ош келдің, жаңа жыл!» атты ертеңгіліктің жүру барысы

8, 9, 10, 11 - сыныптарына арналған

 «Қош келдің, жаңа жыл!» атты ертеңгіліктің жүру барысы

Өтетін орны: Жалғансай орта мектебінің акт залы

Өтілетін күні және уақыты:

Бағдарлама:

1. Жаңа жылдық карнавалдык костюмдер

2. Музыкалық сәлемдеме ( ән, би)

3. Қабырға газеттері

4. Ойындар

Ақшақарлар биі:  (12 қыз бишілері)

 Жауапты:  

      Сахнаға әуенмен екі жүргізуші шығады.

1-жүргізуші: Қайырлы күн, жаңа жыл шыршасына жиналған ұстаздар, ата-аналар мен оқушылар!

 Сіздерді келе жатқан жаңа-жылдарыңызбен құттықтаймыз!

Мінекей, жаңа ғасырдың, жаңа заманның нұры жер бетіне сәулесін шашуда.

Күні кеше 2016 жылда қарсы алып жатсақ, енді бүгін қимастықпен шығарып салмақшымыз.

Біз үшін 2016 жыл мәнді де, сәнді қызықты жылдардың бірі болды. Енді бірер күннен соң, келер 2017 жыл осы отырған баршамызға мықты денсаулық, береке байлық, тың-табыстар тек қуаныш әкелсін демекпіз!

2-жүргізуші:

Жаңа заман еңселеніп еніп тұр,

Жаңа үмітпен, жақсылықпен келіп тұр,

Бойындағы бар мейірім қуатын,

Баршаңызға, баршаңызға беріп тұр!

1-жүргізуші: Жаңа заман білім нұрын шашып тұр,

Намыс – жігер бақыт гүлін ашып тұр,

Адамзаттың армандары асқақтап,

Тебіреніп от сезімі тасып тұр.

2-жүргізуші: Ел байлығын, жер байлығын сақтаймыз

Бабалардың аманатын ақтаймыз

Қазағымның мәртебесін көтеріп,

Адалдықты, алғырлықты ақтаймыз.

1-жүргізуші: Сенімменен гүл егіп қырқамызға,

Сәби үнмен шаттанып шыршамызда.

Жаңалықтың жаршысы, баспалдағы,

Бірге: Хош келдіңіз Ағайын, шыршамызға!

 

1-жүргізуші:   Кел жаңа жыл, қош келдің, қошеметпен қарсы алам,

                     Арманыма жеткізе кел, ғұмыр бойы аңсаған

                     Мен тәуелсіз Қазақстан, егеменді елімін,

                     Мен осылай, жаңа жыл, бар әлемге жар салам,

                      Кел, Жаңа жыл! Жаңа жыл!

Ресми бөлім

1-жүргізуші:Қуантсаң, халқым, баланы қуант баланы,

Баланы ғана қуантсаң бағың жанады.

Қамқорлық көрген, мейірім көрген үлкенмен,

               Қуаныштан ғана жайнасын бала жанары.

 

2-жүргізуші:Ендеше, осындай жаңа жыл мерекесімен оқушыларды құттықтау үшін сөз ортаға мектеп директоры Жексенбай Ибрайұлын шақырамыз.