Помнік у гонар партызанскіх брыгад

Помнік у гонар партызанскіх брыгад

На тэрыторыі Псуеўскага сельсавета дыслацыраваліся і вялі барацьбу з нямецка-фашысцкімі захопнікамі наступныя брыгады:  

   -імя Суворава (камбрыг Хомчанка, камісар Усаў), дзейнічала ў раёне вёсак Лявонавічы, Бабруйшчына, Калеччаполле, Вострава, Латышы;

Да канца 1943 года брыгада налічвала каля 500 чалавек.

    -імя Кароткіна (камбрыг Талаквадзе, камісар Эрдман), якая дзейнічала ў раёне вёскі Івесь; Брыгада трымала ўчастак абароны ў раёне возера Шо, вёсак Шо і Асінаўка.                                                                 

   -“Кастрычнік”(камбрыг Юрчанка (па мянушцы Ветраў), камісар Юкша), дзейнічала ў раёне вёсак Горнава, Чысцянка.

На месцы іх апошняй дыслакацыі пасля вайны быў пастаўлены помнік.

р. Шоша

Курган партызанскай славы

Кожны год пасля вайны на беразе ракі Шоша на Дзень Перамогі збіраліся партызаны, якія тут ваявалі. У 1966 годзе  яны вырашылі зрабіць насып – курган у памяць пра тых, хто загінуў у барацьбе з ворагамі ў час вайны.

Курган знаходзіцца на тым месцы, дзе гераічна загінулі байцы Заяц С.П. і Мірош В.П. Аб гэтым сведчыць надпіс на гранітнай пліце.

Каля Кургана славы зараз праводзяцца мітынгі, экскурсіі, зорныя паходы.

р. Шоша