Припев:      Вси святи́и, моли́те Бо́га о нас.

Припев:      Вси святи́и, моли́те Бо́га о нас.

Тропарь:        Светозра́чнии святи́телие, и преподо́бнии и проро́цы и священному́ченик достосла́вное мно́жество, и же́н святы́х свяще́нное сосло́вие, во страда́нии и в посте́ возсия́вшее му́жески: при́сно о на́с моле́ния твори́те к Бо́гу, я́ко да поми́лует на́с.

 

Припев:          Сла́ва Отцу́ и Сы́ну и Свято́му Ду́ху.

Поко́ин:      Отню́дуже боле́знь отбеже́, и воздыха́ние и печа́ль, иде́же све́т сия́ет Твоего́ лица́, Христе́: и иде́же святы́х собо́ры ны́не лику́ют. Учини́ все́х преста́вльшихся ду́ши к Тебе́, Человеколю́бче, прегреше́ния и́х вся́ презре́в, я́ко еди́н ми́лостив.

 

                   И ны́не и при́сно и во ве́ки веко́в, ами́нь.

Богородичен:  С му́ченики, Пречи́стая, и с преподо́бными отцы́ и проро́ки все́ми, со святы́ми жена́ми во святы́х Еди́наго Почива́ющаго умоли́, все́х освяти́ти на́с, святы́ми гла́сы Тя́ славосло́вящих, Чи́стая, во вся́ ве́ки.

А)Песнь 8

Кано́н ХРА́МА

(со ирмо́сом на 6, ирмо́сы по два́жды)

 

Кано́н му́ченика Аре́фы и и́же с ним, глас 8:

Припев:      Святии му́ченицы, моли́те Бо́га о нас.

Тропарь:        Не в зако́не бысть я́ве соверше́ние, но в Христе́ спасе́ние даде́ся,/ вопия́ху му́ченицы, богоуби́йцам глаго́люще./ Тем, ра́дующеся, закаля́емся вси/ и умира́ем усе́рдно, Тому́ песнопою́ще:// лю́дие, превозноси́те Христа́ во ве́ки.

Припев:      Святии му́ченицы, моли́те Бо́га о нас.

Тропарь:        Тайнонауча́ет младе́нец и учи́т безу́мныя к Твоему́ о́бразу зре́ти пречи́стому, Христе́,/ и ве́ру прия́ти прише́ствия Твоего́ на земли́,/ и утаи́вся пребеззако́нных рук, в пла́мень вни́де с ро́ждшею, поя́:/ лю́дие, превозноси́те Его́ во ве́ки.

Припев:      Святии му́ченицы, моли́те Бо́га о нас.

Тропарь:        На земли́ му́ченицы благоче́стно подвиза́вшеся,/ на Небеса́х от Христа́ венцы́ досто́йно прия́ша,/ ра́достно отше́дше, иде́же веселя́щихся жили́ще,/ ве́рою песнопою́щих и вопию́щих непреста́нно:/ лю́дие, превозноси́те Его́ во ве́ки.