Заглавная страница Избранные статьи Случайная статья Познавательные статьи Новые добавления Обратная связь КАТЕГОРИИ: АрхеологияБиология Генетика География Информатика История Логика Маркетинг Математика Менеджмент Механика Педагогика Религия Социология Технологии Физика Философия Финансы Химия Экология ТОП 10 на сайте Приготовление дезинфицирующих растворов различной концентрацииТехника нижней прямой подачи мяча. Франко-прусская война (причины и последствия) Организация работы процедурного кабинета Смысловое и механическое запоминание, их место и роль в усвоении знаний Коммуникативные барьеры и пути их преодоления Обработка изделий медицинского назначения многократного применения Образцы текста публицистического стиля Четыре типа изменения баланса Задачи с ответами для Всероссийской олимпиады по праву Мы поможем в написании ваших работ! ЗНАЕТЕ ЛИ ВЫ?
Влияние общества на человека
Приготовление дезинфицирующих растворов различной концентрации Практические работы по географии для 6 класса Организация работы процедурного кабинета Изменения в неживой природе осенью Уборка процедурного кабинета Сольфеджио. Все правила по сольфеджио Балочные системы. Определение реакций опор и моментов защемления |
Тараптардын укуктары жана милдеттери
2.1. АТКАРУУЧУ төмөнкүлөргө милдеттүү: • 2 (эки) ай, 48саат өлчөмүндө иш кагаздарын мамлекеттик тилде жүргүзүүнү үйрөтүү • келишимде көрсөтүлгөн иш милдеттерин өз убагында жана талаптагыдай сапатта, тиешелүү көлөмдө аткарууга; • иш милдеттерин аткарууга илимий жана чыгармачылык мамиле жасоого; • аткарган иштери тууралуу жазуу түрүндө маалымат берүүгө; • келишимди бузуу ниети тууралуу 2 жумадан кечиктирбей жазуу жүзүндө ТАПШЫРУУЧУГА кабарлоого; • окуу аяктаганда курстун угуучуларына сынактын жыйынтыгынын негизинде тастыктама (сертификат) тапшыруу;
2.2.АТКАРУУЧУ өз ишин аткарууда ТАПШЫРУУЧУНУН иш сапатын жогорулатуу максатындагы көрсөтмө-сунуштарын эске алып, аткарылган иштер тууралуу ТАПШЫРУУЧУГА зарылчылыкка жараша маалымат берип турат. 2.3.ТАПШЫРУУЧУ төмөнкүлөргө милдеттүү: • АТКАРУУЧУНУН окуу процессин аткаруусу жана жакшыртуусу үчүн зарыл болгон материалдык-техникалык шарттарды түзүүгө; • кызматкердин сабакка өз убагында катышуусун камсыздоого; • келишимге ылайык АТКАРУУЧУНУН кызмат көрсөтүү акысын ТАПШЫРУУЧУ ар кызматкердин 1 (бир) айлык окуу курсу үчүн 650 (алты жүз элүү) сом эсебинде төлөп берүүгө. 3. Эмгек акы төлөө 3.1. Иш кагаздарын мамлекеттик тиде жүргүзүү курсунун жалпы саны ________ угуучу; 3.2. Келишимдин 2.1. жана 2.3. пункттарында көрсөтүлгөндөй ар бир угуучуга ай үчүн 650 (алты жүз элүүү) сом. 3.3. АТКАРУУЧУ көрсөтүлгөн мөөнөттө жана өлчөмдө, көрсөткөн кызматы үчүн ушул келишимдин 2.3. пунктуна ылайык ТАПШЫРУУЧУ кызмат акыны келишим күчүнө кирип, окуу процесси башталган мөөнөттөн 5 (беш) банктык күндөн кийин төлөп берет. 3.4.Жеке себептери менен окуу курсуна катышпай калган кызматкерлердин төлөм акысы кайтарылып берилбейт. 4. Келишимди бузуу, өзгөртүү, узартуу 4.1. Төмөнкү учурларда Келишим бузулат жана эмгек мамилелери толукталат: • тараптардын макулдашуусу боюнча; • келишимдин мөөнөтү бүткөн учурда;
• келишимде көрсөтүлгөн милдет, талаптар так аткарылбаган учурда; 4.2. Келишимдин шарттары тараптар үчүн милдеттүү юридикалык күчкө ээ жана тараптардын өз ара макулдугу боюнча гана өзгөртүлүшү мүмкүн. Башка шарттар 5.1. Келишим тараптар кол койгон күндөн тартып жана тараптар өз милдеттерин толук аткарганга чейин юридикалык күчкө ээ. 5.2. Келишим 2 нускада түзүлөт жана экөө тең бирдей юридикалык күчкө ээ. 5.3. Тараптардын ортосунда пайда болгон талаш мыйзамда белгиленген тартипте чечилет. 5.4. Бул келишим колдонулган учурда АТКАРУУЧУ башка ишканалар, уюмдар менен ушундай келишим түзүүгө жана эки ишти айкалыштырууга укуктуу.
6. Тараптардын даректери жана колдору:
КЕПИЛДЕМЕ (Рекомендация) Кепилдеме тигил же бул адамды кызматка көтөрүүгө ылайыктуу, татыктуу жана тапшырылган ишти аткарууга жөндөмдүү экендигин билдирүүчү документ болуп эсептелет. Кепилдеме мекеме же уюм тарабынан да, жеке киши тарабынан да берилет. Ар кандай кепилдеменин текстинде кепилдеме берилип жаткан кишинин ишмердүүлүгү, жүрүм-турумуна объективдүү баа берилет. Кепилдеме мазмуну жагынан көп учурда мүнөздөмөгө жакын болот. Ошондуктан жеке кишиге берилген мүнөздөмөдө көрсөтүлгөн объективдүү чындык кепилдеме деп айтылат. Кепилдеме берилип жаткан кишинин активдүү ишмердүүлүгү, адамгерчилиги жана жогорку маданияттуулугу, ар бир кишиге жасаган объективдүү мамилеси, тереӊ билимдүүлүгү менен ага бериле турган жооптуу кызматты ийгиликтүү аткара ала тургандыгына ишеним көрсөтүп, ага кепилдеме берилгендиги билдирилет.
Кепилдеме менен мүнөздөмөнүн айырмасы мүнөздөмөдө мүнөздөлүп жаткан адамдын оӊ жана терс сапаттары көрсөтүлсө, кепилдемеде жалаӊ оӊ сапаттары баяндалып, кепилдеме алып жаткан адамдын ошол белгиленген милдеттерди аткарып кете аларына ишенич билдирилет жана ошол кызматта иштөөгө же уюмга мүчө болууга ж.б. сунуш кылынат, мүнөздөмө мекеме жетекчилиги тарабынан берилет жана ага экиден кем эмес тарап колун коёт. Кепилдемени жеке адам да, жетекчилик да жана эмгекчилер жамааты да бере алат. Түрдүү сыйлыктарды, мисалы, медаль, орден, автомашина ж.б. алууда да тиешелүү адамдарга кепилдеме берилет. Кепилдеме бир нускада жазма түрүндө же компьютерде даярдалат. Ага мөөрдүн коюлушу милдеттүү эмес.
Кепилдеменин маалым даректери: 1.Иш кагаздын аты (КЕПИЛДЕМЕ); 2.Текст; а) кепилдеме берген адамдын аты-жөнү же мекеменин аталышы; б) кепилдеме берилип жаткан адамдын аты-жөнү, кайсы мезгилден бери аталган уюмда иштеп жатканы; в) кепилдеме берилип жаткан адамдын өз кызматына жасаган мамилеси, коомдук иштерге катышуусу; г) кепилдеме алып жаткан адамдын коомго, дүйнөгө болгон көз карашы, жалпы ой өрүшү; д) кепилдеме алып жаткан адамдын үй- бүлөсү жөнүндө кыскача маалымат; 3. Кепилдеме алып жаткан адамдын кызматындагы, өнөр тармагындагы же илимдеги ийгиликтери; 4.Кепилдеме берүүчүнүн кызматы, аты-жөнү жана кепилдеме алып жаткан адамдын сөз болуп жаткан кызматта иштеп кете ала тургандыгы жөнүндө билдирген ишеничи; 5. Кепилдеме жазуучунун кызматы; 6. Кепилдеме берүүчүнүн колу; 7. Кепилдеме берүүчүнүн аты-жөнү; 8. Кепилдеме жазылган күнү, айы, жылы;
Кепилдеменин үлгүсү:
КЫЗМАТ КАТТАРЫ (Служебные письма) Мекемелер арасындагы кызматташууну ишке ашыруучу негизги документ-кызмат каттары. Кат аркылуу аткарыла турган маселелердин көлөмү өтө кеӊ. Анткени мындай каттар аркылуу көп түрдүү көрсөтмөлөр, суроолор, жооптор, түшүндүрүүлөр, өтүнүчтөр кабарлар, сунуштар, кепилдиктер ж.б. берилет. Мазмуну жагынан өтө ар түрдүү болгон мындай документтер жалпысынан кызмат каттары деп аталат. Кызмат каттары мекемелер, уюмдар арасында иш жүргүзүүнүн, байланыштын басымдуу бөлүгүн ишке ашыруучу документ болуп саналат. Кызмат каттары өзгөчөлүктөрү боюнча экиге бөлүнөт: 1. Жооп берүүнү талап кылуучу каттар (доо каттар, суроо каттары, өтүнүч каттар); 2. Жооп берүүнү талап кылбай турган каттар (кошумча кат, аныктоочу кат, эскертүү каты, маалымдама кат, кепилдик кат ж.б.) Мындай каттар белгилүү бир максатта жазылат, маселен, кепилдик каттарда кепил болуу көрсөтүлсө, тиркеме каттарда тиркеме кылына турган каттар жөнүндө кабарлайт. Айрым учурда бир эле катта кепилдик да, сунуш да, эскертүү мазмуну да жазылган учурлар орун алышы мүмкүн. Кызмат каттары, адатта, каттар үчүн атайын даярдалган иш кагаздарына –мекеменин бланкына жазылат. Атайын бланк болбогон учурда кызмат каттары кадимки эле жазуу кагазына жазылат. Мындай учурда анын сол жаккы жогорку бурчуна кат жөнөтүп жаткан мекеменин штампы коюлат. Кызмат каттары атайын басма кагазга (уюмдун, мекеменин фирмалык бланкына) жазылат. Мындай кагаздарда сол жагына тигинен кыргыз тилинде, оӊ жагында расмий тилинде маалым даректери толтурулган атайын кагаз колдонулат. Кызмат каттары эки негизги бөлүктөн –биринчи уюм жөнүндө басмаканалык ыкма менен басылган ар кандай маалыматтардан (уюмдун аталышы, дареги ж.б.), экинчиси-уюм тарабынан даярдалып, компьютерде жазылган тексттин темасы, текст, жетекчи жөнүндөгү маалыматтардан турат.
Кызмат каттарынын маалым даректери төмөнкүдөй: 1-бөлүк. 1.Кыргыз Республикасынын герби же уюмдун эмблемасы; 2. Уюм баш ийген министрликтин, комитеттин же республикалык маанидеги башкарманын аталышы; 3. Уюмдун алган мамлекеттик сыйлыктары (ордендери); 4. Уюмдун аты; 5. Бөлүмдүн аты; 6. Уюмдун коду; 7. Иш кагазынын коду; 8. Уюмдун почта индекси, толук дареги, телефон, телетайп номуру, телефакс коду, мамбанктагы эсеп-кысап номуру; 9. Жыл, күн, ай, жиберилген каттоо белгилери (шарттуу номери, келген күнү, айы, жылы); 10. Келген иш кагазынын катталуу белгилери (шарттуу номуру, келген күнү, айы, жылы); 11. Резолюциялык белги; 12. Тескөө жөнүндө белги; 13. Иш кагаз жөнөтүлгөн дарек (уюмдун аты, эгерде анык болсо, жетекчинин кызматы, аты-жөнү). 2-бөлүк 14. Тексттин темасы; 15. Текст; 16. Тиркемелер жөнүндө белги; 17. Жетекчинин кызматы, колу, аты-жөнү; 18. Макулдук белгиси; 19. Макулдашуу жөнүндө белги; 20. Аткаруучу жөнүндө белги жана анын дареги же телефон номуру; 21. Аткарылгандыгы жөнүндө белги;
Кызмат каттарын даярдоодо жана жиберүүдө төмөнкүлөргө көӊүл буруу керек: 1. Кызмат каттарынын мазмунунун көп түрдүүлүгү жогоруда айтылды, бирок анын кайсы түрүнө кире тургандыгы мазмундан гана билинет; 2. Кызмат каттарынын экинчи бөлүгү компьютерде басылат; 3. Кызмат каттары эки нускада даярдалат. Анын биринчи нускасы атайын басма (фирмалык) кагазга басылат. Биринчи нуска башка уюмга жиберилет. Ал эми экинчи нуска жөнөкөй кагазга басылат жана уюмда сакталат; 4.Кызмат каттарына уюмдун жетекчиси же жетекчинин биринчи орун басары кол коёт. Катта баяндалган маселелер боюнча жоопкерчилик бир нече адамдарга жүктөлсө, коюлган колдордун саны эки же андан ашык болот; 5.Кызмат каты эки же андан көп уюмга жиберилсе, кат жөнөтүлүп жаткан негизи уюм же анын жетекчисинин аты-жөнү биринчи жазылат; 6. Бир эле кызмат катын алуучулардын саны төрт адамдан ашпаганы ылайык; 7. кызмат каттарынын текстинин темалары кыска, так жана мазмунун толук камтый алгандыгы мааниге ээ. Теманын төмөнкүдөй аталыштары сунуш кылынат.: Жиберилген товарлардын кем чыкаандыгы жөнүндө”, “Мектепе ремонту үчүн кошумча каражат бөлүштүрүү тууралуу”, “Азык-түлүк салыктарын кыскартуу жөнүндө” ж.б. у.с.; 8. Кызмат каты атайын басма кагазга эмес жөнөкөй жазуу кагазына жазылса, каттын жогорку сол жак бурчуна уюмдун штампы басылат. Кол коюучу жооптуу адамдын кызматы менен кошо уюмдун аталышы көрсөтүлөт 9мисалы: “Ош машина куруу заводунун” башкы инженери ж.б.); 9. Жетекчинин ордуна анын орун басарынын кол коюшу иш кагаздарын колдонууда кеӊири практикаланып келе жатат. Бирок иш кагазына кол койгон адамдын кызматы так көрсөтүлүшү керек.
10. Кызмат каттары биринчи жактын жекелик же көптүк түрлөрүнүн сылык формасы менен баяндалат. Тексттин мазмунунун сыйымдуулугу талап кылынат. 11. Кызмат каттарынын текстти каттын калган бөлүктөрү менен кошо бир беттен ашпаганы максатка ылайыктуу. Өтө так, анык жана тереӊ баяндоону талап кылган маселелерге 3 бетке чейин орун берилет; 12. Кызмакт каттарынын текстин түзүүдө анын түзүлүшүн билүү мааниге ээ. Ар кандай каттын тексти өз ара логикалык байланышты түзгөн үч бөлүктөн турушу зарыл. Биринчи-киришүү-бөлүктө кат аркылуу тиешелүүуюмга кайрылуунун негизги себеби, экинчи бөлүктө катта коюлуп жаткан маселени чечүү зарылдыгы далилдердин негизинде баяндалат жана үчүнчү (тыянак) бөлүктө кат жазуудагы негизги максат көрсөтүлөт. Айрым кызмат каттарынын мазмунун тексти 1 же 2 бөлүктөн турушу да ыктымал. Катта баяндалган маселелер жоопкерчиликти өзүнө ала турган бир нече кишиге тапшырыла турган болсо, кол коючулардын саны эки же андан көп болушу мүмкүн. Мисалы, төлөөнү кепилге алуу жөнүндө, финансы ж.б.у.с. документтерде катка жетекчи менен бирдикте башкы бухгалтер, экономист кол коюшу мүмкүн. Катта кол коюу белгилүү тартиптин негизинде, тагыраак айтканда, аткарган кызматына ылайыктуу жайгаштырылат. Кол коюдан соӊ кол койгон кишинин фамилиясы кашаага алынбай, ысымынын баш тамгалары фамилиядан мурун жазылат:
Директор (колу) А. Супатаева Баш бухгалтер (колу) Р. Солтобаева
Чакыруу кат (Приглашение) Чакыруу каты чогулушка, салтанаттуу жыйынга белгилүү адамдарды чакыруу үчүн жиберилет. Тексттин мазмунунда өткөрүлүп жаткан жыйын качан, кайсы жерде боло тургандыгы, адамды чакыруудагы негизги максат эмне экендиги так көрсөтүлөт. Чакыруу катынын тилинде расмийлүүлүк (ал “жолдош”, “мырза”, “айым” деген сөздүн бири менен башталат) жана салтанаттуулук (ал көбүнчө “Урматтуу”, “Улуу урматтуу”, “Азиз”, “Кадырлуу” деген сыяктуу сөздөр менен башталат) даана байкалып турушу зарыл. Чакыруу катынын текстиндеги каратма сөз беттин (барактын) ортосуна жазылат да, текст жаӊы абзацтан жана баш тамга менен башталат. Чакыруу катынын текстиндеги салтанаттуулукту сактоо жана күчөтүү максатында текст аяктагандан кийин, “Урматтоо менен” деген клишени пайдаланууга болот. Чакыруу каты эки нускада –биринчи нуска мекеменин бланкына. Экинчи нуска А4 жазуу кагазына даярдалат. Экинчи нуска мекемеде калтырылат. Чакыруу катынын эки нускасы теӊ каттоодон өткөрүлүп, зарыл маалыматтар менен жабдылып, тиешелүү тарапка жиберилет. Чакыруу катынын негизги маалым даректери: 1. Катты алуучунун иштеген мекемеси, кызматы жана аты-жөнү; 2. Каратма сөздүү сүйлөм; 3. Текст; 4. Катты жиберген мекеме жетекчисинин кызматы, колу жана аты, жөнү;
ДОО КАТ Доо кат белгилүү бир уюмдун башка бир уюмга карата талабын жана нааразылыгын билдирүүдө колдонулат. Бул каттын жазылышына негизги себеп-түзүлгөн келишимдин бир тараптуу аткарылбай калышы.Ушундай шартта доо кат жазган тарап өзүнүн мыйзамдуу укуктарын жана кызыкчылыктарын коргоого аракеттенет. Доо кат үч нускада даярдалат. Биринчи нуска келишимди бузган тарапка берилет. Экинчи нуска зыян тарткан тарапта калтырылат. Доо катта көрсөтүлгөн мөөнөттө болгон чыгым төлөнүп берилбесе, анын үчүнчү нускасы сотко же арбитраждык сотко өткөрүлөт. Статистикалык маалыматтарга караганда, доо катары, негизинен, транспорт ишканаларына, темир жол жана аба жолдор башкармалыгына даректеле тургандыгы байкалат. Анткени алар жүк ташуу боюнча өздөрүнө алган милдеттенмелерди жүк ташуу процессинде бузуунун натыйжасында товардын кемип калышы, жүктүн бузулушу ж.б.у.с. жагымсыз натыйжалар келип чыгат. Доо каттарында доогердин талабын негиздеген жана тастыктаган далилдер, көрсөтмөлөр менен соода күбөлүгү (коммерциялык акт) тиркелип, алардын канча беттен (барактан) экендиги белгилениши керек. Доо каттарында төмөнкүлөр тиркелет: 1.Товар-транспорт коштомо кагазы (темир жолдогу, аэрофлоттогу, автотранспорттогу жүк); 2. Соода күбөлүгү (жүктүн бөлүгү жоголсо же жүк бузулса); 3. Жүктү ташуу үчүн алгандыгы жөнүндө дүмүрчөк (жүк бүтүндөй жоголгон учурда); 4. Жөнөтүлгөн жүктүн, товардын саны көрсөтүлгөн документ (эсеп-фактура, төлөм эсеби, наряддар, продукция жөнөтүү үчүн берилген документ; 5. Дооланган сумма (бул сумма доо катынын текстинде көрсөтүлбөгөн учурда жазылат); 6. Доогердин пикири боюнча доонун тууралыгын тастыктай турган документтер; Доо катынын экинчи бөлүгүнүн негизги маалым даректери төмөнкүлөр: 1. Кат жиберилүүчү уюмдун аталышы жана дареги; 2. Доонун баасы (тексттин темасы катары берилет); 3. Текст; 4. Тиркемелердин тизмеси (ар бир иш кагазынын канча беттен турары көрсөтүлөт); 5. Жетекчинин кызматы, колу жана аты-жөнү 6. Доо каттын үлгүсү төмөнкүдөй:
Сураныч кат Сураныч кат- уюмдардын ортосунда жазылат. Бул кат аркылуу кандайдыр бир ишти аткарууу же аягына чыгуу экинчи уюмдан суралат. Сураныч каттын маалымдаректери төмөнкүлөр: 1.Катты алуучу уюм жана жетекчинин аты-жөнү; 2. Текст; 3. Тиркеме (эгерде зарылчылык болсо); 4.Жетекчинин кызматы, колу жана аты-жөнү; Сураныч каттын үлгүсү:
Ишенич кат Ишенич кат -кандайдыр бир шарт же убаданы тастыктоо иретинде түзүлгөн расмий иш кагазы болуп саналат. Каттын бул түрү аткарылуучу иш үчүн акы төлөө, иштин аткарылуу мөөнөтү, кимдир бирөө жумушка кабыл алууда, турак-жай менен камсыз кылууда, аткарылуучу иштин сапаты үчүн ишенич билдиргенде даярдалып, уюм же жеке адамдарга жиберилет. Каттын текстинде “...ишенич билдиребиз”, “...ишендиребиз”, “...өз милдетибизге алабыз” деген туюнтмалар болот. Каржылоо маселеси менен байланыштуу ишенич катка уюмдун жетекчиси менен бирдикте башкы эсепчи кол коёт. Ишенич каттын маалымдаректери: 1. Кат жөнөтүлгөн уюмдун аты, жетекчинин кызматы, аты-жөнү же кат арналган адамдын аты-жөнү; 2. Текст; 3. Уюмдун жеткчисинин кызматы, колу жана аты-жөнү; Ишенич каттын үлгүсү:
Суроо кат Башка уюмдан зарыл болгон иш кагаздар, маалыматтар же башка керектүү нерсе суроо кат аркылуу суралат жана катка жооп талап кылынат. Бир суроо катта бир гана маселе жөнүндө сөз болушу (бир гана суроо болушу) максатка ылайыктуу. Суроо каты, адатта, эки негизги бөлүмдөн: киришүүдөн жана таржымалдан (негизги маселенин жыйынтыгынан) түзүлөт. Киришүү бөлүмүндө суроону жиберүүнүн себеби көрсөтүлөт, ал эми экинчи бөлүмүндө кат жиберилген уюмдан жооп талап кыла турган маселелер баяндалат. Суроо каттын маалым даректери: 1.Кат арналган уюм, жетекчинин кызматы, аты-жөнү; 2. Текст; а)киришүү бөлүгү; б)тыянак бөлүгү; 3. Уюмдун жетекчисинин кызматы, колу жана аты-жөнү;
Тастык кат Тастык кат уюмдун башка бир уюмга суроо катын алгандыгы жана ал суроого болгон мамилесин туюндургандыгын баяндоочу расмий иш кагазы болуп саналат. Тастык каттын текстинде кайсы суроо катка жооп берилип жаткандыгы мүмкүн болушунча так көрсөтүлүшү керек. Бул каттын текстиндеги негизги сөз -“тастыктайбыз”. Тастык кат кээде жооп кат деп да аталат жана ал төмөнкүдөй маалым даректерден турат: 1.Жооп жазылып жаткан уюмдун аты, жетекчисинин кызматы жана аты-жөнү; 2. Текст: а)каттын номуру, качан жана эмне сурап жазылгандыгы; б)суроого, өтүнүчкө карата уюмдун оӊ же терс жообу; 3. Жетекчинин кызматы, колу жана аты-жөнү.
Буйрук кат Буйрук кат- бир тармакка тиешелүү болгон уюмдарга бирдей мазмундагы иш чараны аткаруу үчүн жогорку уюмдан берилген ар кандай буйруктарды баяндоочу иш кагазы. Буйрук каттын нускасы жиберилүүчү уюмдардын санына жараша даярдалат. Анын биринчи нускасы катты жиберген уюмда сакталат да. Калган нускалары тизме боюнча уюмдун курамына кирген төмөнкү инстанциядагы уюмдарга жиберилет. Буйрук каттын маалымдаректери: 1. Каттын кайсы уюмдардын кандай жетекчилерине жөнөтүлгөндүгү; 2. Текст; 3. Уюмдун жетекчисинин кызматы, колу жана аты-жөнү; Буйрук каттын үлгүсү:
8. Эскертүү кат Эскертүү кат жиберилген суроо каттарга карата тастык кат алынбаганда, түзүлгөн келишимдердин мөөнөтү бүткөндө, шарты өзгөргөндө же анын аткарылышына көӊүл бурулбай калганда тиешелүү уюмга жазылат. Эскертүү каты көлөм жагынан анча чоӊ болбойт. Кайсы мезгилде, канчанчы номур менен жиберилген кат экендиги текстте эскертилип, суроо катынын мазмуну кыскача баяндалат. Кызмат каттарынын бул түрү телеграмма формасында да жиберилет. Анда эскертүү катын жиберген уюмдун аты толук көрсөтүлөт. Эскертүү катынын маалым даректери: 1. Кат жиберилген уюмдун аты; 2. Текст; 3. Катты даярдоочу (референт же катчы), колу жана аты-жөнү;
Маалым кат (Справка) Ар кандай абалдарды, болгон окуяны ж.б. маалыматтарды билдирүү же кабарлоо максатында жазылган расмий иш кагазы-маалым кат. Ал уюм тарабынан жеке адамдарга, жеке адамдар тарабынан уюмга карата жазылат. Маалым кат кол жазма түрүндө, же компьютерде даярдалат. Басмакана ыкмасы менен даярдалган маалым каттын бланкы толтурулат. Маалым катка уюмдун жетекчиси (айрым учурда башкы эсепчи, кадрлар бөлүмүнүн башчысы ж.б.), маалым катты жазган жооптуу адам кол коёт. Уюмдун штампы, мөөрү жана коюлган колдор менен тастыкталат. Маалым кат арналышына жана мазмунуна карата кызмат маалым каты жана өздүк маалым кат болуп бөлүнөт. Кызмат маалым каты уюмдун ишмердигине ылайык ар кандай окуяларды расмий түрдө баяндайт жана тастыктайт. Маалым каттын бул түрү жогорку инстанцияларга же жетекчиге жазылат. Маалым каттын текстинин мазмуну эмгек тартибинин абалы, материалдык товар байлыктарынын сакталышы, өндүрүштөгү экологиялык абалдын өзгөчөлүгү, уюмдун каржылык ишмердиги, пландаштырылган милдеттенмелердин аткарылышы ж. б. маселелерди камтышы мүмкүн. Кызмат маалым каты ички кызмат маалым каты жана тышкы кызмат маалым каты болуп бөлүнөт. Ички кызмат маалымкаты Ички кызмат маалым каты уюмдун ички иштери, чарбалык ишмердиги, айрым кызматкерлери жөнүндө даярдалат жана ошол уюмдун жетекчисине жиберилет. Мындай маалым каттарды уюмдагы кадрлар бөлүмүнүн башчысы, иш жүргүзүүчү ж.б. түзөт жана кол коёт. Ички кызмат маалым каты жөнөкөй кагазга кол жазма түрүндө да жазылат. Ички кызмат маалым катынын маалым даректери: 1. Маалым кат жөнөтүлүүчү уюм, жетекчиси, анын аты-жөнү; 2. Иш кагаздын аты (МААЛЫМ КАТ); 3. Тексттин темасы; 4. Текст; 5. Маалым катты түзүүчүнүн кызматы; 6. Маалым кат түзүүчүнүн колу; 7. Маалым кат түзүүчүнүн аты-жөнү; 8. Маалым кат даярдалган күн, ай, жылы; Ички кызмат маалым каттын үлгүсү:
Тышкы кызмат маалым каты Тышкы кызмат маалым каты уюмдун атынан жогорку инстанцияларга же жогорку жетекчиликке алардын көрсөтмөсүнө жана талабына ылайык даярдалат. Маалымкаттын бул түрү компьютерде даярдалып, ага жетекчи кол коёт. Тышкы кызмат маалымкаты атайын кагазга (фирмалык бланкка) да даярдалат. Бул иш кагазынын маалымдаректери ички кызмат маалымкатынын маалымдаректерине туура келет. Айырмасы –тышкы кызмат маалымкат жазылган атайын бланкта басмаканада даярдалган кошумча маалыматтар (маалымкат жиберилген уюмдун дареги, байланыш бөлүмүнүн индекси ж.б.) болот. 3.Өздүк маалым кат
|
||||||||||||||||||||||||||||||||||||||||||
Последнее изменение этой страницы: 2016-04-26; просмотров: 1155; Нарушение авторского права страницы; Мы поможем в написании вашей работы! infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 3.133.156.156 (0.136 с.) |