Мы поможем в написании ваших работ!
ЗНАЕТЕ ЛИ ВЫ?
|
Деяния святых Апостол, зачало 5.
Содержание книги
- Апостол на церковнославянском гражданским шрифтом
- Деяния святых Апостол, зачало 1Б.
- Деяния святых Апостол, зачало 3.
- Деяния святых Апостол, зачало 5.
- Деяния святых Апостол, зачало 6.
- Деяния святых Апостол, зачало 9.
- Деяния святых Апостол, зачало 11.
- Деяния святых Апостол, зачало 13.
- Деяния святых Апостол, зачало 15.
- Деяния святых Апостол, зачало 17.
- Деяния святых Апостол, зачало 18.
- Деяния святых Апостол, зачало 20.
- Деяния святых Апостол, зачало 21Б.
- Деяния святых Апостол, зачало 23.
- Деяния святых Апостол, зачало 25.
- Деяния святых Апостол, зачало 27.
- Деяния святых Апостол, зачало 29.
- Деяния святых Апостол, зачало 31.
- Деяния святых Апостол, зачало 33.
- Деяния святых Апостол, зачало 35.
- Деяния святых Апостол, зачало 37.
- Деяния святых Апостол, зачало 39.
- Деяния святых Апостол, зачало 40А.
- Деяния святых Апостол, зачало 40Б.
- Деяния святых Апостол, зачало 41.
- Деяния святых Апостол, зачало 43.
- Деяния святых Апостол, зачало 45.
- Деяния святых Апостол, зачало 47.
- Деяния святых Апостол, зачало 49.
- Деяния святых Апостол, зачало 51А.
- Соборное послание Иаковле, зачало 50Б.
- Соборное послание Иаковле, зачало 51Б.
- Соборное послание Иаковле, зачало 53.
- Соборное послание Иаковле, зачало 55.
- Соборное послание Иаковле, зачало 57А.
- Соборное послание первое святаго Апостола Петра.
- Соборное послание Петрова первое, зачало 58В.
- Соборное послание Петрова первое, зачало 59.
- Соборное послание Петрова первое, зачало 61.
- Соборное послание Петрова первое, зачало 63.
- Соборное послание Петрова второе, зачало 65.
- Соборное послание Петрова второе, зачало 67.
- Соборное послание Петрова второе, зачало 68А.
- Соборное послание первое святаго Апостола Иоанна Богослова.
- Соборное послание Иоаннова первое, зачало 70.
- Соборное послание Иоаннова первое, зачало 72.
- Соборное послание Иоаннова первое, зачало 73Б.
- Соборное послание Иоаннова первое, зачало 74Б.
- Соборное послание второе святаго Апостола Иоанна Богослова.
- Соборное послание Иудино, зачало 77.
Во дни о́ны, рече́ Петр к лю́дем: му́жие Изра́ильстии, послу́шайте слове́с сих: Иису́са Назоре́а, Му́жа от Бо́га изве́ствованна в вас си́лами и чудесы́ и зна́мении, я́же сотвори́ Тем Бог посреде́ вас, я́коже и са́ми ве́сте, Сего́ нарекова́нным сове́том и проразуме́нием Бо́жиим пре́дана прие́мше, рука́ми беззако́нных пригво́ждьше уби́сте: Его́же Бог воскреси́, разреши́в боле́зни сме́ртныя, я́коже не бя́ше мо́щно держа́ну бы́ти Ему́ от нея́. Дави́д бо глаго́лет о Нем: предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся: сего́ ра́ди возвесели́ся се́рдце мое́, и возра́довася язы́к мой: еще́ же и плоть моя́ всели́тся на упова́нии, я́ко не оста́виши души́ моея́ во а́де, ниже́ да́си преподо́бному Твоему́ ви́дети истле́ния: сказа́л ми еси́ пути́ живота́: испо́лниши мя весе́лия с лице́м Твои́м. Му́жие бра́тие, досто́ит рещи́ с дерзнове́нием к вам о патриа́рсе Дави́де, я́ко и у́мре и погребе́н бысть, и гроб его́ есть в нас да́же до дне сего́: проро́к у́бо сый и ве́дый, я́ко кля́твою кля́тся ему́ Бог от плода́ чресл его́ по пло́ти воздви́гнути Христа́ и посади́ти Его́ на престо́ле его́, предви́дев глаго́ла о воскресе́нии Христо́ве, я́ко не оста́вися душа́ Его́ во а́де, ни плоть Его́ ви́де истле́ния. Сего́ Иису́са воскреси́ Бог, ему́же вси мы есмы́ свиде́тели. Десни́цею у́бо Бо́жиею вознесе́ся, и обетова́ние Свята́го Ду́ха прие́м от Отца́, излия́ сие́, е́же вы ны́не ви́дите и слы́шите. Не бо Дави́д взы́де на небеса́, глаго́лет бо сам: рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие ног Твои́х. Тве́рдо у́бо да разуме́ет весь дом Изра́илев, я́ко и Го́спода и Христа́ его́ Бог сотвори́л есть, Сего́ Иису́са, Его́же вы распя́сте.
Деян 2:22–36
В среду светлыя недели.
|
