Псалом 50. (покаянный Псалом – его читают перед тем как молиться. )

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом владычним утверди мя. Научу беззаконыя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.

 

Молитва перед началом всякого дела.

Господи, Иисусе Христе, Сыне Единородный Безначального Отца! Ты рекл еси пречистыми Твоими усты: яко без Мене не можете творити ничесоже. Господи мой, Господи, верою объем в души моей и сердце Тобою реченная, припадаю Твоей благости: помоги ми, грешному, сие дело, мною начинаемое, о Тебе Самом совершити, во имя Отца и Сына и Святаго Духа. Аминь.

 

Молитва Михаилу Архистратигу. (молитва Защиты)

Господи, Боже, Великий Царю, Безначальный!

Пошли, Господи, Архангела Твоего Михаила на помощь рабу Твоему (имя) изъяти мя от враг моих видимых и невидимых.

О, Господень Михаиле Архангеле! демонов сокрушителю: запрети всем врагам борющимся со мною, сотвори их, яко овцы и сокруши их, яко прах пред лицем ветра.

О, Господень Великий Архангеле Михаиле!

Шестокрылатый первый княже, воеводо небесных сил Херувим и Серафим.

О, угодный Михаиле Архангеле, буди ми помощник во всех обидах, в скорбях И на морях -- тихое пристанище. Избави мя, Великий Михаиле Архангеле, от всяких прелестей диавольских, егда Услыши мя грешного раба своего (имя) молящегося тебе и призывающего тебя,

И призывающего имя твое святое: ускори на помощь ми и услыши молитву мою.

О, великий Архангеле Михаиле! Победи вся противящееся ми силою Честного и Животворящего Небесного Креста Господня, молитвами Пресвятые Богородице и Святых апостолов, святого Андрея юродивого, святых великомучеников Никиты и Евстафия, преподобных отец и святых святителей, мучеников и всех святых Небесных сил.

 

Молитва древняя, написана на алтаре Чудова монастыря в Кремле в церкви Михаила. Аще который человек прочитает сию молитву -- того дня не прикоснется к нему Ни диавол, ни злой человек, лестью не обольстится сердце его. Аще ли преставится от жития сего, то душа его не станет достоянием ада.

 

Молитва на изгнание злых духов и сохранение от диавола.

Тебе, Богу и Творцу моему, в Троице Святей славимому Отцу, и Сыну, и Святому Духу, поклоняюся и вручаю душу и тело мое, и молюся: Ты меня благослови, Ты меня помилуй, и от всякого мирского, диавольскаго и телесного зла избави. И даждь в мире без греха прейти день сей, во славу Твою, и во спасение души моей.

 

К Тебе, Владыко Человеколюбче, от сна восстав прибегаю, и на дела Твои подвизаюся милосердием Твоим, и молюся Тебе: помоги мне на всякое время, во всякой вещи, во всех делах, и избави от всякие мирские злые вещи, от мирской суеты и худых дел и желаний, и диавольского поспешения и нетерпения, и спаси меня, введи в царство Твое вечное. Ты бо еси мой Сотворитель и всякому благу Промысленник и Податель, о Тебе же всё упование мое, и Тебе славу возсылаю, ныне и присно, и во веки веков.

Псалом 90. (молитва Защиты, если есть большая опасность то эту молитву читают утром и вечером по три раза, пока есть опасность и благодарить Бога за Его помощь и защиту)

Живый в помощи Вышняго, в крове Бога Небесного водворится. Речет Господеви: Заступник мой еси и Прибежище мое, Бог мой и уповаю на Него. Яко Той избавит тя от сети ловчи и от словеса мятежна, плещма Своими осенит тя, и под криле Его надеешися, оружием обыдет тя истина Его. Не убоишися от страха нощного, от стрелы летящия во дни, от вещи во тьме преходящия, от сряща и беса полуденного. Падет от страны твоея тысяща, и тьма одесную тебе, к тебе же не приближится, обаче очима твоима смотриши и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится к телеси твоему, яко Ангелом Своим заповесть о тебе, сохранити тя во всех путях твоих. На руках возьмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю, и покрыю и, яко позна имя Мое. Воззовет ко Мне

(Господи Иисусе Христе Сыне Божий, во имя Твое, Богородицы ради, помилуй, спаси и сохрани рабов Божиих (имена) от всякой беды, от всех врагов видимых и невидимых, и от всех злых и коварных людей) – и услышу его: с ним есмь в скорби, изму его и прославлю его, долготою дней исполню его и явлю ему спасение Мое. (Эту молитву нужно читать, когда кто-то заболел 3 – 12 раз.

 

Молитва Кресту. (молитва Защиты)

Да воскреснет Бог, и расточатся Враги Его, и да бежат от лица Его ненавидящие Его. Яко исчезает дым, да исчезнут; яко тает воск от лица огня, тако да погибнут бесы от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятого Господа нашего Иисуса Христа, во ад сшедшего и поправшего силу диавола, и даровавшего нам тебе Крест Свой Честный на прогнание всякого супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки.

(Также эту молитву нужно читать, когда кто-то заболел 3 – 12 раз.)Огради мя, Господи, силою Честного и Животворящего Твоего Креста, и сохрани мя от всякого зла.

Молитва святого Иоанна Златоуста (24 молитвы, по числу часов дня и ночи)

 

Господи, не лиши мене небесных Твоих благ. Господи, избави мя вечных мук.

Господи, умом ли или помышлением, словом или делом согреших, прости мя.

Господи, избави мя всякаго неведения и забвения, и малодушия, и окамененнаго нечувствия.

Господи, избави мя от всякаго искушения.

Господи, просвети мое сердце, еже помрачи лукавое похотение.

Господи, аз яко человек согреших, Ты же яко Бог щедр, помилуй мя, видя немощь души моея.

Господи, посли благодать Твою в помощь мне, да прославлю имя Твое святое.

Господи Иисусе Христе, напиши мя раба Твоего в книзе животней и даруй ми конец благий.

Господи, Боже мой, аще и ничтоже благо сотворих пред Тобою, но даждь ми по благодати Твоей

положити начало благое.

Господи, окропи в сердце моем росу благодати Твоея.

Господи небесе и земли, помяни мя грешнаго раба Твоего, студнаго и нечистаго, во Царствии Твоем.

 

Господи, в покаянии приими мя. Господи, не остави мене.

Господи, не введи мене в напасть. Господи, даждь ми мысль благу.

Господи, даждь ми слезы и память смертную, и умиление.

Господи, даждь ми помысл исповедания грехов моих.

Господи, даждь ми смирение, целомудрие и послушание.

Господи, даждь ми терпение, великодушие и кротость.

Господи, всели в мя корень благих, страх Твой в сердце мое.

Господи, сподоби мя любити Тя от всея души моея и помышления и творити во всем волю Твою.

Господи, покрый мя от человек некоторых, и бесов, и страстей, и от всякия иныя неподобныя вещи.

Господи, веси, яко твориши, якоже Ты волиши, да будет воля Твоя и во мне грешнем, яко благословен

еси во веки. Аминь.

Молитвы Богородице.

Пресвятая Владычеца моя Богородице, святыми Твоими и всесильными мольбами отжени от меня, смиренного и окаянного раба Твоего, уныние, забвение, неразумие, нерадение, злобу и раздражительность, нетерпение и торопливость, гордыню и тщеславие, равнодушие и лень, жадность и зависть, и вся скверная, лукавая, блудная и хульная помышление от окаянного моего сердца и от помраченного ума моего; и погаси пламень страстей моих, яко нищ есмь и окаянен. И Избави меня от многих и лютых воспоминаний и предприятий, и от всех действ злых духов освободи меня. Яко благословена еси от всех родов, и славится пречестное имя Твое во веки веков.

Царице моя преблагая, надежда моя Богородице, приятельница сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помоги мне яко немощну, окорми мя яко странна. Обиду мою веси, разреши ту, яко волиши: яко не имам иные помощи разве Тебе, ни иные предстательницы, ни благие утешительницы, токмо Тебе, о Богомати, яко да сохраниши мя и покрыеши во веки веков.