Обьективті тексеру әдістері: Пальпация, Пепкуссия,Аускультация.

Пальпация (лат. тілінде «palpatio» - «ощупывание» сипалап қарау).

Науқаспен сұқбаттасып, жалпы қарап тексеріп болғаннан кейін пальпация тәсілі қолданылады.Пальпация тәсілінің дене мүшелерінің физикалық қасиеттері мен сезімталдығын анықтауда маңызы үлкен. Сипап зерттеумедицинаның ерте кезеңінде қолданылған, бұл жөнінде Гиппократ еңбектерінде жазылған. Бұрын бұл тәсіл сыртқы мүшелерді зерттеуге ғана қолданылса, кейін ішкі ағзалардың көлемін, пішінін және басқа қасиеттерін зерттеуге мүмкін екендігі белгілі болды.

XX ғасырдың ортасында Лаэннек, Пиорри және Шкода пальпация көмегімен тыныс жолдары немесе жүрек ұшы түрткісі туындататын дыбыс дірілін зерттеуге болатындығын анықтады.

XX ғасырдың аяғында С.П.Боткин, В.П.Образцов пальпация құрсақ қуысында орналасқан ағзаларды зерттеу үшін қолданылатынын медицинаға енгізді. Осы мәліметтерді қорытындылай келе пальпация көмегімен дене терісінің құрғақтығы, ылғалдылығы, серпінділігі, денедегі ісіктер, қан тамырлардың соғуы, сүйектер мен буындардағы патологиялық өзгерістер мен ауырсыну, бұлшық еттердің даму дәрежесі мен жиырылып қорғануы, лимфа түйіндердің саны, көлемі, қозғалғыштығы, ауырсынуы, тері және жанындағы ағзалармен байланысы, қалқанша бездің көлемі, беткейінің сипаты, консистенциясы, соғуы анықталады. Тыныс ағзаларын тексергенде кеуде торының серпінділігі, дыбыс дірілін өткізгіштігі, қабырға және қабырға аралық аймақтардың ауырсынуы анықталады.

Жүрек қан тамырлар жүйесін тексергенде жүрек ұшы түрткісі мен жүрек түрткісінің сипаты, жүрек ақауларында кездесетін «мысық пырылы» симптомы анықталады.

Құрсақ қуысын тексергенде іш терісінің құрғақтығы, ылғалдылығы, асқазан, ішек, бауыр т.б. ағзалардың орналасқан орны, қыры мен беткейінің сипаты, көлемі, ауырсыну сезімі, патологиялық ошақтың көлемі мен орналасқан орны анықталады. Сондықтан сипап тексерудің бірнеше тәсілі қолданылады.

1. Үстіртін сипау.

2.Терең сипау.

3.Қос қолды (бимануальды) сипау

4.Түрте сипау.

5.Қадай сипау.

6.Үстіртін сырғыта сипау.