Буранғол урта мәктәбенең мәктәп газетаһы

 Буранғол урта мәктәбенең мәктәп газетаһы

Башҡорт теле- иманлы тел.

Иманлы кеше ниндәй була?

                                                 Иң әүүәл кәрәк нәмә - иман, тигән,
                                     Ахирәт эштәренә инан, тигән.
                                                            "Хоҙай, кисер!" - тигән менән эш бөтмәйҙер,
                                                       "Иман шарты" н өйрәнмәһә - Иван, тигән.

Мифтахетдин Аҡмулла.

”Иман шарты”н өйрәнмәгән кеше Иван булыр, йәғни русҡа әйләнер, тигән мәғәнәне һалған ул был юлдарға. Яман эштәр ҡылып йөрөп, хоҙайҙан ғәфү үтенеү менән генә иманлы булып булмай. Кешенең күңелендә иман йәшәргә тейеш. Кеше башҡа милләт кешеләренә, телдәренә хөрмәт менән ҡарап, ул үҙенең телен, ғөрөф-ғәҙәттәрен, йолаларын, байрамдарын, милли үҙенсәлектәрен ғүмер буйы һаҡлап йәшәргә тейеш. Ул үҙенең милләте менән ғорурланырға, телдең матурлығын, байлығын башҡаларға еткерергә тейеш.

Башҡорт теле көндәре уңайынан үткәрелгән марафон сиктәрендә мәктәп уҡыусылары һәм уҡытыусыларынан “Иманлы кеше ниндәй була?” тигән һорауға яуаптар алдыҡ.

Заһир Фәсхитдинов,11 класс уҡыусыһы.
Минең уйлауымса ,иман ул- Аллага ышаныу, ислам динен тотоу.
Иманлы кешелер улар, тик Аллага ғына табынып, ислам динен тотоп, тәһәрәт алып, намаҙ уҡып йөрөгән кешелер, тип уйлайым.

Билалова Гөлнәзирә,11 класс.

Иман-ул мосолмандарзың беренсе бурысы,ышанысы аллаға.
Иманлы кеше- тартипле,аҡыллы,аллаға ышанған һәм уға ғына табынған,унын шарттарын утәгән кеше

Гөлназ Марсель ҡыҙы- биология,география уҡытыусыһы.

Иман ул, минеңсә, кешелектең иң яҡшы сифаттарына нигеҙләнгән йәшәү ҡануны, принцибы. Иманлы кеше кешелекле, миһырбанлы, ғәҙел, ярҙамсыл, яуаплы, аңлы, рухлы, алға ынтылыусан, йәшәүҙең асылын, мәғәнәһен дөрөҫ аңлаған, башҡаларҙы ла ошо юлға әйҙәүсе, йүнәлтеүсе кеше булалыр ға тейеш, тип уйлайым.

Юлай Әсғәт улы –мәктәп директоры.

Иманлы кеше ул – һәр яҡлап тәртипле булырға тейеш.

Буранғол урта мәктәбенең мәктәп газетаһы

 

 

Тел тураһында мәҡәлдәр.

Ø Уйҙың күрке – тел, телдең күрке – һүҙ

Ø Туған телем – үҙ телем, ҡайҙа барһам үҙ көнөм.

Ø Тел асҡысы – ил асҡысы.

Ø Телле кеше теле менән ҡош тота.

Ø Сәсән күрке һүҙ булыр, мәргән күрке күҙ булыр.

Ø Тел менән тирмән тартып онло булып булмай.

Ø Әсәм теле – сәсән теле

Ø Тел белемдең асҡысы, аҡылдың баҫҡысы.

Ø Теле барҙың - иле бар.