Послание и наказание ото отца к сыну

Благословение от благовещеньскаго попа Селивестра возлюбленному моему единородно сыну Анфиму милое мое чадо дорогое послушаи отца своего назание рождьшаго тя и воспитавшаго в добре наказании и в заповедех Господних и сътраху Божию и Божественному Писанию изучену и всякому закону християньскому и промыслу доброму во всяких торговлех и во всяких товарех наказану и святительское благословение на себе имеешь и царское государево жалование и государыни царицы и братии его и всех боляр и з добрыми людми водишися и со многими иноземцы великая торговля и дружба есть все ecи доброе получил и умеи еси совершити о Бозе яко же начато при нашем попечении и по нас тако же бы Бог соблюл по тому жити. И законному браку сочтах тебе у добру родителю благодарную дщерь и благословил есми тобя всякою святынею и честными кресты и святыми образы и благословенным стяжанием яко же мню от праведных трудов а в неведании Бог правитель и ныне убо сыну Анфим предаю тебе и поручаю и оставляю Создатели нашему доброму блюстителю Исусу Христу и Его Матери Пречистыя Богородица и Заступнице нашеи Помощнице и всем святым яко же рече Писание подщися дети оставити наказаны в заповедех Господних лучше неправеднаго богатества аще и в праведнем убожестве неже бы в неправеднем богатестве и ты чадо блюдися неправеднаго имения а твори добрыя дела имеи чада великую веру к Богу все упование возлогаи на Господа никъто же надеяся на Христа не погибнет. Прибегаи всегды с верою ко святым Божиим церквам заутрени не просыпаи обедни не прогуливаи вечерни не погреши и не пропиваи павечерница и полунощница и часы в дому своем всегды по вся дни пети то всякому християнину Божии долг аще возможно по времени прибавишь правила на твоем произволении болшую милость от Бога обрящеши а в церкви Божии и дому на правиле и на всяком молении и сам и жену и детеи и домочатцов стояти со страхом Богови молититися и со вниманием слушати отнюд в те поры ни о чем не беседовати ни обзиратися разве ли кия нужда а говорити правило келеиное и церковное единогласно чисто а не вдвое священническии чин и иноческии почитаи те бо суть Божии слуги теми очищаемъся от грехов те имеют дерзновение молитися Господу о гресех наших и Бога милостива сотворят повинуися чадо отцу духовному и всякому священническому чину во всяком духовном наказании а жена тако же в дом свои их призываи молитися о здравии за царя и государя и за царицу и за чада их и за братию его и за сьвещенническии чин и мнишескии и за вся християне и о своем согрешении и о своих домочадцев молебная совершаи и воду бы святили з животворящаго креста и со святых мощеи и с чудотворных образов аще болезьни ради за здрави и маслом свящают и в церквах Божиих тако же твори приходи с милостынею и с приношением за здравие и по родителех преставльшихъся память твори со всякою чистотою и сам воспомяновен будеши от Бога церковников и нищих и маломожных и бедных и скорбных и странных пришелцов призываи в дом свои и по силе накорми и напои и согреи и милостыню даваи от своих праведных трудов и в дому и в торгу и на пути тою бо очищаются греси те бо ходатаи Богу о гресех наших имеи чада истинную правду и любовь нелицемерную ко всем не осужаи никого ни в чем свои грехи рассужаи како избыти их чево сам не любиш того и другу не твори и храни чистоту телесную паче всего да наступи на совесть свою яко же на лютаго врага и возненавиди яко же милаго душетленнаго дъруга хмелного пития Господа ради отверзи от себе пияньство в сем убо недуге и вся злая ражаются обычаи от него аще от сего сохранит тя Господь вся благая и полезная от Бога получиши и от человек чесьтен будеши и души своеи просвет сотвориши на вся добрая дела воспомяни чада апостольское слово не прельщаитеся ни пьяница ни блудник ни прелюбодеи ни содомленин ни тать ни разбоиник ни клеветник ни хищник Царствия Божия не наследят аще которою страстию победился еси чадо или в которое грехопадение впал о сем прибегни к Богу с теплою верою и ко отцу духовному з горкими слезами и плачися о гресех своих и каися истинне еже таковая не творити и заповед отца духовънаго храни и епитемью держи милостив Господь праведных любит грешных милует всех зовет ко спасению и паки храни и блюди себе в християньском житии праведном законе удержи язык свои от зла и устне свои еже не глаголати льсти храни себе ото лжа и от похвалы и от клеветы и сам ни в чем не величаися уничижи себе паче всех человек узриши славу Божию о всякого чадо не презри во всякои нужи памятуи чадо како мы жихом век никто же изыде от дому нашего тощь или скорбен по силе вся потребная всякому человеку Бога ради давано и скорбново словом ползовано аще кому в чем возможно и мы помогали Бога ради и ссужали всячески а нам невидимо Христос изобилно посылал милость свою всяких благих а не помыслихом никогда на зло никому разьве недоразумия а без лукавства чадо люби мнишескии чин и страннии пришелцы всегда бы в дому твоем питалися и в монастыри с милостынею и с кормлею приходи и в темницах и убогих и больных посещаи и милостыню по силе даваи а домочадцов своих одеваи и корми доволно а жену свою люби и в законе живи по завоведи Господни в неделю и в среду и в пяток и в празники Господни и Великии Пост в чистоте пребываите в посте и молитве и в покаянии и во всяких добродетелех законъное жительство в славу Богу и в жизнь вечную а любодеем и прелюбодеем судит Бог да сам чадо что твориши того жену учи всякому страху Божию и всякому вежьству и промыслу и рукоделью и домашнему обиходу и всякои порядне умела бы сама и печи и варити и всякую домашнюю порядню умела и всякое женьское рукоделье знала коли сама все знает и умеет ино умеет и детеи и слуг всему научити и наряжати и наказати во всем и сама бы хмелново питья отнюд не любила и дети и слуги у неи того же любили же а всегда бы жена без рукоделия сама ни на час не была разве немощи а слуги у неи тако же а в гостех будет или у неи гости отнюд бы сама пьяна не была а з гостьями беседа бы была о рукодельи и о домашнеи порядне и о законном християньском житии а не пересмеиваися и не переговаривала бы ни о ком ничево в гостех и в дому песнеи бесовских и всякого срамословия и блядливых речеи и блудных пословиц сама и слуги не говорила и не творила бы того ни у кого бы не слушала и волъхвов и кудесников и всякого чарования не знала бы и в домы не пушали ни мужиков ни женок аще не внимает сего всячески наказуи страхом и спасая а не гневаися на жену а жена на тебе наказуи наедине да наказав примолви и жалуи и люби ея тако же и детеи и домочатцов своих учи страху Божию и всяким добрым делом понеже тебе о них ответь дати в день Страшного Суда аще по нашему наказанию и по сему писанию учнете жити велию благодать от Бога обрящете и жизнь вечную наследите и з домочатцы своими да держися чадо добрых людеи во всяких чинех и ревнуи добрым делом вънимаи словеса добрые и твори я почитаи часто Божестьвеное писание и влагаи в сердце себе на ползу видел еси чадо како в житии сем жихом во всяком благоговении и сътрасе Божии и в простоте сердца и церковном прилежании со сътрахом и Божественным писанием ползуючися всегда и како были Божиею милостию от всех почитаем и всеми любим и всякому и в потребных уноровил и рукоделием и службою и покорением а не гордынею ни прекословием не осужах никого не просмеивал ни укаривал никого ни бранивался ни с кем и пришла от кого обида и мы Бога ради терьпели и на себя вину полагали и тем враги други быша и аще которою виною душевною или телесною согреших пред Богом и предо всеми человеки и вскорь о том плакахся к Богу греха своего и у отца своего духовнаго каяхся со слезами и умилне прощения прося и заповеди его духовныя с любовию хранях яко же повелить ми и аще кто мя в моем прегрешении или в какове невежьстве обличить или кто духовне накажет или кто в посмех поносит мя и укоряет вся сия с любовию приимах и себе внимах аще по делом о всем о сем каяхся и от таковых дел удаляхся Богу поспешествующу ми аще что и не повинно и не по делу молва или поношение или посмех каков или укоризна или ударение во всем в том винихся и не оправдахъся пред человеки Бог сие праведным своим милосердием исправит воспоминах Еуаггельское слово любите враги ваша добро творите ненавидящим вас благословите кленущая вы молите за творящая вам пакости изгоняющая вы биющему тя в ланиту обрати ему и другую и от взимающаго ти ризу и срачицу не возбрани и всякому просящему у тебе даи от взимающаго твое не истязуи аще кто тя поиметь поприще едино иди с ним и две и паки еще воспоминая причастную молитву Господи даждь ми милость ненавидящим мя и враждующим ми и поношающим ми такоже и оклеветающим мя да никто же от них мене ради нечистаго и грешнаго зло некако постражеть ни в нынешнем ни в будущем веце но очисти их милостию своею и покрыи их благодатию своею Благии тем всегда утешах себе не погреших никогда же церковнаго пения от юности своея и до сего въремени кроме немощи ни нища ни странна ни убога ни скорбна ни печална никогда же презрех кроме невидения и в темницы болна и пьленена и из работы должьна и во всяких нужах по силе окупих и гладних по силе кормих работных своих всех свободих и наделих и ины окупих из работы и на свободу попущах и все те роботые наши свободны и добрыми домами живут яко же видиши и молят за ны Бога и доброхотают нам всегда а кто забыл нас Бог его простит во всем а ныне домочадцы наши все свободны живут у нас по своеи воли видел еси чадо мое многих пустошных сирот и работных и убогих мужеска полу и женьска и в Нове городе и зде на Москве вскормих и вспоих до совершена возраста изучих хто чево достоин многих грамоте и писати и пети иных иконного писма инех книжного рукоделия овех серебреново мастерства и иных всяких многих рукоделеи а иных всякими многими торговли изучих торговать а мати твоя многие девицы и вдовы пусътошные и убогие воспитала в добре наказании изучила рукоделию и всякому домашнему обиходу и наделив замужь давала а мужескии пол поженили у добрых людеи и все те дал Боге свободны своими добрым домами живут многи во свещенническом и во дьяконьском чину и в дьяцех и в подьячих и во всяких чинех кто чево дородился и в чем кому благоволил Бог быти овии рукодельничают всякими промыслы а многия торгуют в лавках мнози и гоздьбы деют в различных землях всяки торговлями а божиею милостию во всех тех наших скормленикех и послуживцех ни соромота ни убыток никакая продажа от людеи ни людем от нас ни тяжа ни с кем не бывала во всем Бог соблюл по ся места а от кого нам от своих скормлеников досада и убытъки многи и велики бывали ино то все на себе понесено нихто того не слыхал а нам то Бог исполнил и ты чадо тому же ревнуи и тако твори на себе, всякую обиду понеси и претерпи Бог сугубо исполнит не познах другия жены разве матери твоея еже с нею обещахове то и сотворих о Бозе соверши Христе християньски сконьчати живот свои в заповедех Твоих живи чадо по християньскому закону во всяких обычаех без лукавства и безо всякия хитрости ко всем а не всякому духу веруи доброму ревнуи лукавых и законопреступных во всяких обычаех отнюд не люби а законнои брак со всяким опасением храни до коньчины живота своего чистоту телесную храни кроме жены своеи не знаи никого и пьяньственаго недуга такоже берегися в дву сих главизнах вся злая сводятся до ада преисподняго и дом пуст имению тщета и от Бога не помилован будет и от людеи безчестен и посмеян и укорен и от родителю прокълят аще чадо тебя от сего зъла Господь сохранит закон сохраниши по заповеди Господни и от хмелного питья воздержися и во всяких добродетелех поживеши яко же есть богобоязнивии люди и ты от Бога помилован будеши а от людеи честен и исполнит Господь дом твои всякою благодатию и еще воспомянути гостеи приезжих у себя корми а на суседстве и з знаемыми любовно живи о хлебе и о соли и о доброи зделке и о всякои ссуде а поедешь куды в гости поминки не дороги вози за любовь а в пути от стола есть подаваи домовным государем и проходящим и их с собою сажаи за стол и питеица такоже подаваи а маломожным милостыню даваи аще сия твориши то везде тебя ждуть и стречають а в путь провожают от всякого лиха берегут на стану не покрадут а на дороге не розобьют того ради кормят добраго до добро а лихова от лиха тот ся на добро обратит во всем в том убытка нет в добрых людех хлеб соль заемное дело а поминъки такоже а дружба в век а слава добрая а на дороге и в пиру и в торговле отнюдь сам брани не зачни а кто излает терпи Бога ради а от брани уклонися добродетель злобу преодолевает Господь бо гордым противится смирена Бог любит а покореному Бог благодать дает аще людем твоим лучитца с кем брань где ни будь и ты на своих брани а кручиновато дело и ты ударь хоти и твои прав тем брань утолиши такоже убыток и вражда не будет да еще недруга напоити и накормити хлебом да солью ино вместо вражды дружба воспоминаи сыну великое Божие милосердие к нам и заступление от юности и до сего времени на поруку не давал никого ни меня не давывал никто во всяких вещех и на суде не бывал ни с кем ни искивал ни отвечивал а видел еси сам в рукодеях и во многих бо всяких вещех мастеров всяких было много иконники книжные писцы серебреные мастеры кузнецы и плотники и каменьщики и всякие и кирпищики и стеньщики и всякие рукоделники денги и по пети и по десяти и болши а многи были чмуты и бражники и со всеми теми мастеры в сорок лет дал Бог разлезенося без остуды и бес пристава и безо всякия кручины все то мирено хлебом да солью да питьеме да подачею и всякою добродетелью да своим терпением а сам у кого што купливал ино ему от мене милая розласка без волокиды платежь да еще хлеб да соль сверх ино дружба в век ино всегда мимо мене не продаст и худого товару не дасть и у всего не доимет а кому што продавывал все в любовь а не в оман не полюбит хто моего товару и аз назад возму а денги отдам а о купли и о продажи ни с кем брань и тяжба не бывала ино добрые люди во всем верили и зде и иноземцы никому ни в чем не сьлыгивано не манено ни пересрочено ни в рукодельи ни в торговли ни кабалы ни записи на себя ни в чем не давывал а ложь никому ни в чем не бывала а видел еси сам какие великие сплетъки со многими людьми были да все дал Бог без вражды коньчалося а ведаеш и сам что не богатеством жито з добрыми людми правдою да ласкою да любовию не гордостию и безо всякия лжи чадо мое любимое Анфим еже тя поучах и всячески наказывах о всяком добродетелном и богодохновенном житии и грубое сие писание худаго моего учения предах ти молю тя чадо Господа ради и Пречистои Богородицы и великих чюдотворцев почитаи себе с любовию и со вниманием и напиши на сердцы своем и прося у Бога милости и помощи и разума и крепости и вся предиреченная с любовию и делом тако же по сему писанию и жену поучаи и наказуи такоже и детеи своих и домочадцов всех учи страху Божию и добродетелному житию и аще сам вся сия твориши и жену и детеи и раб и рабынь и всех ближних своих и знаемых научиши и дом свои добре устроиши вся благая от Бога обрящеши и жизнь вечную наследиши со всеми одержимыми тобою аще сыну моему моления и поучения не внемлиши и по сему писанию не учнеши жити яко заповеди не начнешь хранити и от богодухновенных мужеи не пользуешися поучением и почитанием святаго Писания и християньскаго праведнаго закона не храниши и о домочатцех своих не радиши яз твоему греху не причастен сам о ceбе и о домочатцех своих и о жене ответ даси в день Страшнаго Суда аще чадо мое возлюбленное и малые сия заповеди худаго моего учения сохраниши и по нашему пути поидеши и словес моих послушаеши и делом творити нашнеши и будеши сын свету и наследник Небесному Царствию и будет на тебе милость Божия и Пречистыя Богородицы и Заступницы и Сергия и Никона и Кирила и Варлама и Александра и всех святых и родительская молитва и мое въчное на тебе благословение отныне и до века и благословляю тебя чада своего и прощаю в семь и в будущем и буди на тебе милость Божия и на жене твоеи и на чадех твоих и на всех ваших доброхотав отныне и до века.

Чадо мое единородное и любимое Анфим произволил Бог и благочестивыи и православныи царь государь велел послужити тебе в своеи царскои казне у таможенных дел и ныне молю тя чадо и со слезами глаголю Господи ради памятуи царское наказание прося у Бога помощи и разума от всея душа и от всего помышления служи верою да правдою безо всякия хитрости и безо всякаго лукавства во всем государьском другу не дружи недругу не мсти и волокида бы людем ни в чем не была всякого отделаи с любовию без брани а не поспеется и ты добрыме словом отвещаи и присрочив не изволоча отпусти а в торговли прямую розласъку чини душевредная бы тъвоя служба не была государю ни в чем а сам благословленым государьским уроком сыт буди и все бы у тебя государьское было всегда в счете и в смете и в писме и приход и расход и к казначеем буди послушен а с товарищами советен а к подьячим и мастером и к сторожем грозен и любовен и ко всяким людем приветен а победных и скорбных и нужных и полонеников отнюд без волокиды управ и от собя по силе накорми и напои и милостыню даи по человеку смотря а случится суд всякому человеку богату и убогу другу и недругу аще свое дело истинно и праведно без волокиды и без всякия хитрости соверши по Еуаггельскому словеси не на лица судите сынове человечестии но праведен суд судите им же судите судом судится вам и в ню же меру мерите возмерится. Слава свершителю Богу ныне и в век века аминь.

Выверено по изданию: Домострой. СПб.: Наука, 1994. (Серия "Литературные памятники".) Издание подготовили В.В.Колесов, В.В.Рождественская. В электронном издании все буквы "ять" замене- ны на "е", а также убраны все буквы "ъ", находящиеся в конце слова.

 

Судебник 1550 года Лета 7058 июня царь и великий князь Иван Васильевич всеа Руси [с] своею братьею и з бояры сесь Судебник уложил; как судити бояром, и околничим, и дворецким, и казначеем, и дьяком, и всяким приказным людем, и по городом намесником, и по волостем волостелем, и тиуном и всяким судьям. 1. Суд царя и великого князя судит боаром, и околничим, и дворецким, и казначеем, и дьяком. А судом не дружыги и не мстити никому, и посулу в суде не имати; також и всякому судье посулов в суде не имати. 2. А которой боярин, или дворецкой, или казначей, или дьак просудится, а обвинит кого не по суду безхитростно (1), или список подпишет и правую грамоту (2) даст, а обыщется то в правду, и боярину, и дворецкому, и околничему, и казначею, и диаку в том пени нет (3); а истцом суд з головы, а взятое отдати. 3. А которой боярин, или дворецкой, или казначей, или дьяк в суде посул возмет и обвинит не по суду (4), а обыщется то в правду, и на том боярине, или на дворецком, или на казначеи, или на дьяке взята исцов иск (5), а пошлины царя и великого князя, и езд, и правда, и пересуд, и хоженое, и правой десяток и пожелезное взята втрое (6), а в пене что государь укажет. 4. А которой дьяк список нарядит или дело запишет не по суду, не так, как на суде было, без боярьского, или без дворецкого, или без казначеева ведома, а обыщется то в правду, что он от того посул взял, и на том дьаке взята перед боярином вполы да кинута его в тюрму. 5. Подьачей, которой запишет не по суду для посула без дьячего приказу, и того подьячего казнита торговою казнью, бита кнутьем. (...) 8. А имата боарину, и дворецкому, и казначею и дьяку в суде от рублевого дела (7) на виноватом поциин, кто будет виноват, ищея (8) или ответчик, и боярину, или дворецкому, или казначею на виноватом одиннатцать денег, а дьяку семь денег, а подьячему две денги; а будет дело выше рубля и ниже рубля, и им имата пошлины по росчету; а болши того им не имата. (...) А возмет боарин, или дворецкой, или казначей, или дьак, или подьячей, или неделщик (9) на ком что лишек, и на том взята втрое. А хто учнет биги челом на боярина, или на дьяка, или на подьячего, или на неделщика, что взяли на нем сверх пошлин лишек, и обыщется то, что тот солгал, и того жалобника казнита торговою казнью да вкинута в тюрму. (...) 26. А бесчестие (10) детем боярским, за которыми кормлениа (11), указата против доходу, что на том кормление по книгам доходу (12), а жене его безчестья вдвое против того доходу; которые дета боарьские емлют денежное жалование, скол-ко которой жалованьа имал, то ему и бесчестие, а жене его вдвое против их бесчестиа; а дьяком полатным и дворцовым безчестае что царь и великий князь укажет, а женам их вдвое против их бесчестна; (...) а торговым людем и посадцким людем и всем середним бесчестиа пять рублев, а женам их вдвое бесчестиа против их бесчестиа; а боярскому человеку доброму (13) бесчестиа пять рублев, опричь тиунов и довотчиков, а жене его вдвое; а тиуну боярскому или довотчику и праведчику (14) бесчестна против их доходу, а женам их вдвое; а крестианину пашенному и непашенному бесчестиа рубль, а жене его бесчестиадва рубля; а боярскому человеку молотчему (15) или черному городцкому человеку молодчему (16) рубль бесчестиа, а женам их бесчестиа вдвое. А за увечие указыва-ти крестианину, посмотря по увечию и по бесчестию; и всем указывата за увечие, посмотря по человеку и по увечью. 61. А государьскому убойце, и градскому здавцу, и коромолнику, и церковному татю, и головному татю, и подметчику, и зажигалнику (17), ведомому лихому человеку, жывота не дата, казнит ево смертною казнью. (...) 64. А детей боарьских судита наместником по всем городом по нынешным царевым государевым жаловалным вопчим грамотам. (...) 72. А по городом наместником городских посадских всех людей промеж их судит, обыскивая по их животом и по промыслом и по розмету (18): сколке рублев кто цареву и великого князя подать дает, по тому их, обыскивая, судит и управа чинит. А розметныя книги (19) старостам и соцким и десяцким и всем и людем тех городов своих розметов земсково дьака руку за своими руками еже-год присылата на Москву к тем боаром, и дворецким, и х казначеем, и к дьа-ком, у кого будут которые городы в приказе (20); а другое книги розметные своих розметов старостам и соцким и десяцким тех городов, где кто живет, отдавати тех городов старостам и целовалником (21), которые у наместников в суде сидят. И кто тех городов городцкие посадцкие люди учнут промеж себя искати много, не по своим животом, и про тех исцов сыскивати розметными книгами, сколко он рублев с своего жывота подати дает; и будет жывота ево столко есть, на сколко ищет, ино ему дата суд; а будет жывота ево сколке нет, и тех исцов в их искех тем и винит, а пошлины имати по Судебнику, а цареве государево пене велета дата на поруку да прислата к Москве ко государю. А городцким посацким людем искати на наместникех и на их людех по своим же жывотом и по промыслом и по розмету. (...) 81. А детей боарьских служилых и их детей, которые не служивали, в холопи не приимати никому, опричь тех, которых государь от службы отставит. (...) 88. А крестианом отказыватись из волости в волость и из села в село один срок в году: за неделю до Юрьева дни до осеннего и неделя по Юрьеве дни осеннем. А дворы пожилые платят в поле рубль и два алтына, а в лесех, где десять връст до хоромного лесу (22), за двор полтина и два алтына. А которой крестианин за кем жывет год да пойдет прочь, и он платит четверть двора; а два года пожывет, и он платит полдвора; а три годы пожывет, и он платит три четверга двора; а четыре годы поживет, и он платит весь двор, рубль и два алтына. А пожилое имати с ворот (23). А за повоз (24) имати з двора по два алтына; а опричь того пошлин на нем не имати. А останетца у которого крестианина хлеб в земли, и как тот хлеб пожнет, и он с того хлеба или с стоачего даст боран (25) два алтына; а по кои места была рож его в земле, и он подать цареву и великого князя платит со ржы, а боярьского дела ему, за кем жыл, не делати. А попу пожылого нет, и ходити ему вон безсрочно воля. А которой крестианин с пашни продаст ся в холопи в полную, и он вывдет безсрочно ж, и пожылого с него нет; а которой хлеб его останется в земле, и он с того хлеба подать цареву и великого князя дает; а не похочет подати платит, и он своего хлеба земленаго лишен. (...) 92. А которой человек умрет без духовной грамоты, а не будет у него сына, ино статок весь и земли взяти дочери; а не будет у него дочери, ино взята ближнему от его роду. (...) 98. А которые будут дела новые, а в сем Судебнике не написаны, и как те дела с государева докладу и со всех боар приговору вершается, и те дела в сем Судебнике приписывати. (...) ПРИМЕЧАНИЯ: (1) Безхитростно - по ошибке. (2) Правая грамота - постановление (решение) суда. (3) Пени - наказания (штрафы). (4) Не по суду - за взятку, вопреки достоверным результатам следствия и суда. (5) Взяти исцов иск - взыскать штраф в размере суммы иска (частного). (6) Перечислены судебные расходы (езд, хоженое) и пошлины, взимаемые с виновного в тройном размере. (7) Oт рублевого дела - от суммы иска в рубль. (8) Ищеа - истец. (9) Недельщик - выборный или назначенный человек, исполняющий поручения суда по неделям. (10) Бесчестие - плата за оскорбление. (11) Кормления - доходы за исполнение обязанностей по делам управления. (12) По книгам - по доходам, записанным в книгах. (13) Боярский человек добрый - холоп по своему положению или профессии, более ценимый господином. (14) Тиун, довотчик, праведчик - холоп, исполнявший в доме и хозяйстве господина административные или судебные функции по его поручению. (15) Боярский человек молотчий - рядовой холоп, выполнявший "черную" работу. (16) Городцкой человек молодчий - малоимущий посадский человек. (17) Государьский убойца - убийца своего господина: традский здавец - сдавший изменой Bpaiy город (крепость); церковный тать - вор, обокравший церковь: головный тать -убийца; подиетчик - человек, подбросивший с злым умыслом какую-либо вещь: зажигал-ник - подхитальник, совершивший умышленный поджог. (18) Розмет - определение размера податей внутри общины посадских людей между ее членами по имуществу и доходам. (19) Розметные книга - с записью "розмета". (20) В приказе - в ведении. (21) Выборные старосты и целовальники (целовавшие крест о добросовестном исполнении выборной должности, например, при таможнях, тюрьмах и т.д.) и участвовавшие в наместничьем суде. (22) Хоромный лес - пригодный для строительства дома и хозяйственных зданий. (23) С ворот - со двора с воротами, а не с других построек. (24) Повоз - поставка на подводах натуральных податей, взамен которых взимается по два алтына с двора за год. (25) Борон - подать, штраф. Судебники XV-XVI веков. М-Л., 1952. С. 141-176.

Исторические источники

 

 

Стоглавый собор

Краткий комментарий

СТОГЛАВЫЙ СОБОР, церковный собор с участием царя Ивана IV ипредставителей Боярской думы, заседавший в Москве в январе — феврале 1551 (окончательное завершение работы Стоглавого собора относится к маю 1551). Свое название получил от сборника соборных решений, поделенного на 100 глав, — “Стоглав”. Стоглавый собор был созван по инициативе правительства, которое стремилось укрепить положение Церкви в борьбе с еретическими движениями. Программа реформ, предложенная Стоглавым собором в виде т.н. царских вопросов, составленных, по-видимому, при участии Сильвестра Благовещенского, предусматривала наряду со значительной перестройкой внутрицерковной жизни секуляризацию церковных земель и установление подсудности духовных лиц светскому суду. Эта часть правительственных предложений была категорически отклонена большинством Стоглавого собора.

Стоглавый собор провозгласил неприкосновенность церковных имуществ и исключительную подсудность духовных лиц церковному суду. По требованию церковных иерархов правительство отменило жалованные грамоты, устанавливающие подсудность духовных лиц царю. Вместе с тем члены Стоглавого собора пошли навстречу правительству в ряде вопросов (запрещение монастырям основывать новые слободы в городах и т. д.). Части правительственной программы, направленные на укрепление положения Церкви, не встретили возражений членов Стоглавого собора и были проведены в жизнь. Решениями Стоглавого собора была осуществлена унификация церковных обрядов и пошлин на всей территории России, проведена регламентация норм внутрицерковной жизни с целью повышения образовательного и нравственного уровня духовенства и правильного исполнения им своих обязанностей (одно из постановлений предусматривало создание училищ для подготовки священников); был установлен контроль церковных властей над деятельностью книжных писцов и иконописцев и т. д. На протяжении 2-й пол. XVI—XVII вв. “Стоглав” наряду с Кормчей книгой являлся основным кодексом правовых норм, определявших внутреннюю жизнь духовного сословия и его взаимоотношения с обществом и государством.

Б. Флоря

Текст документа

(...) О манастырех, иже пусты от небрежения.

В монастыри боголюбцы дают душам своим и родителем на поминок вотчинные села и прикупи, а иные вотчины собою покупают в монастыри, а иное угодие у меня припрашивают. И поймали много по всем монастырем, а братии во всех монастырех по старому, а ивде старою менши, есть и пить старого братье скуднее; устроения в монастырях ни котораго не прибыло, и старое опустело, где те прибыли и кто тем корыстуется? А тарханные и несудимые и льготные грамоты (1) у них же о торговлях без пошлине. А чернцы по селом живут да в городе, тажутся о землях. Достойно ли то? А села и именья в монастыри емлют, а по тех душах и по родителех и по их приказу и памяти не исправляют, кто о сем истязан будет в день страшнаго суда? (...)

Глава 6.

Некогда вниде в слухи боговенчаннаго и христолюбивого царя государя и великого князя Ивана Васильевича веса Русии самодержца, что по многим церквам божиим звонят и поют не во время (...) и многие церковные чины не сполна совершаются по священным правилом и не по уставу. (...) Отныне и впредь в царствующем граде Москве и по всем градом (...) росийского царствия, по всем святым церквам звонити и божественниа литургии служити и прочее церковное пение правити сполна и по чину. (...)

Глава 26. О училищах книжных по всем градом. (...)

(...) В царствующем граде Москве и по всем градом (...) избрати добрых духовных священников и дьяконов и дьяков женатых и благочестивых (...) и грамоте бы и чести и пеги и писати горазди. И у тех священников и у дьяконов и у дьяков учинити в домех училища, чтобы священницы и дьяконы и все православные хрестьяне в коемждо граде предавали своих детей на учение грамоте книжнаго писма и церковнаго петия... и чтения налойнаго. И те бы священники и дьяконы и дьяки избранные учили своих учеников страху божию и грамоте и писати и пеги и чести со всяким духовным наказанием. (...) Глава м. и книжных писцех.

Так же которые писцы по градом книги пишут, и вы бы им велели писати с добрых переводов. Да написав правили, потом же и продавали. А которой пиceц написав книгу продаст не исправив, и вы бы тем возбраняли с великим запрещением. А кто (...) неисправленну книгу купит (...), потому же возбраняли (...), чтобы впредь так не творили. А впредь только учнут тако творити продавцы и купцы, и вы бы у них те книги имали даром без всякого зазора, да, исправив, отдавали в церкови, которые будут книгами скудны. (...)

Глава 32. О крестящихся не по чину.

Мнози неразумнии человецы, махающе рукою по лицу своему, творят кре-стащеся а всуе тружающеся. Тому бо маханию беси радуются. А тако есть право креститися. Первое положи ги руку на челе своем, потом на персех, потом на правом плечи, таже и на левом, то есть истинное воображение крестному знамению, аще кто право крещает лице свое сим знамением, той никогда же не убоится дьявола ни злато супостата и от бога мзду приемлет за то, (...) аще ли кто леностию или невежествием не исправляет креста на лице своем, той отмещется креста Христова и припадает дьяволу. (...)

Глава 41.

(...) Писати живописцем иконы с древних проводов, как греческие живописны писали и как писал Андрей Рублев и прочие пресловущии (2) живописцы, и подпйсыватй святая Троица, а от своего замышления ничтоже предтворяти. (...)

В мирских свадьбах играют глумотворцы и арганники, и смехотворцы, и гуельники и бесовские песни поют, и как к церкви венчаться поедут, священник со крестом будет, а пред ним со всеми теми играми бесовскими рыщут (3), а священницы им о том не возбраняют и не запрещают. (...) О том (...) запрещати великим запрещением. (...)

Да по дальним странам ходят скоморохи... ватагами многими, по шестидесяти и до семидесят человек, и по сто (...) и по деревпзм у крестьян сильно ядят и пьют, и из клетей животы грабят, а по дорогам людей розбивают. (...)

Да по погостам и по селом ходят лживые пророки, мужики и женки, и девки, и старые бабы, наги и босы, и волосы стростив и распустя, трясутся и убиваются. А сказывают, что им являются святае пятница и святая Анастасия и велят им заповедати хрестияном каноны завечати. Они же заповедают крестья-ном в среду и в пятницу ручного дела не делати, и женам не прясти, и платья не мыти, и каменья не разжигати. (...)

(...) Злые ериси кто знает их и держится: рафли, шестокрыл, воронограй, остромий, зодей, алманах, звездочетье, аристотель, аристотелевы врата и иные составы и мудрости еретическия и коби бесовские (...) - и в те прелести веруючи многих людей от бога отлучают и погибают. (...)

В троицкую субботу по селом и по погостом сходятся мужи и жены на жальниках (4) и плачутся по гробом умерших с великим воплем. И егда начнут играти скоморохи во всякие бесовские игры, они же от плача преставше, начнут скакати и плясати и в дoлoни (5) бити и песни сотонинские пеги на тех же жальниках, обманщики и мошенники. (...)

(...) Русали о Иванове дни и в навечерии Рождества Христова и крещения сходятся мужи и жены и девицы на нощнос плещеванне, и на бесчинный говор, и на бесовские песни, и на плясание, и на скакание, и на богомерзкие дела. И бывает отроком осквернение и девам растление. (...)

Глава 72. О искуплении пленных.

Которых откупят царевы послы в ордах и в Цареграде и в Крыму... и тех всех плененых окупати из царевы казны. А которых православных хрестьян плененых приводят, окупив греки и туркчане, армени или иные гости, да быв на Москве, восхотят их с собою опять повести, ино их не давати, и за то крепко стояти; да их окупати из царевы же казны. (...)

Глава 75. О вотчинах и о куплях, которые боголюбцы давали святым церквам на память своим душам и по своих родителех в вечный поминок и в наследие благ вечных.

Да духовным же пастырем, архимавдритом и игуменом и строителем с соборными старцы (...) по всех по тех боголюбцех, которые давали вотчины и села и купли ставити по них кормы (6) и на памяти их пети понахиды и обедни служити. (...) Имена их написати в синодик (7) и поминати по церковному уставу, а отчин их и сел, которые даны на поминок святым церквам без выкупа (8) и иных церковных и монастырских земель и прочих недвижимых вещей, по