насъ и у васъ, пойдите лучше къ продающимъ и купите себѣ. Когда же пошли онѣ покупать, пришелъ женихъ, и готовыя вошли съ нимъ на брачный пиръ, и двери затворились; послѣ приходятъ и прочія дѣвы и говорятъ: господи! господи! отвори намъ. Онъ же сказалъ имъ въ отвѣтъ: истинно говорю вамъ: не знаю васъ; итакъ, бодрствуйте; потомучто не знаете ни дня, ни часа, въ который пріидетъ Сынъ Человѣческій.

Мф 25:1–13

По 50-мъ псалмѣ:

Слава: Моли́твами великому́ченицы Варвáры, / Ми́лостиве, очи́сти / мно́жества согрѣше́ній на́шихъ.

И нынѣ: Моли́твами Богоро́дицы, / Ми́лостиве, очи́сти / мно́жества согрѣше́ній на́шихъ.

И посемъ: Поми́луй мя́, Бо́же, / по вели́цѣй ми́лости Твое́й, / и по мно́жеству щедро́тъ Твои́хъ / очи́сти беззако́ніе мое́.

И стiхира, гласъ 6:

Оте́чество, ро́дъ, имѣ́ніе оста́вивши, Варва́ро, / и нечести́ваго отца́ возненави́дѣвши, / Бо́га возлюби́ла еси́, / Ему́же уневѣ́стилася еси́ / и была́ еси́ великому́ченица наречена́, / Того́ моли́ спасти́ся душа́мъ на́шимъ.

Канонъ Богородицы со ирмосомъ на 6, и святыхъ два канона на 8.

Канонъ святыя, гласъ 2.
Пѣснь 1.

Ирмосъ: Во глубинѣ́ постла́ иногда́ / фараони́тское всево́инство преоруже́нная си́ла, / вопло́щшееся же Сло́во всезло́бный грѣ́хъ потреби́ло е́сть, / препросла́вленный Госпо́дь, / сла́вно бо просла́вися.

О, Тро́ице Пребоже́ственная Честна́я! / Яже па́че ума́ дарова́ніе Твои́мъ рабо́мъ подаю́щи, / свѣтоно́сную вдохни́ мра́чному моему́ уму́ лучу́, / Твою́ похвали́ти му́ченицу Варва́ру приснопа́мятную.

Похвале́ній вся́къ предѣ́лъ вои́стинну превзы́де / Твои́хъ му́ченикъ сла́ва, Человѣколю́бче; / но́, е́же отъ вѣ́ры по си́лѣ пріе́мъ хвале́ніе, / возниспосли́, Влады́ко, бога́тно воздая́ніе.

Отъ терно́внаго ко́рене израсте́ шипо́къ краснѣ́йшій, / Це́рковь Христо́ву облагово́нстви, / и червле́ніемъ страда́нія обагри́вшися кро́вію сла́вная Варва́ра, / ю́же досто́йно воспое́мъ.