Тропари святым женам мироносицам, глас 2

Егда снизшел еси к смерти, Животе Без-смертный, тогда ад умертвил еси блистанием Божества. Егда же и умершия от преисподних воскресил еси, вся силы небесныя взы-ваху: Жизнодавче Христе Боже наш, слава Тебе.

Слава: Благообразный Иосиф с древа снем Пречистое Твое Тело, плащаницею чистою обвив, и благоуханьми во гробе нове закрыв положи; но тридневен воскресл еси, Господи, подаяй мирови велию милость.

_____ Тропари переходящим праздникам ____

И ныне: Мироносицам женам при гробе представ ангел, вопияше: мира мертвым суть прилична, Христос же нетления явися чуждь. Но возопийте: воскресе Господь, по-даяй мирови велию милость.

Кондак, глас 2

Радоватися мироносицам повелел еси, плачь праматере Евы утолил еси воскресением Твоим, Христе Боже, апостолом же Твоим проповедати повелел еси: Спас воскресе от гроба.

Среда 4-й седмицы по Пасхе

Преполовение Пятидесятницы

Тропарь, глас 8

Преполовйвшуся празднику, жаждущую душу мою благочестия напой водами, яко всем, Спасе, возопил еси: жаждай да грядет ко Мне и да пиéт. Источниче жизни нашея, Христе Боже, слава Тебе.

Празднику законному преполовляющуся, всех Творче и Владыко, к предстоящим глаголал еси, Христе Боже: приидйте и по-черпйте воду безсмертия. Темже Тебе припадаем, и верно вопием: щедроты Твоя даруй нам, Ты бо еси Источник жизни нашея.

Тропари переходящим праздникам ____

Четверг 6-й седмицы по Пасхе

Вознесение Господне Тропарь, глас 4

Вознéслся еси во славе, Христе Боже наш, радость сотворйвый учеником обетованием Святаго Духа, извещéнным им бывшим благословением, яко Ты еси Сын Божий, Избавитель мира.

Кондак, глас 6

Еже о нас исполнив смотрение, и яже на земли соединив небесным, вознеслся еси во славе, Христе Боже наш, никакоже отлучая-ся, но пребывая неотступный, и вопия любящим Тя: Аз есмь с вами, и никтоже на вы.

Неделя 7-я по Пасхе

Святых отцов I Вселенского Собора Тропарь, глас 8

Препрославлен еси, Христе Боже наш, светила на земли отцы наши основавый, и теми ко истинней вере вся ны наставивыи, Многоблагоутробне, слава Тебе.

Кондак, глас 8

Апостол проповéдание и отец догматы, Церкви едину веру запечатлéша, яже и ризу носящи истины, исткану от еже свыше богословия, исправляет и славит благочестия великое таинство.

____ Тропари переходящим праздникам Неделя 8-я по Пасхе

День Святой Троицы. Пятвдесятница Тропарь, глас 8

Благословен еси, Христе Боже наш, Иже премудры ловцы явлéй, низпослав им Духа Святаго, и теми уловлей вселенную. Человеколюбие, слава Тебе.

Кондак, глас 8

Егда снизшéд языки слия, разделяйте языки Вышний; егда же огненныя языки раздаяше, в соединение вся призва, и согласно славим Всесвятаго Духа.

Неделя 1-я по Пятидесятнице

Всех святых. Иконы Божией

Матери «Умягчение злых сердец»

Тропарь всем святым, глас 4

Иже во всем мире мученик Твоих, яко багрянйцею и виссом, кровьми Церковь Твоя украсившися, теми вопиет Ти, Христе Боже: людем Твоим щедроты Твоя ниспос-ли, мир жительству Твоему даруй, и душам нашим велию милость.

Кондак всем святым, глас 8

Яко начатки естества... (см. с. 139). Тропарь иконе Божией Матери «Умягчение злых сердец», глас 5

Умягчи наша злая сердца Богородице, и напасти ненавидящих нас угаси, и всякую

____ Тропари переходящим праздникам ____

тесноту души нашея разреши: на Твой бо святый образ взирающе, Твоим состраданием и милосердованием о нас умиляемся и раны Твоя лобызаем, стрел же наших, Тя терзающих, ужасаемся. Не даждь нам, Махи благосердная, в жестокосердии нашем и от жестокосердия ближних погибнути, Ты бо еси воистину злых сердец Умягчение.

2-я по Всех святых, в земле Российской

Тропарь, глас 8

Якоже плод красный Твоего спаситель-наго сеяния, земля Российская приноситТи, Господи, вся святыя, в той просиявшия. Тех молитвами в мире глубоце Церковь и страну нашу Богородицею соблюди, Многомилос-тиве.

ЧАСЫ СВЯТОЙ ПАСХИ

Христос воскрéсе из мертвых, смертию смерть поправ и сущим во гробéх живот даровав. Трижды.

Воскресение Христово видевше, поклонимся Святому Господу Иисусу, Единому Безгрешному. Кресту Твоему покланяем-ся, Христе, и святое Воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите, вси вернии, поклонимся святому Христову Воскресению; се бо прийде Крестом радость всему миру; всегда бла-гословяще Господа, поем Воскресение Его, распятие бо претерпев, смертию смерть разрушй. Трижды.

Предварившия утро яже о Марии и об-ретшия камень отвален от гроба, слышаху от Ангела: во свете присносущнем Сущаго с мертвыми что ищете, яко человека? Видите грббныя пелены: тецыте и миру проповеди-те, яко воста Господь, умертвивый смерть,

* Читаются в пасхальную седмицу вместо утренних и вечерних молитв.

Часы Св. Пасхи

яко есть Сын Бога, спасающаго род человеческий.

Аще и во гроб снизшел еси, Безсмертне, но адову разрушил еси силу и воскресл еси, яко Победитель, Христе Боже, женам мироносицам вещавый: радуйтеся! и Твоим апостолом мир даруяй, падшим подали воскресение.

Во гробе плотски, во аде же с душею, яко Бог, в рай же с разбойником, и на Престоле был еси, Христе, со Отцем и Духом, вся исполняли, неописанный.

Слава: Яко Живоносец, яко рая краснéй-ший, воистинну и чертога всякаго царскаго показася светлейший, Христе, гроб Твой, источник нашего воскресения.

И ныне: Вышняго освященное Божественное селение, радуйся. Тобою бо дадéся радость, Богородице, зовущим: благослове-на Ты в женах еси, Всенепорочная Владычице.

Господи, помилуй. 40 раз.

Слава, и ныне: Честнейшую Херувим... Христос воскресе... Трижды.

Воскресение Твое, Христе Спасе, Ангели поют на небесéх, и нас на земли сподбби чистым сердцем Тебе славити.

Христос воскрéсе из мертвых, смертию смерть поправ и сущим во гробéх живот даровав.