АдыгэкIэ мазэцIэхэр, тхьэмахуэр, махуэбжыр.

Адыгский календарь:

Илъэс – год.

Махуэ – день.

Тхьэмахуэ – неделя.

Блыщхьэ (адыгэцIэщ) – понедельник.

Гъубж (адыгэцIэщ) – вторник.

Бэрэжьей (бэрэскэжьей – чыристан диным и щIэинщ) – среда (маленький отдых).

Махуэку (адыгэцIэщ) – четверг.

Мэрем (бэрэскэшхуэ – чыристан диным и щIэинщ) – пятница (большой отдых).

Щэбэт (журтыцIэщ – ащ - щабатун), кIахэ адыгэхэр мыбы «Махуэ ЗакъуэкIэ» еджэт –

суббота.

Тхьэмахуэ (адыгэцIэ къабзэщ) – День Бога, Воскресенье.

Мазэ – месяц.

ЩIышылэ, Мазэдалъэ, ЩIымахуэку – Январь.

Мазей, Мазэхъуанэ, Пэдэлъэж, ЩIымахуэкIэ – Февраль.

Уэдыбэ, Гъатхэпэ – Март.

Мэлылъхуэгъуэ, Мэлыжьыхь, Гъатхэку – Апрель .Накъыгъэ, ВэныгъуэкIэ, Уэгъу, Арму Мазэ, ГъатхэкIэ, ТIы УтIыпщыгъуэ – Май.

Мэкъуауэгъуэ, Хьэхыгъуэ, Гъэмахуэпэ – Июнь.

Бадзэуэгъуэ, Напхъуэ, ЦIывыгъуэ, Гъэмахуэку – Июль.

ШыщхьэIу, ХьэстIул, ГъэмахуэкIэ – Август.

ФокIадэ, Iуэгъуэ, Бжьыхьэпэ – Сентябрь,

Жэпуэгъуэ, Гъуэгыгъуэ, Бжьыхьэку – Октябрь.

ЩакIуэгъуэ, Мэкъушэж, БжьыхьэкIэ – Ноябрь.

Дыгъэгъазэ, Пхъэзей, ЩIымахуэпэ – Декабрь.

 

Адыгэхэм адэ пасэ зэманыжьым илъэсыр тIууэт зэрагуэшыр: гъэ, щIы – жэуэ. Гъэрэ щIырэ щызэхэкIыу ялъытэр махуэмрэ жэщымрэ я кIыхьагъыр зэхуэдэ щыхъурат. Ар иджырей махуэбжымкIэ зытехуэр мартым и 2I- 22 жэщращ. ИлъэсыщIэр къыщихьэр арауэ ялъытэти, гуфIэгъуэшхуикI иращIэкIт, махуэ бжыгъэкIи ягъэмахуэщхуэт «мафIэщхьэ тыхьи» унагъуэ къэс хуащIу, пщэдджыжь нэмэзым псы ежэхым кIуэмэ зыхагъапскIэу: «Кхъуэ бэгумрэ дыгъужь бэгумрэ зыхамыгъапскIэ щIыкIэ!» жаIэурэ.

ИужькIэ гъащIэмрэ щIэныгъэмрэ заужьурэ гъэр плIыуэ ягуэш хъуащ: гъатхэ, гъэмахуэ, бжьыхьэ, щIымахуэ жэуэ. Гъатхэр – мартIым и 2I-м къыщегъэжьауэ июным и 2I нэгъунэт; гъэмахуэр – июным и 2I-м – сентябрым и 2I- м нэст, махуэхэм я нэхъ хуабэгъуэ -кIыхьыгъуэ дыдэхэрат, шэмыгъапцIэ жэщхэм я зэманрат; бжьыхьэр – сентябрым и 2I-м – жэщымрэ махуэмрэ аргуэру зэхуэдиз щыхъужым щегъэжьауэ декабрым и 2I-м нэст; щIымахуэр – декабрым и 2I-м – мартым и 2I-м нэст, махуэхэм я нэхъ кIэщIыгъуэ - щIыIэгъуэ дыдэхэрат. И пэжыпIэкIэ иджы зызужьа къэралхэм щыIэ календарьхэр зи татуугъуэхэм къагупсысурэ ягъэува защIэщ, дунейм и зэхъуэкIыгъуэхэм зыкIи емыпхауэ. Ауэ адыгэ махуэрыбжыр дыкъэзухъуреихь дунейм къыгуэхыпIэ имыIэу епхыпащ.

Адыгэхэм я илъэсыр мазэ I2 хъут, мазэ къэс зэхуэдизу махуэ 30 илъу. Илъэс къэс адрей къыдидзэ махуи 5-6-р тхьэлъэIу махуэ е нэгъуэщI махуэшхуэ ящIхэт, нэхъыбэр бжьыхьэкIэ - щIымахуэ зэманым трагъахуэу, абыкIэ Тхьэм и щIыхуэу гъатхэ-гъэмахуэ лэжьэгъуэм къатехуахэр ирапшыныжу, «Тхьэшхуэгуэхьэж махуэшхуэ ехьэжьари гъэ къэс ящIт лэжьыгъэ псори крахьэлIэжауэ губгъуэм Iуэху щимылъыжым деж. Мы махуэшхуэр и пэжыпIэкIэ къуажэм, псыхъуэм дэс цIыхухэм хэт нэхъ лэжьыгъэфI кърихамэ, хэт и Iэщ нэхъыфIу къехъулIамэ, хэт и ерыскъы е и фадэ нэхъыфIмэ щагъэлъагъуэ махуэшхуэт, ерыскъырэ фадэрэкIэятекIуауэ ялъытэр зей нэхъ щIэхыу цIыхухэм яух унагъуэрат. Джэгу – удж кIыхьхэр зэпыч ямыIэу екIуэкIт, уджыр нэхъ къебэкIыу. Абдеж щащIу щыта, цIыкIуи-ини, хъулъхугъи-бзылъхугъи зыхэт уджышхуэм щхьэкIэ «фэрыудж» жаIэт. «Зэрызэ къафэри, фэрыуджым щIадзащ» - жыхуаIари аращ. ЩIалэгъуалэр лIыгъэрэ шыгъэрэкIэ зэпрагъауэт, сыт хуэдэ IуэхукIэ хэт текIуами фIыщIапщIэу зэхуахуса Iэщым щыщ иратт, ягъэгуфIэт…

Ди лъэпкъ набдзэгубдзаплъэм къуажэшхуэ е псыхъуэ къэс цIыху Iущхэр гъэм и зэхъуэкIыгъуэхэм кIэлъыплът бгы къащхьэщытым, Iуащхьэм е я пщIантIэм щыхэса «сыхьэт пкъом» и ныбжьыр нэхъ кIыхь дыдэ, нэхъ кIэщI дыдэ щыхъухэм, ахэр ягъэнапкъэурэ. АбыкIэ къащIэт дунейм и зэхэкIыгъуэхэр.

Ди лъэпкъым гъэм и зэман зэхэкIыгъуэ псори зытращIыхьыр Вагъуэбэрат. А Вагъуэбэм и цIэу нобэкIэ нэхъ зытрагъэпсыхьэр Созвездие Тельца жыхуаIэращ. Ауэ ар белджылы дыдэ хъуауэ иджыри плъытэ хъунукъым, мыгъэнэхупауэ къонэ.

Вагъуэбэр ди Хэкум и къуэкIыпIэ уафэнэзым къыщыкъуэплъыр гъатхэпэм махуэмрэ жэщымрэ зэхуэдиз щыхъужращ – матрым и 2I-22 жэщым, адыгэ ИлъэсыщIэр къыщихьэм.

Июнь мазэм и 2I-м хуэзэу абы зыкъеIэт щIым псэущхьэуи къэкIыгъэуи тет псоми къахэпсэфу, нэгъуэщIу жыпIэмэ, «жэщ - шэмыгъапIцIэхэм» я пIалъэм техуэу. Абы и ужькIэ Iэщ щIэжьейми къэкIыгъэхэми зыхэпщIэу зырач, хохъуэхэ. Къэбыр, джэшыр мэгъагъэ, хьэцэпэцэр къощхьэлъэ, нартыхум гъашэ-сабэр къыпещIэри, щхьэц къыдидзыным зыхуегъэхьэзыр н. ку.

Сентябрым и 2I-м ехъулIэу Вагъуэбэр жыг щхьэкIэм хохьэж. Ар тохуэ аргуэру жэщымрэ махуэмрэ я кIыхьагъыр зэхуэдэ щыхъуж пIалъэм. Абы и ужькIэ гъэужь мыхъумэ, удзыщIэ е гъавэщIэ къэкIыжкъым, псэущхьэ щIэжьейхэм я щхьэ яIыгъыжыф мэхъу, гъавэр кърахьэлIэжащи цIыхум я Iуэгъуэ – я хьэмтетыгъуэ, гъэм и бэвыгъуэ дыдэщ.

Декабрым и 2Iм ирихьэлIэу Вагъуэбэр уафэнэзым къуохьэжри, ар махуэхэм я нэхъ кIэщIыгъуэ, щIыIэм и нэхъ бзаджэгъуэ дыдэщ. А пIалъэм щхьэкIэ адыгэхэм: «Вагъуэбэр и щIымахуэ зыгъэпсэхупIэм кIуэжащ!» жаIэ. Иджы мэкъумэшыщIэм лэжьыгъэу къыхуэнэр Iэщыр хэщIыгъэншэу щIымахуэм щIэшынращи, а IэнатIэ мытыншым пэроувэ. Аращ адыгэхэм «щхьэпIыж зэман» жыхуаIэр – зимовка скота.

В незапамятные времена адыги год делили только на два сезона: лето и зима. В процессе человеческого развития и познания шире окружающей среды, к этим двум сезонам добавили ещё две – весну и осень. Адыгский новый год наступал в ночь с 2I на 22 марта (по совремённому календарю), т.е. в день весеннего равноденствия. После этого крестьянин полностью впрягался в свой нелёгкий труд до первых снегов.

Весь свой календарь адыги связывали с периодом появления на горизонте, подъёма на набосвод и ухода в горизонт созвездия «Вагоба». Его ассоциируют с созвездием Тельца, но пока ещё нельзя это считать полностью достоверным. Как раз в ночь весеннего солнцестояния Вагоба появляется на восточном горизонте небосклона. С того дня и до 2I июня длится весна. С 2I июня до 2I сентября длится лето. В это время Вагоба поднимается на небосклон и его свет достаётся всем живым существам и растениям. Начинают цвести тыква, бобовые, кукуруза выбрасывает метёлку, молодняк животных и растения значительно прибавляют в росте. Начало этого периода совпадает с летним солцестоянием, когда вечером заквашенное молоко не успевает скиснуть до утра – самые длинные дни и короткие ночи. С 2I сентября до 2I декабря длится осень. К началу осени Вагоба уже входит в крону деревьев, т.е. уже приближается обратно к горизонту. Это совпадает с осенним солнцестоянием – опять день и ночь по длине сравнялись. А дальше дни короче и короче. К 2I декабря Вагоба уже скрывается за горизонт. Как адыги говорят: «Вагоба -созвездие отправилось на зимний отдых». Наступают самые короткие и холодные дни года. У крестьян теперь основная забота – безотходная зимовка скота.

Адыгский год делился на I2 месяцев, каждый месяц ровно по 30 дней. А те 5-6 дней, которые оставались «ничейными», посвящали праздникам и служению Богу. Вымалывали у Тха отпущение грехов за невнимание к нему в длительный период – весну и лето, когда им некогда было разгибать свои спины. Естественно, что такие праздники были приурочены к концу осени и в период зимы. После сбора урожая и окончания всех полевых работ, адыги всем селом или всей долиной устраивали грандиозный праздник – «Тхьэшхуэгуэхьэж» – «Воссоединение с главным Тха - Богом», который длился несколько дней и он фактически являлся «выставкой достижения народного хозяйства», как говорили у нас в недалёком прошлом по всей стране. Специальная комиссия выясняла: у кого лучше уродился урожай разных культур, у кого лучше состояние скота, пчёл. Соревновались и в изготовлении национального напитка махсимы и адыгских яств. Побеждала здесь та семья, у которой и напиток и яства кончались раньше всех – люди-то идут к тому, у кого вкуснее и лучше. Танцы, в которых участвовали и стар и млад практически не прекращались. Проводились и соревнования молодёжи в джигитовке, по силовым и легкоатлетическим упражнениям, по стрельбе в мишень и т.д. Всех победителей по всем видам награждали призами из собранного вскладчину поголовья крупного и мелкого скота.