Кондаки в понедельник, 14 марта 2016 г.

Кондак дне, глас 2:

Архистратизи Божии, служителие Божественныя славы, Ангелов начальницы, и человеков наставницы, полезное нам просите, и велию милость, яко безплотных Архистратизи.

Посем глаголем кондак храма:

…

И святаго рядоваго:

Кондак, глас 4: Во страдании твоем добре подвизавшися, и по смерти нас освящаеши чудес излиянии, всехвальная, верою прибегающия в Божественную церковь твою, и торжествующе молим тя, преподобная мученице Евдокие: да избавимся недуг душевных, и чудес благодать почерпем.

Слава: Со святыми упокой…

И ныне: Предстательство христиан…

 

Кондаки во вторник, 15 марта 2016 г.

Кондак дне, глас 2

Подобен: Вышних ищи:

Пророче Божий и Предтече благодати, главу твою, яко шипок священнейший от земли обретше, исцеления все­гда приемлем: ибо паки, якоже прежде в мире, проповедуеши покаяние.

Посем глаголем кондак храма:

…

И святаго рядоваго:

…

Слава: Со святыми упокой…

И ныне: Предстательство христиан…

 

Кондаки в среду, 16 марта 2016 г.

Кондак дне, глас 4

Вознесыйся на Крест волею, тезоименитому Твоему новому жительству щедроты Твоя даруй, Христе Боже: возвесели нас силою Твоею, победы дая нам на супоста­ты, пособие имущим Твое, оружие мира, непобедимую победу.

 

Посем глаголем кондак храма:

…

И святаго рядоваго:

…

Слава: Со святыми упокой…

И ныне: Предстательство христиан…

 

Кондаки в четверг, 17 марта 2016 г.

Кондак дне, глас 2

Твердыя и боговещанныя проповедатели, верх ученик Твоих, Господи, приял еси в наслаждение благих Твоих и покой: болезни бо онех, и смерть приял еси, паче всякаго всеплодия, едине сведый сердечная.

Кондак святителя Николая, глас 3:

В иерех, святе, священнодействитель показался еси: Христово бо, преподобне, Евангелие исполнив, положил еси душу твою о людех твоих, и спасл еси неповинныя от смерти: сего ради освятился еси, яко великий таинник Бо­жия благодати.

Посем глаголем кондак храма:

…

И святаго рядоваго:

…

Слава: Со святыми упокой…

И ныне: Предстательство христиан…

 

Кондаки в пятницу, 18 марта 2016 г.

Кондак дне, глас 4

Вознесыйся на Крест волею, тезоименитому Твоему новому жительству щедроты Твоя даруй, Христе Боже: возвесели нас силою Твоею, победы дая нам на супос­таты, пособие имущим Твое оружие мира, непобедимую победу.

Посем глаголем кондак храма:

…

И святаго рядоваго:

…

Слава: Со святыми упокой…

И ныне: Предстательство христиан…

 

 

Господи, помилуй. (40 раз.)

Слава: И ныне: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Именем Господним благослови, отче.

Священник: Боже, ущедри ны и благослови ны, просвети лице Твое на ны и помилуй ны.

Чтец: Аминь.

И глаголет священник молитву святаго Ефрема (с 16 поклонами).

Чтец: Аминь.

 

Окончание изобразительных в среду и пятницу

Трисвятое по Отче наш: Священник: Яко Твое есть Царство: Чтец: Аминь. Господи, помилуй. (12 раз).

Всесвятая Троице, Единосущная Державо, нераздель­ное Царство, всех благих вина, благоволи же и о мне, грешнем, утверди, вразуми сердце мое и всю мою отыми скверну. Просвети мою мысль, да выну славлю, пою, и покланяюся, и глаголю: един Свят, един Господь Иисус Хри­стос, в славу Бога Отца. Аминь.

Священник: Премудрость.

Лик: Достойно есть яко воистинну блажити Тя Богоро­дицу, Присноблаженную и Пренепорочную и Матерь Бога нашего.

Священник: Пресвятая Богородице спаси нас.

Лик: Честнейшую Херувим и славнейшую без сравне­ния Серафим, без нетления Бога Слова рождшую, сущую Богородицу Тя величаем.

Священник: Слава Тебе Христе Боже, Упование наше, слава Тебе.

Лик: Слава, и ныне. Господи, помилуй. (Трижды.) Благослови.

Священник: Христос, Истинный Бог наш, молитвами Пречистыя Своей Матере, силою Честнаго и Животворя­щаго Креста, святых славных и всехвальных апостол, (святых храма и дне), и святых праведных Богоотец Иоакима и Анны, и всех святых, помилует и спасет нас, яко Благ и Человеколюбец.

Лик: Господи, помилуй. (Трижды.)

ЛИТУРГИЯ ПРЕЖДЕОСВЯЩЕННЫХ ДАРОВ

Диакон: Благослови, владыко.

Священник: Благословено Царство Отца и Сына и Святаго Духа, ныне и присно и во веки веков.

Лик: Аминь.

 

ВЕЧЕРНЯ [1]

Приидите, поклонимся Цареви нашему Богу.

Приидите, поклонимся и припадем Христу, Цареви нашему Богу.

Приидите, поклонимся и припадем Самому Христу, Цареви и Богу нашему.

Предначинательный псалом 103 (Благослови, душе моя, Господа…).

Слава: И ныне: Аллилуиа, аллилуиа, аллилуиа, слава Тебе, Боже. (Трижды.)

Посем ектения великая.

Кафисма 18-я

Псалом 119 (Ко Господу, внегда скорбети ми, воззвах…).

Псалом 120 (Возведох очи мои в горы…).

Псалом 121 (Возвеселихся о рекших мне…).

Псалом 122 (К Тебе возведох очи мои…).

Псалом 123 (Яко аще не Господь бы был в нас…).

Слава:

Лик: И ныне:

Аллилуиа, аллилуиа, аллилуиа, слава Тебе, Боже. (Трижды.)

В понедельник, вторник и четверг:

Лик: Господи, помилуй. (Трижды.) Слава:

Чтец: И ныне:

 

В среду и пятницу:

Ектения малая. Возглас: Яко Твоя держава: Лик: Аминь.

 

Псалом 124 (Надеющиися на Господа, яко гора Сион…).

Псалом 125 (Внегда возвратити Господу плен Сионь…).

Псалом 126 (Аще не Господь созиждет дом…).

Псалом 127 (Блажени вси боящиися Господа…).

Псалом 128 (Множицею брашася со мною от юности моей…).

Слава:

Лик: И ныне:

Аллилуиа, аллилуиа, аллилуиа, слава Тебе, Боже. (Трижды.)

 

В понедельник, вторник и четверг:

Лик: Господи, помилуй. (Трижды.) Слава:

Чтец: И ныне:

 

В среду и пятницу:

Ектения малая. Возглас: Яко Твоя держава: Лик: Аминь.

Псалом 129 (Из глубины воззвах к Тебе, Господи…).

Псалом 130 (Господи, не вознесеся сердце мое…).

Псалом 131 (Помяни, Господи, Давида и всю кротость его…).

Псалом 132 (Се что добро, или что красно…).

Псалом 133 (Се ныне благословите Господа…).

Слава: И ныне: Аллилуиа, аллилуиа, аллилуиа, слава Тебе, Боже. (Трижды.)

 

Посем ектения малая.

Таже поем Господи, воззвах... на оба лика.

В понедельник и вторник – во глас 2.

В среду – во глас 8.

В четверг – во глас 2.

В пятницу – во глас 5.

Господи, воззвах к Тебе, услыши мя, услыши мя Господи.

Господи, воззвах к Тебе, услыши мя: Вонми гласу моления моего, внегда воззвати ми к Тебе. Услыши мя Господи.

Да исправится молитва моя, яко кадило пред Тобою, воздеяние руку моею жертва вечерняя. Услыши мя Господи.

Положи, Господи, хранение устом моим, и дверь ограждения о устнах моих. Не уклони сердце мое в словеса лукавствия, непщевати вины о гресех, с человеки делающими беззаконие, и не сочтуся со избранными их. Накажет мя праведник милостию и обличит мя, елей же грешнаго да не намастит главы моея, яко еще и молитва моя во благоволениих их. Пожерты быша при камени судии их: услышатся глаголи мои, яко возмогоша. Яко толща земли проседеся на земли, расточишася кости их при аде. Яко к Тебе, Господи, Господи, очи мои: на Тя уповах, не отыми душу мою. Сохрани мя от сети, юже составиша ми, и от соблазн делающих беззаконие. Падут во мрежу свою грешницы: един есмь аз, дондеже прейду.

Гласом моим ко Господу воззвах, гласом моим ко Господу помолихся. Пролию пред Ним моление мое, печаль мою пред Ним возвещу. Внегда исчезати от мене духу моему: и Ты познал еси стези моя: на пути сем, по немуже хождах, скрыша сеть мне. Смотрях одесную и возглядах, и не бе знаяй мене: погибе бегство от мене, и несть взыскаяй душу мою. Воззвах к Тебе, Господи, рех: Ты еси упование мое, часть моя еси на земли живых. Вонми молению моему, яко смирихся зело, избави мя от гонящих мя, яко укрепишася паче мене.

В понедельник

Изведи из темницы душу мою, исповедатися имени Твоему. Мене ждут праведницы, дондеже воздаси мне. Из глубины воззвах к Тебе, Господи, Господи, услыши глас мой. Да будут уши Твои, внемлюще гласу моления моего.

Стих: Аще беззакония назриши, Господи, Господи, кто постоит? яко у Тебе очищение есть.

Стихиры Триоди, творения господина Иосифа, глас 2:

Подобен: Вся прейду:

Всякий грех содеях, всех преидох блудом: аще восхощу покаятися, не имам слез токи. Аще леностно и ныне поживу, муце повинен есмь. Но даждь ми исправление, едине Благий Боже, и помилуй мя.

Стих: Имене ради Твоего потерпех Тя, Господи, потерпе душа моя в слово Твое, упова душа моя на Господа.

Тучи ми подаждь, Христе, слез, в поста красный день, яко да восплачу, и отмыю скверну яже от сластей, и явлюся Тебе очищен, егда, Судие, с небесе имаши приити, Господи, судити человеком, яко Судия и Праведный един.

Глас 5, стих: От стражи утренния до нощи, от стражи утренния, да уповает Израиль на Господа.

Ин, господина Феодора Студита:

Подобен: Преподобне отче:

Приидите усердно, твердое оружие поста имуще яко щит, всякую кознь прелести вражия отвратим, вернии. Не опалимся сладостьми страстей, ни огня искушений убоимся, имиже Христос Человеколюбец почестьми терпения венчает нас. Темже со дерзновением молящеся, припадаем зовуще, просяще мира и душам нашим велия милости.