И ныне и присно и во веки веков, Аминь.

Богоро́дичен: Я́ко вы́шши всех тва́рей, Чи́стая, Творца́ тва́ри зачала́ еси́/ и па́че естества́ ро́ждши, естество́ на́ше обно́вльшаго.

Песнь 5

Хор ирмос глас 4:

Ты, Го́споди, мой свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Чтецы:

Стих: Воскре́снут ме́ртвии, и воста́нут, и́же во гробе́х, / и возвеселя́тся, и́же на земли́.

Жезло́м честны́я, святи́телю, прему́дрости твоея́/ упа́сл еси́ на воде́ правосла́внаго служе́ния па́ству твою́, блаже́нне.

Стих: Роса́ бо, я́же от Тебе́, исцеле́ние им есть, / земля́же нечести́вых паде́т.

Жезло́м честны́я, святи́телю, прему́дрости твоея́/ упа́сл еси́ на воде́ правосла́внаго служе́ния па́ству твою́, блаже́нне.

Слава Отцу и Сыну и Святому Духу.

Сло́во твое́ све́том Боже́ственным облиста́емо, о Кири́лле!/ просвеще́нных во Иерусали́ме мглу неразу́мия разруши́л еси́.

И ныне и присно и во веки веков, Аминь.

Богоро́дичен: Но́щь, Пречи́стая, страсте́й и злых очерне́ния покрыва́ет ду́шу мою́,/ Светода́вца ро́ждшая, озари́ мя, молю́ся.

Песнь 6

Чтецы:

Стих: Храня́щии су́етная и ло́жная ми́лость свою́ оста́виша.

Река́ ты я́ко, из ино́го Еде́ма изше́л еси́,/ жизното́чных испо́лнена вод Ду́ха,/ и церко́вныя, святи́телю, напоя́еши бразды́.

Стих: Аз же со гла́сом хвале́ния и испове́дания пожру́ Тебе́: / ели́ка обеща́х, возда́м Тебе́во спасе́ние мое́, Го́сподеви.

Река́ ты я́ко, из ино́го Еде́ма изше́л еси́,/ жизното́чных испо́лнена вод Ду́ха,/ и церко́вныя, святи́телю, напоя́еши бразды́.

Слава Отцу и Сыну и Святому Духу.

Глаго́л твои́х луче́м, я́ко от бу́ри морски́я нече́стия спаса́еши лю́ди, освяще́ннейше,/ к ти́хому приста́нищу правосла́вия тех призыва́я.

И ныне и присно и во веки веков, Аминь.

Богоро́дичен: Онебеси́ла еси́ озе́мльствованное естество́, Всенепоро́чная, челове́ческое/ и истле́вшее сие́ новосоде́лала еси́,/ сего́ ра́ди, Отрокови́це, вси немо́лчными гла́сы Тя сла́вим.

Хор катавасию глас 4:

Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя, Иису́се, Царю́ сил.

МАЛАЯ ЕКТЕНИЯ.

Диакон: Паки и паки миром Господу помолимся.

Хор:

(Так же и на следующее прошение):

Диакон: Заступи, спаси, помилуй и сохрани нас, Боже, Твоею благодатию.

Диакон: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.

Хор:

Иерей: Ты бо еси́ Ца́рь ми́ра и Спас душ на́ших, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:

Чтецы:

Конда́к, глас 4:

Язы́ком твои́м, му́дре,/ Боже́ственными вдохнове́ньми просвети́л еси́ твоя́ лю́ди/ еди́ну че́сти Тро́ицу,/ Естество́м неразде́льну, разделя́ему же Ли́цы./ Те́мже, ра́дующеся, всесвяту́ю твою́ па́мять пра́зднуем,/ и́же к Бо́гу моли́твенника тя предлага́ющии.

Песнь 7

Хор ирмос глас 4:

Ю́ноши три в Вавило́не,/ веле́ние мучи́телево на бу́йство прело́жше,/ посреде́ пла́мене вопия́ху:/ благослове́н еси́, Го́споди,/ Бо́же оте́ц на́ших.

Чтецы:

Стих: Благослове́н еси́ на престо́ле сла́вы Ца́рствия Твоего́, / препе́тый и превозноси́мый во ве́ки.

Име́я о́гнь во уме́, о́тче, стра́ха Бо́жия,/ ве́щь испепели́л еси́ сласте́й, воспева́я:/ благослове́н еси́, Го́споди, Бо́же оте́ц на́ших.

Стих: Благослове́н еси́ на тве́рди Небе́сней, / препе́тый и превозноси́мый во ве́ки.

Слеза́ми страсте́й пла́мень погаси́в, блаже́нне,/ све́тлость сохрани́л еси́ неугаси́му твоея́ души́, взыва́я:/ благослове́н еси́, Го́споди, Бо́же оте́ц на́ших.