Мы поможем в написании ваших работ!
ЗНАЕТЕ ЛИ ВЫ?
|
Пе́снь Богоро́дицы: Вели́чит душа́ моя́ Го́спода: <см. основной Чин>
Содержание книги
- Богослужение Царской Православной Церкви
- Зря́щи я́ко наслажде́ние ско́рби,/ ше́ствующи те́сным путе́м,/ к учени́цам си́це глаго́лаше, преблаже́нная евфроси́ние:/ не устраши́мся по́двига по́стнаго,/ Да стра́шнаго гее&
- Степе́нна, 1-й антифо́н 4-го гла́са.
- Припе́в: Преподо́бная благове́рная княжно́ Евфроси́ние, моли́ Бо́га о нас.
- Стоя́нию всено́щному твоему́ удиви́шася Ангели,/ и́бо тех имя́ше поспе́шники, я́же к Бо́гу, в моли́твах.
- Нескве́рное зерца́ло, уте́шительныя зари́ прии́мши, преподо́бная Евфроси́ние,/ прия́телище Боже́ственных восхожде́ний.
- Вся кра́сная ми́ра сего́ попра́вши,/ бу́ди нам помо́щница,/ изнемога́ющим в боре́нии с пре́лестьми ве́ка сего́.
- Умертви́вши теле́сная стремле́ния мно́гими по́двиги,/ к жи́зни безсме́ртней отшла́ еси́, Евфроси́ние досточу́дная.
- Срамны́х страсте́й совлещи́ся ру́бищ,/ в кра́сныя же доброде́тели ри́зы облещи́ся/ сподо́би нас моли́твами твои́ми.
- Пе́снь Богоро́дицы: Вели́чит душа́ моя́ Го́спода: <см. основной Чин>
- lt;далее см. основной Чин>. Свети́льник нога́м на́шим бысть житие́ твое́, преподо́бная,/ ему́же после́дующе,/ невече́рняго Све́та безбе́дно дости́гнем.. Све́та Твоего́ заря́ми п
- В боле́знех по́стнических терпя́щи,/ прия́ла еси́ благода́ть/ душе́вныя боле́зни очища́ти ми́лостивно, чи́стая,/ ду́хом прогони́ти ду́хи/ и всем предста́тельствовати,/ те́мже
- Мир презре́вши и себе́ отве́ргшися,/ христу́ му́жественно после́довала еси́, преподо́бная евфроси́ние,/ ны́не же по труде́х в небе́сных оби́телех упокоева́ешися сла́достно,/ иде
Неугаси́му душе́вную свещу́ ма́слом твои́х по́двиг соблю́дши,/ вошла́ еси́ ра́достию в нетле́нный черто́г и живе́ши во ве́ки.
Не поколеба́ша душа́ твоея́ столп ве́тры нечи́стых духо́в,/ утверди́ бо ся на ка́мени ве́ры, всеблаже́нная:/ Го́спода по́йте и превозноси́те во ве́ки.
Злообра́зную страсте́й совлекла́ еси́ ри́зу,/ обле́кшися, блаже́нная, в кра́сную оде́жду боже́ственнаго безстра́стия,/ Христо́ви соца́рствуя:/ Го́спода по́йте и превозноси́те во ве́ки.
Богоро́дичен:я́ко честны́й превознесе́нный Престо́л су́щую Бо́га Вы́шняго/ воспои́м, лю́дие, еди́ну по Рождестве́ Де́ву сохра́ньшуся.
Пе́снь Богоро́дицы: Вели́чит душа́ моя́ Го́спода: <см. основной Чин>
Песнь 9
Ирмо́с: Вои́стинну Богоро́дицу/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.
Нечистота́ми грехо́вными оскверне́нных нас убели́,/ блаже́нная Евфроси́ние, моли́твами твои́ми,/ к покая́нию подви́гши ожесте́вшия ду́ши на́ша.
Нестяжа́нием упраздни́вшися,/ безбе́дно преплыла́ еси́ жите́йское мо́ре, преподо́бная,/ его́же треволне́ний изба́витися сподо́би и нам, чту́щим па́мять твою́.
То́ки слез твои́х огнь страсте́й угаси́ла еси́, блаже́нная,/ и́хже жже́ния изба́ви и нас моли́твами твои́ми.
Богоро́дичен:Бу́ди нам прибе́жище, стена́ и покро́в, Пречи́стая Де́во,/ да Тя с безпло́тными ли́ки непреста́нно велича́ем.
Ин
Ирмо́с: Велича́ем Тя, Ма́терь Бо́жию,/ и сла́вим Тя, Богоро́дице Де́во,/ я́ко Спа́са ро́ждшую душ на́ших.
Сою́зом грехо́вным помраче́нное се́рдце мое́ убели́, прекра́сная Евфроси́ние,/ покая́нием, слез ту́чами и моли́твами твои́ми.
Ве́трилом окорми́вшися нестяжа́ния,/ легко́ преплыла́ еси́ жите́йское, преподо́бная, мо́ре,/ к приста́нищу ти́хому направля́ема.
Звезда́ воздержа́ния, высота́ми сия́ющи, яви́лася еси́,/ ду́ши на́ша просвеща́ющи, пресла́вная.
Богоро́дичен:Де́ву по Рождестве́ пое́м Тя, Богоро́дице Мари́е,/ те́мже и Предста́тельницу Тя и́мамы и непреста́нно велича́ем.
Ин Богоро́дичен:Упова́ние на́ше, Богоро́дице, кре́пкая Помо́щнице,/ скорбя́щих от сме́рти изыма́еши и от мук избавля́еши,/ кому́ждо по достоя́нию благода́ть дае́ши,/ Тя, Богоро́дице, вси велича́ем.
|
