Степе́нна, 1-й антифо́н 4-го гла́са.

Неве́сто Христо́ва, Евфроси́ние всеблаже́нная,/ по́стническими по́двиги свои́ми все плотско́е мудрова́ние умертви́вши,/ вся́кими доброде́тельми украси́ла еси́ житие́ твое́/ и к Бо́гу дерзнове́ние стяжа́ла еси́,/ Ему́же приле́жно моли́ся поми́ловатися душа́м на́шим.

Сла́ва:Неве́сто Христо́ва, Евфроси́ние блаже́нная,/ яви́ся по́стническими по́двиги свои́ми светови́дно сия́ющи,/ те́мже с ли́ки, преподо́бная, му́дрых дев сочета́ся,/ с ни́миже ра́дующися, живе́ши в неве́стницех Христо́вех.

И ны́не, пра́здника или́ Богоро́дичен: Тя наде́жду, прибе́жище и Предста́тельницу обре́тше, ве́рнии,/ к Тебе́ притека́ем и приле́жно вопие́м:/ поми́луй, Богоро́дице, на Тя упова́ющия/ и прегреше́ний оставле́ние нам испроси́ моли́твами Твои́ми.

Ин Богоро́дичен: Стена́ непобеди́мая нам Христиа́ном еси́, Богоро́дице Де́во,/ к Тебе́ бо прибега́юще, невреди́ми пребыва́ем/ и, па́ки согреша́юще, и́мамы Тя Моли́твенницу,/ тем, благодаря́ще, вопие́м Ти:/ ра́дуйся, Обра́дованная, Госпо́дь с Тобо́ю.

Степе́нна, 1-й антифо́н 4-го гла́са.

Проки́менглас 4:Восхва́лятся преподо́бнии во сла́ве// и возра́дуются на ло́жах свои́х.Стих:Воспо́йте Го́сподеви песнь но́ву, я́ко ди́вна сотворй Госпо́дь.

<далее см. основной Чин>

По 50-м псалме́ стихи́ра глас 8:

Сама́ ше́ствующи те́сным путе́м,/ к спо́стницам свои́м глаго́лала еси́:/ не устраши́мся по́двигов и́ночества./ Томи́тельно поще́ние, но сла́достен рай,/ притру́дно моли́твенное стоя́ние, но блаже́нно пребыва́ние на Не́бе,/ го́рько своея́ во́ли отрече́ние, но уте́шительно сожи́тельство святы́м./ Не облени́мся у́бо, се́стры, претерпи́м ма́ло,/ да венцы́ нетле́нными увязе́мся// от Христа́ Бо́га и Спа́са душ на́ших.

<далее см. основной Чин>

Кано́н святы́яглас 8.