Мы поможем в написании ваших работ!
ЗНАЕТЕ ЛИ ВЫ?
|
Богослужение Царской Православной Церкви
Содержание книги
- Богослужение Царской Православной Церкви
- Иму́ще тебе́ ко влады́це предста́теля, и засту́пника те́пла, нико́лае, к тебе́ притека́ем ве́рою, и взыва́ем: не отврати́ на́с безде́льны от покро́ва твоего́, но покажи́
- Си́лою препоя́шите, Спа́совы апо́столи, изнемо́гшее страстьми́ и помышле́ньми се́рдце мое́.
- Украси́стеся сла́внии апо́столи, Боже́ственными све́тлостьми удобря́еми, и заря́ми просвеща́еми ва́с свети́ла показа́вшаго.
- В Ми́рех пожи́в, Нико́лае, благоуха́ния Боже́ственнаго на́с испо́лни, благоче́стно воспева́ющих тя́.
- Пе́снь Богоро́дицы: Вели́чит душа́ моя́ Го́спода: <см. основной Чин>
- Сы́й с небе́сными ны́не ликостоя́ньми, святе́йший о́тче Нико́лае, блага́го умоли́ Бо́га, спасти́ на́с.
- Lt;далее см. Основной Чин>. Го́споди, тебе́ усе́рдно на земли́ апо́столи возлюби́вше, уме́ты вмени́ша вся́, Да тебе́ еди́наго приобря́щут, и за тя́ на ра́ны телеса́ своя́ п
- Во всю́ зе́млю, я́коже рече́ проро́к, изы́де прему́дрых апо́стол веща́ние: пропове́давше бо сло́во, язы́ки вся́ просвети́ша, те́мже те́х по до́лгу восхваля́юще пе
Богослужение Царской Православной Церкви
Октоих, Глас 8, Четверг
Вечером в среду
На Го́споди воззва́х:
Сти́х: Изведи́ из темни́цы ду́шу мою́, испове́датися и́мени Твоему́.
Сти́х: Мене́ жду́т пра́ведницы, до́ндеже возда́си мне́.
Сти́х: Из глубины́ воззва́х к Тебе́, Го́споди, Го́споди, услы́ши гла́с мо́й.
Сти́х: Да бу́дут у́ши Твои́ вне́млюще гла́су моле́ния моего́.
Сти́х: А́ще беззако́ния на́зриши, Го́споди, Го́споди, кто́ постои́т? Я́ко у Тебе́ очище́ние е́сть.
Го́споди, ты́ Уте́шителя заря́ми апо́столы Твоя́ просвети́л еси́, и свети́ла положи́в те́х ве́ре утвержде́ние, у́мным просвеще́нием ра́зума Твоего́, Влады́ко: сего́ ра́ди покланя́емся неизрече́нному Человеколю́бию Твоему́.
Сти́х: Имене ра́ди Твоего́, потерпе́х Тя́, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.
Го́споди, Ты́ апо́стол моли́твами огради́л еси́ ста́до Твое́ сие́, от враго́в искуше́ния невре́дно сохраня́я: зане́ честно́ю то́ искупи́л еси́ кро́вию от рабо́ты чужда́го, я́ко Ще́др и Человеколю́бец.
Сти́х: От стра́жи у́тренния до но́щи, от стра́жи у́тренния да упова́ет Изра́иль на Го́спода.
Яви́стеся ку́пно во основа́нии церко́внем, я́ко честно́е ка́мение, заре́ю све́тлою вселе́нней блиста́юще Богоразу́мие изве́стно, апо́столи Боже́ственнии, Тро́ице предстоя́тели, и моли́твенницы о душа́х на́ших.
Сти́х: Я́ко у Го́спода ми́лость, и мно́гое у него́ избавле́ние: и то́й изба́вит Изра́иля от все́х беззако́ний его́.
Го́споди, Ты́ честна́го Твоего́ святи́теля Никола́а в конца́х просла́вил еси́, да́в тому́ чуде́с благода́ть: и побо́рника показа́л еси́ су́щым в беда́х лю́тых, и в ско́рбех и зло́бах припа́дающым, и прося́щым того́ при́сно заступле́ния.
Сти́х: Хвали́те Го́спода вси́ язы́цы, похвали́те его́ вси́ лю́дие.
Го́споди, Ты́ святи́теля Твоего́ Боже́ственными мольба́ми умилосе́рдися: и вся́кия беды́, и вся́каго озлобле́ния, и нахожде́ния вра́жия свободи́ рабы́ Твоя́, ве́рою покланя́ющыяся Твое́й держа́ве непобеди́мей.
Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.
|
