Пе́снь 9. И́миже ве́сть судьба́ми прославля́ет госпо́дь святы́я своя́,/ и́хже имена́ напи́сана су́ть на небеси́ в кни́гах живо́тных,/ то́йже и тя просла́ви свои́м ми

Пе́снь 9

Ирмо́с: Сла́дкою Пречи́стаго Твоего́ рождества́/ стрело́ю уя́звлени, Чи́стая,/ Твое́й достожела́нней добро́те дивя́щеся,/ пе́сньми а́нгельскими досто́йно Тя я́ко Ма́терь Бо́жию велича́ем.

И́миже ве́сть судьба́ми прославля́ет Госпо́дь святы́я Своя́,/ и́хже имена́ напи́сана су́ть на Небеси́ в кни́гах живо́тных,/ То́йже и тя просла́ви Свои́м милосе́рдием, преподо́бная ма́ти А́нно./ Тем тя пое́м и велича́ем.

Ны́не с ли́ки А́нгельскими на Небесе́х предстои́ши Влады́це всех, преподо́бная ма́ти А́нно,/ моля́щи о гра́де твое́м и о чту́щих ве́рою святу́ю па́мять твою́,/ неду́гующим же подаю́щи исцеле́ние от честны́х моще́й твои́х./ Тем тя пое́м и велича́ем.

Ю́на еще́ во́зрастом бы́вши, преподо́бная ма́ти А́нно,/ те́сным и приско́рбным путе́м ше́ствовала еси́,/ вся́кия сла́дости, я́ко го́рести, отвраща́ющися,/ ны́не же дости́гла еси́ неизрече́нныя ра́дости./ Тем тя пое́м и велича́ем.

Богоро́дичен:Ааро́нов жезл прозябе́й, Влады́чице, пре́жде непло́ден быв,/ по́слежде цвет и плод испусти́;/ та́кожде и Ты, Пресвята́я Де́во, безму́жно родила́ еси́ Христа́ Бо́га на́шего./ Тем Тя пое́м и велича́ем.

<далее см. основной Чин>

Свети́лен:

Стра́хом Бо́жиим огражде́на была́ еси́, преподо́бная,/ и, ника́коже убоя́вшися де́монских сил,/ отшла́ еси́ ко Трисия́нному Вели́кому Све́ту/ и ны́не пребыва́еши в неизрече́нней све́тлости со все́ми святы́ми./ Тем тя мо́лим:/ моли́ся о нас, творя́щих святу́ю па́мять твою́.

Сла́ва, и ны́не: Све́та Преве́чнаго родила́ еси́ нам, Христа́ Бо́га на́шего, Пречи́стая Де́во,/ изба́вльшаго ве́сь мир от ле́сти диа́вола./ Те́мже мо́лим Тя:/ не преста́й моля́щи, да пода́ст нам ми́лость Свою́ в Де́нь Су́дный.

На стихо́вне стихи́ры глас 8: