На 4. Стих: хвали́те Его́ в тимпа́не и ли́це,/ хвали́те Его́ во стру́нах и орга́не.

На 4. Стих: Хвали́те Его́ в тимпа́не и ли́це,/ хвали́те Его́ во стру́нах и орга́не.

Все отло́ж мирско́е мудрова́ние,/ поте́кл еси́, ра́дуяся,/ в след Христа́ Бо́га на́шего./ Ему́же во всем животе́ Твое́м нело́жно рабо́тая,/ показа́л еси́ труды́ и по́двиги,/ и по́льзу мно́гим сотвори́л еси́,/ и убели́л еси́ ри́зу душе́вную/ сне́га беле́йши,/ да, во всем послу́шлив быв Христу́,/ со дерзнове́нием моли́ся о душа́х на́ших.

Стих:          Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Вся оста́вил еси́ Христа́ ра́ди:/ Отца́ и ма́терь,/ жену́, и ча́да, и сро́дствия,/ се́ла и име́ния,/ презре́в пло́тская мудрова́ния,/ ку́пно сверг и теле́сная одея́ния,/ был еси́ Христо́в учени́к избра́нный/ и во всем послу́шлив Тому́ яви́лся еси́./ Его́же со дерзнове́нием моли́ о душа́х на́ших.

Стих: Пра́ведник, я́ко фи́никс, процвете́т,/ я́ко кедр, и́же в Лива́не, умно́жится..

Весь возложи́лся еси́, му́дре Васи́лие,/ на щедро́ты Бо́га на́шего,/ упова́я получи́ти Ца́рство Небе́сное,/ е́же и получи́л еси́/ проти́во трудо́в твои́х./ И ны́не не забу́ди град и лю́ди правосла́вныя,/ изб́а́ви от гла́да теле́снаго,/ вку́пе же и душе́внаго,/ во всем бо угоди́л еси́ Христу́,/ Его́же со дерзнове́нием моли́ о душа́х на́ших.

                Стихи́ра блж Василия, глас 8, самогла́сна:

Стих: Насажде́ни в дому́ Госпо́дни/ во дворе́х Бо́га на́шего процвету́т.

Страх Госпо́день всели́ся в се́рдце Твое́,/ и от Сего́ разуме́л еси́ лу́чшая,/ е́же по Боже́ственному пути́ ше́ствовати./ И яви́лся еси́ ра́вен святы́м Отце́м, Мака́рию и Отцу́ Ону́фрию,/ и Па́влу Фиве́йскому, и Макси́му чу́дному, и Проко́пию,/ сих подража́тель изря́ден был еси́,/ А́нгельскаго и безвеще́ственнаго жити́я./ И, я́коже А́нгел све́та, неизме́нно рабо́тая твоему́ Влады́це,/ переблаже́нне Васи́лие,/ моли́ спасти́ ду́ши на́ша.

                          Стихи́ра Ева́нгельская восьма́я, глас 8: