Припев:      Вси святи́и, моли́те Бо́га о нас.

Припев:      Вси святи́и, моли́те Бо́га о нас.

Тропарь:        И́же Христо́вым страсте́м Богосла́внии страстоте́рпцы уподо́бльшеся до́бре, распростира́еми ра́довахуся мно́гими му́ками, на ве́чная воздая́ния взира́юще: и́хже получи́вше ублажа́ются при́сно.

 

Припев:      Вси святи́и, моли́те Бо́га о нас.

Тропарь:        Зако́ны соблюда́юще Ду́ха, первосвяще́нницы прему́дренно упасо́сте лю́ди, я́ко ко́рмчии преизря́днии на Боже́ственне приста́нищи, и преложи́вшеся от жите́йских мо́лв, к тишине́ преидо́сте живота́.

 

Припев:          Сла́ва Отцу́ и Сы́ну и Свято́му Ду́ху.

Поко́ин:      Ме́ртвости Боже́ственныя жела́юще, жи́знь безконе́чную хода́тайствующе вои́стинну, тобо́ю, Пречи́стая Влады́чице Богороди́тельнице, честны́я жены́ сподо́бишася тоя́, моля́ще Сы́на Твоего́ и Бо́га о на́с.

 

                   И ны́не и при́сно и во ве́ки веко́в, ами́нь.

Богородичен:  Го́ру присе́нную зри́т Тя́ доброде́тельми, проро́к Авваку́м, Богоро́дице, из нея́же яви́ся Бо́г неизрече́нно, доброде́телию покры́в небеса́, и ро́д челове́ческий из истле́ния спасы́й.

 

Б)Песнь 4:

Кано́н му́ченика Аре́фы и и́же с ним, глас 8:

Ирмос:            Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра о́тча/ и на́шу нищету́ посети́в./ Тем с проро́ком Авваку́мом зову́ Ти:/ си́ле Твое́й сла́ва, Человеколю́бче. (Дважды)

Припев:      Святии му́ченицы, моли́те Бо́га о нас.

Тропарь:        Собо́р, укрепля́ем благода́тию,/ и лик Боже́ственный и пресве́тлый,/ му́ченически мно́жество стражда́, во́инство победоно́сное,/ Аре́фу иму́ще чинонача́льника,/ да пое́тся любо́вию че́стно песнопою́щими:/ си́ле Твое́й сла́ва, Человеколю́бче.

Припев:      Святии му́ченицы, моли́те Бо́га о нас.

Тропарь:        Твои́м содержа́щей ра́зумом Богому́дрый град твой, пребога́те,/ седи́ною светя́щяся честно́ю,/ к пребеззако́нным му́жески подвиза́ся,/ и, побе́ду взем, песнопое́т Спа́су:/ си́ле Твое́й сла́ва, Человеколю́бче.