Пространная молитва объ усопшихъ

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Четсна́го и Животворя́щего Креста́ , моли́твами Пречи́стыя и Преблагослове́нныя Твоея́ Ма́тере, предста́тельствы Честны́хъ Небе́сныхъ Си́лъ Безпло́тныхъ и всѣ́хъ Твои́хъ Святы́хъ, помяни́ во Ца́рствіи Твое́мъ отъ житiя́ сего́ отше́дшiя Благочести́вѣйшiя Госуда́ри IМПЕРАТОРЫ и Госуда́рыни IМПЕ­РАТРИЦЫ, Благо­вѣ́рныя Цари́ и Цари́цы, Князи́ и Княги́ни; Святѣ́йшiя патрiа́рхи и Преосвящѣ́нныя митрополíты, архiепíс­копы и епíскопы Правосла́вныя; iере́и же и дiа́коны и при́чтъ Церко́вный; мо́нашескiй и иноческiй чи́нъ; всѣ́хъ отъ Богоизбра́нного Ца́рствующего До́ма Рома́­новыхъ, и отъ ро́да Благо­вѣ́рныхъ Царе́й и Князе́й преста́вльшихся; боя́ры, военача́льники, градонача́лники, Хрiстоимени́тыя во́ины, доброхо́ты и лю́діе; и всѣ́хъ благочѣ́стно за Правосла́вную Вѣ́ру, Царя́ и Оте́чество подвиза́вшихся; и вся́ въ наде́жде Воскре́сенiя, и Жи́зни Вѣ́чныя усо́пшiя отцы́, и бра́тiю, и се́стры на́ша, здѣ́ лежа́щiя, и повсю́ду Правосла́вныя Хрiстiа́ны; и со Святы́ми Твои́ми, идѣ́же присѣща́етъ Свѣ́тъ Лица́ Твоего́, всели́, и насъ поми́луй, я́ко Бла́гъ и Человѣколю́бецъ.

Помяни́ Го́споди ненави́дѣвшихъ на́съ и твори́вшихъ на́мъ напа́сти; благотвори́вшихъ, упокоева́вщихъ, ми́ловавщихъ и пита́вщихъ на́съ, и запове́давшихъ на́мъ недосто́йнымъ моли́теся о ни́хъ; всѣ́хъ плодоноси́вшихъ и добродѣ́ящихъ во Всечестны́хъ Хра́махъ и Святы́хъ Оби́теляхъ Твои́хъ, подвиза́вщихъ, тружда́вщихся, и пребыва́вщихъ въ ни́хъ; всѣ́хъ ко́ихъ мы́ безу́міемъ свои́мъ соблазни́ли и отъ Пути́ Спаси́тельнаго отврати́ли, къ дѣло́мъ злы́мъ и непотре́бнымъ соврати́ли изря́днее тѣ́хъ къ кому́ испы́тываемъ непрія́знь; и всѣ́хъ отцѣ́въ, и бра́тій, и се́стръ на́шихъ о ко́мъ не́кому помоли́тися, отъ житія́ сего́ отше́дшихъ во мра́цѣ невѣ́дѣнія Еди́наго Истиннаго Бо́га, отступи́вшихъ отъ Правосла́вныя Це́ркви и поги́бельными е́ресями ослѣп­лѣ́нныхъ; си́хъ, Го́споди, по Всемогу́ществу Безприкла́дныя Ми́лости Твоея́ отъ всѣ́хъ прегра́дъ для едине́нія съ Тобо́ю разреши́: вся́ грѣхи́ и беззако́нія и́хъ Человѣколю́бiемъ Твои́мъ прости́, непотре́бная отжени́, злохудо́жное исцели́, недостаю́щее воспо́лни и во Ца́рствіе Твое́ Небе́сное введи́.

Помяни́, Го́споди, ду́ши усо́пшихъ роди́телей мои́хъ (имярекъ), Бо́гомъ да́нныхъ мнѣ́ ча́дъ (имярекъ), рабо́въ Твои́хъ (имяреъ)*; и всѣ́хъ пре́жде почи́вшихъ бли́жнихъ и сро́дниковъ ны́нѣ здѣ́ помина́емыхъ, и всѣ́хъ усо́пшихъ отце́въ, и бра́тiй, и се́стръ на́шихъ; и прости́ и́хъ вся́ согрѣше́нiя во́льная же и нево́льная, да́руя и́мъ Ца́рствiе и прича́стiе Вѣ́ч­ныхъ Твои́хъ Бла́гъ, и Твоея́ Безконе́ч­ныя и Блаже́нныя Жи́зни наслажде́нiе. Да просла́вится у́бо въ на́съ и че́резъ на́съ Пречестно́е Имя Всесвяты́я, Единосу́щныя, и Живот­воря́щія, и Нераздѣ́льныя Тро́ицы: Отца́, и Сы́на, и Свята́го Ду́ха ; и посрами́тся лука́вый супоста́тъ; я́ко Твое́ е́сть Ца́рствіе, и Си́ла, и Сла́ва, со Безнача́льнымъ Твои́мъ Отце́мъ и со Пресвяты́мъ Твои́́мъ Ду́хомъ, ны́нѣ, и при́сно, и во вѣ́ки вѣко́въ. Ами́нь.

Синодикъ изъ Чинопослѣдованiя въ Недѣлю Торжества Православiя*

Всѣ́мъ же о Правосла́вiи подвиза́в­шимся словесы́, писа́нiи, уче́нiи, стра­да́нiя и Богоуго́днымъ житiе́мъ, я́ко защи́тникомъ и посо́бникомъ о́наго, Хрiсто́ва Це́рковъ, воспомина́нiе творя́щи, восклица́етъ:

Свято́му Благовѣ́рному и Равноапо́стольному IМПЕРАТОРУ Констан­тíну, и ма́тери его́ Еле́нѣ, Благочести́вѣй­шимъ Гре́ческимъ IМПЕРАТОРОМЪ: Вели́кому Феодо́­сiю, Феодо́сiю Юнѣ́й­шему, Iустiнiа́ну Вели́кому, IМПЕРАТ­РИЦЕ Ири́нѣ, Федо́рѣ, Пульхѣ́рiи и про́чимъ Благочес­ти́вѣйшимъ IМПЕРАТОРОМЪ и IМПЕ­РАТРИЦАМЪ Гре́ческимъ, вѣ́чная па́мять. (Трижды)

Свято́му Благочести́вѣйшему Госуда́рю на́шему Спаси́телю Россiю и искупи́телю Соборного грѣха́ изме́ны Наро́да Ру́сского ИМПЕРАТОРУ НIКОЛАЮ АЛЕКСАНРОВИЧУ; и Святы́мъ Благочести́вѣйшимъ Вели́кимъ Госуда́рѣмъ и Отца́мъ всея́ Россíи: ЦАРЮ Iоа́нну Васи́льевичу, Фео́дору Iоа́нно­вичу, Мiхаи́лу Фео́доровичу, Алексíю Мiха́й­ловичу, Фео́дору Алексе́евичу, Iоа́н­ну Алксе́евичу; ИМПЕРАТОРАМЪ: Петру́ Вели́кому, Петру́ Второ́му, Петру́ Тре́тьему, Па́влу Пе́тро́вичу, Алекса́ндру Благословѣ́нному, Нiкола́ю Пе́рво­му, Алекса́ндру Освободи́телю, Алекса́ндру Миротво́рцу и Благочес­ти́вѣйшимъ Госуда́рынямъ IМПЕ­РАТ­РИЦАМЪ: Ека­терíнѣ Вели́кой, Екатерíнѣ Пе́рвѣй, Аннѣ Iоа́нновнѣ, Елiсаве́тѣ Петро́внѣ, вѣ́чная па́мять. (Трижды)

Свято́му Благовѣ́рному и Равноапо́с­тольному Вели́кому Кня́зю Влади́мiру и Вели́кой Россíйстѣй Княги́нѣ Ольгѣ; и про́чимъ, Благовѣ́рнымъ Вели́кимъ Князе́мъ и Вели́кимъ Княги́нямъ Россíйкимъ: Рю́рику, Оле́гу, Игорю, Святосла́ву Игоревичу, Яропо́лку Ствятосла́вичу, Яросла́ву Му́дрому, Изъясла́ву Яросла́вичу, Все́володу Яросла́вичу, Святопо́лку Изъясла́вичу, Влади́миру Монома́ху, Мстисла́ву Влади́мировичу, Яропо́лку Влади́мировичу, Все́володу Оле́говичу, Изъясла́ву Мстисла́вичу, Юрiю Долгору́кому, Андре́ю Боголю́бскому, Мстисла́ву Изъясла́вичу, Мiхаи́лу Юрьевичу, Все́володу Большо́е Гнездо́, Константи́ну Все́володовичу, Юрiю Все́володовичу, Яросла́ву Все́володовичу, Алекса́ндру Не́вскому, Яросла́ву Яросла́вичу, Васи́лiю Яросла́вичу, Дими́трiю Алекса́ндровичу, Данiи́лу Моско́вскому, Андре́ю Городе́цкому, Мiхаи́лу Яросла́вичу, Юрiю Дани́ловичу, Алекса́ндру Мiха́йловичу, Iоа́нну Калите́, Симео́ну Iоа́нновичу, Iоа́нну Второ́му, Дими́трiю Константи́новичу, Дими́трiю Донско́му, Васи́лiю Пе́рвому, Васи́лiю Второ́му, Iоа́нну Тре́тьему, Васи́лию Тре́тьему, Богоданному Вождю Iоси́фу Вели́кому*, и про́чимъ Благовѣ́рнымъ Князѣ́мъ и Вождѣ́мъ Россíйскимъ, вѣ́чная па́мять. (Трижды)

Святѣ́й Благове́рнѣй Вели́цѣй Княги́нѣ Еле́нѣ Васи́льевнѣ и Цари́цамъ Всероссíйс­кимъ: Анастасíи Рома́новнѣ, Марíи Темрюко́вой, Ма́рфе Васи́льев­не, Марíи Фео́доровне, и́нокинѣ Ма́рфе, Ири́не Фео́доровнѣ, Марíи Влади́ми­ровнѣ, Марíи Ильи́ничнѣ, Ната́льи Кири́лловнѣ, Ага́фье Симео́новнѣ, Праско́фьѣ Фео́доровнѣ, Евдокíи Фео́до­ровнѣ, Екатери́нѣ Алексе́евнѣ, Ната́лiи Алексе́евнѣ, Марíи Фео́доровнѣ; и Благочести́вѣйшимъ Госуда́рынямъ Iмперат­ри́цамъ: Елизаве́те Алексе́евнѣ, Алекса́ндрѣ Фео́доровнѣ, Марíи Алекса́нд­ровнѣ, Екатири́не Мiха́ловнѣ, Марíи Фео́доровнѣ, Алекса́ндрѣ Фео́доров­нѣ, вѣ́чная па́мять. (Трижды)

Святѣ́йшимъ патрiа́рхомъ Константинопо́льскимъ, Александрíйскимъ, Антiо­хíйскимъ, Iерусали́мскимъ и Всероссíй­кимъ; и Преосвяще́ннымъ митропо­лí­томъ, архiепíскопомъ и епíскопомъ Правосла́внымъ; всѣ́мъ во iере́йстѣмъ же чи́нѣ и при́чтѣ Церко́внѣмъ благоче́стно Бо́гу, Царю́ и Оте́честву послужи́вшимъ, вѣ́чная па́мять. (Трижды)

Святѣ́йшимъ Всероссiйскимъ патрiа́рхомъ: Iову, Гермогѣ́ну, Филарѣ́ту, Iоса́фу, Iо́сифу, Ни́кону, Iоса́фу, Питири́му, Iоаки́му, Адриа́ну и Высокопреосвяще́ннѣйшимъ митрополи́томъ: Мiхаи́лу, Лео́нтiю, Iоа́нну, Феопе́мпту, Илларiо́ну, Гео́ргiю, Iоа́нну, Iоа́нну, Ефре́му, Нiкола́ю, Ники́фору, Ники́тѣ, Мiхаи́лу, Кли́менту, Константи́ну, Фео́дору, Iоа́нну, Контанти́ну, Ники́фору, Матфѣ́ю, Кири́ллу, Iо́сифу, Кири́ллу, Макси́му, Петру́, Феогно́сту, Iо́сифу, Кири́ллу, Макси́му, Петру́, Феогно́сту, Алексѣ́ю, Кипрiану, Фо́тiю, Iо́нѣ, Феодо́сiю, Фили́ппу, Геро́нтiю, Си́мону, Варлаа́му, Данiи́лу, Iоса́фу, Мака́рiю, Афана́сiю, Фили́ппу, Кири́ллу, Анто́нiю, Дiони́сiю, ** Ти́хону, Петру́, Се́ргiю, Алексе́ю, Пи́мену, вѣ́чная па́мять, (Трижды)

Святы́мъ Преподо́бнымъ и Богоно́снымъ отца́мъ и матеря́мъ на́шимъ; всѣ́мъ въ Мона́шескомъ и и́ноческомъ чи́не, съ Пра́вою Вѣ́рою во Хрiста́ подвиза́вшимся, вѣ́чная па́мять. (Трижды)

Всѣ́мъ отъ Богоизбра́ннаго Ца́рствующего До́ма Рома́новыхъ, и отъ ро́да Благовѣ́рныхъ Царе́й и Князе́й преста́вльшимся; всѣ́мъ Хрiстоимени́тымъ во́инамъ, боя́ромъ, военонача́льникомъ, градонача́лникомъ, доброхо́томъ и лю́діемъ, во вся́комъ Чи́нѣ и Слу́жбах благоче́стно Бо́гу, Царю́ и Оте́честву послужи́вшимъ, вѣ́чная па́мять, (Трижды)

Пода́ждь, Го́споди, оставле́нiе грѣ­хо́въ всѣ́мъ благоче́стно за Правосла́в­ную Вѣ́ру, Царя́ и Оте́чество подвиза́вшимся, пре́жде отше́дшимъ въ Вѣ́рѣ и наде́жде воскресе́нiя, отце́мъ, бра́тi­ямъ, и се́страмъ на́шимъ, и сотвори́ и́мъ вѣ́чную па́мять. (Трижды)

Правосла́вная Хрiсто́ва Це́рковъ, торже́ственно воспомина́ющи подвиза́вшихся во благочењстiи, и сiе́ всѣ́мъ свои́мъ Хрiстоимени́тымъ ча́домъ къ подража́нiю представля́ющи, имѣ́етъ та́кожде до́лгъ восхваля́ти по́двиги си́хъ, и́же ны́нѣ, спаси́тельною Вѣ́рою и Добродѣ́телiю приуготовля́юще себе́ къ Вѣ́чному Блаже́нству, утвержда́ютъ Правосла́вiе. (Трижды)

*Читается в Воскресный день.