Припев:      Святии му́ченицы, моли́те Бо́га о нас.

Припев:      Святии му́ченицы, моли́те Бо́га о нас.

Тропарь:        Богозва́нный собо́р и Богоблаже́нный,/ подвиза́яся, и те́пле друг дру́га укрепля́юще, и спосо́бствующе,/ от беззако́нных Христа́ ра́ди закла́тися,/ благосла́вно, добропобе́днии,изво́лиша.

Припев:   Святии му́ченицы, моли́те Бо́га о нас.

Тропарь:        Укре́пльшеся ве́рою и благоче́стия ре́вностию распаля́еми,/ уго́дницы Твои́, Христе́,/ пребеззако́нных стра́ха не убоя́шася,/ и, Твое́ю любо́вию целому́дренно свя́зани,/ са́ми во́лею преда́шася.

Припев:   Святии му́ченицы, моли́те Бо́га о нас.

Тропарь:        Бо́га Боже́ственным Промышле́нием/ и неизбе́жным Про́мысла судьба́м всю жи́знь свою́ возложи́вше,/ собо́р Боже́ственный,/ к пребеззако́нным евре́йским скверноуби́йством благоде́рзостно,/ до́блии, устреми́шася.

Припев:      Святии му́ченицы, моли́те Бо́га о нас.

Тропарь:        На Тя наде́ющеся и ве́ровавше ны́не Воскресе́нию Твоему́,/ Твои́, Спа́се, му́ченицы, не ретя́щеся, ниже́ во́пляще,/ беззако́нными за Твое́ испове́дание убие́ни бы́ша,/ до́блественнейшии.

 

Кано́н из Окто́иха (му́ченичны́й), глас 2:

Припев:      Вси святи́и, моли́те Бо́га о нас.

Тропарь:        Тебе́ возлюби́вше, Ще́дре, возненави́деша вся́ мирска́я, до́блии страстоте́рпцы, примеси́вшеся му́кам, отверже́нием пло́ти.

 

Припев:      Вси святи́и, моли́те Бо́га о нас.

Тропарь:        Святи́телие, проро́цы, преподо́бнии богоно́сцы, духо́вными луча́ми просвеща́ете ми́р, тьму́ разоря́юще страсте́й.

 

Припев:          Сла́ва Отцу́ и Сы́ну и Свято́му Ду́ху.

Поко́ин:      Мо́лим Тя́, Сло́ве, и́хже от на́с прия́л еси́, ли́ку избра́нных Твои́х сопричта́в, прича́стники покажи́ лу́чшаго живота́.

 

                   И ны́не и при́сно и во ве́ки веко́в, ами́нь.

Богородичен:  Пречи́стая Де́во Ма́ти, похвало́ му́чеников, и преподо́бных и пра́ведных, от вся́каго изми́ на́с мучи́тельства лука́ваго.

 

Б)Песнь 5:

Кано́н му́ченика Аре́фы и и́же с ним, глас 8: