Туала кышномуртлэн верамысьтыз (улонысь учыр)

Пукисько. Возьмасько. Дас, кызь минут ортче. Юасько: «Лыктӥз-а ни?» «Ӧз на али»,- вазе кышномурт.

Пукисько. Возьмасько. Кызь, куамын минут возьмасько ини.Нош ик юасько: «Ӧз вуы на-а?» «Возьмалэ, ӝоген вуоз. Потӥз, дыр, кытчы ке. Мон уг тодӥськы».

Нош пукисько. Возьмасько. Чидатэк нош ик юасько: «Ӧз лыкты-а? Мар со туж кема?» «Ма солы весь татын чик потатэк пукыны кулэ-а мар-а? Сестраосыз люкаса, кенеш ортчытэ, дыр. Нокытчы но кошкылыны уг яра ни-а мар-а?»

Ялан со (выж миськись) мыным чурыт кылъёсын вазьылӥз. Шӧдӥськи со монэ алда шуыса, 5 час вуэмез возьма (витёзь гинэ ужало). Монэ оскытыны тырше сестра ужезья кошкемын шуыса.

Мынам солы, алдаса воземез понна, йыркурме берыктэме потӥз. Зэмзэ тодон вылысь, мон пумозяз пуконо кариськи. Мынам малы ке но йырам сыӵе малпан кылдӥз: «Сестра поликлиникае гинэ потӥсько, ӝоген вуо шуыса дораз бертӥз, дыр».

Мон, Катани сямен, та кышномуртэ, пельпумъёстӥз сэзъялтыса, юано кадь луи ини: «Кытын со, кытчы кошкиз? Дораз?» Но кыӵе ке но кужым монэ кутыса возиз. Озьы ке но, юнгес кариськыса, пумозяз возьманы малпай. Мед пуромоз кышномуртлэн вожпотонэз.

Нош ик пукисько. Собере выльысь юай: «Лыктоз на-а, уз ни-а? Маке но туж кема улэ ини?»

-Дыр дас минуттэк вить ини. Со тонэ уз пырты ни табере.

-Туннэ тӥ витёзь-а ужаськоды? - куараме будэтыса юай мон.

-О-о-о, - шуиз выж миськись.

-Со лыктоз на-а уз ни-а?

-?

-Со дӥсяськыса кошкиз-а?

Ӧз. Со дораз ӧз кошкы на. Ужан нунал 5 часозь.

Озьы тӥни «шеримы» ни кылъёсмес.

…Вуиз…кияз пряникъёсын кулёкен.

-Ӟечбуресь!

-Ӟечбуресь! Алигес вуиды-а?

-Ӧй.

-Малы сыӵе бер? Йӧнатскыны нуназелэсь азьло ветлоно.

-Мон часлэсь кема возьмасько ини. Милям котькыӵе вакытэ лыктэммы уг луы.

-Магазинын калык трос вал. Пряник ваиллям.

-Тӥ монэ лэзёды-а?

-Туннэ лэзё на,  нош ӵуказе вазьгес лыктэ. Нуназелэсь азьлогес тырше.

-Валаськоды-а тӥ? Нуназелэсь азьло уг быгатӥськы, соку ужасько мон.

-Вазьгес лыктэ.

Мон кушетка вылэ выдӥ. Со пластинаосэ тыбыр вылам тыриз, аппаратсэ включить кариз (ужпум физиоабинетын вал) но кутскизы эшеныз вераськыны.

-Нылпиос куро ведь. Соослэн но сиемзы потэ. Мар табере соосыз сюдыны но уг яра ни-а мар-а?

Кыллисько. Висъям дыр чоже (15 минутэз) пумозяз кыллеме потэ. Нош ас поннам малпасько: «5-10 минут возёзы но выключить карозы». Ярам сестраен ӧм керетэ. Нош вазьгес выключить кариз ке аппаратсэ, одно ик керетон потоз. Зэмлык понна ваньзэ лэсьто».

5 минут ортчыса, нырысетӥез ӧте ни кыкетӥзэ: «Выключить кар, кошком ини».

Кыллисько. Шунскисько. Шыпак луизы. Коня ке кыл верало но, нош дугдо.

-Кошким.

- 3 минут кылиз на.

-Ну, малпасько, - пумозяз возьыны малпаз. Шӧдэ ужезъя ответственостьсэ.

Огъя вераса, ответственностьсэ ӧвӧл, янгышсэ валаз со, медаз пыкылэ шуыса озьы каре.

Аппарат дыр вуэм сярысь сигнал сётӥз. Выключить каризы.

-Тау.

-?

-Ӟеч луэ!

-?

Тӥни озьы.

 

«Алнаш колхозник», 11 толшор, 1991ар.

 

 

 

 

   Кыр ӟ анъёс

 

 

 

Тюрагай

Кылъёсыз но крезьгурез Майя Митрофановалэн

 

Курисько мон тонэ, тюрагай,

Шулдыресь гуръёстэ кисьты ай.

Буйгаты мынэсьтым сюлэмме,

Бугырты улонлы осконме.

 

Ой, кылӥз ук, кылӥз тюрагай,

Ой, кисьтӥз ук кисьтӥз, кылзэ ай.

Мылкыды инбамозь ӝутӥське,

Сюлэмы кырӟаны куриське.

 

Тау тыныд, тюрагай, тау тыныд.

Пыласько мон кузьмам шудэныд.

Оскисько, луозы на ай трос.

Пӧсь мылкыд, кырӟанъёс, тулысъёс.

Мон ярат ӥ огпол гинэ

Кылъёсыз Николай Байтеряковлэн

Крезьгурез Майя Митрофановалэн

 

Вунэтонтэм егит дунне,

Тонэ бен кин меда лушказ?

Мон яратӥ огпол гинэ,

Нош со тылын монэ ӵушказ.

 

Огпол гинэ ныллэн синмаз

Мур ошмесэ сямен учки.

Малы тылпу араз сюлмам?

Малы соин мон пумиськи?

 

Мон улысал калык сямен,

Луонтэмлы оскиськытэк.

Сюлэм пушкам тэргаськытэк

Яратысал шып улонме.

 

Шат берыктӥз кин ке йырме?

Осконтэмлы-а оскисько?

Вуж гажанме – яратонме-

Аръёс сьӧрысь ӧтьылӥсько.

 

Вунэтонтэм егит дунне,

Тонэ бен кин меда лушказ?

Мон яратӥ огпол гинэ,

Нош со тылын монэ ӵушказ.

 

Сюлэмын ӧ з лу ке яратон

Кылъёсыз Александр Белоноговлэн

Крезьгурез Майя Митрофановалэн

 

Мар гинэ уг лыкты улонын.

Шугъяськон но пӧртэм куректон.

Шуд луоз меда дунне вылын,

Сюлэмын ӧз лу ке яратон.

 

Куазь ӟардон ӝуа инльӧль тылын,

Шаере вӧлме сайкыт югдон.

Выль нунал нош мар кадь мылкыдлы,

Сюлэмын ӧз лу ке яратон.

 

Вож тулыс дӥся ке тэльёсты,

Сяськаос возез ке шулдырто.

Паймыса учкод- а соосты,

Сюлэмад ӧз лу ке яратон.

 

Уӵыос кисьто ке крезьгурзэс,

Яке арганъёс ке жингырто.

Соослэсь шӧдод-а шулдырзэс.

Сюлэмын ӧз лу ке яратон.

 

Ӟеч муртъёс, эшъёс но вань ке но,

Шунытэсь синъёс ке но югдо.

Луозы меда соос шудо,

Сюлэмын ӧз лу ке яратон.

 

 

Ль ӧ мпуос                    

Кылъёсыз Яков Майковлэн

Крезьгурез Майя Митрофановалэн

 

Шипырто ыр тӧлъя льӧмпуос,

Шундыя льӧмъёссы кисьтасько.

Сабыресь нылмуртъёс - удмуртъёс кадь соос

Куспазы дыртытэк верасько.

 

Ой, уно дуннеын емышъёс.

Унозэ мон веръяй ветлонъям.

Нош вордскем палъёсысь ӟускиё сьӧд льӧмъёс

Весь уло но уло син азям.

 

Сӥзьыл сад пиштылоз зарниен.

Ортчозы сильтӧлъёс, буранъёс.

Вожектӥсь тулысэ бугырес йӧлпыдэн

Пурӟозы нош льӧмпу сяськаос.

 

Соосты мон адӟо оло уг-

Сюресъёс азьлане нуозы.

Нош вордскем палъёслэсь сюлэмы мӧзмыку

Льӧмпуос уйвӧтам лыктозы.

Жингырты

Кылъёсыз но крезьгурез Майя Митрофановалэн

 

 

Жингырты мыным тон,

жингырты.

Телефонэн жингырты.

Вера мыным лушкем 

малпандэ,

Усьты мыным сюлэмдэ.

 

Оскытӥсь синъёсын учкиськод.

Мылкыддэ но шӧдисько.

 

Кемалась тыныд мон кельшисько.

Малы бен кепыраськод?

 

Инмын яркыт пиштэ кизили.

Со вӧзын эшшо огез.

Киме кутыны ке тон дӥсьтӥд,

Сюлмам луоз яркытгес.

 

Жингырты мыным тон, жингырты.

 

 

Сайкат ӥ д лулме

Кылъёсыз Александр Белоноговлэн

Крезьгурез Майя Митрофановалэн

 

Шат ӧй синмаськы,

Шат ӧй яраты.

Куке но азьло           

Аръёсам?

Мар мыным луиз,

Мар адӟон лыктӥз

Та туннэ улон

Дыръёсам?

 

 

Сайкатӥд лулме,

Кенӝытӥд лулме,

Буйгаме уг лу

Нокытын.

Луисько дорам

Я ужан дорын-

Весь тонэ утча

Мылкыды.

 

Лыктӥськод ке тон,

Вазиськод ке тон,

Мылкыды улэ

Кырӟаса.

Кошкиськод ке тон,

Кельтӥськод ке тон,

Сюлэмы кыле

 Бӧрдыса.

 

Улыса меда,

Улытэк меда-

Кызьы мон келяй

Аръёсме?

Шат али гинэ,

Шат тонэн гинэ

Аслэсьтым валай шудбурме?

 

 

Мон – дыдык

Кылъёсыз но крезьгурез Майя Митрофановалэн

 

 

Мон – дыдык, мон – дыдык.

Лобисько инбаметӥ.

Утчасько гажанме –

Яратоно туганме.

 

Тон кытын, тон кытын,

Яратоно туганэ.

«Мон татын, мон татын!»-

 Пумитам дыдык вазе.

 

Ойдо ӵош лобаломы,

Поръялом инбаметӥ.

Ойдо ӵош уломы,

Одӥг гур гурлаломы.

 

 Инбамын – эрикын

 Мылкыдъёсмес лэйкатом.

 Люконтэм сюлэммес

 Шумпотонэн буйгатом.

 

 Мон – дыдык, мон – дыдык.

 Мон – шудо тылобурдо.

 Ӵуказе нуналмы

 Туннэлэсь чебер медло.

 

 Мед луоз осконмы,

 Тылсиё яратонмы,

         Даурлы люкиськонтэм

 Шудо – буро улонмы.

           

 

Сегодня мне не спится

Романс

Слова и музыка Майи Митрофановой

 

Сегодня мне не спится.

Проснулась на заре.

Во сне твой образ снился-

Печально стало мне.

 

Надежды не теряю.

Мы встретимся с тобой.

Любовь таить на стану,

Друг драгоценный мой.

 

Судьбу счастливой сделать

Нужны друг другу мы.

Окно для птицы счастья

Раскроем вместе мы.

 

Сегодня мне не спится.

Проснулась на заре.

Ты в дверь мою стучишься –

Отрадно стало мне.

 

 

Ӝ уа на весь

Кылъёсыз Николай Байтеряковлэн

Крезьгурез Майя Митрофановалэн

 

Сюлэм мае меда куре.

Егит аръёс, кытын-о тӥ.

Мон тӥледыз ӟечен – бурен

Гадям весяк дырлы пыртӥ.

 

Лыз-горд сяська тугокоен

Монэ возьвыл пумиталляз.

Уӵы гурен шулась уе

Сюлмы тылпу сямен аляз.

 

 Со аръёсы быдэстылӥ

Секыт ужез но кырӟаса.

Вӧтлы кельшись малпанъёсам

Сизьым инме мон вуылӥ.

 

Мынам чебер кизилие

Ӝуа на весь, ӝуа на весь.

Уӵы гурен шулась уе

Йыр вадесам киська азвесь.

Ӧ м ке ыштэ ог - огмес

Кылъёсыз Александр Белоноговлэн

Крезьгурез Майя Митрофановалэн

Туганэ, ой, туганэ,

Тон туган ик-а мыным?

Оло, огдырлы гинэ

Герӟаськид сюлэменым?

 

Мыным шуд-а вайылод,

 Вӧсь карод-а сюлэмме?

Чик юнме гинэ, оло,

Тугалод тон улонме?

 

Туганэ, яратонэ,

Оло, мон ыштӥ визьме?

Уй-нунал сюлмы тонэн,

Воэьмасько пумиськонмес.

           

Мон меда тонэ утчай,

Яке тон шедьтӥд монэ?

Оло, мон тыныд кырӟай,

Та дырозь утчай тонэ.

 

Юнмелы ӧм пумиське:

Лулмы огкадь асьмелэн.

Ог-огмес ӧм куштэ ке,

Шудмы вань, дыр, азьпалан.

 

 

Мар бен табере

Кылъёсыз Александр Белоноговлэн

Крезьгурез Майя Митрофановалэн                 

 

Мар бен табер,

Яратӥ бере.

Сюлэмме ӧз лу

Алэме.

Мар бен табере,

Уг ни лу бере

Малпатэк тонэ

Улэме.

Мар ке но муген

Тон дортӥ куке

Ортчисько кем он дыртыса,

Пыдъёсы гинэ

Ӝ ог нуо монэ,

Сюлэмы кыле

Дугдыса.

Уж дурын ке но,

Котькытын ке но,

Мылкыды мынам

Весь тонэн.

Оло, чик юнме

Сутӥсько асме,

Нош шудэ туннэ

Тон гинэ.

Тихий час

Слова и музыка Майи Митрофановой

Тихий час, ребятки,

Тихий час.

Закрываем глазки-

Будем спать.

 

Пусть приснятся, детки,

Вам игрушки.

Мишки, мышки, резвые лошадки.

И жучок, и паучок.

 

Тихий час, ребятки,

Тихий час.

Закрываем глазки-

Будем спать.

 

Пусть приснятся, детки,

Вам лисички.

Белки, зайчики, да и синички.

И волчок, да и сверчок.

 

Тихий час, ребятки,

Тихий час.

Закрываем глазки-

Будем спать.

 

Тише! Детки уже спят…

 

Алнаше

Кылъёсыз но крезьгурез Майя Митрофановалэн

 

Льӧмпу сяська вакытэ но

Узы кисьман вакытэ,

Лымы усен вакытэ но

Яратӥсько Алнашме.

 

Алнаше, Алнаше,

Котьку мусо Алнаше.

Алнаше, Алнаше,

Ӟеч мылкыдо Алнаше.

 

Ӝужа – пушйы, Алнаше, тон

Гыась узыр ю-нянен.

Жин-жинэсь коркаосын но

Данъяськымон калыкен.

 

Алнаше, Алнаше,

Котьку оскымон эше.

Алнаше, Алнаше,

Бурдъяськод бадӟым уже.

 

Алнашмес но данъяса,

Кисьтоме крезьгуръесмес,

Азьланезлы оскыса,

Будэтом нылпиосмес.

 

Алнаше, Алнаше,

Муспотон черкогуртэ.

Алнаше, Алнаше,

Сюлэмме котьку шунтэ.

 

Котьку мусо, котьку дуно

Ӟеч мылкыдо Алнаше.

Котьку шулдыр, котьку усто,

Котьку майбыр Алнашын.

 

Маин ӵ ошатом улонме

Слова и музыка Майи Митрофановой

 

 

 

Маин ӵошатом мон та улонме.

    Шудо но, шудтэм но,

    Шулдыр но, мӧзмыт но,

    Кузь но, вакчи но улонме.

Сое ӵошато мон ӝужыт гурезен.

Вылэ но тубай ни.

Улэ но васькай ни.

Али но сылэ на гурезе.

Сое ӵошато мон инмысь пилемен.

   Пилем но потэ но,

   Зорзэ но кисьтэ но,

   Улон но вырӟе зор бере.

Сое ӵошато мон сайкыт шундыен.

        Ӟырдыт яратӥ но,

        Мылкыд пуксьылӥз но,

        Шунды йыр вадьсам али но пиштэ.

 Сое ӵошато мон бадӟым зарезен.

     Зарезь но кылдэ но,

    Зарезь но будэ но,

    Нош дыр ортчемъя зарезь но куасьме.

 

Сокем мон оски вал

Кылъёсыз Александр Белоноговлэн

Крезьгурез Майя Митрофановалэн

 

Сокем мон тыныд оски вал,

Лулыным гажай.

Мылкыды но тонэн котьку

Шуналоз кожай.

Мон малпай, сюлмыд тынад но

Весь улоз монэн,

Но луиз, лэся, ваньмыз ик

Огдырлы гинэ.

 

Кинэн ке шулдыръяськид тон,

Кинэн ке пукид.

Соизлы но,таизлы но

Мылкыддэ пальккид.

Азьло кадь ик мон доры но

Лыктӥськод шулдыр.

Нош мынам сюлмам ӧвӧл ни

Азьлоез шунды.

 

Ӵок, кинлы ке синмаськид ке,

Номыр мон уг шу,

Кыӵеез кулэ, созэ ик

Аслыд утча шуд.

Сюлэмы огшап бӧрдоз но,

Буйгалоз, дугдоз.

Сокем юн нош табере со

Кинлы на оскоз.

М ӧ зме ль ӧ мпу

Кылъёсыз Александр Белоноговлэн

Крезьгурез Майя Митрофановалэн

 

 

Ой, кытчы, уӵы, лобӟид тон

Вож-вож арама дурысь?

Ведь пинал льӧмпу малпаз ук

Ялан, ялан тон сярысь.

 

Припев:

Ой, уӵы, уд тодӥськы шат,

Одигназ льӧмпу мӧзме.

Малы нокин но уг тоды

Мынэсьтым но сюлэмме.

 

Ой, уӵы, кытын меда тон

Кисьтӥськод чебер гурдэ?

Ӵок, матам ке но уд лобӟы,

Мон кыло на куарадэ.

 

Вож льӧмпу доры малы бен

Одӥгнам мон ветлӥсько?

Со пинал льӧмпу сямен ик

Гажанме мон возьмасько.

 

Гажан но жалян

Кылъёсыз Александр Белоноговлэн

Крезьгурез Майя Митрофановалэн

 

 

 

Кисьто кызьпуос синвузэс,

Бӧрдо ошмесъёс лушкемен.

Ӟардон но льоӧльмыт тусбуйзэ

Ватэ, ӝож луса, пилемен.

Уӵы но гурла бӧрдыса,

Уллань учкемдэ шӧдыса,

Тонэ жаляса.

 

Кизэс шонтозы кызьпуос,

Ошмес жильыртоз кырӟанэн.

Ӟардон эшшо ӵыж - ӵыж луоз.

Пазьгоз шаере марӟанэн.

Уӵы но чирдоз шудыса,

Сайкыт ымнырдэ адӟыса,

Тонэ гажаса.

 

Кытын егит ныл-кызьпуос

Ваче кутскыса бергало.

Кытын шаерлы сэзь уйёс

Азвесь выжыкыл верало,

Отын, оло,ӝыт потыса,

Ветлэ, дыр, кин ке мӧзмыса,

Тонэ малпаса.