Клиникалық тапсырма №1 (В – екінші шағын топ үшін)

Клиникалық тапсырма №1 (В – екінші шағын топ үшін)

Науқас М., 45 жаста, қабылдау бөліміне жедел жәрдем бригадасымен ессіз жағдайда жеткізілді. Жақындарының айтуы бойынша паркте ара шаққаннан кейін  науқаста күрт әлсіздік, бозғылттық, құрысулар содан кейін есінен тану дамыған. Жедел жәрдем этапында ә рет тері астына 0,5 мл 0,1% адреналин және көк тамырға 16 мг дексаметазон енгізілген. Бірақ науқас есін жинамаған, АҚҚ 40/0 мм.с.б.б., пульсі жіптәрізді. Жағдайының ауырлығына байланысты анамнез жинау, әсіресе аллергиялық анамнез жинау мүмкін емес.

Объективті: жағдайы өте ауыр. Науқас ессіз жағдайда. Тері жамылғысы бозғылт, ылғалды, ерін цианозы, акроцианоз байқалады. Сол жақ мойын аймағында жәндік шаққан ізі бар. Тыныс алуы жиі, беткей тыныс, ТАЖ - 30 рет минутына. Аускультацияда әлсіреген везукулярлы тыныс естіледі. Жүрек тондары әлсіреген, ырғақсыз. Пульсі ырғақсыз, 150 рет/мин, жіп тәрізді; АҚҚ - 30/0 мм.с.б.б. Іші  жұмсақ, ауырсынусыз.  

 

Тапсырмаға арналған қосымша зерттеу әдістері №1 (В)

1. Қан анализінде: НЬ - 160 г/л, лейкоциттер - 8.0х10⁹, эозинофильдер - 6%, таяқша-ядролы нейтрофильдер - 4%, сегментядролы нейтрофильдер - 62%, лимфоциттер - 22%, моноциттер - 6%, СОЭ - 14 мм/сағ.

2. Қанның газдық құрамы: р02- 55 мм; рС02- 45 мм.

 

Тапсырма сұрақтары:

1.Алғашқы диагнозды қой және оны негізде.

2.Анафилактикалық шоктың ауырлық дәрежесіне сипаттама бер.

3.Қажетті емдік – диагностикалық тексерістердің тізімін ата. Болжамы кандай?

4.Екшеу – диагнозын жүргіз.

5.Анафилактикалық шок дамуының механизмі қандай? Патогенезінің негізгі жолдары қандай?  

 

 

Клиникалық тапсырма №1 (С-үшінші шағын топ үшін)

 

Науқас М., 33 жаста, қабылдау бөліміне жедел жәрдем бригадасымен жеткізілген. 2 сағат бұрын енгі жағының және мойнының қызаруын, қышуын анғарған. Емханада новокаинмен жергілікті жансыздандыру арқылы төменгі жағының 5 тісінің экстракциясы жасалған.  Новокаин инъекциясынан 5 мин кейін науқаста күрт әлсіздік, ысыну сезімі, қышыну, жүрек айну және құсу, ауа жетпеу сезімі, еріктен тыс зәр және ұлы дәрет шығару болған. Науқас есінен танған.  

Объективті:Жалпыжағдайы ауыр. Дене температурасы 36,7 °С, бетінің, мойнының және кеуденің айқын қызаруы анықталды. Кеуде клеткасы нормостеникалық, тыныс алу актісіне қосымша бұлшықеттер қатысады. Пальпацияда кеуде клеткасы ауырсынусыз. Тыныс алуы шулы, беткей, ТАЖ 28 рет мин. (16-18 рет мин), аускультацияда өкпеде көптеген ылғалды сырылдар естіледі. Жүрек тондары анық, ритмді. АҚҚ 60/15 мм.с.б.б. Пульсі әлсіз 120 рет/мин. Іші жұмсақ, ауырсынусыз.