Сурет 3.11 - Жылумен қамтамасыздандырудың бірқұбырлы жылу жүйесі

Қосылу сызбалары:
а — О(ЗСС) Г(АН); б — О(Н) Г(АВ); в — Г(АВ); 22 — араластырғыш түйін; 23 — жіберуші құрылғы; басқа белгіленулер  3.6 суретіндегідей.

 

3.11, б, сызбасында көрсетілгендей суқұбырынан судың араластырғыш түйінге 22 жіберілуі қарастырылған. Мұндай қажеттілік желілік судың жоғары температурасы кезінде пайда болуы мүмкін. 3.11, в суретінде ыстық сумен қамтамасыздандырудың оқшауланған абоненттік кірісі көрсетілген.

Ыстық сумен қамтамасыздандыру жүктемесінің тәуліктік графигін тегістеу абоненттік кірітерде орналасқан ыстық су аккумуляторларымен жүзеге асырылады. Ыстық сумен қамтамасыздандыру қондырғыларының оқшауланған қосылыс кезінде (сурет 3.11, в) араластырғыш түйіндегі 22 тұрақты температура суқұбырындағы суық су желілік суға араласатын температура реттегіші 13 көмегімен сақталады.

Заманауи қалаларда бірқұбырлы жылу жүйелерін пайдалану мүмкіндігі шектеулі, себебі тұрғын үй ғимараттарында барлық ыңғайлылықтар жасалғанда тұрмыстық қажеттіліктерге ыстық суды пайдалану орта есеппен жылытуға арналған желілік су есептік шығынының тек 40—50 % құрайды. Ал пайдаланылмаған ыстық суды канализацияға жіберу экономикалық тұрғыдан тиімсіз. Бірқұбырлы жылу жүйелері негізінен тек ыстық сумен қамтамасыздандыру жүктемесінің қатысты үлесі бар аудандарда ғана қолданылуы мүмкін, ал көптеген абоненттердің орташа тәуліктік су шығыны жылытуға арналған есептік су шығынынан артық немесе тең. Мұндай жағдайлар демалыс үйлер, шипажайлары, емдеу орталықтары көп оңтүстік аудандарда ереуше орынға ие.

Бірқұбырлы жылу жүйесін жылуды транзитті тасымалдау үшін қолданған жөн, мысалға, жылуды тұтынушылардан айтарлықтай арақашықтықта орналасқан ЖЭО – тен жылумен қамтамасыздандырудың екіқұбырлы жүйесін пайдаланушы аудандарды сақтау кезінде жылуды пайдаланушы аудандарға беру үшін. Бұл жағдайда транзитті бірқұбырлы жүйе және ауданның жылу жүйесі әртүрлі температураларда, гидравликалық тәртіптерде жұмыс істейді. Ауданның жылу жүйесі, әдетте жылумен қамтамасыздандырудың екіқұбырлы ашық жүйесі абоненттерді жылумен кез келген ыстық сумен қамтамасыздандыру және жылыту қатынастарында қанағаттандыра алады.

Бірқұбырлы транзитті сызық жүйенің сіңіру сызығының қызметін атқарады. Барлық жүйе құйылмайтын болу үшін транзитті сызықтағы сушығыны тәулік ішінде немесе басқа уақыт арасында, мысалы апта ішінде ыстық сумен қамтамасыздандырудағы су шығынына тең болуы тиіс.