Святый апостоле Андрее моли Бога о нас

Светоно́сный о́блак, в о́ньже все́х Влады́ка, я́ко до́ждь с Небе́се́ на руно́ сни́де, и воплоти́ся на́с ра́ди, бы́в челове́к, безнача́льный, велича́ем вси́ я́ко Ма́терь Бо́га на́шего чи́стую.

Святый апостоле Андрее моли Бога о нас

И́же мре́жу распростры́й та́инственнаго Бо́говиде́ния, и (с. 650) я́ко ры́бы в не́й улови́вый добро́тами Небе́сных разуме́ний, моли́, свя́те, свя́ту́ю Тро́ицу, источи́ти и на́м очище́ние.

 

 

Сла́ва И ны́не

Катава́сия:

Хор: Та́инство стра́нное ви́жу и пресла́вное:/ Не́бо – верте́п, Престо́л Херуви́мский – Де́ву,/ я́сли – вмести́лище,/ в ни́хже возлеже́ Невмести́мый – Христо́с Бог,// Его́же, воспева́юще, велича́ем.

 

Ектения́ ма́лая:

 

Свети́лен.

Сло́во пребезнача́льное обре́т тя́, всеблаже́нне, первозва́нна показа́ все́х апо́столов, андре́е приснопа́мятне: и сего́ стопа́м возсле́дуя, показа́лся еси́ путево́ждь заблу́ждших, к Небе́сному сия́ возводя́ Боже́ственному ше́ствию.

 

Сла́ва

Петро́ва скро́вника, учени́ико́в пе́рвейшаго, самови́дца (с. 651) и слугу́ бы́вшаго сло́ва, андре́а апо́стола пресла́вно восхва́лим: язы́ки бо просвети́, и ра́спят бы́в, кончи́ну подъе́млет, я́ко учени́к Влады́ки.

И ны́не, Богоро́дичен:

Бо́га, его́же родила́ еси́, Де́во всенепоро́чная, моли́ о все́х, благоче́стно тя́ чту́щих, с первозва́нным андре́ем, улучи́ти Боже́ственнаго осия́ния твоего́ Сы́на, и стоя́ния избра́нных и свя́ты́х: и́бо мо́жеши, я́ко хо́щеши.

 

Хвали́тны псалмы́, глас1

Хор: Вся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

Хвали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

 

На хвали́тех стихи́ры,

 

Сотвори́ти в них суд напи́сан:/ сла́ва сия́ бу́дет всем преподо́бным Его́.

 

Вифсаи́до, ны́не весели́ся: / в тебе́ бо процвето́ша от ма́терня удо́лия / благово́ннейшии кри́ни пе́тр и андре́й, / ми́ру всему́ про́поведь ве́ры благово́инствующе / бла́года́тию Христо́вою: / его́же и стра́сте́м приобщи́шася.

Стих: Хвали́те Бо́га во святы́х Его́,/ хвали́те Его́ в утверже́нии си́лы Его́.

 

Андре́е, ра́дуйся и игра́й, / я́ко прия́л еси́ я́ве во словеси́ сия́нии, / со́лнце сла́вы Христа́ жизнода́вца, / его́же и держа́ся ве́рою пропове́дал еси́. / того́ моли́ непреста́нно о на́с, / ве́рою воспева́ющих тя́.

 

. Стих: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Тайноучи́тель Боже́ственнаго строе́ния Христо́ва, / избра́нный пе́рвых, / учени́к бы́ти сло́ва, андре́й богови́дец, / вопия́ глаго́лет: / единокро́внаго петра́ уви́дев, / обрето́хом месси́ю, / его́же писа́ние и проро́цы предпропове́даша.

Стих: Хвали́те Его́ во гла́се тру́бнем,/ хвали́те Его́ во псалти́ри и гу́слех.

 

Па́трский тя́ гра́д па́стыря стяжа́, / и градоде́ржца Боже́ственнаго, / и бе́д вся́ческих изба́вителя / и храни́теля тя́, андре́е му́дре, / благода́рно чту́щий тя́: / но моли́ непреста́нно о не́м, / спасти́ся неврежде́нну.

 

Сла́ва, гла́с 8

 

Пропове́дника ве́ры и слугу́ сло́ва, андре́а восхва́лим: то́й бо из глубины́ челове́ки уловля́ет, вме́сто тро́сти Крест в рука́х держа́, и я́ко у́же низпуща́я си́лу, возво́дит ду́ши от ле́сти вра́жия, и прино́сит Бо́гу да́р благоприя́тен при́сно. того́, ве́рнии, в (с. 652) ли́це учени́к Христо́вых восхва́лим, да мо́лится с ни́ми: я́ко да ми́лостив бу́дет на́м в де́нь су́дный.

И ны́не, гла́с то́йже:

 

Восприими́, вифлее́ме, Бо́жию митропо́лию: све́т бо незаходи́мый в тебе́ роди́тися прихо́дит. а́нгели, удиви́теся на Небе́си́: челове́цы, просла́вите на земли́: волсви́, из перси́ды пресла́вныя да́ры принеси́те: па́стырие свиря́юще, трисвя́то́е пе́ние песновоспо́йте: вся́кое дыха́ние да хва́лит вседе́теля.

Иере́й: Сла́ва Тебе́, показа́вшему нам све́т.

 

Славосло́вие вели́кое:

Хор: Сла́ва в вы́шних Бо́гу, и на земли́ мир, в челове́цех благоволе́ние……

 

Ектения́ сугу́бая:

Иерей: П оми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор: Г о́споди, поми́луй. (Трижды, на каждое прошение)

 

Ектиния просительная

 

Иерей: И спо́лним у́тренюю моли́тву на́шу Го́сподеви.

 

Иере́й: Мир всем.

Хор: И ду́хови твоему́.

 

Иерей: Г лавы́ на́ша Го́сподеви прикло́ним.

Хор: Т ебе́, Господи.

 

Иере́й: Твое́ бо е́сть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Иерей:: П рему́дрость.

Хор: Б лагослови́.

 

Иере́й: Сый благослове́н Христо́с Бог наш, всегда́, ны́не и при́сно и во ве́ки веко́в.

Хор: А ми́нь. У тверди́, Бо́же, святу́ю правосла́вную ве́ру, правосла́вных христиа́н во век ве́ка.

 

Иере́й: Пресвята́я Богоро́дице, спаси́ нас.

Хор: Ч естне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Иере́й: Сла́ва Тебе́, Христе́ Бо́же, Упова́ние на́ше, сла́ва Тебе́.

Хор: С ла́ва, и ны́не. Г о́споди, поми́луй. (Трижды) Б лагослови́.

 

Иере́й: Отпу́ст:

 

Многоле́тие:

Хор: В ели́каго Господи́на и Отца́ на́шего Кири́лла …….

…………………………………………………………………………………

 

ЧИТА́ЕТСЯ ПЕ́РВЫЙ ЧАС.

По вхо́де:

В хра́ме Богоро́дицы:

Тропа́рь апостола

Слава и ныне кондак апостола

 

Проки́мен, гла́с 8 Во всю́ зе́млю изы́де веща́ние и́х, и в концы́ вселе́нныя глаго́лы и́х.

Сти́х: Небе́са́ пове́дают сла́ву Бо́жию, творе́ние же руку́ его́ возвеща́ет тве́рдь

Прича́стен: Во всю́ зе́млю изы́де веща́ние и́х, и в концы́ вселе́нныя глаго́лы и́х.