Псаломъ 19-й, образецъ молитвы за Помазанника божія-царя

Услы́шитъ ТЯ́ Госпо́дь въ де́нь печа́ли, защи́титъ ТЯ́ Имя Бо́га Іа́ковля. По́слетъ ТИ́ по́мощь отъ Свята́го и отъ Сіо́на засту́питъ ТЯ́. Помяне́тъ вся́ку же́ртву ТВОЮ́, и всесожже́ніе ТВОЕ́ ту́чно бу́ди. Да́стъ ТИ́ Госпо́дь по се́рдцу ТВОЕМУ́ и ве́сь совѣ́тъ ТВОЙ испо́лнитъ. Возра́ду­емся о спасе́ніи ТВОЕМЪ, и во Имя Го́спо­да Бо́га на́шего возвели́чимся; испо́лнитъ Господь вся́ проше́нія ТВОЯ. Ны́нѣ позна́хъ, я́ко спасе́ Госпо́дь хріста́ Свое­го́: услы́шитъ ЕГО съ Небесе́ Свята́го Своего́: въ си́лахъ спасе́ніе дес­ни́цы ЕГО. Сіи́ на колесни́цахъ, и сіи на ко́­нехъ; мы́ же во Имя Го́спода Бо́га на́ше­го призове́мъ. Ті́и спя́ти бы́ша и падо́­ша; мы́ же воста́хомъ и испра́ви­хомся. Го́споди, спаси́ ЦАРЯ, и услы́ши ны́, въ о́ньже а́ще де́нь призове́мъ Тя́.

Псаломъ 20-й, образецъ молитвы за Помазанника Божія-Царя

Го́споди, Си́лою Твое́ю возвесели́тся ЦАРЬ, и о спасе́ніи Твое́мъ возра́дуется зѣло́. Жела́ніе се́рдца ЕГО (т.е. Царя) да́лъ еси́ ЕМУ, и хотѣ́нія устну́ ЕГО нѣ́си лиши́лъ ЕГО. Яко предвари́лъ еси́ ЕГО Благосло́веніемъ Благосты́ннымъ, поло­жи́лъ еси́ на главѣ́ ЕГО вѣне́цъ отъ ка́мене че́стна. Живота́ (жизни) проси́лъ е́стъ у Тебе́, и да́лъ еси́ ЕМУ долготу́ дні́й во вѣ́къ вѣ́ка. Ве́лія сла́ва ЕГО спасе́ніемъ Твои́мъ; сла́ву и велелѣ́піе возложи́ши на НЕГО. Яко да́си ЕМУ благослове́ніе во вѣ́къ вѣ́ка; возвесели́ши ЕГО ра́достію съ Лице́мъ Твои́мъ. Яко ЦАРЬ упова́етъ на Го́спода, и Ми́лостію Вы́шняго не подви́жится. Да обря́щется Рука́ Твоя, всѣ́мъ враго́мъ Твои́мъ, Десни́ца Твоя́, да обря́щетъ вся́ ненави́дящия [христа́ Твоего́] (т.е. Богопомазанника-Царя). Яко положи́ши и́хъ я́ко пе́щь о́гненную во вре́мя Лица́ Твоего́; Госпо́дь Гнѣ́вомъ Свои́мъ смяте́тъ я́, и снѣ́сть и́хъ о́гнь. Пло́дъ и́хъ отъ Земли́ погуби́ши, и сѣ́мя и́хъ отъ сыно́въ человѣ́ческихъ. Яко уклони́ша на Тя́ [и на Пома́занника Твоего́] зла́я, помы́слиша совѣ́ты, и́хже не возмо́гутъ соста́вити. Яко положи́ши я́ хребе́тъ; во избы́тцѣхъ Твои́хъ угото­́виши лице́ и́хъ. Вознеси́ся, Го́споди, Си́лою Твое́ю; воспое́мъ и пое́мъ Си́лы Твоя́.

ПѢСНЬ ПРЕСВЯТѢЙ БОГОРОДИЦѢ

Богоро́дице Дѣ́во, ра́дуйся! Благода́тная Марíе, Госпо́дь съ Тобо́ю; благослове́нна Ты́ въ жена́хъ и благослове́нъ Пло́дъ Чре́ва Твоего́, я́ко Спа́са родила́ еси́ ду́шъ на́шихъ.

Богородиченъ Кресту Хрістову

Предста́тельство стра́шное и непосты́дное, не пре́зри Блага́я моли́твъ на́шихъ, Всепѣ́тая Богоро́дице; утверди́ Правосла́вныхъ жи́тельство, спаси́ [гряду́щаго] Благовѣ́рнаго Госуда́ря IМПЕ­РАТОРА на́шего (ЕГОЖЕ и́мя Го́спо­ди, Ты́, вѣ́си), ЕМУЖЕ повелѣ́ла еси́ ца́рствовати, и пода́ждь ЕМУ съ Небесе́ побѣ́ду, за́не родила́ еси́ Бо́га, еди́на Благослове́нная.

Молитва ко Пресвятѣй Богородицѣ *

О, Пресвята́я Госпоже́ Влады́чице Богоро́дице! Вы́шши еси́ всѣ́хъ Ангелъ и Арха́н­гелъ, и всея́ тва́ри честнѣ́йши; помо́щница еси́ оби́димыхъ, ненадѣ́ю­щихся надѣ́янiе, убо́гихъ засту́пнице, печа́льныхъ утѣше́нiе, а́лчущихъ кор­ми́тельница, наги́хъ одѣя́нiе, больны́хъ исцѣле́нiе, грѣ́шныхъ спасе́нiе, Хрiстi­а́нъ всѣ́хъ поможе́нiе и заступле́нiе.

О, Ма́ти Милосе́рдая, Дѣ́во Марíе, воздви́гни на́съ изъ глубины́ грѣхо́вныя, и изба́ви на́съ отъ гла́да (голода), губи́тельства, отъ тру́са (землетрясения) и пото́па, отъ огня́ и меча́, отъ нахожде́нiя иноплеме́нныхъ и междоусо́бныя бра́ни, и отъ напра́сныя сме́рти, и отъ нападе́нiя вра́жiя, и отъ тлетво́рныхъ вѣ́тръ (мора), и отъ смертоно́сныя я́звы, и отъ вся́каго зла́.

О, Всеми́лостивая Госпо́же Влады́чце Богоро́дице! Пода́ждь на́мъ ми́ръ и здра́вiе, и просвѣти́ на́шъ у́мъ и о́чи серде́чныя, е́же ко спасе́нiю; и сподо́би ны́ грѣ́шныя рабы́ Твоя́ Ца́рствiя Сы́на Твоего́, Хрiста́ Бо́га на́шего; я́ко Держа́ва Его Благослове́нна и Препросла́вленна, со Безнача́льнымъ Его́ Отце́мъ и со Пресвяты́мъ, и Благи́мъ, и Животворя́щимъ Его́ Ду́хомъ, ны́нѣ, и при́сно, и во вѣ́ки вѣко́въ. Ами́нъ.

ТРОПАРЬ СВЯТОМУ ЦАРЮ ИСКУПИТѢЛЮ

НIКОЛАЮ АЛЕКСАНДРОВИЧУ

Же́ртвѣ Хрiсто́вѣй въ подо́бiе, я́ко а́гнецъ непоро́чный, во́лею полага́е­шися во искупле́нiе Собо́рнаго грѣха́ измѣ́ны Богоизбра́ннаго Наро́да Ру́сскаго, Ца́рству въ себѣ́ раз­дѣ́львшѣмуся въ себѣ́же да́руеши исцѣле́нiе. О Cвяты́й Царю́ искупи́­тѣлю Нiко́лае! Страда́нiя твоя́ кре́стная сла́вимъ, и́ми бо Ца́рствiе воскреша́­ется во Сла́ву Царя́ Бо́га Небе́снаго, и во спасе́нiе ду́шъ на́шихъ.

Покаянная молитва Святому Царю искупитѣлю

НIКОЛАЯ АЛЕКСАНДРОВИЧУ

О Святы́й Царю́ искупи́тѣлю Нiко́лае, услы́ши ны́нѣ многоболе́зненный во́пль на́съ, погиба́ющи ча́дъ Твои́хъ, изъ тьмы́ грѣха́ къ Тебѣ́, Держа́вному Отцу́ на́ше­му взыва́ющихъ. При́зри ми́лос­тивно на бѣ́ды и страда́нiя на́ша и Путѣ́мъ Спасе́­нiя изведи́, я́ко Хрiсто́съ изъ бе́здны а́до­вой, всемо́щною Твое́ю моли́твою. Поне́­­же согрѣши́хомъ въ слѣпотѣ́ безу­́мiя на́шего па́че всѣ́хъ человѣ́къ на земли́: отверго́шася Царя́ Небе́снаго и тѣбѣ́ хрiста́ земна́го; Сло́во Бо́жiе презрѣ́ша, Пома́занниковъ Госпо́днихъ хули́ша, Свято́е Призва́нiе Божіе попра́ша и сата­нѣ́ беззако́нiями поработи́шася. Бо́гу да́н­ный Благочести́вый Собо́рный Обѣ́тъ вѣ́рно служи́ть Самодержа́внымъ Царя́мъ изъ До́ма Рома́новыхъ и всенаро́д­ную Прися́гу де́рзко преступи́ша, и цело­ва́­нiе Креста́ и Ева́нгелiя ни во что́ вмени́ша. Тѣбѣ́ же, Пома́занника Бо́жiя съ ца́рственною супру́гою Алекса́ндрою, ча́дами Твои́ми: Царе́вичемъ Алексíемъ, Царе́внами Ольгою, Татiа́ною, Марíей и Анастасíей, вѣ́рными дру́гами и слу́гами твои́ми, иу́диной измѣ́ной въ ру́цы сы́но­вѣй діа́вола на оклевета́ніе, поруга́нiе и пропя́тiе преда́ли еси́. Сего́ ра́ди, нача́тъ Госпо́дь отсту́пниковъ въ Ра́зумъ Истины лю́тыми скорбя́ми приводи́ти и подъ и́го жидо́вское Россíю отда́лъ еси́. Да́бы позна́ли лю́ди Ру́сскiе, ка́ко Бо́га и Пома́заника Его́ отверга́тися, а дiа́вола и клевре́тъ сатани́ныхъ слу́­шати.

О бе́здна а́дская паде́нiя на́шего! Кое́го грѣха́ отъ дру́жбы съ си́лой тѣ́мною не соде́лали, ко́е нече́стiе не сотвори́ли, ко́е зло́ въ се́рдцѣ свое́мъ не помы́слили! Го́споди Милосе́рдный, поми́луй на́съ! Ра́ди моли́твъ Свята́го Царя́ искупи́тѣля НIКОЛАЯ АЛЕКСАНДРОВИЧА расто́ргни окамене́нныя грѣ­хо́мъ сердца́ на́ша и изведи́ изъ на́съ, я́ко во́ду жи́ву, сле́зы покая́нiя; да услы́шатъ вси́ лю́ди Ру́сс­кiе сокрове́нный Гла́съ Тво́й, Го́споди: ка́ко бо мо́жете служи́ти Царю́ Небе́сному, а́ще бо Царя́ земна́го преда́ли еси́; сотвори́те пре́жде досто́й­ный пло́дъ Покая́нiя за грѣхи́ отце́въ ва́шихъ, омо́йтеся и очи́ститеся, испра́в­те сердца́ ва́ша двоеду́шныя, и уразуме́й­те, я́ко Россíя безъ Царя́, ка́ко и чело­вѣ́къ безъ главы́, е́сть тру́пъ смердя́щiй.

Сего́ ра́ди, приими́, у́бо Го́споди, мое́ Покая́нiе, и моли́твами Свята́го Царя́ искупи́тѣля НIКОЛАЯ АЛЕКСАНДРОВИЧА спаси́ и поми́луй [ (имярекъ) и]* всѣ́хъ сро́дникъ мои́хъ и вся́ лю́ди Ру́сскiя Благочести́вый Собо́рный Обѣ́тъ 1613 го́да преступи́вшихъ и до ны́нѣ преступа́ю­щихъ, всѣ́хъ ненави́дящихъ и оби́дя­щихъ на́съ и творя́щихъ на́мъ напа́сти, и а́ще (если) возмо́жно е́сть взыщи́, Го́споди, поги́бшiя ду́­ши отце́въ, и бра́тiй, и се́стръ на́шихъ. Прости́ непра́ведно восстаю́щихъ на на́съ и не оста́ви поги́бнути душа́мъ и́хъ, но спаси́ всѣ́хъ ра́ди Сла́вы Имени Твоего́ Пресвята́го: Отца, и Сы́на и Свята́го Ду́ха , я́ко Тво́е е́сть Ца́рствіе, и Си́ла, и Сла́ва ны́нѣ и при́сно во вѣ́ки вѣко́въ. Ами́нь. **

* Если у тебя есть родственники или ближние восстающие на Государя и на Православное Царское Самодержавие, потрудись помянуть их сдесь. Это будет одним из самых действенных средств к их вразумлению и исправлению.

** Не забываем, что когда оканчиваем просительную молитву, то Крестное Знамение творим со словами: "ИМЕНЕМ Господа Бога Отца, и Сына, и Святаго Духа. Аминь!" во знаменование получения просимого и незыблемого утвержденіе себя в Вере Богу решему нам: "Истинно, истинно говорю вам: ВЕРУЮЩИЙ в Меня, дела, которые творю Я, и он сотворит, и больше сих сотворит. И если чего ПОПРОСИТЕ у Отца ВО ИМЯ МОЕ, то сделаю, да прославится Отец в Сыне" (Иоан.14:12,13) "Доныне вы ничего не просили ВО ИМЯ МОЕ, [но ныне говорю вам:] ПРОСИТЕ, и ПОЛУЧИТЕ, чтобы радость ваша была совершенна" (Иоан.16:24)

ТРОПАРЬ НЕБЕСНЫМЪ СИЛАМЪ

Небе́сныхъ Во́инствъ Архистрати́зи: Михаíле, Гаврiи́ле, Рафаíле, Урiи́ле, Селафiи́ле, Iегудiи́ле, Варахiи́ле; и вси́ Святíи Небе́сные Си́лы: Серафи́мы, Херуви́мы, Престо́ли; Госпо́дствія, Си́лы и Вла́сти; Нача́ла, Арха́нгели и Ангели, сла́вящiе Го́спода, мо́лимъ ва́съ при́сно мы́ недосто́йнiи, да ва́шими моли́твами огради́те на́съ кро́вомъ кри́лъ невеще́ственныя ва́шея сла́вы, сохраня́юще ны́ припада́ющихъ прилѣ́жно и вопiю́щихъ: отъ бѣ́дъ изба́вите ны́, я́ко служи́тели Го́спода Бо́га Си́лъ.

Молитва Ангелу Хранителю

Ангеле Бо́жiй, храни́телю мо́й Святы́й, на соблюде́нiе мнѣ́ отъ Бо́га съ Небесе́ да́нный! Прилѣ́жно молю́ тя́, ты́ мя́ дне́сь просвѣти́ и отъ вся́каго зла́ сохрани́, ко благо́му дѣя́нiю наста́ви и на Пу́ть Спасе́нiя напра́ви. Ами́нь.

Молитвы 7-ми Архистратигамъ

О Вели́кiй Архістратиже Божій Мiхаи́­ле, де́моновъ сокруши́телю, Шес­токрыла́тыхъ пе́рвый Кня́же и Воево́до Небе́сныхъ Си́лъ да́руй на́мъ ре́вность по Сла́ве Имени Бо́жія необори́мую и содѣ́лай на́съ гро́зными и непобѣди́­мыми для враго́въ.

О Святы́й Архістрати́же Бо́жій Гаврiи́ле, Крѣ́посте и Вѣ́стниче Бо́жій, облеки́ на́съ Си́лою Смире́нiя Христо́ва и да́руй на́мъ у́мъ къ позна́нію Истины.

О Святы́й Архістрати́же Божій Рафаи́ле, Путеводи́телю и Цѣли́телю Бо́жій, исцѣли́ на́съ отъ болѣзней душе́в­ныхъ и тѣле́сныхъ, и проведи́ на́съ ко Престо́лу Бо́жія Благода́ти.

О Святы́й Архістрати́же Бо́жій Урiи́ле, Просвѣти́телю и Огне Любве́ Бо́жія, озари́ на́съ Свѣ́томъ Позна́нія Истины и да́руй на́мъ се́рдце Хрiсто́ѣвую Любо́вію пламене́ющее.

О Святы́й Архістрати́же Бо́жій Сала­фiи́ле, моли́твенниче о на́съ тѣ́плый, научи́ на́съ моли́тися смире́нно, сокру­ше́нно, сосредото́ченно и умиле́нно.

О Святы́й Архістрати́же Бо́жій Iегу­дiи́ле, Сла́ва и По́моще Бо́жія, воздви́г­ни на́съ къ по́двиамъ до́брымъ, да просла́виться въ на́съ и че́резъ на́съ Всесвято́е Имя Госпо́дне.

О Святы́й Архістрати́же Бо́жій Варахiи́ле, Благослове́ніе Бо́жіе на́мъ принося́щій, научи́ на́съ благоугожда́ти Творцу́ и ору́діями Благосты́ни Бо́жія содѣ́лай на́съ. Ами́нь.