дәріс.Тақырып: Өндірістің бас жоспарын және көлігін жобалау. 1–тақырып.

№14 дәріс.Тақырып: Өндірістің бас жоспарын және көлігін жобалау. 1–тақырып.

Дәрістің жоспары

1. Әртүрлі типті өндірістік ағымдар мен құрылыс типтеріне қарай бас жоспарлардың схемалары.

2. Жалпы құрылыстық шешімдер жәнежоспарланған шешімдерге қойылатын талаптар

 

Бас жобаны жобалау келесі негізгі сатылардан тұрады: участкі территориясы бойынша мәлімет жинау, өндірістік мекемелердің бас жобасына қойылатын жалпы талаптарды тіркеу, ғимараттар мен үймереттерді орналастыру және бас жобаны жалпы сипаты, бас жобаның техникалық-экономикалық көрсеткіштері. Бас жобаны жобалау үшін участкі территориясы бойынша мәлімет жинаудың мақсаты – темірбетон бұйымдарын өндіретін кәсіпорын салуға арналған территорияның жарамдылығын анықтау. Бұл жұмысты инженерлік-геологиялық мәліметтерді, ауданның шикізаттық энергетикалық базаны, отын және су ресурстарын, грунттың құрылысын, метеорологиялық мәліметтерді зерттегеннен кейін жүргізеді. Алдын ала құрылыс ауданының М 1:10000 масштабта түсіру жоспарын және М 1:10000 масштабта жағдайлық жоспарын немесе М 1:50000 масштабта қосымша ғимараттар мен үймереттер, өзен мен су жолдары орналасқан жағдайлық жоспарын құрастырады.

Ауданның рельефі мен көрші участкелер мен құрылыстар туралы мәліметтер үшін горизонталь түрінде М 1:1000 масштабта алаңның топо-геодезиялық түсіру жоспарын құрастырады.

Бас жобада барлық ғимараттар мен үймереттерді рационалды орналастыру үшін құрама темірбетон өндіретін кәсіпорынның өндірістік зоналарының сипаттамасын ескеру керек. Осыған сәйкес құрылыс учаскесін келесі зоналарға бөлу керек: административті ғимараттар мен үймереттерді орналастыруға арналған зауыталды алаңы, өндірістік объектілері бар зона – шаруашылық алаң, қоймалар мен қосымша ғимараттар мен үймереттер.

Транспортты жобалау. Өндірістік транспорт жұмыс істеу принціпі мен мақсаты бойынша ішкі (кәсіпорынның ішінде қозғалуға арналған) және сыртқы (кәсіпорынға шикізат материалдарының әкелуін, дайын өнімнің апаруын қаматамасыз етеді) болып бөлінеді. Өндірістік кәсіпорынның темір жолдары ішкі (мекеменің территориясында орналасқан) және сыртқы (екі немесе бірнеше кәсіпорын темір жолымен біріктіретін подъезді жолдар) болып бөлінеді. Сондай-ақ автомобильді көлік жолдары да ішкі (мекеменің аумағындағы) және сыртқы (кейбір обьектілерге келу жолдары мен магистральдарға шығуға арналған) деп тармақталады. Зауыттағы ішкі көлік цехтің ішіндегі және цех арасындағы болып бөлінеді. Цех ішіндегі – бұл конвейерлі және аранйы транспорт, авто жүктемелер мен электр арбашалар, цех аралық – бұл автомобиль және темір жол және тасымалдың басқа да түрлері.

Ішкі жол үшін көліктің тиімді түрін тандау бас жоспар мен өндірістің технологиясына тікелей байланысты. Сыртқы жолдарды жобалау кезіндемекеме транспортының магистральді транспортпен және негізгі өндіріспен байланысын жүк фронтының техникалық және технологиялық параметрлерін, қойманың сыйымдылығын, контейнерлі алаңдардың өлшемдерін ескере отырып қабылдаған қажет.

Темір жол жолдарын істеп тұрған МПС станцияларына қосылуын қамтамасыз ету керек.Бұл жағдайда арту және түсіру құрылғыларының орналасуына байланысты темір жол жолдарын пайдалану тәртібі мен жүйесін анықтау. МПС станцияларына темір жолдардың келуі құрамдардың беру мен тазартуын жеңілдететіндей болу керек.