Блажени милостивии, яко тии помиловани будут.

Закону Творца от ученика купиша беззаконнии и, яко законопреступника, Того Пилатову судищу представиша, зовуще: распни, в пустыни сим Маннодавшаго. Мы же, праведнаго разбойника подражавше, верою зовем: помяни и нас, Спасе, во Царствии Твоем.

(Творца Закона у ученика купили беззаконные, и как преступника, поставили Его пред судилищем Пилата, взывая: "Распни!" - в пустыне манну им подавшего. Мы же, праведному разбойнику подражая, с верою восклицаем: "Помяни и нас, Спаситель, во Царствии Твоем!")

Блажени чистии сердцем, яко тии Бога узрят.

Богоубийц собор, иудейский язык беззаконный, к Пилату неистовне зовый, глаголаше: распни Христа неповиннаго, Варавву же паче нам отпусти. Мы же вещаим к Нему разбойника благоразумнаго глас: помяни и нас, Спасе, во Царствии Твоем.

(Толпа богоубийц, Иудейское племя беззаконное, неистово крича, к Пилату обращалось: "Распни Христа неповинного и лучше Варавву нам отпусти!" Мы же возглашаем вопль благоразумного разбойника к Нему: "Помяни и нас, Спаситель, во Царствии Твоем!")

Блажени миротворцы, яко тии сынове Божии нарекутся.

Живоносная Твоя ребра, яко из Едема источник источающая, Церковь Твою, Христе, яко словесный напаяет рай, отсюду разделяяся яко в начала, в четыри Евангелия, мир напаяя, тварь веселя и языки верно научая покланятися Царствию Твоему.

(Живоносные Твои ребра подобны источнику, бьющему из Эдема, который Церковь Твою, Христе, напояет, как духовный рай, отсюда разделяясь, как на потоки, на четыре Евангелия, мир орошая, творение веселя, и народы верно научая поклоняться Царствию Твоему.)

Блажени изгнани правды ради, яко тех есть Царство Небесное.

Распялся еси мене ради, да мне источиши оставление; прободен был еси в ребра, да капли жизни источиши ми; гвоздьми пригвоздился еси, да аз глубиною Страстей Твоих к высоте державы Твоея уверяемь, зову Ти: Живодавче Христе, слава Кресту, Спасе, и Страсти Твоей.

(Ты был распят за меня, чтобы мне источить прощение; был пронзен в ребра, чтобы струи жизни мне извести; был гвоздями пригвожден, чтобы я, глубиною Твоих страданий в высоте могущества Твоего удостоверяемый, восклицал Тебе, Податель жизни Христе: "Слава и Кресту, Спаситель, и страданию Твоему!")

Блажени есте, егда поносят вам, и изженут, и рекут всяк зол глагол на вы лжуще Мене ради.

Распинаему Тебе, Христе, вся тварь, видящи, трепеташе, основания земли колебахуся страхом державы Твоея, светила скрывахуся, и церковная раздрася завеса, горы вострепеташа, и камение разседеся, и разбойник верный зовет с нами, Спасе, еже помяни во Царствии Твоем.

(При распятии Твоем Христе, все творение, видя это, трепетало, основания земли сотрясались в страхе могущества Твоего; светила скрывались, и завеса храма разорвалась, горы задрожали и камни распались; и разбойник верующий восклицает с нами Тебе, Спаситель: "Помяни во Царствии Твоем!")

Радуйтеся и веселитеся, яко мзда ваша многа на небесех.

Рукописание наше на Кресте растерзал еси, Господи, и, вменився в мертвых, тамошняго мучителя связал еси, избавль всех от уз смертных Воскресением Твоим, имже просветихомся, Человеколюбче Господи, и вопием Тебе: помяни и нас, Спасе, во Царствии Твоем.

(Рукописание против нас на Кресте разорвал Ты, Господи, и, причтенный к мертвым, тамошнего мучителя связал, избавив всех от уз смерти Воскресением Своим, которым мы просветились, Человеколюбче Господи, и взываем Тебе: "Помяни и нас, Спаситель, во Царствии Твоем!")

Слава: Отца, и Сына, и Духа Святаго вси единомудренно, вернии, славословити достойно помолимся, Единицу Божества, в Триех сущую Ипостасех, неслиянну пребывающу, просту, нераздельну и неприступну, Еюже избавляемся огненнаго мучения.

(Единодушно помолимся, все верные, чтобы нам достойно славословить Отца, и Сына и Духа Святого, Единицу Божества, в трех Лицах существующую, неслиянно пребывающую, простую, нераздельную и неприступную, Которою мы избавляемся от огненного наказания.)

И ныне, Богородичен: Матерь Твою, Христе, плотию безсеменно рождшую Тя, и Деву воистинну, и по рождестве пребывшую нетленну, Сию Тебе приводим в молитву, Владыко Многомилостиве, прегрешений прощению дароватися всегда зовущим: помяни нас, Спасе, во Царствии Твоем.

(Матерь Твою, Христе, по плоти без семени родившую Тебя, и Деву истинную, и после родов пребывшую неповрежденной, - Ее мы побуждаем к ходатайству пред Тобою, Владыка Многомилостивый! Прощение согрешений даруй непрестанно восклицающим: "Помяни, Спаситель, нас во Царствии Твоем!")

После малой ектении поется прокимен: