Пресвятая Богородице спаси нас 


Мы поможем в написании ваших работ!



ЗНАЕТЕ ЛИ ВЫ?

Пресвятая Богородице спаси нас



Во двою́ хоте́ниих, еди́наго че́стны́я Тро́ицы породила́ еси́, всенепоро́чная, нося́щаго еди́ну ипоста́сь: его́же моли́ приле́жно все́м спасти́ся на́м.

 

И́н

Святый апостоле Андрее моли Бога о нас

Восприя́л еси́, его́же вожделе́л еси́, андре́е апо́столе, в нетле́нных с ни́м обита́в селе́ниих, трудо́в твои́х снопы́ пожа́в досто́йно: те́мже тя́ пе́сньми сла́вим.

Святый апостоле Андрее моли Бога о нас

Возлюби́л еси́ Влады́ку, и того́ во сле́д быстро́ поте́кл еси́, стопа́ми его́ к жи́зни наставля́емь, и стра́сте́й того́ нелжи́во, прече́стне андре́е, да́же до сме́рти подража́я.

Святый апостоле Андрее моли Бога о нас

озари́ на́ш у́м, Бо́же, све́том за́поведей твои́х и све́тлостию благода́ти твоея́, да́руя на́м, бла́же, твоя́ ми́лости, зане́ све́т и ми́р повеле́ния твоя́.

Святый апостоле Андрее моли Бога о нас

Вожделе́вый Креста́, Христо́в учени́иче́, получи́л еси́ Кресто́м твои́м нетле́нное ца́рство: к нему́же вся́ привле́кл еси́ Кресто́м Боготаи́нники, насле́дство подая́й Богосло́вом того́.

 

 

Сла́ва,

И ны́не:

 

 

Пе́снь 6. ирмо́с: проро́ка ио́ну подража́я, вопию́: живо́т мо́й, бла́же, свободи́ из тли́, и спаси́ мя, Спа́се ми́ра, зову́ща: сла́ва тебе́.

Пресвятая Богородице спаси нас

оскверне́на мя́ мно́гими грехи́, молю́ся тебе́ су́що благо́й, и нескве́рней ски́нии: омы́й от вся́кия скве́рны хода́тайством твои́м.

Пресвятая Богородице спаси нас

Ко́рмчий мне́ бу́ди, чи́стая, вла́емому при́сно в пучи́не лю́тых жития́ искуше́ньми, и спаси́ мя, ко спасе́ния приста́нищу упра́вивши.

И́н

Святый апостоле Андрее моли Бога о нас

обы́де на́с после́дняя бе́здна, не́сть избавля́яй, вмени́хомся я́ко о́вцы заколе́ния, спаси́ лю́ди твоя́, Бо́же на́ш: ты́ бо кре́пость немощству́ющих и исправле́ние.

Святый апостоле Андрее моли Бога о нас

Мо́ре жите́йское препла́вая в ладии́ теле́сней, вся́ческая пра́вящаго Христа́ обре́л еси́ ко́рмчия, всеблаже́нне, и к нему́ ра́дуяся приста́л еси́, андре́е всече́стне.

 

И́н

Святый апостоле Андрее моли Бога о нас

проро́ка ио́ну подража́я, вопию́: живо́т мо́й, бла́же, свободи́ из тли́, и спаси́ мя, Спа́се ми́ра, зову́ща: сла́ва тебе́.

Святый апостоле Андрее моли Бога о нас

И́же из вифсаи́ды изводи́мый на́с пра́здновати созыва́ет, торжество́ свое́ предложи́в на́м изря́дства боре́ний свои́х.

 

Сла́ва,

И ны́не

 

 

Катава́сия:

Хор: Из утро́бы Ио́ну младе́нца изблева́ морски́й зверь,/ якова́ прия́т,/ в Де́ву же все́льшееся Сло́во/ и плоть прие́мшее про́йде сохра́ншее нетле́нну./ Его́же бо не пострада́ истле́ния,// Ро́ждшую сохрани́ неврежде́нну.

Ектения́ ма́лая:

 

 

Конда́к, гла́с 2

Му́жества тезоимени́таго Богоглаго́льника, и це́ркве возсле́дователя верхо́внаго, петро́ва сро́дника восхва́лим: зане́ я́коже дре́вле сему́, и ны́не на́м воззва́: прииди́те, обрето́хом жела́емаго.

и́кос:

Дре́вле у́бо дави́д возстяга́ет гре́шнаго, я́ко мене́, пове́дати Бо́жия бла́госло́вне оправда́ния: оба́че к ве́ре учи́т па́ки, и слеза́ми мно́жайшими изглаго́льствует: (с. 644) дне́сь бо гла́с его́ а́ще услы́шите, серде́ц не ожесточи́те, я́ко не́когда Изра́иль преогорчи́. наво́дит же про́чее во псалме́: Го́сподеви вся́ земля́ воспо́йте, прииди́те, обрето́хом жела́емаго.

 

Пе́снь 7 ирмо́с: Су́щим в пещи́ отроко́м твои́м, Спа́се, не прикосну́ся, ниже́ стужи́ о́гнь. тогда́ трие́, я́ко еди́неми усты́, поя́ху и благословля́ху, глаго́люще: бла́гослове́н Бо́г оте́ц на́ших.

Пресвятая Богородице спаси нас

оскверни́вшуюся страстьми́ ду́шу мою́ освяти́, всегда́ раба́ твоего́, чи́стая, и ума́ лю́тое плене́ние, и се́рдца ожесточе́ние, и де́монов стремле́ния вско́ре потреби́.

Пресвятая Богородице спаси нас

умерщвле́нный страстьми́ плотски́ми, всенепоро́чная, оживи́ у́м мо́й, и Бо́гу уго́дная соверша́ти укрепи́ мя: да велича́ю тя́, да сла́влю при́сно бла́гоутро́бие твое́.

 

И́н

Святый апостоле Андрее моли Бога о нас.

Тебе́ у́мную, Богоро́дице, пе́щь, разсмотря́ем, ве́рнии, я́коже бо о́троки спасе́ три́ превозноси́мый, ми́р обнови́ во чре́ве твое́м всеце́л, хва́льный отце́в Бо́г и препросла́влен.

Святый апостоле Андрее моли Бога о нас.

Нелжи́во я́вственно испо́лнися обеща́ние твое́, Христе́, бу́ри бо учени́к тво́й Боже́ственейший сло́вом запреща́я, на кро́ткую тишину́ преложи́: хва́льный отце́в Бо́же, и препросла́вленный.



Поделиться:


Последнее изменение этой страницы: 2017-02-19; просмотров: 101; Нарушение авторского права страницы; Мы поможем в написании вашей работы!

infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 35.172.121.218 (0.006 с.)