Великие минеи четии. Октября второй день

 

Ниже прилагаются тексты из Великих Макарьевских Четьих Миней, посвященные святым мученикам Киприану и Иустине. В тексте выделены жирным шрифтом краткие мес­тоимения: е (оно), и (его), я (их), ны (нас); уточнена пункту­ация, в примечаниях дан перевод некоторых неясных для со­временного читателя слов.

 

МЕСЯЦА ТОГО ЖЕ [ОКТЯБРЯ] В 2 ДЕНЬ,

СТРАСТЬ СВЯТАГО СВЯЩЕННОМУЧЕНИКА КИПРИАНА

И УСТИНЫ ³⁹

 

Сей бяше от Антиохиа Сирскыа при Декии цари, добророден и богат и отнудь философ, волхв и чародей. Бысть же християнин от такиа вины: девица некая бяше в том же гра­де, Иустина глаголемая, крестившися с отцем и с материю преподобным епископом Оптатом. Отрок же некий еллин восхоте ея, и не получи хотениа, притече к Киприану и обеща ему дар, чая волшеством его преодолети ей. Он же по триждь посылая на ню любодейныя бесы, и ничтоже ей успе: девици молящися к Богу; но возвратився последний бес к нему приде. Видев же Киприан, яко ничтоже успеет ему волшественая хитрость на христианы, и вопроси беса: «Како немощни быша о деве?». Бес рече: «Идеже несть знамениа Распятаго, ту все наше есть; а идеже образ креста, ту не можем прийти: огнь бо есть попаляа ны». То слышав Киприан, шед крестися; сам же сожже волшебныя книгы своя, и Божиих Тайн причастник бысть; и посем епископом поставлен бысть и многы научи веровати Христови. Ят же бысть Дамаскиньским комитом⁴⁰, и много мучен бысть и в коноб⁴¹ разжен ввержен, и посем с Устиною мечем скончастася.

39[3. Стб. 41-42].

В ТОЙ ЖЕ ДЕНЬ

ЖИТИЕ СВЯТЫА УСТИНЫ ДЕВИЦА.

БЛАГОСЛОВИ ОТЧЕ!⁴

Явлению бывшу с небесе на землю Спаса нашего Иисуса Христа, пророческим словесем бывшим вся поднебесная про­свещена бысть, словесем верующим в Един Бог Отец Вседер­житель и в Господь наш Иисус Христос, крещающеся о Святем Дусе. Бе же етера⁴³ дева, именем Иустина, Едесиа отца, матере же Клидониа, в граде же Антиохисте, сущим близ Дафана. Та в храмине своем при оконци седши, послушаше ете­ра диакона, именем Праулея, глаголюща величиа Божиа, во­человечение Господа нашего Иисуса Христа проповедающе, пророчество и рожество еже от Девы Мария, и поклонение волхвом, и явление звезды, и славословие ангельско, силу же креста и знамением и чюдесем бывающим, и воскресение еже из мертвых, и явление еже ко учеником, и завет еже к ним, и вознесение еже на небеса, и седение еже одесную Отца, и нераздрушимое Царство Его.

Си словеса слышавши, паче зревши оконцем, святая дева глаголемых диаконом, не может терпети ражжением Святаго Духа, но хотяше видети лице диаконе, и не могущи видети, рече матери своей: «Мати, послушай дщере своея, ничто же суть, имже по вся дни покланяемся: идоли бо суть, древяни босуть и сребрени и злати, и костьми животных руками человеческыми сотворени, на ня же, аще един приидет от Гали­леи, без руки человечески словом и молитвою вся победит». Она же гордынею премудрости покровена сущи, рече: «Ча­до, да не очютит отец твой совета твоего». Рече же блажен­ная к ней: «Весто да будет тебе, мати, и моему отцю, яко аз Христа ищу, проповедаемаго суседом моим Праулом, увидех бо о нем послушающи на многы дни, яко несть иного Бога, о Нем же ны ся есть спасти».

⁴⁰ Комит — должностное лицо в Византии, правитель области [26. С. 263].

⁴¹ Коноб — большой металлический сосуд, котел [26. С. 279].

⁴² [3. Стб. 45-52].

⁴³ Етер — некий, некоторый [24. С. 64].

Си рекши отъиде, особь творящи молитвы к Богу. Мати же ея в нощи на ложи все поведа мужю своему. Бдевша же о себе много и посем уснувша в сласть, видеста во сне, яко ангельско воиньство прииде на ня в храмину боле ста с свещами горящими, глаголюще: «И Аз дам вама Царство Божие». Видев же Едесий, ужасен быв, утро востав рано, поим жену свою и дщерь, иде в церковь с Праулом, и моляхут и, да дове­дет як епископу Ептату [Оптату]. Сотвори же диакон тако, послушав его, и припадше к ногама епископу, молиша его, да даст им Христово знамение. Епископ же не хотяше, дондеже поведа ему явление Христово и желание девица, иже имяше Христа ради. Едесий же постриже власы главы своея и бра­ду, бе бо иерей идольскый, припадше к епископу, приаше зна­мение Христово. Едесий же сподоблен бысть чину прозвитерьскому; пребысть же в нем едино лето и шесть месяц, почи с миром. Святая же дева хождаше часто в церковь.

Иглаида сей [Аглаидас] же етер, именем схоластик, доб­ра рода и богат зело, губитель образом; устрашен же о идольстей льсти, зря святыя девыя ходяща часто в церковь, восхоте ей, и слаша к ней мужа многы о воле жены вопраша о посаждении. Святая же, всем досаждающи, отсылашет я, глаголющи: «Уже аз обручена есмь Христу». Он же, собрав народ, и восхо­те ей сотворити нужду. Сущей же с нею сотвориша кличь ве­лик, зваху сущая в дому ей. Они же, услышавше, притекоша со оружием отгнаша я. Сам же одержим сы похотию, обиат девицю и удержа ю. Святая же дева, сотворши знамение Хрис­тово, поверже и възнака⁴⁴ на землю, и пхающе ребра и лице ему окровави, ризы ему разтерзавши, постави и срамна, по­добно сотворивши учителница своеа Феклы⁴⁵, и тако иде в церковь.

⁴⁴Възнакъ — повергнуть лицом вверх, навзничь [21. С. 88].

⁴⁵ Очевидно, имеется в виду равноапостольная первомученица Фек­ла (I в.; память 24 сентября).

Аглаидас же разгневався, приступль к единому волхву, именем Киприану, и обеща ему вдати злато и сребро два та­ланта, да уловит святую деву, аще может, волшвением своим; а не ведый окаанный, яко непобедима есть сила Христова. Киприан же сжалиси о уноши, призва волшвением своим бе­са, и шед демон и рече: «Чего ради призва мя?». Он же рече к нему: «Уноша возлюбил есть девицу от Галилеи; можеши ли ми ю предати?». Оканный же бес, егоже не имый, яко имый, обещася. Киприан же рече к нему: «Повеждь ми дела твоя, да ти веру иму». Демон же рече к нему: «Преступник бых Божий, послушав отца моего, небеса смятох, ангелы с высоты сведох, Евгу прельстих, Адама рая лиших, и Каина убийству научих и землю кровми оскверних, терние и волчець прозябе мене ради, позорище собрах, преблудодеяние приготовах, ругание сотворих, люди Иизраилевы научих идолом служити, и на­учих же ея поклонитися телцю, и навадих я пропяти Христа, грады потрясох, стены развергох, домы разделих; си вся сотворь, како могу явитися зол ея ради? Но приими чары сиа и просыпли окрест храма ея, да аз пришед наведу ум отца мое­го на ню, и абие послушает тебе».

Святаа же дева воставши в третий час нощи, воздааше молитвы Богу; очютивши же стремление демоново и ражжение сердца, возре к Владыце своему, и знамением и.силою крестною знаменавше все тело, гласом велиим рече: «Боже Вседержителю, Отче земнаго отрока Твоего Иисуса Хрт. ш, погружей человекаубийца змиа в бездне огненей и спас уловленыя им, прострый небо и утвержей землю, просвещей сол­нце и луну сотворь светлу, создавши человека по образу Сво­ему, введый в рай пища, да наслаждается твари бывшая Тобою прельщением змиином оземьствована⁴⁶, неси его оставил, Человеколюбче, но силою Креста Твоего возратил еси Иисус Христом, Имже весь мир просвещен бысть. Вся знают Тя, Бог сущий надо всеми; Ты, Господи, и ныне спаси рабу Свою гла­голом Твоим и да не прикоснется мне напасть; Тебе бо обещахся девьство сохраните Единочадому Иисусу Христу; Тя бо возлюбих всем сердцем своим и всею крепостию моею, Иисусе Христе, Ты бо вожже светилник душа моея любовию Святаго Твоего Духа; тем же молюся Тебе: не дажь мене в руце губителю и не ослаби мене, да не преступлю обетованиа, еже к Тебе, но отжени от мене советник злу бес». И си рекши, все тело свое знамением Христовым знаменавши, и дуну на де­мона, и посрамлыии отгна и. Бес же посрамлен пришед ста пред Киприаном. И рече к нему Киприан: «Где есть, по ню же тя послах, что аз бдех, а ты не улучи?». Демон рече: «Не вопрашай мене, яко не могу ти глаголати: видех бо етеро знаме­ние и убояхся отбежах». Киприан же призва, поругався ему, крепльшаго беса своим волшвением. Пришед же и той, рече: «Киприане, чюх повеление твое и оного злобу; тем же посла мя отец мой диавол исправити печали твоя; но приими чары сиа и посыпли окрест храма ея, да аз пришед вдам ти ю». Со­твори же Киприан тако, и иде демон к деве. Святая же дева, востав в шестый час нощи, молитву свою воздааше Богу, глаголющи сице: «Полунощи востах исповедатися Тебе о судь­бах правды Твоея, Боже всех милости, небесным законе, и превышним хранителю, и подземленым страшне, посрамль диавола и возвеличий жертву Авраамлю, свергий Вила и убив змиа, и отроком своим знаны⁴⁷ сотвори разуму Божества Тво­его вавилоняном смотряй всяких возлюбленым отроком Сво­им Иисус Христом просвещей, и омраченая древле и умерщ­влены уды живы сотвори, не презри мене, Человеколюбче Царю, но соблюди мою чистоту и светилник девства моего неугасаем сохрани, да вниду с женихом моим Иисус Христом и воздам предание о Христе чисто, еже ми предаст, яко тебе есть слава в векы веком. Аминь».

⁴⁶ Оземствовать - изгнать [30. С. 308].

⁴⁷ Знанный — знаемый [25. С. 48].

Сице помолшися, запрети бесу Христом, и посрамлыпи отгна. Он же посрамлен, пришед ста пред Киприаном, и рече Киприан: «Где есть, по ню же тя послах?». Бес же рече: «По­бежден есмь и не могу ти рещи, видех бо етеро знамение и убоявся отбежах». Киприан же рече, призвав мнимаго всех крепльша, самого, рекше, отца бесом, и рече: «Что есть злоба сие побеждена быста и вся твоя сила?». Демон же рече: «Аз ти приготовлю, токмо готов буди». Киприан же рече к нему: «То кое есть знамение победы твоея?». Бес же рече: «Ражжьгу огньми различными». Шед же демон по шесть дний в полуно­щи, приложься в образ девическ, вниде в храм, идеже святая дева живяше, и сед на одре, рече к святей девици: «Хощю аз с тобою быти день сей, послана есмь Христом девьство твое схранити; но что убо есть страсть девства твоего, рци ми, ли кая мьзда его? Зело бо тя вижу удручену постом». Святаа дева рече: «Мьзда убо многа есть, а страсть мала». Бес же рече: «Евва, девою сущи, в рай пища послушавши иного, и роди сыны, и разум добру и злу приа, и от тоя весь мир рожден бысть; и ты же послушавши мене, иди со мною, аможе тя веду». Святая же дева воста хотящи изити из дверий, прельщена демоном; бес же воскочи изиде первее. Она же раждалиси⁴⁸ и смятошися зело, и разумевши, кто есть прельщая ю, обратися на молит­ву, знаменавшися знамением Христовым, дуну на беса и посрамльши и отгна и. Она же мало безмолствовавши от смущениа, похвали Бога, и абие отступи огнь от нея. Наченши же, сице рече: «Слава Ти, Христе Боже мой, спасая насилованыя неприязнию и просвещая рабы Своа, творящая волю Твою, не предаждь мене, Владыко, да не побеждена буду неприяз­нию, но пригвозди страсе Твоем плоть мою и законом Твоим помилуй мя, и даждь славу имени Твоему. Аминь».

⁴⁸ Раждалитися, разжалитися — огорчиться, опечалиться [39. С. 128, 197]

Бес же с великим студом явися Киприану. Рече же Киприан к нему: «Или ты побежен еси единою девою? Что есть сила победы ея?». Демон же рече: «Не могу ти рещи, видех бо етеро знамение, и убоявся отбежах; аще ли хощеши увидети, клени ми ся, и реку ти». Киприан же рече: «Како же ти ся кле­ну силами моими великими сущими во мне?». Киприан рече: «Тако ми силы твоея великыя не отвергуся тебе». Демон же, веру им, рече: «Видех етеро знамение Пропненаго и убоявся отбежах». Киприан рече: «То боле ли тебе есть Пропятый?» Бес рече: «Послушай, реку ти всю истину: елико убо их аще прельстим, ли сотворим что, отпущено нам бывает зде; но тамо медяны вилы суть и ражжегше я возложат на выю ли ан­гела, ли человека, согрешьша и тако стремлением огненым ве­дут ангелы пред судище Пропненаго». Киприан рече: «Тем же убо и аз потщатися хощу приатель быти Пропятому, да не в ту же муку причтен буду». Демон рече: «Клял ми ся еси, да преступиши ли клятву?». Киприан рече: «Како ти ся клях?». Бес рече: «Силами моими великими». Киприан рече: «И тебе небрегу и сил твоих не боюся, в сию бо нощь веру ях молит­вами святыя девица и знамение Пропятаго, яко немощен еси и беждив⁴⁹, темьже и аз знамением знаменався, отрицаюся тебе». И си рек, знаменася, глаголя: «Слава Тебе, Боже! отъиди от мене демоне; ищу бо Христа моего». Бес отъиде посрамлен.

⁴⁹ Беждив — возможно: обессиленный. См.: беждилован — обессилен, беждиловати — ослаблять, обессиливать [47. С. 13].

Киприан же книгы своя волшебныя, задев⁵⁰ отроком, и прииде с ними в церковь Божию и припаде к ногам блаженнаго Анфима епископа, глаголя: «Рабе блаженнаго Христа, хощу воин быти Христов, вчестися в стадо Его». Блаженный Анфим мнев, яко прельстити его хощет и верныя, рече к нему: «Киприане, не мози иску сити Церкви Божиа, непобедима бо есть сила Его». Киприан рече: «Аз верую Ему, яко непобеди­ма есть: в сию бо нощь послах демоны на святую деву Иустину, хотя прельстити ю, и увидех, яко молитвами своими по­беди я знамением Христовым, отгиа я. Тем же приими книгы моя и сожзи огнем, а мя помилуй». Святый же Анфим, веру им, книгы его сожже, а самого, благословив, отпусти, рекый: «Подщися в церковь Божию». Киприан же шед в дом свой, сокруши же идолы; всю же нощь рыдаше и плакашеся, глаго­ля: «Увы мне, како могу явитись пред судищем Христовым, толико зол сотворь? Како благословлю усты моими, имиже кляхся, призывая нечистыя демоны?». Посыпавше главу свою пепелом, лежаше молча, милости Божиа прося. Утру же бывшю, в день суботный великыя Пасхы иде в церковь Божию. Грядый же по пути, нача глаголати: «Господи! аще есмь досто­ин раб Твой совершен нарещися, даждь да внидущю ми в цер­ковь Твою, да услышю словеса святых книг подобна моему спасению. И влазящю ми в церковь, Давид глаголаше: "Видел еси не премолчи, Господи, не отступи от мене" [ср.: Пс. 82,2]. Исайя же паки: "Се разумеется отрок Мой' '[ср.: Ис.42, ^.Да­вид же паки: "Вариста очи мои ко утру, поучити ми ся словесем Твоим" [ср.: Пс. 118,148]. И паки Исаиа: "Не бойся, отроча Мой Иакове и возлюбленный Иизраилю, иже Аз избрах" [ср.: Ис. 44, 2]. Такоже и Павел апостол: "Христос ны искупи от клятвы законныя" [ср.: Гал. 3,13]. Давид же паки: "Кто возглаголет силы Господня и слышаны сотворит вся хвалы Его?" [ср.: Пс. 105, 2]».

⁵⁰ Задеть — возложить, нагрузить, заставить исполнить [24. С. 183].

Потом просвещение евангельское; потом учение от епис­копа, паки слово катихуменьское, и диакон глаголя: «Катихумени внидете». Киприан же седяше, и рече ему диакон Асте­рий: «Иди вон». И рече Киприан: «Раб сотворен есмь Распя­тому, да изгониши мя вон?». Диакон рече: «Не уже совершен еси». Киприан рече: «Жив ми есть Христос, посрамлей демо­ны и святую деву спас и мя помилуй, не изиду сице, аще не буду совершен». Диакон же Астерий возвести епископу. При­звав же и епископ, истяза и по закону, и молитву сотвори над ним, яко всем плакатися; и тако крести и. В осмый же день подобник⁵¹ бысть Тайнам Христовам. В 20-й же день иподиа­кон же и дверник Святым Тайнам святаго двора, в 50-й же день диакон Христов бысть. Благодать же дана ему бысть на бесы и всяк недуг исцеляше, многы же от елиньскыа веры учаше быти христианы. Скончавшю же лету, соседник⁵² бысть епископу; пожит же в чину прозвитерьства 16 лет. Блаженый же Анфим, созвав епископы от окрестных град, поведа им о церковном устроении еще жив сы, и вдасть стол епископства Киприану, не по мнозих днех почи о Христе с миром: Мног же устрой сотвори Киприан в церкви, святую же деву диако­нису сотвори и нарече ей имя Иустина, и сотвори ю матерь монастырем. И многы ж просвети словесем Киприан и оттор­гая от ереси прилагаше к стаду Христову, Емуже слава в векы веком. Аминь.

⁵¹ Подобник — последователь [34. С. 21].

⁵² Очевидно, имеется в виду, что он был непосредственным преем­ником епископа Анфима. Указанное же в издании: [44. С. 189] значение этого слова не совсем соответствует данному контексту: «тот, кто нахо­дится, пребывает поблизости от чего-либо; то же, что сосед»

 

В ТОЙ ЖЕ ДЕНЬ

МУЧЕНИЕ СВЯТАГО КИПРИАНА, ИУСТИНЫ ДЕВЫ ⁵³

⁵³ [3. Стб. 52-56].

Пророческым словесем сбывающимся и словесем Госпо­да нашего Иисуса Христа осеянней пшеници, плевелом же множащимся, толику же стаду отпадшю от веры и людем расточеном бывшем, святый Киприан книгами своими вся исправль во всех градех, многы же отторже ото льсти диаволя. Старый враг змий с своими слугами наустив толми князя с людми области восточными, глаголя, яко Киприян учитель христианеск разаряет славу бог[ов], волхвует же с етерою де­вою Иустиною и развращает всю восточную и всю вселенную книгами своими. Князь же разгневався зело, повеле связавше святаго Киприана и святую Иустину вести сохранно в Да­маск. Приведенома же има бывшема, вопроси князь Кипри­ана: «Ты ли еси учитель христианеск, уловлей иногда многыи в славу бог[ов], ныне же чарми Распятаго развращаеши слух человеком, лучша творя Распятаго живых бог[ов]?».

Святый же Киприан рече к нему: «Окаанне, како ся ста­вил еси гневом диаволим, богатьством и гордынею! Аз 6о, якоже рече, уловлен древле бых диаволом и омрачен мудростию еллинскою, и многы убих, многы же сотворих блуд творити; но спасе мя Христос сею девицею. Схоластик 6о етер Аглаидас, сый от Клавдиа, восхоте пояти жене, но не послуша его до сего времени; он же не успев ей ничтоже, прииде ко мне, да ю прельщу, моля ми ся прельстити ю любезными чар­ми. Аз же надеяхся книгах волшебных, послах на ню демон, и иссуши и знамением; послах же и другаго и третиее, сииречь самого князя бесом, и такоже победи тем же знамением крест­ным. Аз же потщася уведети знамениа силу, заклен демона. Демон ужагаем ангелом Божиим, изглагола ми все; сице же глагола: "Яко в сей злей вещи приобретник бе". Тогда аз возникнув от льсти тоя, книгы волшебныя принесох к древне­му мене епископу, сожже я предо мною и пред всеми гражаны. Тем же и тя молю, отступили] от гнева идольскаго и при­йти в дом Божий, идеже Христос благоверными славим есть, и тогда разумевши непобедимую силу Христову».

Князь же обличаем совестию своею, и разгневався, повеле строгати повешши и; святую же деву кожнами полосами бити по лицу и по очима пред Киприаном. Святая же дева рече: «Слава Тебе, Боже, яко мя недостойну сущю, яко не надеющуся милости и странну Свою сотворил еси и сподо­бил мя еси биени быти имени Твоего ради». Слугам же изне­могшим, а святей деве хвалящи Бога, повеле послабити ей. Преподобный же долго струждем ни единою же стенаниа не сотвори, ни одиною же стеню. Рече святый Киприян ко кня­зю: «Окаанне, почто отступник сы от Бога и не хощеши познати Царства Небеснаго, в неже аз тщуся муками твоими внити?». Мучитель же не преста муча и, глаголя: «Аще Цар­ству Небесному ходатай тебе бываю, в болша муки вложю тя». И повеле, снемши, вести в темницю. Блаженую же деву по­веле вести в дом Терентины.

Влезши же ей в дом Терентины, просветися дом весь благодатию Христовою. Не по мнозих же днех, повеле князь при­вести я и глагола к блаженному Киприану: «Почто волхвованием и лестию умерша человека погубитися хощета?». Блаженый же Киприан рече: «Си смерть Христа ради желающим ея живот вечный дает». Повеле же князь в пламянь медян воврещи пекл и воск и лой, и возварше, воврещи я в ню. Влез же первее святый Киприан, зваше святую деву. Егда ся приближи ко огню, старый враг змий вложи в ню страх. Рече же блаженый Киприан к ней: «Гряди, агнице Христова, отверзшиа мне двери Небесныя и показавши ми славу Христову; посрамльши демоны и князь их ни во что же положи силою креста Христова, како прельщена еси диаволом?». Святая же Иустина, образ креста сотворши, влезе в панв⁵⁴, и беста оба почивающа, якоже в росе ермоньстей. Рече же святый Киприян: «Слава в вышних Богу и на земли мир, в человецех благоволение! Хвалю Тя, Боже отец наших и Господи милос­ти, о Немже ны сподобил еси суд приати имени Твоего ради И еще хвалю Тя, да олкавтоматос⁵⁵ жертвы наю приимеши воню благоухания». Слышав же се князь, рече: «Аз обличю козни волшвениа вашего». Афанас, соседник княжь, иерей идольскый, рече: «Повели, княже, да влезу в панва во имя бог[ов] и побежду мнимую силу Христову». Повеле же ему. Приступи же к панви Афанас, рече: «Великий боже Ираклие и отче богом Асклипие, даяй здравие человеком». И егда ти приступи к панви, опали и огнь и чрево его проседеся. Свя­тая же непорочна суща славляше тай Бога. И рече князь: «Во­истину убо непобедима есть сила Христова! Ни о чем же не [ст]ражду, но токмо о моем приатели иереи, зане уби».

⁵⁴ Панв, очевидно, близкое к слову «панвица», означающему: «ча­ша, блюдо» [32. С. 144].

⁵⁵ Олкавтоматос (оЗЮкобтсоца, хо<;) — всесожжение [3. Стб. 54, прим. 4].

Призвав Терентиину с соседники своими, и рече к ним: «Что сотворю злодеема сима?». «Не буди тии ничтоже с святыма сима, ни истине противен буди: непобедима бо есть сила Христова, но поели к царю». Князь же написав букви, сице посла к царю Клаудию, к кесарю великому: «Владыце земля и моря! По заповеди твоего царствиа, ях некоего Киприяна, учителя христианьска, купно с етерою девицею на востоце, и воспоминанием познаеши, яко различны муки и страсть тво­рив им, ничесоже могох сотворити. И понеже не вероваста державе царствиа твоего, се[го] ради послах я к тебе». Царь же, прозрев на воспоминание, и видев в толики муки ввержена быста, и чюдився, помысли с другы своими сице: «Киприан Антиохийскый и учитель христианеск и дева Иустина избравша суетну веру христианьску и оставль живот похотением, и смертном бывшем, велю я вести на реку Галу, от Никомидийска града подали, и усекнути».

Она же абие приведена на место, годины просиста, да ся помолита. И начен святый Киприан молитися: «Помолися за мир к Богу всех святых церкв, и за вся рабы Христовы». И со­творив Христово знамение, одесную держа деву, и преже се­го сподобитися скончати. И сему же бывшу, рече блаженый Киприян: «Слава Тебе, Христе!». Феоктист же етер, влазя целова и, от по пути пришед. Фумин [ФёАхих;] же сый сопрестолник разгневався, и повеле с Киприаном усекнути. Усекновенома же има бывшема, повеле псом в брашна место поврещи я. И предлежащема же има кровопийцам, по мнозех же днех корабленици етери вернии римляни, сльшавше, яко скончашася, егда блаженый Киприан сый им присный другъ, римляном день и нощь пребывающе и стрегуще их, украдоше та и взяша мощи с деанными памятьми; и отшедше оттуду, влезоша в корабль и абие доидоша Рима и принесошая Рифиме, етере матроне бывшем в Кларии, яже вземши мощи вся святых мученик, положиша я посреди холма Клирийска, на полчии на месте нарочите, идеже вси входящей к святым их мощем и целбу приемлюще славяще Бога. Си же славят доброукрашение их. Си же содеяшася в ипатию Диоклитиану и Максимиану в преславнем граде Никомиде преже четырей каланд, октября месяца десиа 5-й день царствующу. Господу на­шему Иисусу Христу, Емуже слава в векы веком. Аминь.

 

В ТОЙ ЖЕ ДЕНЬ

ПОКААНИЕ КИПРИАНОВО ⁵⁶

Елико же о Христовахся тайнах блазните, на моя слезы возрите, и увидете вси в тех приносимую словес силу. Елико же о бесовьскых красуется образех, от мене увидете пустошь приносимых в тех льстии. Не бо есть кто от вас паче боявшеся бесом, но испытати, яже о рекомых бозех, ни досяждущей же в тех действ разума. Аз есмь Киприан, иже от млад ногот вданый Аполону сосуд на учение, еще млад, змиеву проказньству. Седми еще не бы лет сый даже и ко Мифровам тайна приидох, и аки афинен пришлец сый, от родивших же мя спе хом гражданик бых. Уже сый десятию лет свеща вжизах пред митру⁵⁷, и отроковици белу желю подаях, еже в велицем граде Палодови змию служах, уже и на свершение жречества устро­ен бых, и в Олебьстей горе и в бесовственем, якоже ти глаго­лют, жилищи, и навыкох шуим разум и щука⁵⁸ споведание. Видех тамо сады мещюще и пажити действо творити мнимых бог[ов] присещением; видех ту час применениа ветром пременяющимся, и днем различество от некоих действ супротив­ных составляющих. И видех тамо бесчисленыя лики бесовьскыя хвалящи, и другыя рать творяща, ины лающе, прельща­юще, согрешающе. Коемуждо богу и богинь видехъ тамо чету, пребыв тамо 40 дний. Отнуду же аки ис царьства посылает­ся духови коемуждо действовати их на земли и в всех язы­цех; и ядях дубное вершие, точию по заходе солнечнем.

⁵⁶ [3. Стб. 56-80].

⁵⁷ Митру — служение Церере [3. Стб. 56, прим. 5].

⁵⁸ Щук - стук, шум [46. Стб. 1614].

И быв 15 лет, учим бях коегождо их действу от седми жрецех великых зело, борители мои спешаху увидити ми вся яже знаема, и воздушная и морьскаа, не точию же по естьству тлен­на родом и пажити и садов и телес, но и вся яже в них действа, яже князь века сего назнамена супротивяся противу Божию образованию. Приидох во Арнанину требу⁵⁹ и научихся тамо советом соединенна воздуху к вышнему и воздуху ко аеру, купне же и землю к воде и воду к воздуху. Доходих и в Еладу, и в тавропольскую Артему приидох, и в Лакедемон, да навыкну вещи совокупления и разлучение, и глум лукавыих и буих споведании, и волшебную приах от Ифругии хитрость, и ятренее⁶⁰ расмотрение навыкох, и от грай птиц, и четвероногыих лукавьства, и хитрых чарованиа, и глас скрыпаниа всего дре­ва и камениа, и мертвых в гробех и дверей скрипаниа, и топты удныя разумеях, и кровная в телесех ношения по действу и утръпанию⁶¹ востаниа и составлениа, издричаниа словес, и словочисмена, и снадняа озлобленна телесем, аки естьственая, аки неистая, и клятвы слышим, и соглашение на супротивие. И ничтоже на земли и воздуси и в мори мене не утаися, ни мечтанное, ни разумное, ни многообразное, ни художное, ни хит­рое, даже и до писаных и таковых приложениих всех. По сих двоюдесяту лет быв во Египет к Мефлии [в Мемфисе] приидох, и тамо не входимых приемля искус, в нихже к земным приединяются, и по которым отгоними суть, и которым звез­дам повелевают, и сретавом и вещем, и которыми отгонятся. Како тмы сматряют, и которыми вещми ко инем супротивляются. Увидех ту, колико есть тем князь, и колико о душах управ­ляют, и колико в телех приобщение имут, и колико и кое дей­ство теми управляются течение, разум, память, страх, хитрость лестна, бес плища⁶² устремление, и забыть, и наротныя вещи и таковых победы. Тамо разумех трусов и дождев подобие, и земли и морю и[с]хищреное устремление, елико на супроти­вие присещению⁶³ Божиа пошествиа⁶⁴. Тамо видех щудовскы душа тмою держимы и мечьтне поддержаща землю, якоже се некто на плещю нося бремя тяжко. Ту видех змием приобще­ние з бесы и юже от тех исходящю горесть на пагубу земленым, отнуду же приемлюще воздушных духове человеком все люто приносят, якоже помощи вешныя насыщающимся. Видех и землю отягчаему от духа и непропадущуся на воде ношениа ради от попор⁶⁵ ея естественых.

⁵⁹ Во Арнанину гребу — то есть: «в Аргос, в требу Юноны» [3. Стб. 57, прим. 4].

⁶⁰ Ятро — печень, внутренности [46. Стб. 1673].

⁶¹ Утръпание — оцепенение, немение [47. С. 897].

⁶² Плищ — шум, гам, крики [33. С. 95].

⁶³ Прнсещение — посещение находящихся в беде, призрение, покро­вительство [38. С. 13].

⁶⁴ Пошествие — движение, шествие [36. С. 83].

⁶⁵ Поперник,попорннк - поборник, заступник, защитник, помощник [35. С. 81, 95].

Приидох в место, идеже видове и преображение бесом бывают, идеже змии супротивляяся Божию всоображению на ополчение прелестное устрои, имиже проныривии духове лестным служат к потребным своим нечестивым человеком. Тамо видех како составляется нечестивое доброчестие, и бесловесный разум, и неправедная правда, и согрешеное устроение. Тамо видех вид ложный и образ имущь препещрен, и вид блуд­ный триобразны, крове и пен согнил⁶⁶; виды гневны, камень буй, острогав и озверен; вид лукавный, часть, срастен, многыми языки обрасл; вид ненавистный слеп, име затылом очеса, бегающа присно света. И многы имущем ногы ту вскоре причетане к главе, и неимуща чрева лености ради устремлениа; вид завистый подобен рвению разну, яже яко язык износит аки серп. Вид пронырьства видех тамо тонок, костит, многоочен, в зеници стрелу имый, на востание пошествие нмый; вид несытъства, главу имущу уску и долгу, уста же имуща заде, и при персех землю пожирающь и камение, и то ни бываюшь ничтоже прилагающе. Вид скровества — остро все тело имый, аки серп, и зеници имый очный, иомиждающеся⁶⁸ в помрачение; вид купчества краток, скор, сквернениа |сквернен], имый на плещу узол и все имение свое ту имый; вид пустотный, доброплотен и не имый же кости нигдеже. Вид кумирослужениа — высоце паря, крыле имый у главе, все покрывати обетаплагя, ни единого же уда имый и от тою покрываема. Вид лицемерие весь вреден, имый перси велики и втаи стичюща и аки оветрениих на бесчисленная совращающаяся. Вид безумна — ун, муж и жен наг, бестуден, безаступа; вид дерзостный и язык имея должи иного телесе; вид уродьства, главу имея овню, сердце слабо расходящеся и ничтоже держати могуще. И которую же ху­дость видех тамо образ, иже койждо бес облачася в мир прихо­дит. Видех аз тамо страстныих тех видов 300 и 60 и 5, и тщая славы, и тщая добровольства, тщая мудрости, и тщая правды, имиже прелыцахут еллиньскыя философы. Вся бо одена суть, ова аки прах, ова аки стень вскоре расходящася в трехстех без шестидесятъ пяти, кумирие кумиром деют на прельщение. И да немного глаголя; многы книгы спишу, но да мало реку от мног, спех нечестиа моего вам назнаменуя.

⁶⁶ Согнити — см.: сгнити [44. С. 78] - разложиться под действием гноення, сгнить, превратиться в тлен [41. С. 232].

⁶⁷ Скровенство - внутренняя сущность [43. С. 25].

⁶⁸ Помжати — закрывать (глаза) |35. С. 18]. Помжити - прищурить глаза [35. С. 19].

30 лет быв, от Египта посылаем есмь к халдеем, да навык­ну воздушное пошествие, еже ти сами на огни суще глаголют быти; аз же и тех навыкнух. О звездах, аки о былиих различие, и ликы звездьныя аки в ратных чинех. Теми сказаша единоя коеяждо домы и обещества, и питиа и совокуплениа разумная на свете человеком свершаемы; тиими разделиша воздух обра­зы треми сты и шестиюдесят и пятию, и естьство коегождо имый, и обещника действу вещьну; и совет приемлюще заповеданием княжем, и возвещающе совет с'пошествием, и крыюща тайную заповедь, и принуждаема словесы потребными, яже от жертв и треб; ова же не послушающе, но любве держаща к свету световидному. Показа же ми, како увериша си, и приима темный свет, и еже дати свет световидный на предержание. Видех ходатая и почюдихся, яко воздушных дусех тем­ных житие расчерпается. Увидех еже друг к другу заветы и почюдихся, яко своими клятвами содержатся. Тамо устави, тамо убо заповеди, тамо смех и доброумие, да совокуплениа своего насытятся, еже князю мудростию своею злу изиска. От воздуха убо ум исполни разума, от земля же язык льсти, от преисподних же землю изволению злодейнаго деяниа. И тако упразни весь мир соотступити естьства и Бога и доброчестиа Его. Все лестию пройде, все согрези, и той во источници пустошнем царствует же безаконию. Аще ми веруете, яко самого диавола видех, жертвами молив, аще послушаете, и целовах того, и глаголах с ним, и с теми, иже у него суть старейший, име мя. Добро разумев отрочищ, и рече ми: «Новый Самьврий скор на служение, достоин на приобщение мое». Обеща тме князя мя поставити по житейскых и во всех на земли помагати. Темже якоже честьми от него имущу, и чету ми бесов поручи: «Мужайся,- отходящу ми возопий,- подвижный Киприане!», II проводи мя востав, якоже и всем почюдитися. Темже и вс князи его послушаху мене, видевше честь мою, якоже от того? Бяше же озрачнее его цвет златными, камении украшен, и гла­ву венчану камением сплетеном их действа и поле то освеща­юще освещааху, и одежда не имый никоея же, и потрясааше место обращаася. Много же о престоле его предстояние различ­ным чином, на повинование призваном, виды и действа показоваше, якоже место просвещати, и мечты творяше не худы, во всех звездах и садех и в огних подобна зданиих к себе прихватити на рать к Богу и ангелом Его сопротивяся, имиже начашеся человекн прелыщати, яко бог, ничесоже не имый в собьстве, но все то начертание стенное мняся противустояти и пред изводити. Темже, егда видятся бесове во образех, рассы­паются, спешат бо поне образы показовати свою власть. А како имут стение в тех вещь поведе: не яко отъинуду, но от жертв, вскоре бо от сквар⁶⁹ тех бывают им аки волна, изгребищьнии постави, и хитростнии сосуди, и сами ся в то одеют, ты стеня во образ и места приемлюще. Да того ради просит жертвы даже и до мравиа, и вод просит, и волн и плодов и всего еже на зем­ли, да иматъ в тех мечтанных стенев потребу, якоже бо имамы умерших памяти воображеныи мыслию, и видимы тыя невидима суща, и глаголющем глаголем к ним. Сице [и] диавол освященныя его образы начертая, себе же и своим возлагая, дождь пущая, но не воду, творят огнь не жгущь, дая рыбу, но не брашно, и злато даруя, но не суще не бо, но и от инех вещей сообразуя, град показует и домы и места и горы и отечьства. Такоже и пажити и цветы и цветовныя покровы, и снов собьство показует не бо, но то в нощи душам мечты творит, си же он мечьтет; нечестивии же человеци угаждающе си велят ему тако творити.

⁶⁹ Сквар - огонь, жар, зной, чад, запах от сжигаемых жертв, жертво­приношение [42. С. 183].

Что же мне ту хотящу к Богу прийти, и увидевшю ми не­мощь змиеву, имже погребохся во тме нечестна, искусих его лжу, видех яко мечты творит точию, а истиннаго ничтоже. Увидех от Устины девы, яко бесове дым суть и ничтоже мо­гут; видех отроковици христианей дмущагося толма змиа, ти ни комаров крепости имуща. Увидех си от доброчестивыа де­вица толика обещавающася царя тем, яко лгаше, змий аки червь попрася от Устины девы. Царь бесовьский пребываше пред дверми отроковица внити не могый. Иже бесчислеными четами окружаем со оружием, дьски и дверии еа разбити не можаше. Иже мняшеся всеми владый, отроковицею наругаем беаше, и поднебесную трясти хваляшеся, женьску естьству наигр⁷⁰ бысть, не можаше ни поне помысла ея пременити. Иже небо творяся позыбати, иже аки лев рыкая на вся, аки комар пред дверми стоя седяше, ничесоже начати смея, а надеяшеся устрашити вся.

⁷⁰ Наигрательне — насмешливо [15. С. 330].

И яко убо преидох от Халдейски земля, во Антиохию приидох, и бях чюдотворя аки един от прежних, и искус деях на волшьбу, и ист волхв бях и философ, много о невидимых и видение имый и мнози беху к молчанию моему пририщущеи⁷¹, ови скотьства деля, ови хитрости ради нечтиваго на искус, ови вреда делма любосластнаго, завистию, рвением, злобою женоми. И я со всем обещавахся: овим сластолюбезну творя, овем же рвение творя, совращая на супротивныя, или супротивныя повинуя, или любопривыя⁷² и поривыя⁷³ погубляа, не бо но но (!) о дщерех отци моляхуся сужителя злы видяще отгоними, а друзии — о рабынях, а друзии — о матерех и о сестрах, и никтоже погрешааше сущих ради у мене бес, егоже ради не веровах не быти иному богу, разве диаволу, имиже всеми владеет и преодолевает. Не ведях же, о мужии, якоже о подобнех мне может, не поразумеях, якоже изнемогает о некиих, не бо ведях иноя силы болша, аще и зело потыкаем от совести бях, яко бес правды дает много, глагола: темное не­честие, тля, удавы. И якоже нечестивым и неправым помагает, и убойцам и хищником, разве на ежели и на все тому мощи, или прельщающу, или нуждающю преставляаху си совести на работание ему.

⁷¹ Пририскати — прибегать, приближаться [45. Стб. 1451].

⁷² Любопривый — склонный к спорам, сварливый [27. С. 336].

⁷³ Поривый — неуступчивый, любящий спорить [35. С. 117].

Пришедшу же со многими Аглаиду, речиву некоему отро­ку, и о похоте поведавшу ми Иустины некоея девица. И в ра­зуме бых о немощи змиеве, не бо, но ни вся чета⁷⁴, вданая мне на помощь, вниде в девицю, и возвращахуся празни. Но и по­сланному на помощь бесу, надеющемуся помощи Аглаиде, вера отроковица не дадяаше, или поне худе ему помощи. И уже по мнозе бдении отрока и по различныих моих творениих и диаволи окушении, в седмьдесят дний уставныих, сам той диавол со старейшими князи на ту воополчаются; не бо точию Аглаида хотяше той, но аз и бяше видети толики силы со змием, от единыя отроковица упражняемый, и почюдитися. Но ни похо­ти на ню совратити може диавол и много окушався ухитрити. Глаголах бо тому: «Аще ти все естьственое сочетание повину­ется, поне похоть на ю отъими, да не посмеют ны ся в том пребышающем и ничтоже успеющем». Темже предо мною призвав блуднаго беса, много ему зело запреща, повелев сотворити, еже прежде рех, рекый: «Аще да похоте Аглаиде не ослабится, вся­ко люто подъимеши». Но много сотворив и действовав, не воз­може ни о сем сотворити о нас кажущу⁷⁵ Богу, яко не мо