Молитва Стятаго Макарiя Великаго

УТРЕННИЕ МОЛИТВЫ ДЛЯ МIРЯНЪ

(расширенное правило)

Начальная молитва*

Во Имя Отца́ (при сих словах начинаем творить Крестное Знамение**: полагаем персты на лобъ), и Сы́на (на чрево), и Свята́го (на правое плечо) Ду́ха (на левое плечо). Ами́нь. Поклонъ.

* Общие сведения о молитве см. Приложение III. Следует также заметить, что все ключевые молитвы, содержащиеся в данном правиле имеются подстрочные толкования. Очень важно, чтобы мы когда читаем слова молитвы понимали их смысл, понимали то, о чем мы молимся. Для этого, нужно знать толкование молитв. Чтобы просмотреть толкования необходимо кликнуть мышью на название молитвы в тексте документа или пройти по этой ссылке.

** Что такое Крестное Знамение и как его ПРАВИЛЬНО совершать см. Приложение I.

Хвалебная пѣснь Господу Богу

Сла́́ва Тебѣ́́, Бо́́же на́шъ, Сла́́ва Тебѣ́́.

* Сей знак означает, что со словами: «Именем Господа Бога Отца, и Сына, и Святаго Духа. Аминь!» подобает сотворить Крестное Знамение, после чего сделать поясной/земной поклон. О поклонах и как их подобает правильно совершать см. Приложение IV

Молитва мытаря

Бо́же, ми́лостивъ бу́ди мнѣ́ грѣ́шному.

Молитва Iисусова*

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́ , моли́твъ Пресвяты́я Богоро́дицы, Царя́ искупи́тѣля НIКОЛАЯ АЛЕКСАНДРОВИЧА, Небе́сныхъ Си́лъ и всѣ́хъ Святы́хъ, поми́луй на́съ и мíръ Тво́й. Ами́нь.

* О том, что такое молитва Иисусова и как её совершать см. Приложение II.

Молитва Святому Духу

Царю́ Небе́сный, Утѣ́шителю, Ду́ше Истины, Иже вездѣ́ сы́й и вся́ исполня́й, Сокро́вище Благи́хъ и Жи́зни Пода́телю, прiиди́ и всели́ся въ ны́, и очи́сти ны́ отъ вся́кiя скве́рны, и спаси́, Бла́же, ду́ши на́ша.

Ангельская пѣснь Пресвятой Троицѣ

Святы́й Бо́же, Святы́й Крѣ́пкiй, Святы́й Безсме́ртный, поми́луй на́съ. (Трижды)

Малое славословiе Пресвятой Троицѣ

Сла́ва Отцу́ (творим Крестное Знамение*: полагаем персты на лобъ), и Сы́ну (на чрево), и Свято́му (на правое плечо) Ду́ху (на левое плечо), и ны́нѣ, и при́сно, и во вѣ́ки вѣко́въ. Ами́нь.

* Когда поминается Имя Пресвятой Троицы: "Отца, и Сына, и Святого Духа" ОБЯЗАТЕЛЬНО подобает творить Крестное Знамение.

Молитва Пресвятой Троицѣ

Пресвята́я Тро́ице, поми́луй на́съ; Го́споди, очи́сти грѣхи́ на́ша; Влады́ко, прости́ беззако́нiя на́ша; Святы́й, посети́ и исцѣли́ не́мощи на́ша, Имене Твоего́ ра́ди.

Го́споди, поми́луй. (Трижды)*

* Когда 3 раза читаещь молитву "Господи помилуй", молись в уме так:

1-й раз: "Господи Боже Отче Вседежителю, очисти грѣхи наша".

2-й раз: "Господи Иисусе Христе прости беззакония наша".

3-й раз: "Господи, Боже Дуще Святый, посети (попали Огнем Благодати грѣхи наша) и исцели (мервое – оживотвори, недостающее – восполни, худое – к вящему благу обрати) немощи наша"

Малое славословiе Пресвятой Троицѣ

Сла́ва Отцу́ (на лобъ), и Сы́ну (на чрево), и Свято́му (на правое плечо) Ду́ху (на левое плечо), * и ны́нѣ, и при́сно, и во вѣ́ки вѣко́въ. Ами́нь.

* Сим знаком дается напоминание, что подобает сотворить Крестное Знамение.

МОЛИТВА ГОСПОДНЯ

Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́ко и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго; я́ко Тво́е е́сть Ца́рствіе, и Си́ла, и Сла́ва: Отца́ (на лобъ) и Сы́на (на чрево) и Свята́го (на правое плечо) Ду́ха (на левое плечо), ны́нѣ и при́сно во вѣ́ки вѣко́въ. Ами́нь.

Молитва къ Богу Отцу

Го́споди, Бо́же Отче Вседержи́телю, Тво́рче и Содѣ́тею всего́ мíра, неспотижи́ме Го́сподеви, Нача́ло Свѣ́та и Преу́мная Си́ло, Иже Ѵпоста́снаго Сло́ва Оте́цъ, и Единоси́льнаго Твоего́ Ду́ха Иснусти́тель; милосе́рдныя ра́ди Ми́лости и неизрече́нныя Бла́гости Твоея́, не презрѣ́вый человѣ́ческаго естества́, тьмо́ю грѣха́ содержи́маго; но Боже́ственными Свѣ́ты Свяще́нныхъ Твои́хъ Учéній, Зако́номъ и Проро́ки мі́ру свѣти́вый, последи́ же Единоро́днаго Твоего́ Сы́на благоволи́вый на́мъ возсія́ти и на спасе́нiе мíру Христа́ Твоего́ дарова́ти: во пречу́дномъ Рождествѣ́ Сы́на Твоего́ человѣ́ческое естество́ Божеству́ совокупи́ти, во Иорда́нѣ Бо́га воплоще́нна мíру яви́ти*, на Фаво́ре Сла́ву Божества́ Твоего́ вѣ́рнымъ показа́ти, на Голго́фе па́дшего Ада́ма (т.е. весь ро́дъ человѣ́ческий) отъ грѣ́ха (первородного грѣха адама), прокля́тiя и сме́рти искупи́ти (т.е. спасти), и Воскресе́нiемъ Христо́вымъ прича́стними жи́зни бу́дущего вѣ́ка на́съ яви́ти и въ но́вомъ Естестве** при гла́се Ангельской трубы́ воскреси́ти. Сего́ ради услы́ши Го́споди гла́съ моле́нiй на́съ грѣ́шныхъ и ра́ди Имени возлю́бленнаго Сы́на Твоего́: Го́спода Бо́га Спа́са на́шего Iису́са Хріста́, поми́луй на́съ па́дшихъ ча́дъ Твои́хъ, омраче́нныхъ грѣ́хми ве́лими и наста́ви на́съ на Пу́ть Истины, да́руй на́мъ, Бо́же, во бдѣ́нномъ и тре́звенномъ сѣ́рдце ве́сь пу́ть настоя́щего сего́ житія́ преити́; да не ле́ностно и спя́ще (в грѣховномъ снѣ), но бо́дрствующе и воздви́жени въ дѣ́ланіи За́поведій Твои́хъ обря́щемся, и въ ра́дость Твою́ совни́демъ, иде́же пра́зднующихъ гла́съ непреста́нный, и неизрече́нная Сла́дость зря́щихъ Лица́ Твоего́ Добро́ту неизрече́нную, я́ко Бла́гъ и Челов́колюьецъ Бо́гъ еси́, и Тебѣ́ Сла́ву и Благодаре́ніе возсыла́емъ: Отцу́, и Сы́ну, и Свято́му Ду́ху, ны́нѣ и при́сно, и во вѣ́ки вѣко́въ Ами́нь.

* Крещение Господне именуется не иначе как Богоявление. Поелику, Господь наш Иисус Христос, как совершенный Бог и совершенный Человек не нуждался в Крещении. Во ирдане Бог не крестился, а ЯВЛЕН был мiру извествованием Бога Отца и свидетельством Святаго Духа.

** Богочеловек Иисус Христос воскрес в качественно новом человеческом естестве – естестве жизни будущего вѣка. В естестве, в котором воскресит и нас в будущем вѣцѣ.

Топари Пресвятой Троицѣ

Воста́вше отъ сна́, припа́даемъ Ти́, Бла́же, и Ангельскую пѣ́снь вопiе́мъ Ти́, Си́льне: Свя́тъ, Свя́тъ, Свя́тъ еси́, Бо́же, моли́твами Богоро́дицы, Царя́ искупи́теля Нiкола́я и всѣ́хъ Святы́хъ, поми́луй на́съ.

Сла́ва Отцу́, и Сы́ну, и Свято́му Ду́ху.

Отъ одра́ и сна́ воздви́глъ мя́ еси́, Го́с­поди, у́мъ мо́й просвѣти́ и се́рдце, и уст­нѣ́ мои́ отве́рзи, во е́же (чтобы) пѣ́ти Тя́, Свята́я Тро́ице: Свя́тъ, Свя́тъ, Свя́тъ еси́, Бо́же, моли́твами Богоро́дицы, Царя искупи́теля Нiкола́я и всѣ́хъ Святы́хъ, поми́луй на́съ.

И ны́нѣ, и при́сно, и во вѣ́ки вѣко́въ. Ами́нь.

Сподо́би, Го́споди, въ де́нь се́й безъ грѣха́ сохрани́тися на́мъ; да́руй на́мъ, Го́споди, да ни сло́вомъ, ни дѣ́ломъ, ни помышле́нiемъ прогне́ваемъ Тя́, Созда́теля на́шего, но вся́ дѣла́ на́ша, сове́ты и помышле́нiя да бу́дутъ во Сла́ву Пресвята́го Имени Твоего́, да зове́мъ Ти́ со умиле́нiемъ: Свя́тъ, Свя́тъ, Свя́тъ еси́, Бо́же, моли́твами Богоро́дицы, Царя́ искупи́теля Нiкола́я и всѣ́хъ Святы́хъ, поми́луй на́съ.

 

Го́споди, поми́луй. (12-ть раз)*

* Когда читаещь 12 раз молитву "Господи помилуй", молись в уме так:

1-й раз: "Го́споди, прости́ мя́ за всё, что я до́лженъ бы́лъ сде́лать, но не сде́лалъ и ра́ди Имени Твоего́ помяни́ во Ца́рствiи Твое́мъ всѣ́хъ позна́вшихъ Тебя́!"

2-й раз: "Го́споди, про́сти ми́ грѣхи́ совершѣ́нные по невѣ́денiю (по слепотѣ́ духо́внѣй) и ра́ди Имени Твоего́ спаси́ всѣ́хъ не позна́вшихъ Тебя́!"

3-й раз: "Го́споди, прости́ ми́ беззако́нiя моя (грѣхи́, когда́ я шёлъ про́тивъ со́вести свое́й, зна́лъ Святу́ю Во́лю Твою́, но поступа́лъ непра́ведно) и ра́ди Имени Твоего́ взыщи́, всѣ́хъ кто́ отве́ргнулъ Тебя́."

4-й раз: "Го́споди, про́сти мя́ за всё, что я до́лженъ де́лать, но не де́лаю; и ра́ди Имени Твоего́ спаси́ всѣ́хъ позна́вшихъ Тебя́!"

5-й раз: "Го́споди, прости́ ми́ грѣхи́, совершамые по невѣ́денiю; и ра́ди Имени Твоего́ просвѣти́ всѣ́хъ, кто ещё не позна́лъ Тебя́!"

6-й раз: "Го́споди, прости́ ми́ беззако́нiя моя́, (когда́ я иду́ про́тивъ со́вести свое́й, зна́ю Святу́ю Во́лю Твою́, но поступа́ю непра́ведно); и ра́ди Имени Твоего́ спаси́ всѣ́хъ, кто отверга́етъ Тебя́!"

7-й раз: "Го́споди, сохрани́ мя́ на Путя́хъ исполне́нiя Во́ли Твоея́, и ра́ди Имени Твоего́ спаси́ всѣ́хъ, кто позна́етъ Тебя́!"

8-й раз: "Го́споди, изми́ отъ грѣхо́внаго мра́ка меня́, и ра́ди Имени Твоего́ просвети́ всѣ́хъ, кто не позна́етъ Тебя́!"

9-й раз: "Го́споди, изба́ви отъ преиспо́дняго а́да меня́ и ра́ди Имени Твоего́ спаси́ всѣ́хъ, кто отве́ргнетъ Тебя́."

10-й раз: "Го́споди, на Стра́шнѣмъ Суде́ Твое́мъ, прости́ мя́ за всё, что я до́лженъ бы́лъ сде́лать, но не сде́лалъ; и ра́ди Имени Твоего́ введи́ во Ца́рствие Твое́ всѣ́хъ позна́вшихъ Те́бя."

11-й раз: "Го́споди, на Стра́шнѣ́мъ Суде́ Твое́мъ прости́ ми́ грѣхи́ совершѣ́нные по невѣ́дению; и ра́ди Имени Твоего́ спаси́ всѣ́хъ не позна́вшихъ Тебя́."

12-й раз: "Го́споди, на Стра́шнѣмъ Суде́ Твое́мъ прости́ ми́ беззако́нiя моя́ (когда шелъ про́тивъ со́вести мое́й, зна́лъ Святу́ю Во́лю Твою́, но поступа́лъ непра́вѣдно); и ра́ди Имени Твоего́ спаси́ всѣ́хъ, кто отвергнулъ Тебя́."

Молитва Пресвятой Троицѣ

Отъ сна́ воста́въ, благодарю́ Тя́, Свята́я Тро́ице, я́ко мно́гiя ра́ди Твоея́ Бла́гости и Долготерпѣ́нiя не прогнѣ́вался еси́ на мя́ лѣни́ваго и грѣ́шнаго, ниже́ погуби́лъ мя́ еси́ со беззако́ньми мои́ми; но человѣ­ко­лю́бствовалъ еси́ обы́чно, и въ неча́­янiи лежа́щаго воздви́глъ мя́ еси́, во е́же утренева́ти и славосло́вити Держа́ву Твою́. И ны́нѣ просвѣти́ мои́ о́чи мы́с­ленныя, отве́рзи моя́ уста́ поуча́тися Словесе́мъ Твои́мъ и разумѣ́ти За́повѣди Твоя́, и твори́ти Во́лю Тво́ю, и пѣ́ти Тя́ во исповѣда́нiи серде́чнѣмъ, и воспѣва́ти Всесвято́е Имя Твое́: Отца́, и Сы́на, и Свята́го Ду́ха ны́нѣ, и при́сно, и во вѣ́ки вѣко́въ. Ами́нь.

Прiиди́те, поклони́мся Царе́ви на́ше­му Бо́гу. Земной поклонъ*

Прiиди́те, поклони́мся и припаде́мъ Хрiсту́, Царе́ви на́шему Бо́гу. Земной поклонъ

Прiиди́те, поклони́мся и припаде́мъ Самому́ Хрiсту́, Царе́ви и Бо́гу на́шему. Земной поклонъ

* Как правильно творить земные поклоны см. Приложение IV.

ПРАВОСЛАВНЫЙ СѴМВОЛЪ ВѢРЫ

Вѣ́рую* во Еди́наго Бо́га Отца́, Вседержи́теля, Творца́ Не́бу и земли́, ви́димымъ же всѣ́мъ и неви́димымъ. И во Еди́наго Го́спода Iису́са Хрiста́, Сы́на Бо́жiя, Еди­норо́днаго, Иже отъ Отца́ рожде́ннаго пре́жде всѣ́хъ вѣ́къ; Свѣ́та отъ Свѣ́та, Бо́га Истинна отъ Бо́га Истинна, рожде́нна, не сотворе́нна, Единосу́щна Отцу́, Имже вся́ бы́ша; на́съ ра́ди чело­вѣ́къ, и на́шего ра́ди спасе́нiя сше́дшаго съ Небе́съ, и воплоти́вшагося отъ Ду́ха Свя́та и Марíи Дѣ́вы, и вочеловѣ́ч­шася; распя́таго же за ны́ при Понтíйстѣмъ Пiла́тѣ, и страда́вша, и погребе́нна; и воскре́сшаго въ тре́тiй де́нь по Писа́­нiемъ; и возше́дшаго на Небеса́, и сѣдя́­ща одесну́ю Отца; и па́ки гряду́щаго со сла́вою суди́ти живы́мъ и ме́ртвымъ, Его́же Ца́рствiю не бу́детъ конца́. И въ Ду́ха Свята́го, Го́спода, Животворя́щаго, Иже отъ Отца́ исходя́щаго, Иже со Отце́мъ и Сы́номъ спокланя́ема и сслави́ма, глаго́лавшаго Проро́ки. Во Еди́ну, Святу́ю, Собо́рную и Апо́с­тольскую Це́рковь. Исповѣ́дую еди́но Креще́нiе во оставле́­нiе грѣхо́въ. Ча́ю Воскресе́нiя ме́ртвыхъ и Жи́зни Бу́дущаго Вѣ́ка. Ами́нь.

* На Литургии мы поем «верую» (ед. число), а не «веруем» (мн. число), т.к. этим мы исповедуем наше Соборное Единство во Христе Иисусе. Мы – Православные Христиане – есть единое Тело Христово. Поэтому прежде чем подойти к Чаше со Святым Причастием, все предстоящие едиными усты исповедуют свое духовное единство во Христе, т.е. Соборность. Свою Соборность во Христе Православные исповедуют тем, что поют на Литургии (литургия перевод. как "общее дело") Символ Веры, как один человек, т.е. «верую», а не «веруем».

РУССКIЙ СѴМВОЛЪ ВѢРЫ*

Вѣ́рую, Го́споди, въ Право́славное Ца́рское Самодержа́вiе**, Ду́хомъ Святы́мъ Твои́мъ кля́твенно утверждѣ́нное на вѣ́чныя времена́ Освяще́ннымъ Собо́­ромъ*** и Ру́сскимъ Наро́домъ, для ми́ра и благоде́нствiя Це́ркви Твое́й Святѣ́й, Бо­гоизбра́ннаго Наро́да Ру́сскаго и Оте́чест­ва на́шего, и для спасе́нiя души́, ка́къ учи́­ли о то́мъ же и вси́ Святі́и Уго́дницы Бо́­жiи Ру́сскiе послѣ́днихъ вѣко́въ. Ами́нь.

* Молитва Святого Преподобного Феодосия Кавказского (+08.08.1948). Сею молитву Старец Феодосий завещал читать всем, кто желает спасти свои дущи в нынешнее апостасийное – безгосударное – время (о том, что есть подлинная "апостасия" и "мерзость запустения" см. Приложение XVII и XVIII). По поводу Старца Феодосия и того сатанинского гвала клеветы вокруг его Святого имени см. Приложение XIX.

**Более подробно о Догмате Царской Власти см. сборник

*** Речь идет о Всероссийском Земско-Пометсном Соборе 1613 года, на котором РУССКИЙ Богоизбранный Народ дал БОГУ Благочестивый Соборный ОБЕТ ВЕРНОСТИ Его Помазанникам – Самодержавным Царям из Дома Романовых – до Второго и Славного Пришествия Господа и Бога Спаса нашего Иисуса Христа. "ТОРЖЕСТВЕННАЯ и вместе СТРАШНАЯ Грамота, — пишет Феодосий Кавказский о Соборном Обете 1613 года — ею клятвенно СВЯЗАНЫ с Царями из Дома Романовых НЕ ТОЛЬКО сами предки, составители ее, но и ВСЕ МЫ, потомки их, ДО СКОНЧАНИЯ ВЕКА. Многие Угодники Божии не только Новозаветные, но и Ветхозаветные СВЯТО хранили Обеты, данные за них прежде рождения родителями их. Это ОБЯЗЫВАЕТ и нас к тому же. СОБЛЮДЕНИЕ сего Обета, данного за нас клятвенно нашими предками, — ЗАЛОГ нашего БЛАГОПОЛУЧИЯ, как временного — на земле, так и вечного — на НЕБЕСАХ — по Слову Божию. И наоборот: несоблюдение его есть ВЕЛИКИЙ ГРЕХ перед Богом, влекущий за собою наказание, как и показала революция" Соборная Клятва Земско-Поместного Собора 1613 года есть по истине Русский Символ Веры, т.к. в ней Самим Богом ясно сказано все то, что Русский человек обязан хранить, как величайшую Святыню: Богом данную Православную Вѣру, Богом данного Самодержавного Царя-Отца и свое Богом хранимое Отечество – нашу Родину, Великую Россию. Еще в XIX веке Свят. Феофан Затворник предупреждал: «КОРЕННЫЕ стихии жизни РУССКОЙ выражаются привычными словами: Православие, Самодержавие, Народность. ВОТ ЧТО надобно СОХРАНЯТЬ! И когда ИЗМЕНЯЮТСЯ сии начала, Русский Народ ПЕРЕСТАЕТ быть РУССКИМ!»

 

Молитва Оптинскихъ Старцевъ

Го́споди [Бо́же Отче Вседержи́телю, ра́ди Имени Единоро́днаго Сы́на Твоего́, Го́спода на́шего Iису́са Христа́, и возлю́бленнаго Дави́да, Свята́го раба́ Твоего́] да́руй ми́ съ душе́внымъ споко́йствiем встре́́тить всѣ́, что принесе́тъ мнѣ́ наступа́ющій де́нь. Го́споди, да́руй ми́ всеце́ло преда́ться Во́лѣ Твое́й Свято́й. Го́споди, на вся́кiй ча́съ сего́ дня́ во всѣ́мъ наста́вь и подержи́ меня́. Го́споди, какíе бы я́ ни получа́лъ изве́стiя въ тече́нiи дня́, научи́ мя́ приня́ть и́хъ со споко́йною душо́ю и съ тве́рдымъ убежде́нiемъ, что на всѣ́ Твоя́ Свята́я Во́ля. Го́споди, откро́й мнѣ́ Во́лю Твою́ Святу́ю для меня́ и окружа́ющихъ меня́. Го́споди, во всѣ́хъ мои́хъ слова́хъ и помышле́нiяхъ Са́мъ руководи́ мои́ми мы́слями и чу́вствами. Го́споди, во всѣ́хъ непредви́денныхъ слу́чаяхъ не да́й мнѣ́ забы́ть, что всѣ́ ниспо́слано Тобо́ю. Го́споди, научи́ мя́ пра́вильно, про́сто, разу́мно обраща́ться со все́ми дома́шними и окружаю́щими меня́, ста́ршими, ра́вными и мла́дшими, что́бы мнѣ́ никого́ не огорча́ть, но всѣ́мъ соде́йствовать ко Бла́гу. Го́споди, да́руй ми́ си́лы перенести́ утомле́нiе наступа́ющего дня́ и все́ собы́тiя въ тече́нiе дня́. Го́споди, руководи́ Са́мъ Ты́ мое́ю во́лею и научи́ мя́ моли́ться, надея́ться, вѣ́рить, люби́ть, терпе́ть и проща́ть. Го́споди, не да́й мене́ на произво́лъ врага́мъ мои́мъ, но ра́ди Имени Твоего́ Свята́го Са́мъ води́ и управля́й мно́ю. Го́споди, просвети́ у́мъ мо́й и се́рдце для разуме́нiя Твои́хъ вѣ́чныхъ и неизме́нныхъ Зако́нов, управля́ющихъ мíромъ, что́бы я́, грѣ́шный ра́бъ Тво́й, мо́гъ пра́вильно служи́ть Тебѣ́ и бли́жнимъ мои́мъ. Го́споди, благодарю́ Тя́ за всѣ́, что со мно́ю бу́детъ, и́бо тве́рдо вѣ́рю, что лю́бящимъ Тя́ всѣ́ соде́йствуетъ ко бла́гу. Го́споди, благослови́ все́ мои́ выхожде́нiя и вхожде́нiя, дѣя́нiя дѣ́лъ, слова́ и помышле́нiя, удосто́й мя́ всегда́ ра́достно прославля́ть, воспева́ть и благословля́ть Тебя́, и́бо Ты́ Благослове́нъ во вѣ́ки вѣко́въ. Ами́нь.

Псаломъ 50-й, покаянный*

Поми́луй мя́, Бо́же, по Вели́цѣй Ми́лости Твое́й и по мно́жеству Щедро́тъ Твои́хъ очи́сти беззако́нiе мое́. Наипа́че омы́й мя́ отъ безза́конiя моего́, и отъ грѣха́ моего́ очи́сти мя́. Яко беззако́нiе мое́ а́зъ зна́ю, и грѣ́хъ мо́й пре́до мно́ю е́сть вы́ну. Тебѣ́ Еди́ному согрѣши́хъ и лука́вое пре́дъ Тобо́ю сотвори́хъ; я́ко да оправди́шися во Словесѣ́хъ Твои́хъ, и побѣди́ши внегда́ суди́ти Ти́. Се́ бо, въ беззако́нiихъ зача́тъ е́смь, и во грѣсѣ́хъ роди́ мя́ ма́ти моя́. Се́ бо, Истину возлю́билъ е́си; безве́стная и та́йная Прему́дрости Твоея́ яви́лъ ми́ еси́. Окропи́ши мя́ иссо́помъ, и очи́щуся; омы́еши мя́, и па́че снѣ́га убѣлю́ся. Слу́ху моему́ да́си ра́дость и весе́лiе; возра́дуются ко́сти смире́нныя. Отврати́ Лице́ Твое́ отъ грѣ́хъ мои́хъ и вся́ беззако́нiя моя́ очи́сти. Се́рдце чи́сто сози́жди во мнѣ́, Бо́же, и Ду́хъ Пра́въ обнови́ во утро́бѣ мое́й. Не отве́ржи мене́ отъ Лица́ Твоего́ и Ду́ха Твое́го Свята́го не отими́ отъ мене́. Возда́ждь ми́ ра́дость спасе́нiя Твоего́ и Ду́хомъ Влады́чнимъ утверди́ мя́. Научу́ беззако́нныя Путе́мъ Твои́мъ, и нечести́вiи къ Тебѣ́ обратя́тся. Изба́ви мя́ отъ крове́й, Бо́же, Бо́же спасе́нiя моего́; возра́дуется язы́къ мо́й Пра́вдѣ Твое́й. Го́споди, устнѣ́ мои́ отве́рзеши, и уста́ моя́ возвѣстя́тъ Хвалу́ Твою́. Яко а́ще бы восхотѣ́лъ еси́ же́ртвы, да́лъ бы́хъ у́бо; всесожже́нiя не благоволи́ши. Же́ртва Бо́гу ду́хъ сокруше́нъ; се́рдце сокруше́нно и смире́нно Бо́гъ не уничижи́тъ. Ублажи́, Го́споди, Благоволе́нiемъ Твои́мъ Сiо́на, и да сози́ждутся стѣ́ны Iерусали́мскiя. Тогда́ благоволи́ши Же́ртву Пра́вды, возноше́нiе и всесожега́емая; тогда́ во́́зложа́тъ на олта́рь Тво́й тельцы́.

* Дабы иметь дерзновение пред Богом в молитве необходимо иметь чистую совесть. Чистая совесть достигается посредством деятльеного Покаяния, важнейшей частью коего суть покаянная молитва. Поэтому, прежде чем обращаться к Богу с какими-либо просьбами, нужно очистить свою душу от грѣха через Покаяние. "[Ибо] если сердце наше не осуждает нас, то мы имеем дерзновение к Богу, и, чего ни попросим, получим от Него, Если [же] сердце наше осуждает нас, то [кольми паче Бог], потому что Бог больше сердца нашего и знает все" (1Иоан.3:20-22).

Власть побеждать зло

Живы́й въ По́мощи Вы́шняго, въ Кро́вѣ Бо́га Небе́снаго водвори́тся. Рече́тъ Го́спо­деви: Засту́пникъ мо́й еси́ и Прибѣ́жище мое́, Бо́гъ мо́й, и упова́ю на Него́. Яко То́й изба́витъ тя́ отъ сѣ́ти ло́вчи и отъ словесе́ мяте́жна. Плещма́ Свои́ма осѣни́тъ тя́, и подъ Крилѣ́ Его́ надѣ́ешися. Ору́жiемъ обы́детъ тя́ Истина Его́. Не убои́шися отъ стра́ха нощна́го, отъ стрѣлы́ летя́щiя во дни́, отъ ве́щи во тьмѣ́ преходя́щiя, отъ сря́ща и бѣ́са полу́деннаго. Паде́тъ отъ страны́ твоея́ ты́сяща, и тьма одесну́ю тебе́, къ тебѣ́ же не прибли́жится. Оба́че очи́ма твои́ма смо́триши, и воздая́нiе грѣ́шниковъ у́зриши. Яко Ты́, Го́споди, Упова́нiе мое́; Вы́шняго положи́лъ еси́ Прибѣ́жище твое́. Не прiи́детъ къ тебѣ́ зло́, и ра́на не прибли́жится тѣлеси́ твоему́; я́ко Ангеломъ Свои́мъ заповѣ́сть о тебѣ́, сохрани́ти тя́ во всѣ́хъ путе́хъ твои́хъ. На рука́хъ во́змутъ тя́, да не когда́ преткне́ши о ка́мень но́гу твою́. На а́спiда (змею) и васили́ска (льва) насту́пиши, и попере́ши льва́ и змíя. Яко на Мя́ упова́, и изба́влю и́ (тебя), покры́ю и́, я́ко позна́ Имя Мое́. Воззове́тъ ко Мнѣ́, и услы́шу его́. Съ ни́мъ е́смь въ ско́рби, изму́ его́ и просла́влю его́. Долго́тою днíй испо́лню его́, и явлю́ ему́ Спасе́нiе Мое́.

ТРОПАРЬ КРЕСТУ ХРІСТОВУ

Спаси́, Го́споди, лю́ди Твоя́, и блогослови́ достоя́нiе Твое́, побѣ́ды [гряду́­щему] Благовѣ́рному Госуда́рю IМПЕ­РАТОРУ на́шему (ЕГОЖЕ и́мя Го́спо­ди, Ты́, вѣ́си) на сопроти́вныя да́руя, и Твое́ сохраня́я Крѣсто́мъ Твои́мъ Жи́тельство.

Кондакъ Кресту Хрістову

Вознесы́йся на Крѣ́стъ Во́лею, Тезоимени́тому Твоему́ Но́вому Жи́тельству Щедро́ты Твоя́ да́руй, Хрiсте́ Бо́же, возвесели́ Си́лою Твое́ю [гряду́щаго] Благовѣ́рнаго Госуда́ря IМПЕРАТОРА на́шего (ЕГОЖЕ и́мя Го́споди, Ты́, вѣ́си), побѣ́ды дая́ ЕМУ на сопоста́ты, посо́бiе иму́щу Твое́ ору́жiе ми́ра, непобѣди́мую побѣ́ду.

Молитва Кресту Христову

Да воскре́снетъ Богъ, и расточа́тся врази́ Его́, и да бѣжа́тъ отъ Лица́ Его́ ненави́дящіи Его́. Яко исчеза́етъ ды́мъ, да исче́знутъ; я́ко та́етъ во́скъ отъ лица́ огня́, та́ко да поги́бнутъ бѣ́си отъ лица́ лю́бящихъ Бо́га и зна́меную­щихся Кре́ст­нымъ Зна́меніемъ (осени себя Крестом) и въ весе́ліи гла­го́­лющихъ: ра́дуйся, Пречест­ны́й и Животворя́щій Кре́сте Госпо́день, прого­ня́яй бѣ́сы Си́лою на Тебѣ́ пропя́таго Го́спода на́шего Іису́са Хріста́, во а́дъ сше́дшаго и попра́вшаго си́лу діа́волю и дарова́вшаго на́мъ Тебе́, Кре́стъ Сво́й Чест­ны́й, на прогна́ніе вся́каго супоста́та. О Пре­честны́й и Животво­ря́­щій Кре́сте Гос­по́день! Помога́й ми́ со Свято́ю Госпоже́ю Дѣ́вою Богоро́дицею, Царѣ́мъ искупи́тѣлемъ НІКОЛАЕМЪ АЛЕКСАНДРОВИЧЕМЪ, Небе́с­ными Си́лами Безпло́т­ными и всѣ́ми Святы́ми во вѣ́ки.Ами́нь.

Псаломъ 2-й, молитва вѣрныхъ Богу и Его Помазаннику Царю

Вску́ю шата́шася язы́цы, и лю́діе поучи́шася тще́тнымъ? Предста́ша ца́­ріе земстіи, и кня́зи собра́шася вку́пе на Го́спода и на хрiста́ Его́ (т.е. на Богопомазанника-Царя). Расто́ргнемъ у́зы и́хъ и отве́ржемъ отъ на́съ и́го и́хъ. Живы́й на Небесе́хъ посмее́тся и́мъ, и Госпо́дь поруга́ется и́мъ. Тогда́ возгла­го́летъ къ ни́мъ Гнѣ́вомъ Свои́мъ и Яростію Свое́ю смяте́тъ я́ (ихъ): АЗЪ же поста́вленъ е́смь Ца́рь отъ Него́ надъ Сіо́номъ, горо́ю Свято́ю Его́, воз­веща́ть повеле́нія Госпо́дня. Госпо́дь рече́ ко МНѢ: сы́нъ Мо́й еси́ ты́, Азъ дне́сь роди́хъ ТЯ́: проси́ отъ Мене́, и да́мъ ТИ язы́ки достоя́ніе ТВОЕ, и одержа́ніе ТВОЕ концы́ Земли́; упасе́ши я́ (ихъ) жезло́мъ желе́знымъ, я́ко сосу́ды скуде́льничи сокруши́ши я́ (ихъ). И ны́нѣ, ца́ріе, разуме́йте, накажи́теся вси́ судя́щіи Земли́. Рабо́тайте Го́сподеви со стра́­хомъ, и ра́дуйтеся Ему́ со тре́петомъ. Пріи́мите наказа́ніе, да не когда́ прогне́ва­ется Госпо́дь, и поги́бнете отъ Пути́ Пра́­веднаго, егда́ возгори́тся вско́ре Ярость Его́; блаже́ни вси́ наде́ющіися На́нь. Ами́нь.

НIКОЛАЮ АЛЕКСАНДРОВИЧУ

Же́ртвѣ Хрiсто́вѣй въ подо́бiе, я́ко а́гнецъ непоро́чный, во́лею полага́е­шися во искупле́нiе Собо́рнаго грѣха́ измѣ́ны Богоизбра́ннаго Наро́да Ру́сскаго, Ца́рству въ себѣ́ раз­дѣ́львшѣмуся въ себѣ́же да́руеши исцѣле́нiе. О Cвяты́й Царю́ искупи́­тѣлю Нiко́лае! Страда́нiя твоя́ кре́стная сла́вимъ, и́ми бо Ца́рствiе воскреша́­ется во Сла́ву Царя́ Бо́га Небе́снаго, и во спасе́нiе ду́шъ на́шихъ.

Покаянная молитва Святому Царю искупитѣлю

НIКОЛАЯ АЛЕКСАНДРОВИЧУ

О Святы́й Царю́ искупи́тѣлю Нiко́лае, услы́ши ны́нѣ многоболе́зненный во́пль на́съ, погиба́ющи ча́дъ Твои́хъ, изъ тьмы́ грѣха́ къ Тебѣ́, Держа́вному Отцу́ на́ше­му взыва́ющихъ. При́зри ми́лос­тивно на бѣ́ды и страда́нiя на́ша и Путѣ́мъ Спасе́­нiя изведи́, я́ко Хрiсто́съ изъ бе́здны а́до­вой, всемо́щною Твое́ю моли́твою. Поне́­­же согрѣши́хомъ въ слѣпотѣ́ безу­́мiя на́шего па́че всѣ́хъ человѣ́къ на земли́: отверго́шася Царя́ Небе́снаго и тѣбѣ́ хрiста́ земна́го; Сло́во Бо́жiе презрѣ́ша, Пома́занниковъ Госпо́днихъ хули́ша, Свято́е Призва́нiе Божіе попра́ша и сата­нѣ́ беззако́нiями поработи́шася. Бо́гу да́н­ный Благочести́вый Собо́рный Обѣ́тъ вѣ́рно служи́ть Самодержа́внымъ Царя́мъ изъ До́ма Рома́новыхъ и всенаро́д­ную Прися́гу де́рзко преступи́ша, и цело­ва́­нiе Креста́ и Ева́нгелiя ни во что́ вмени́ша. Тѣбѣ́ же, Пома́занника Бо́жiя съ ца́рственною супру́гою Алекса́ндрою, ча́дами Твои́ми: Царе́вичемъ Алексíемъ, Царе́внами Ольгою, Татiа́ною, Марíей и Анастасíей, вѣ́рными дру́гами и слу́гами твои́ми, иу́диной измѣ́ной въ ру́цы сы́но­вѣй діа́вола на оклевета́ніе, поруга́нiе и пропя́тiе преда́ли еси́. Сего́ ра́ди, нача́тъ Госпо́дь отсту́пниковъ въ Ра́зумъ Истины лю́тыми скорбя́ми приводи́ти и подъ и́го жидо́вское Россíю отда́лъ еси́. Да́бы позна́ли лю́ди Ру́сскiе, ка́ко Бо́га и Пома́заника Его́ отверга́тися, а дiа́вола и клевре́тъ сатани́ныхъ слу́­шати.

О бе́здна а́дская паде́нiя на́шего! Кое́го грѣха́ отъ дру́жбы съ си́лой тѣ́мною не соде́лали, ко́е нече́стiе не сотвори́ли, ко́е зло́ въ се́рдцѣ свое́мъ не помы́слили! Го́споди Милосе́рдный, поми́луй на́съ! Ра́ди моли́твъ Свята́го Царя́ искупи́тѣля НIКОЛАЯ АЛЕКСАНДРОВИЧА расто́ргни окамене́нныя грѣ­хо́мъ сердца́ на́ша и изведи́ изъ на́съ, я́ко во́ду жи́ву, сле́зы покая́нiя; да услы́шатъ вси́ лю́ди Ру́сс­кiе сокрове́нный Гла́съ Тво́й, Го́споди: ка́ко бо мо́жете служи́ти Царю́ Небе́сному, а́ще бо Царя́ земна́го преда́ли еси́; сотвори́те пре́жде досто́й­ный пло́дъ Покая́нiя за грѣхи́ отце́въ ва́шихъ, омо́йтеся и очи́ститеся, испра́в­те сердца́ ва́ша двоеду́шныя, и уразуме́й­те, я́ко Россíя безъ Царя́, ка́ко и чело­вѣ́къ безъ главы́, е́сть тру́пъ смердя́щiй.

Сего́ ра́ди, приими́, у́бо Го́споди, мое́ Покая́нiе, и моли́твами Свята́го Царя́ искупи́тѣля НIКОЛАЯ АЛЕКСАНДРОВИЧА спаси́ и поми́луй [ (имярекъ) и]* всѣ́хъ сро́дникъ мои́хъ и вся́ лю́ди Ру́сскiя Благочести́вый Собо́рный Обѣ́тъ 1613 го́да преступи́вшихъ и до ны́нѣ преступа́ю­щихъ, всѣ́хъ ненави́дящихъ и оби́дя­щихъ на́съ и творя́щихъ на́мъ напа́сти, и а́ще (если) возмо́жно е́сть взыщи́, Го́споди, поги́бшiя ду́­ши отце́въ, и бра́тiй, и се́стръ на́шихъ. Прости́ непра́ведно восстаю́щихъ на на́съ и не оста́ви поги́бнути душа́мъ и́хъ, но спаси́ всѣ́хъ ра́ди Сла́вы Имени Твоего́ Пресвята́го: Отца, и Сы́на и Свята́го Ду́ха , я́ко Тво́е е́сть Ца́рствіе, и Си́ла, и Сла́ва ны́нѣ и при́сно во вѣ́ки вѣко́въ. Ами́нь. **

* Если у тебя есть родственники или ближние восстающие на Государя и на Православное Царское Самодержавие, потрудись помянуть их сдесь. Это будет одним из самых действенных средств к их вразумлению и исправлению.

** Не забываем, что когда оканчиваем просительную молитву, то Крестное Знамение творим со словами: "ИМЕНЕМ Господа Бога Отца, и Сына, и Святаго Духа. Аминь!" во знаменование получения просимого и незыблемого утвержденіе себя в Вере Богу решему нам: "Истинно, истинно говорю вам: ВЕРУЮЩИЙ в Меня, дела, которые творю Я, и он сотворит, и больше сих сотворит. И если чего ПОПРОСИТЕ у Отца ВО ИМЯ МОЕ, то сделаю, да прославится Отец в Сыне" (Иоан.14:12,13) "Доныне вы ничего не просили ВО ИМЯ МОЕ, [но ныне говорю вам:] ПРОСИТЕ, и ПОЛУЧИТЕ, чтобы радость ваша была совершенна" (Иоан.16:24)

ТРОПАРЬ НЕБЕСНЫМЪ СИЛАМЪ

Небе́сныхъ Во́инствъ Архистрати́зи: Михаíле, Гаврiи́ле, Рафаíле, Урiи́ле, Селафiи́ле, Iегудiи́ле, Варахiи́ле; и вси́ Святíи Небе́сные Си́лы: Серафи́мы, Херуви́мы, Престо́ли; Госпо́дствія, Си́лы и Вла́сти; Нача́ла, Арха́нгели и Ангели, сла́вящiе Го́спода, мо́лимъ ва́съ при́сно мы́ недосто́йнiи, да ва́шими моли́твами огради́те на́съ кро́вомъ кри́лъ невеще́ственныя ва́шея сла́вы, сохраня́юще ны́ припада́ющихъ прилѣ́жно и вопiю́щихъ: отъ бѣ́дъ изба́вите ны́, я́ко служи́тели Го́спода Бо́га Си́лъ.

Молитва Ангелу Хранителю

Ангеле Бо́жiй, храни́телю мо́й Святы́й, на соблюде́нiе мнѣ́ отъ Бо́га съ Небесе́ да́нный! Прилѣ́жно молю́ тя́, ты́ мя́ дне́сь просвѣти́ и отъ вся́каго зла́ сохрани́, ко благо́му дѣя́нiю наста́ви и на Пу́ть Спасе́нiя напра́ви. Ами́нь.

Молитвы 7-ми Архистратигамъ

О Вели́кiй Архістратиже Божій Мiхаи́­ле, де́моновъ сокруши́телю, Шес­токрыла́тыхъ пе́рвый Кня́же и Воево́до Небе́сныхъ Си́лъ да́руй на́мъ ре́вность по Сла́ве Имени Бо́жія необори́мую и содѣ́лай на́съ гро́зными и непобѣди́­мыми для враго́въ.

О Святы́й Архістрати́же Бо́жій Гаврiи́ле, Крѣ́посте и Вѣ́стниче Бо́жій, облеки́ на́съ Си́лою Смире́нiя Христо́ва и да́руй на́мъ у́мъ къ позна́нію Истины.