Помилуй мя, Боже, помилуй мя.





Мы поможем в написании ваших работ!



Мы поможем в написании ваших работ!


ЗНАЕТЕ ЛИ ВЫ?

Помилуй мя, Боже, помилуй мя.




Каноны совмещенные

Почто убогаго обйдиши, мзду на-éмничу удéржуеши, брата твоего не любиши, блуд и гордость гбниши? Остави убо сия, душе моя, и покайся Царствия ради Божия.

Пресвятая Богородице, спаси нас.

На одре болезни моея и немощи низлежащу ми, яко Боголюбйва, по-мозй, Богородице, едина Приснодéво.

Пресвятая Богородице, спаси нас.

Надежду и утверждение и спасения стену недвйжиму имуще Тя, Всепéтая, неудобства всякаго избавляемся.

Святый Ангеле Божий, хранителю мой, моли Бога о мне.

Моли Человеколюбца Бога ты, хранителю мой, и не остави мене, но присно в мире житие мое соблюди и подаждъ ми спасение необоримое.

Слава: Мою скверность твоею святынею очйсти, хранителю мой, и от части шуия да отлучéн буду молитвами твоими и причастник славы явлюся.

И ныне: Недоумение предлежит ми от обышéдших мя зол, Пречистая, но избави мя от них скоро: к Тебе бо едйней прибегбх.

3 Молитвослов OJ


Каноны совмещенные

Божиим светом Твоим, Блаже, угренюющих Ти души любовию озари, молюся, Тя .вéдети, Слове Божий, истиннаго Бога, от мрака греховнаго взы-вающа.

Помилуй мя, Боже, помилуй мя.

Воспомянй, окаянный человече, како лжам, клеветам, разбою, нéмо-щем, лютым зверем, грехов ради порабощéн еси: душе моя грешная, того ли восхотела еси?

Помилуй мя, Боже, помилуй мя.

Трепещут ми уди, всеми бо сотворйх вину: очйма взираяй, ушйма слышай, языком злая глагбляй, всего себе геенне предаяй: душе моя грешная, сего ли восхотела еси?

Пресвятая Богородице, спаси нас.

Исполни, Чистая, веселия сердце мое^ Твою нетлéнную дающи радость, веселия рождшая виновнаго.

Пресвятая Богородице, спаси нас.

Избави нас от бед, Богородице чистая, вечное рождши избавление, и мир, всяк ум преимущий.

Снятый Ангеле Божий, хранителю мой, моли Бога о мне.


Каноны совмещенные

Яко имея дерзновение к Богу, хранителю мой святый, Сего умоли от оскорбляющих мя зол избавити.

Слава: Спяща мя зле тяготою греховною, яко бдяща сохрани, Ангеле Божий, и возстави мя на славословие молением твоим.

И ныне: Марйе, Госпоже Богородице безневéстная, надéждо верных, вражия возношения низложи, по-ющия же Тя возвесели.

Житейское море, воздвизаемое зря напастей бурею, к тихому пристанищу Твоему притéк, вопию Ти: возведи от тли живот мой, Многомй-лостиве.

Помилуй мя, Боже, помилуй мя.

Житие на земли блудно пожйх и душу во тьму предах, ныне убо молю Тя, Милостивый Владыко: свободй мя от работы сея вражия и даждь ми разум творйти волю Твою.

Помилуй мя, Боже, помилуй мя.

Кто творит таковая, якоже аз? Якоже бо свиния лежит в калу, тако и аз греху служу. Но Ты, Господи, исторгни мя от гнуса сего и даждь ми сердце творйти заповеди Твоя.


Каноны совмещенные

Пресвятая Богородице, спаси нас.

Смерти и тли яко спасл есть, Сам Ся издав смерти, тлением и смертию мое естество ято бывшее, Дево, моли Господа и Сына Твоего, врагов зло-действия мя избавити.

Пресвятая Богородице, спаси нас.

На одре ныне немощствуяй лежу, и несть исцеления плоти моей: но, Бога и Спаса миру и Избавителя недугов рождшая, Тебе молюся, Благой: от тли недуг возстави мя.

Святый Ангеле Божий, хранителю мой, моли Бога о мне.

Всяких мя напастей свободй, и от печалей спаси, молюся ти, святый Ангеле, данный ми от Бога, хранителю мой добрый.

Слава: Устави сердце мое от насто-ящаго мятежа, и бдéти укрепи мя во благих, хранителю мой, и настави мя чудно к тишине живбтней.

И ныне: Слово Божие в Тя вселйся, Богородице, человеком Тя показа небесную лéствицу: Тобою бо к нам Вышний сошéл есть.


Каноны совмешенные

Кондак

Душе моя, почто грехами богатéе-ши5 почто волю диаволю творйши, в чесбм надежду полагаеши? Престани от сих и обратися к Богу с плачем, зовущи: милосéрде Господи, помилуй мя грешнаго.

Икос

Помысли, душе моя, горький час смерти и страшный суд Творца твоего и Бога: Ангели бо грознии поймут тя, душе, и в вечный огнь введут: убо прежде смерти покайся, вопиющи: Господи, помилуй мя грешнаго.

Стихира

Не ввéри мя человеческому пред-стательству, Пресвятая Владычице, но приимй моление раба Твоего: скорбь бо обдержйт мя, терпéти не могу дé-монскаго стреляния, покрова не имам, ниже где прибегну окаянный, всегда побеждаемъ, и утешения не имам, разве Тебе, Владычице мира, упование и предстательство верных, не презри моление мое, полезно сотвори.


Каноны совмещенные

Песнь 7

Росодательну убо пещь содéла Ангел преподобным отроком, халдеи же опаляющее веление Божие, мучителя увеща вопйти: благословен еси, Боже отец наших.

Помилуй мя, Боже, помилуй мя.

Не надейся, душе моя, на тленное богатство и на неправедное собрание, вся бо сия не веси кому оставиши, но возопйй: помилуй мя, Христе Боже, недостойнаго.

Помилуй мя, Боже, помилуй мя.

Не уповай, душе моя, на телесное здравие и на скоромимоходящую красоту, вйдиши бо, яко сйльнии и мла-дйи умирают, но возопйй: помилуй мя, Христе Боже, недостойнаго.

Пресвятая Богородице, спаси нас.

Наше спасение якоже восхотел еси, Спасе, устроити, во утробу Дéвыя вселился еси, Юже миру предстательницу показал еси: отец наших Боже, благословен еси.

Пресвятая Богородице, спаси нас.

Телесныя слабости и душевныя недуги, Богородйтельнице, любовию приступающих к крову Твоему, Дево,


Каноны совмещенные

исцелйти сподоби, Спаса Христа нам рождшая.

Святый Ангеле Божий, хранителю мой, моли Бога о мне.

Милостив буди ми и умоли Бога, Господень Ангеле, имею бо тя заступника во всем животе моем, наставника же и хранителя, от Бога дарованнаго ми во веки.

Слава: Всю посрамлену душу мою привожду от лукавых ми пбмысл и дел: но предвари, наставниче мой, и исцеление ми подаждь благих пбмысл, уклоняти ми ся всегда на пра-выя стези.

И ныне: Премудрости исполни всех и крепости Божественный, Ипостас-ная Премудросте Вышняго, Богородицы ради, верою вопиющих: отец наших Боже, благословен еси.

Из пламене преподобным росу источил еси и праведнаго жертву водою попалил еси: вся бо творйши, Христе, токмо еже хотéти. Тя превозносим во вся веки.

Помилуй мя, Боже, помилуй мя.

Како не имам плакатися, егда помышляю смерть, вйдех бо во гробе


Каноны совмещенные

лежаща брата моего, безславна и безобразна? Что убо чаю, и на что на-деюся? Токмо даждь ми, Господи, прежде конца покаяние.

Помилуй мя, Боже, помилуй мя.

Верую, яко прийдеши судити живых и мертвых, и вси во своем чину станут, старии и младйи, владыки и князи, девы и священницы; где обря-щуся аз? Сего ради вопию: даждь ми, Господи, прежде конца покаяние.

Пресвятая Богородице, спаси нас.

Помощи яже от Тебе требующия не презри, Дево, поющия и превознося-щия Тя во веки.

Пресвятая Богородице, спаси нас.

Неможéние души моея исцеляеши и телесныя болезни, Дево, да Тя прославлю, Чистая, во веки.

Святый Ангеле Божий, хранителю мой, моли Бога о мне.

От Бога посланный, утверди живот мой, раба твоего, преблагйй Ангеле, и не остави мене во веки.

Слава: Буди ми покров и забрало в день испытания всех человек, в оньже огнéм искушаются дела благая же и злая.


Каноны совмещенные

И ныне: Буди ми помощница и тишина, Богородице Приснодéво, рабу Твоему, и не остави мене лишéна быти Твоего владычества.

Песнь 9

Бога человеком невозможно вйдети, на Негоже не смеют чини Ангельстии взирати; Тобою же, Всечйстая, явйся человеком Слово Воплощéнно, Егоже величающе, с небесными вой Тя ублажаем.

Помилуй мя, Боже, помилуй мя.

Ныне к вам прибегаю, Ангели, Ар-хангели и вся небесныя рилы, у Престола Божия стоящий, молйтеся ко Творцу своему, да избавит душу мою от муки вечныя.

Помилуй мя, Боже, помилуй мя.

Ныне плачуся к вам, святйи патри-арси, царие и прорбцы, апостоли и святйтелие и вси избраннии Христовы: помозйте ми на суде, да спасет душу мою от силы вражия.

Пресвятая Богородице, спаси нас.

Тока слез моих не отвратйся, Яже от всякаго лица всяку слезу отъéмшаго, Дево, Христа рождшая.

Пресвятая Богородице, спаси нас.

Пристанище и предстательство к Тебе прибегающих буди, Дево, и стена


Каноны совмещенные

нерушимая, прибежище же и покров и веселие.



Последнее изменение этой страницы: 2016-07-14; просмотров: 89; Нарушение авторского права страницы; Мы поможем в написании вашей работы!

infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 18.212.120.195 (0.009 с.)