Аяз ата мен Ақшақарды қарсы алу

Фанфары

(қол шапалақтап құрмет көрсету)

 

2-жүргізуші:

Қош келдің, Жаңа жылым,

Жаңа жылым! О, менің Жаңа жырым!

Тауық жылы келгенде, сый ғып тартып,

Ақтарайық ән менен көңіл сырын.

1-жүргізуші:

Жыл басы жақын қалды деп

Тізгінді қолға алды деп.

Жар саламыз ағайын,

Жаңа жыл жақын қалды деп.        

Аяз ата мен Ақшақарды қарсы алу

(Қыстың белгісін білдіретін музыка ойналады)

1-жүргізуші:Бүгін біздің шыршамызға кімдер жетіспейді.

Оқушылар:Аяз ата мен Ақшақар.

2-жүргізуші:Олай болса, Аяз ата мен Ақшақармыздың ортаға шақырайық!

1-жүргізуші: Бәріміз біргеАяз ата, Аяз ата, Аяз ата. Деп дауыстап шақырамыз!

 

2-жүргізуші:

 Қуаныңдар, ағайын, тамсаныңдар,

 Сүйінішілеп маңайға жар салыңдар.

 Аяз ата келеді Ақшақармен

Қол соғып, қошеметпен қарсы алыңдар!

1-жүргізуші:Қош келдіңіз, Аяз ата, Ақшақар!

Құшақ жая қарсы аламыз сіздерді.

Бірге тойлап жаңа жылды бастайық,

Сіздерге арнап әннен шашу шашайық.

Аяз ата:

Армысыздар, баршамыздың гүлі, үмітіміздің нұры болған бүлдіршіндерім! Армысыздар, қадірменді қонақтар! Міне, биылғы жыл тағы да жасыл шырша жанында кездесудің сәті келді. Ой, талай елді шарлап, сіздердей талай сәбилердің күміс күлкісін қимай, бұл елге зорға жеттік. Әлі қанша балалар күтіп жатыр.

Ақшақар: Бармысыздар! Айналайын жүректерім! Бір жылдың ішінде өсіп қалыпсыңдар ғой! Жаңа жыл баршамызға бақ-береке, жақсылықтар әкелсін!

 

Ақша қар: Қандай керемет сарай, әсем шыршамыз тұр, қандай сүйкімді балдырғандар! Қане, достар! Бүгін бәріміз өз өнерімізді ортаға салайық, сыйлықтан да құр қалмайық.

2-жүргізуші:Аппақ тонға оранып,

Базарлықты мол алып,

 Келді бізге қонаққа,

Аяз ата оралып.

Балдырғандар, қане, кімнің қандай өнері бар?Ортаға шақырамын!

Ақша қар:Ал, балалар, тұрмайық,

Би билейік, жырлайық.

Аяз ата қуансын,

Дөңгелене зырлайық.