Молитва о Воскресеніи Россіи

Го́споди, Бо́же отце́въ, Царю́ ца́рствую­ихъ и Го́поди госпо́дствующихъ сотвори́вый вся́ Сло́вомъ Твои́мъ, и прему́дростiю устро́ивый человѣ́ка, да управля́етъ мíромъ въ преподо́бiи и пра́вдѣ; въ Ру́цѣ Твое́й се́рдце Ца́рѣво и вла́сть всея́ земли́; Ты́ посажда́еши Пома́занныхъ Твои́хъ на Престо́лѣ ИХЪ и глаго́леши о НИХЪ: Мно́ю Ца́рiе ца́рствуютъ, не прикаса́йтеся у́бо къ Пома́заннымъ Мои́мъ.

При́зри Ми́лос­тивымъ Окомъ Твои́мъ на лю́те стра́ждущiй Наро́дъ Тво́й, въ нѣ́мже за отсту́пничество отъ Пома́занника Твоего́, зѣло́ умно́жишася нестрое́нiя и нѣ́сть ми́ра, нѣ́сть осла́бы, нѣ́сть покая́нiя въ домѣ́хъ на́шихъ. О Всевѣ́­дующiй, Ты́ вѣ́си бѣду́ на́шу, прости́ на́съ грѣ́шныхъ и разруши́ вся́ богоме́рзкiя совѣ́ты нечести́выхъ, загради́ злосмра́дныя уста́ сыно́въ поги́бель­ныхъ, хуля́щихъ Пома́занниковъ Тво­и́хъ, и возстаю́щихъ на попра́нiе Правосла́внаго Ца́рскаго Самодержа́вiя; вразуми́ заблу́дшiя, вложи́ въ сердца́ и́хъ Стра́хъ Тво́й Боже́ственный и напра́ви я́ (ихъ) на Пу́тъ Истины; Ру́сь Святу́ю ра́ди Свята́го Царя́ искупи́тѣля НІКОЛАЯ АЛЕКСАНДРОВИЧА воскреси́, и да́руй на́мъ Пома́занника Своего́, Царя́ Самодержа́внаго и Ца́рство ЕГО Правосла́вное въ щи́тъ и огражде́ніе, сохране́ніе и спасе́ніе Це́ркви Твое́й Святѣ́й, Богоизбра́ннаго Наро́да Ру́сскаго и Госуда́рста Россі́й­скаго.

Поспѣши́ и пособи́ ЕМУ, Го́споди, во всѣ́хъ дѣлѣ́хъ служе́нія Тебѣ́; разруши́ вся́ я́же на НЕГО ко́зни вра́жiя, препоя́ши ЕГО Си́лою Твое́ю, облеки́ ЕГО пра́вдою и ми́ромъ, и огради́ на всѣ́хъ путѣ́хъ ЕГО Святы́ми Твои́ми Ангелы; да ничто́же успѣ́етъ вра́гъ на НЕГО, и сы́нъ беззако́нiя не приложи́тъ озло́бити се́рдце ЕГО; испо́лни ЕГО долгото́ю днѣ́й и крѣ́постію си́лъ, да соверши́тъ вся́ во Сла́ву Твою́ и во бла́го люде́й Твои́хъ; посли́ ЕМУ вѣ́рныхъ во́иновъ и совѣ́тниковъ, му́дростiю испо́лненныхъ и во́лю ЕГО свя́то исполня́ющихъ; вдохни́ му́жество въ сердца́ стоя́щихъ на стра́же Самодержа́вiя Ца́рскаго; всѣ́хъ же на́съ Све́томъ Зако́на Твоего́ Ева́нгельскаго озари́, возгре́й сердца́ Теплото́ю Благода́ти Твоея́, утверди́ во́лю на́шу на Путѣхъ исполне́нiя Во́ли Твоея́́; и пода́ждь на́мъ смире́нiя и терпѣ́нiя, грѣхо́въ всѣ́хъ прощѣ́нiе и оставлѣ́нiе. Да Всеблаго́му Твоему́ Промыщле́нiю о Царѣ́ на́шѣмъ ра́дую­щiеся, на вся́кiй дѣ́нь и ча́съ благосови́мъ и просла́вимъ Всесвято́е Имя Твое́: Отца́, и Сы́на, и Свята́го Ду́ха. Ами́нь. *

* Не забываем, что когда оканчиваем просительную молитву, то Крестное Знамение творим со словами: "ИМЕНЕМ Господа Бога Отца, и Сына, и Святаго Духа. Аминь!" во знаменование получения просимого и незыблемого утвержденіе себя в Вере Богу решему нам: "Истинно, истинно говорю вам: ВЕРУЮЩИЙ в Меня, дела, которые творю Я, и он сотворит, и больше сих сотворит. И если чего ПОПРОСИТЕ у Отца ВО ИМЯ МОЕ, то сделаю, да прославится Отец в Сыне" (Иоан.14:12,13) "Доныне вы ничего не просили ВО ИМЯ МОЕ, [но ныне говорю вам:] ПРОСИТЕ, и ПОЛУЧИТЕ, чтобы радость ваша была совершенна" (Иоан.16:24)

Иная* молитва о Воскресеніи Россіи

О Влады́ко Многоми́лостивый, Го́споди Iису́се Хрiсте́, ра́ди Сла́вы Имени Твоего́ Свята́го, поми́луй на́съ па́дшихъ ча́дъ Твои́хъ! Се вре́мя пріи́де Ми́лости Твоея́, се вре́мя! Воздви́гни ро́гъ Да́вида, Пома́заннаго Твоего́ и пода́й ЕМУ побе́ду на всѣ́хъ враго́въ Наро́да Твоего́. Поми́луй, Ми́лостиве, поми́луй на́съ па́д­шихъ ча́дъ Твои́хъ, Человѣколю́бче! Воз­ста́ви ны́ во благо́е и плене́ныхъ діа́вольскимъ обольще­́ніемъ свободи́. Пошли́, Мило­се́рде, Ми́лость Свою́ дре́внюю свы́ше и посеки́ пога́ныхъ, да разуме́ютъ вси́ врази́ на́ши, я́ко Ты́ еси́ Бо́гъ на́шъ, и на Тя́ упова́юще побежда́емъ. И Ты́, о Пречи́стая Влады́чица на́ша Богоро́дице, умоли́ ро́дшагося изъ Тебе́ Хрiста́ Истиннаго Бо́га на́шего, да не помяне́тъ грѣхо́въ на́шихъ и беззако́ній вели́кихъ, ели́ко согрѣши́ли пре́дъ вели́чествомъ Сла́вы Его́, но поми́луетъ на́съ вели́кiя ра́ди Ми́лости Своея́! О Святы́й Царю́ искупи́тѣлю Ніко́лая, помо́щникъ на́мъ бу́ди и всему́ Наро́ду на́шему, на тя́ наде́ющеся, не посрами́мся во бра́нѣхъ моли́твами твои́ми, и всѣ́хъ Святы́хъ, сро́дниковъ, моли́твенниковъ и помо́щ­никовъ на́шихъ на супроти́вныхъ. Ами́нь.

МОЛИТВА О ЖИВЫХЪ И УСОПШИХЪ

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Четсна́го и Животворя́щего Креста́, моли́твами Пречи́стыя Твоея́ Ма́тре, Свята́го Царя́ искупи́теля НIКОЛА́Я АЛЕКСАНДРОВИЧА, предста́тельствы Небе́сныхъ Си́лъ Безпло́тныхъ и всѣ́хъ Твои́хъ Святы́хъ, осла́би, оста́ви, прости́, пре­грѣ­ше́нія на́ша, во́льная и нево́льная, я́же въ сло́вѣ и въ дѣ́лѣ, я́же въ вѣ́дѣніи и не въ вѣ́дѣніи, я́же во дни́ и въ нощи, я́же во умѣ́ и въ помышле́ніи; вся́ намъ прости́, я́ко Бла́гъ и Человѣколю́бецъ. Ненави́дящихъ и оби́дящихъ на́съ прости́, Го́споди Человѣколю́бче. Бла­гот­воря́щымъ благосотвори́. Бра́ті­ямъ и сро́дникомъ на́шымъ да́руй я́же ко спасе́нію проше́нія и Жи́знь Вѣ́ч­ную. Въ не́мощехъ су́щыя посѣти́ и исцѣ­ле́ніе да́руй. Яже въ мо́ри управи́. Съ путеше́ствующими спутеше́ст­вуй. [Гря­ду́щему] Госуда́рю ІМПЕРАТОРУ на́шему спобо́рствуй. Слу́жащымъ и ми́лующымъ на́съ грѣхо́въ оставле́ніе да́руи. Заповѣ́давшихъ на́мъ недосто́й­нымъ моли́тися о ни́хъ поми́луй по Вели́цѣй Твое́й Ми́лости. Помяни́, Го́споди, пре́жде усо́пшихъ оте́цъ, и бра́тій, и се́стеръ на́шихъ, и упоко́й и́хъ, идѣ́же присѣща́етъ Свѣ́тъ Лица́ Твоего́. Помяни́, Го́споди, бра́тій на́шихъ плѣне́нныхъ и изба́ви я́ (ихъ) отъ вся́каго обстоя́нія. Помяни́, Го́споди, плодоно­ся́­щихъ и добродѣ́ющихъ во Святы́хъ Тво­и́хъ це́рквахъ, и да́ждь имъ я́же ко спасе́нію проше́нія и Жи́знь Вѣ́чную. Помяни́, Госпо́ди, и на́съ смире́нныхъ и грѣ́шныхъ и недосто́йныхъ ча́дъ Твои́хъ, и просвѣти́ на́шъ у́мъ Свѣ́томъ Ра́зума Твоего́, и наста́ви на́съ на Стезю́ За́повѣдей Твои́хъ, я́ко Благослове́нъ еси́ во вѣ́ки вѣко́въ. Ами́нь.

Иная* молитва о живыхъ и успошихъ

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Четсна́го и Животворя́щего Креста́ , моли́твами Пречи́стыя и Преблагослове́нныя Твоея́ Ма́тре, Свята́го Царя́ искупи́теля НIКОЛАЯ АЛЕКСАНДРОВИЧА, предста́тельствы Честны́хъ Небе́сныхъ Си́лъ Безпло́тныхъ и всѣ́хъ Твои́хъ Святы́хъ, спаси́ и поми́луй Дави́да раба́ Твоего́: Ревни́теля Христiа́нского Благоче́стiя, Защи́ника и Покрови́те Христо́вы Це́ркви, [гряду́щего] Благочести́вѣйшего, Самодержа́внѣйшаго, Вели́каго Госуда́ря и Отца всея́ Россíи, ИМПЕРАТОРА на́шего (ЕГОЖЕ и́мя, Го́споди, Ты́ вѣ́си), ЕМУЖЕ вѣ́рностью обѣтова́лися во вся́ дни́ до сконча́нiя вѣ́ка; Супру́гу ЕГО Благо­чести́вѣйшую Госуда́рыню Импе­ратрі́́цу (ея́же и́мя, Го́споди, Ты́ вѣ́си); Наслѣ́дника ЕГО Благовѣ́рнаго Госуда́ря Цесаре́вича и Вели́кого Кня́зя (его́же и́мя, Го́споди, Ты́ вѣ́си); вся́ Благо­вѣ́рныя Цари́ и Цари́цы, Князи́ и Княги́ни; Святѣ́йшiй Прави́тельст­вующiй Сино́дъ, Митрополі́та (Архіепи́скопа или Епи́скопа) на́шего (имярекъ)**; Святѣ́йшiя Патрiа́рхи, Преосвяще́нныя Митрополí­ты, Архiепíскопы и Епíскопы Правос­ла́вныя; Пресви́терство, во Хрiсте́ дiа́конство, и при́чтъ Церко́вный; ве́сь Мона́шескiй и Иноческiй Чи́нъ; Богоизбра́нный и Богохра­ни́мый Ца́рствующiй До́мъ Рома́но­выхъ; Благовѣ́рныхъ Прави́тельствующiй Синкли́тъ, военча́льники, градонача́льни­ки и Хрiстолюби́вое во́инство, доброхо́ты и лю́діе; и всѣ́хъ благоче́стно за Правосла́вную Вѣ́ру, Царя́ и Оте́чество подвиза́ю­щихся ; та́кже ненави́дящихъ и оби́дя­щихъ на́съ, и творя́щихъ на́мъ напа́сти; благотворя́щихъ, упокоева́ющихъ, ми́лующихъ и пита́ющихъ на́съ, и запове́давшихъ на́мъ моли́теся о ни́хъ; всѣ́хъ плодонося́щихъ и добродѣ́ющихъ во Всечестны́хъ Хра́хъ и Святы́хъ Оби́теляхъ Твои́хъ, подвиза́ющихъ, тружда́ющихся, и пребыва́ющихъ въ ни́хъ; всѣ́хъ ко́ихъ мы́ безу́міемъ свои́мъ соблазни́ли и отъ Пути́ Спаси́тельнаго отврати́ли, къ дѣло́мъ злы́мъ и непотре́бнымъ соврати́ли, изря́днее тѣ́хъ къ ко́му испы́тываемъ неприя́знь; всѣ́хъ ста́рцевъ (пожилых людей) и ю́ныхъ (детей), ни́щихъ и убо́гихъ (калек), си́рыхъ (сирот) и вдо́выхъ, су́щихъ въ болѣ́знѣхъ же и въ печа́лѣхъ, бѣ́дахъ же и скорбе́хъ, обстоя́нiихъ (въ осаде) и плѣне́ніихъ, темни́цахъ же и заточе́­нiихъ; изря́днѣе су́щихъ въ гоне́нiихъ ра́ди Пра́вды Бо́жiя, Вѣ́ры Проавосла́вныя, Саможержа́вiя Ца́рскаго и Оте́чества на́шего; и всѣ́хъ отце́въ, и бра́тій, и се́стръ на́шихъ о ко́мъ не́кому помоли́тися, во мра́цѣ (мраке) невѣ́дѣнія Еди́наго Истиннаго Бо́га су́щихъ, отступи́вшихъ отъ Правосла́вныя Це́ркви и поги́­бельными е́ресями ослѣпле́нныхъ; и рабо́въ Твои́хъ (имярекъ)***, всѣ́хъ бли́жнихъ и сро́дниковъ ны́нѣ здѣ́ помина́емыхъ, и всѣ́хъ отце́въ, и бра́тiй, и се́стръ на́шихъ.

Та́кже помяни́ Го́споди во Ца́рствіи Твое́мъ отъ житiя́ сего́ отше́дшiя Благочести́вѣйшiя Госуда́ри IМПЕРАТОРЫ и Госуда́рыни IМПЕ­РАТРИЦЫ, Благо­вѣ́рныя Цари́ и Цари́цы, Князи́ и Княги́ни; Святѣ́йшiя Патрiа́рхи и Преосвящѣ́нныя Митрополíты, Архiепíс­копы и Епíскопы Правосла́вныя; iере́и же и дiа́коны и при́чтъ Церко́вный; Мо́нашескiй и Иноческiй Чи́нъ; всѣ́хъ отъ Богоизбра́нного Ца́рствующего До́ма Рома́­новыхъ, и отъ ро́да Благо­вѣ́рныхъ Царе́й и Князе́й преста́вльшихся; боя́ры, военача́льники, градонача́лники, Хрiстоимени́тыя во́ины, доброхо́ты и лю́діе; и всѣ́хъ благочѣ́стно за Правосла́вную Вѣ́ру, Царя́ и Оте́чество подвиза́вшихся; та́кже ненави́дѣвшихъ на́съ и твори́вшихъ на́мъ напа́сти; благотвори́вшихъ, упокоева́вщихъ, ми́ловавщихъ и пита́вщихъ на́съ, и запове́давшихъ на́мъ моли́теся о ни́хъ; всѣ́хъ плодоноси́вшихъ и добродѣ́ящихъ во Всечестны́хъ Хра́хъ и Святы́хъ Оби́теляхъ Твои́хъ, подвиза́вщихъ, тружда́вщихся, и пребыва́вщихъ въ ни́хъ; всѣ́хъ ко́ихъ мы́ безу́міемъ свои́мъ соблазни́ли и отъ Пути́ Спаси́тельнаго отврати́ли, къ дѣло́мъ злы́мъ и непотре́бнымъ соврати́ли изря́днее тѣ́хъ къ кому́ испы́тываемъ непрія́знь; и всѣ́хъ отцѣ́въ, и бра́тій, и се́стръ на́шихъ о ко́мъ не́кому помоли́тися, отъ житія́ сего́ отше́дшихъ во мра́цѣ невѣ́дѣнія Еди́наго Истиннаго Бо́га, отступи́вшихъ отъ Правосла́вныя Це́ркви и поги́бельными е́ресями ослѣп­лѣ́нныхъ; и рабо́въ Твои́хъ (имярекъ)****, всѣ́хъ пре́жде почи́в­шихъ бли́жнихъ и сро́дниковъ ны́нѣ здѣ́ помина́емыхъ, и всѣ́хъ усо́пшихъ отцѣ́въ, и бра́тiй, и се́стръ на́шихъ.

Да просла́вится у́бо въ на́съ и че́резъ на́съ Пречестно́е Имя Всесвяты́я, Единосу́щныя, и Живот­воря́щія, и Нераздѣ́льныя Тро́ицы: Отца́, и Сы́на, и Свята́го Ду́ха ; и посрами́тся лука́вый супоста́тъ; я́ко Твое́ е́сть Ца́рствіе, и Си́ла, и Сла́ва, со Безнача́льнымъ Твои́мъ Отце́мъ и со Пресвяты́мъ Твои́́мъ Ду́хомъ, ны́нѣ, и при́сно, и во вѣ́ки вѣко́въ. Ами́нь.

* Молитва для техъ, кто не успелъ утром помянуть своих ближних и сродников, и желает на сон грядущий основательно помолиться о всех и за вся.

** Помяни своего епархиального Архиерея.

*** Открой синодик (в конце молитвослова) и помини своих ближних и сродственников. А также всех тех, коих Господь придет тебе на ум (кого вспомнишь) в сию минуту.

**** Открой синодик (в конце молитвослова) и помяни усопших ближних и сродников твоих. А также всех тех, коих Господь придет тебе на ум (кого вспомнишь) в сию минуту.