ТОП 10:

Радуйтеся, союз любве вашея верно сохраншии



Радуйтеся, в супружестем житии нам крепцыи помощницы

Радуйтеся, теплотою любве вашея нас согревающии

Радуйтеся, от Господа нетлением и чудесы прославленнии.

Радуйтеся, яко восприяша успение со святыми

Радуйтеся, усердно прославляемии в отечестве нашем

Радуйтеся, градов и весей ограждение несокрушимое

Радуйтеся, любящих и чтущих вас небеснии предстатели.

Радуйтеся, святии и преславнии чудотворцы Петре и Февроние

Кондак 9

Вси Ангели и святых лики возрадовася, егда Сам Царь Славы Христос, венцами безсмертия увенча вас и дарова вам благодать молитися Ему со дерзновением о всех ищущих вашего заступления, егоже не лишите и нас грешных, Петре и Февроние достохвальнии, смиренномудренно воспевающих вас Богу: Аллилуиа.

Икос 9

Ветийство человеческое не довлеет к достойному прославлению дивнаго жития вашего, святии чудотворцы Петре и Февроние; кто бо исповесть вся моления, болезни и труды ваша? кто изочтет вся слезы и воздыхания ваша яже к Богу? Обаче мы любовию к вам подвизаеми, дерзаем воспевати вам сия малыя похвалы:

Радуйтеся, Духа Святаго избраннии сосуди

Радуйтеся, радости вечныя ходатаи

Радуйтеся, верных супругов в благочестии утверждение

Радуйтеся, раздора супружескаго грозное обличение.

Радуйтеся, праведный гнев Божий умягчающии

Радуйтеся, на враги крепцыи споборницы

Радуйтеся, преподобных и праведных сонаследницы

Радуйтеся, блаженнии обитатели Иерусалима Небеснаго.

Радуйтеся, святии и преславнии чудотворцы Петре и Февроние

Кондак 10

Спасение вечное унаследовавше богоблаженнии Петре и Февроние, душами вашими во обителех горних неразлучно в Бозе пребываете, святыми же мощами вашими в храме Божием нетленно почиваете, и обильныя исцеления источаете, да чудесы вашими благодатно озаряеми, хвалебно взываем Верховному Творцу чудес Богу: Аллилуиа.

Икос 10

Стену заступления, благоприятныя молитвы ваша к Богу, обретше, святии чудотворцы Петре и Февроние, благодарение Отцу Небесному усердно возсылаем за вся благодеяния Его, вам же, предстателям нашим, сицевое приносим пение:

Радуйтеся, Царствия Христова наследницы

Радуйтеся, ангельских ликов собеседницы

Радуйтеся, Бога во славе неприступней созерцающии

Радуйтеся, Трисияннаго Божества таинницы.

Радуйтеся, со святыми на Небеси царствующии

Радуйтеся, податели безмезднаго врачевания

Радуйтеся, благодеяний множество нам источающии

Радуйтеся, милостию и состраданием всех объемлющии.

Радуйтеся, святии и преславнии чудотворцы Петре и Февроние

Кондак 11

Пение молебное приносим вам, угодницы Божии Петре и Февроние, и с любовию припадаем к иконе вашей, прославляя богоугодное житие и подвиги многи. Молимся вам усердно, чудотворцы святии, помозите нам подражати вашим добродетелем, да возможем богоугодно пети Создателю нашему: Аллилуиа.

Икос 11

Света небеснаго исполнен соборный храм града Мурома, егда благоволением Божиим святыя мощи ваша Петре и Февроние, целы и благоуханны обретошася в нем, исцеления неоскудныя источающе недужным и болящим. Сего ради песненно вопием к вам:

Радуйтеся, сокровище в недрех земных обретенное

Радуйтеся, святыя Православныя Церкве похвало

Радуйтеся, мира благоухания Христова преисполненнии

Радуйтеся, препоясаннии силою многих чудес.

Радуйтеся, яко икона ваша явися врачебницей

Радуйтеся, яко от нея дары целебныя приемлют

Радуйтеся, озаряющии души светом истины

Радуйтеся, мощи ваша общее воскресение показующии.

Радуйтеся, святии и преславнии чудотворцы Петре и Февроние

Кондак 12

Благодать свыше вам дарованную, познавше, святии чудотворцы Петре и Февроние, с благоговением и любовию покланяемся нетленным и многоцелебным мощем вашим и от них приемлем в недузех исцеление, в скорбех утешение, в бедах благодатную помощь: темже и прославляем вас по достоянию, небесных предстателей и заступников наших, воспевающе хвалы и благодарения Богу: Аллилуиа.

Икос 12

Поюще многая и преславная ваша чудеса, велицыи угодницы Божии Петре и Февроние, ублажаем вас, яко целителей, утешителей и помощников от Господа нам дарованных, и молитвенно торжествуем святую память вашу, от любве сердечныя воспевающе вам:

Радуйтеся, умилостивители Царя Небеснаго

Радуйтеся, сильнии защитницы от врагов невидимых

Радуйтеся, усерднии ходатаи спасения

Радуйтеся, неотступнии хранители града нашего.

Радуйтеся, князей российских пречудная доброто

Радуйтеся, отечества Богом дарованнии покровители

Радуйтеся, телес наших благодатнии целебницы

Радуйтеся, о душах наших ко Господу молитвенницы.

Радуйтеся, святии и преславнии чудотворцы Петре и Февроние

Кондак 13

О святии и преславнии чудотворцы, благовернии княже Петре и княгине Февроние! Приимите милостивно сие похвальное пение от нас недостойных во умилении вам приносимое, и вашим предстательством у Господа испросите нам утверждение в вере, надежде и любве, да сподобимся вкупе с вами и всеми святыми во Царствии Небеснем пети Пресвятей Троице хвалебную песнь: Аллилуиа, Аллилуия, Аллилуия. (трижды)

Икос 1

Ангели земнии и человецы небеснии, блаженнии Петре и Февроние, от юности чистую совесть имущии к Богу, и добре в благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся, зовем вам гласы хвалебными сице:

Радуйтеся, от юности Христа возлюбившии

Радуйтеся, целомудрия хранители

Радуйтеся, Духу Святому души уготовившии

Радуйтеся, разума божественнаго исполненнии.

Радуйтеся, на Небеси и на земли от Господа прославленнии

Радуйтеся, вечное место упокоения обретшии

Радуйтеся, града нашего сокровища пребогатая

Радуйтеся, источницы неистощимии чудес.

Радуйтеся, святии и преславнии чудотворцы Петре и Февроние

Кондак 1

Избраннии чудотворцы и велицыи угодницы Господни, града нашего заступницы и о душах наших молитвенницы, святии преподобнии Петре и Февроние! Пение похвальное вам приносяще, молим вы усердно: яко имущии дерзновение ко Господу, предстательством вашим от неверия и малодушия нас свободите, да зовем вам радостно: Радуйтеся, святии и преславнии чудотворцы Петре и Февроние.

Ектенья сугубая (не для мирян)

Помилуй нас, Боже, по велицей милости Твоей, молим Ти ся, услыши и помилуй.

хор: «Господи помилуй» (трижды)

«Еще молимся о великом господине отце нашем Святейшем патриархе Кирилле и о господине нашем Высокопреосвященнейшем архиепископе Константине и о всей во Христе братии нашей».

хор: «Господи помилуй» (трижды)

Еще молимся о богохранимей стране нашей Российстей, властех и воинстве ея, да тихое и безмолвное житие поживем, во всяком благочестии и чистоте.

хор: «Господи помилуй» (трижды)

«Еще молимся о милости, жизни, мире, здравии, спасении, посещении, прощении и оставлении грехов рабов Божиих (имена рек), братии и прихожан святаго храма сего».

Свящ.: «Услыши ны Боже, спасителю наш, упование всех концев земли, и сущих в мори далече: и милостив, милостив буди, Владыко, о гресех наших, и помилуй ны. Милостив бо и человеколюбец Бог еси, и Тебе славу возсылаем, Отцу, и Сыну, и Святому Духу, ныне, и присно, и во веки веков».

Ко святому благоверному князю Петру и книгине Февронии со умилением сердец помолимся.

Хор: «Святый благоверный княже Петре и княгине Февроние, молите Бога о нас»

Молитва

О велицыи угодницы Божии и предивнии чудотворцы благовернии княже Петре и княгине Февроние, града нашего предстатели и хранители, и о всех нас усерднии ко Господу молитвенницы! К вам прибегаем и вам молимся с упованием крепким: принесите за нас грешных святыя молитвы ваша ко Господу Богу и испросите нам у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносие, воздуха благорастворение, душам и телесем здравие и вечное спасение. Испросите Церкви святей и всей державе Российстей мир, тишину и благоустроение, и всем нам житие благополучное и добрую христианскую кончину. Оградите отечество ваше и вся грады Российския от всякаго зла и вся правоверныя люди, к вам приходящия и иконе покланяющияся, осените благодатным действом благоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам возносимых, но будите о нас приснии предстатели ко Господу и сподобите нас помощию вашею святою спасение вечное получити и Царствие Небесное унаследовати; да славословим неизреченное человеколюбие Отца, и Сына, и Святаго Духа, в Троице покланяемаго Бога, во веки веков. Аминь.

Величание







Последнее изменение этой страницы: 2016-04-07; Нарушение авторского права страницы

infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 3.94.202.172 (0.007 с.)