Припев:      Святии му́ченицы, моли́те Бо́га о нас.

Припев:      Святии му́ченицы, моли́те Бо́га о нас.

Тропарь:        Прича́стницы сла́вы Христо́вы, общева́вшеся сме́рти бы́сте, святи́и му́ченицы,/ и Ца́рствия диади́мою украси́стеся све́тло./ Бо́гу же предстои́те, нам прося́ще спасе́ния душе́внаго, достосла́внии.

Припев:      Святии му́ченицы, моли́те Бо́га о нас.

Тропарь:        Зако́ннии яви́стеся Христо́ви во́ини и непобеди́мии му́ченицы,/ Аре́фо всему́дре и со страда́вшими с тобо́ю усе́рдно,/ со страстоте́рпицами жена́ми, де́вы отрокови́цы,/ те́мже мо́лим:/ приле́жно о нас моли́теся.

Припев:   Святии му́ченицы, моли́те Бо́га о нас.

Тропарь:        Упра́ви, Сло́ве Бо́жий, жизнь мою́ и окорми́, Влады́ко,/ уго́дников Твои́х моле́ньми лю́бящих Тя,/ и сподо́би тех соприча́стнику бы́ти, грехи́ моя́ презира́я/ я́ко Благ и Человеколю́бец.

Припев:      Пресвята́я Богоро́дице, спаси́ нас.

Богородичен:  Селе́ние была́ еси́ Бо́жие, Невмести́маго во чре́ве вме́щшая/ и, пре́жде Безпло́тнаго, воплоще́нна нам поро́ждшая./ Его́же ны́не умоли́, Чи́стая, прегреше́ний оставле́ние всем дарова́ти,/ ве́рою Тя при́сно велича́ющим.

 

Кано́н из Окто́иха (му́ченичны́й), глас 2:

Припев:      Вси святи́и, моли́те Бо́га о нас.

Тропарь:        Кре́пцы на стра́сти, си́льни на враги́ я́вльшеся страстоте́рпцы: взя́сте побе́ду пострада́вше зако́нно, и венча́стеся от Бо́га.

 

Припев:      Вси святи́и, моли́те Бо́га о нас.

Тропарь:        Я́ко Бо́жии священноде́лателие, и па́стыря до́браго подо́бницы бы́вше, упасо́сте того́ о́вцы преподо́бне, первосвяще́нницы Богосла́внии.

 

Припев:          Сла́ва Отцу́ и Сы́ну и Свято́му Ду́ху.

Поко́ин:      Пресла́вное мно́жество святы́х Твои́х, Христе́, непреста́нно мо́лят Тя́: и́хже преста́вил еси́ в ве́ре, Го́споди, прича́стники яви́ ве́чнаго живота́.

 

                   И ны́не и при́сно и во ве́ки веко́в, ами́нь.

Богородичен:  Щедролюби́ваго Бо́га ро́ждшая пло́тию, со святы́ми все́ми моли́ того́ при́сно, от бе́д на́с спасти́, Ма́ти Де́во Чи́стая.

Катава́сия, глас 2: