Сабактын темасы: Энергиянын алмашуусу

Сабактын темасы: Энергиянын алмашуусу

Сабактын максаттары.

А. Билим берүүчүлүк. Окуучулар адамдын организмине суткасына канча энергия сарпталышы, пластикалык зат алмашуу, энергия алмашуу, тамактануунун нормалары   жөнүндө терең билим алышат.

Б. Өнүктүрүүчүлүк.Окуучулар адамдын организмине суткасына канча энергия сарпталышы, пластикалык зат алмашуу, энергия алмашуу, тамактануунун нормалары жөнүндө мугалимдин лекциясын угуп, темага байланышкан сүрөт, слайд, видео роликтерди көрүп, сабакка кызыгуусу, ой жүгүртүүсү, илимий дүйнө таануусу, билгичтиктери өнүгөт.

В. Тарбия берүүчүлүк. Окуучулар зат алмашуунун оорулары боюнча маалыматтарга ээ болуу менен бирге эстетикалык, гигиеналык тарбия алышат.

Керектүү каражаттар: Окуу китеби, компютер, темага байланыштуу болгон сүрөттөр, видео, слайд, жана, бор, скоч, ж.б. каражаттар.

Сабактын тиби:Лекция.

Колдонулган усулдар:

- Оозеки (айтып берүү, түшүндүрүү, суроо-жооп, талкуу, аңгемелешүү)

- Көрсөтмөлүүлүк (көрсөтмө куралдарды)

-Дептер менен иштөө (сүрөт, таблица, схема, термин, жөнүндө маалыматтар жазуу)

- Мультимедиялык (сүрөттөр , таблица, схема, слайд) 

Сабактын жүрүшү: Сабак төмөндөгүдөй түзүлүштө, 7 этап менен ишке ашат:

1. Уюштуру; 2. Үй тапшырмасын суроо; 3. Жаңы темага киришүү; 4. Жаңы теманы өтүү; 5. Бышыктоо (жыйынтыктоо); 6. Үй тапшырмасын берүү; 7. Баалоо.

 

 

№

Сабактын түзүлүшү.

Мугалимдин аракети.

Окуучулардын аракети.

Мин

I.

Уюштуруу .

Саламдашып, доска, стол стулдун тазалыгын кароо, жоктоо, себебин тактоо, сабакка даярдыгын байкоо, кызыктуу сүрөттөр көрсөтүү аркылуу окуучуларын сабакка көңүл буруусу каратылат

Саламдашып, сабакка даярданып, сүрөттөрдун айырмачылыктарын табуу аркылуу окуучулар сабакка көңүл буруусун каратып, активдешишет.