Модмо муро-влак. Игровые песни.

 

653. - Гармонетым кӧ шокталта?

- Семонет шокталта.

- Гармонет ден кӧ кушта?

- Анушет кушталта.

Кушталтымет еда - четвертак,

Шупшалмет еда - полтиньык,

Ужмет еда - коликурет.

 

Кто играет на гармошке?

Семён играет.

Под гармошку кто пляшет?

Анюта пляшет.

По ходу пляски четвертак,

При поцелуе - полтинник,

При взгляде - шесть копеек.

 

654*. - Мераҥ, мераҥ, куш кает?

- Шопке нулдаш каем.

- Чапат кушак лаптырген?

- Ий ӱмбалан лаптырген.

- Почет кушак кӱчыкемын?

- Озан пийже пурлын налын.

- Пылышет кушак шемемын?

- Пӱнчӧ шикшеш шемемын.

Кандаш каштан тарантасыже

Лаке деч лакыш тӧршталта.

Ола вӱльын чомаже

Чоҥга деч чоҥгаш тӧршталта.

Шара шинчан ош моторжо

Мотор деч моторым ончалеш.

Ончалеш гын, ончалеш,

Адакат мемнан дек савырна.

 

- Зайчик, зайчик, куда идёшь?

- Иду лизать осину.

- Лапки твои где сплющились?

- На льду сплющились.

- Хвост твой где укоротился?

- Собака хозяйская откусила.

- Уши твои где почернели?

- От дыма сосны почернели.

Восьмикопыльный тарантас

Подпрыгивает от ямы к яме.

Жеребёнок пегой кобылы

Подпрыгивает от кочки к кочке.

Сероглазый блондин

Смотрит на самых красивых.

Смотрит, так смотрит,

Снова к нам же вернётся.

 

655. - Ош-канде кӧгӧрчен,

Каласе-ян мыланем:

Кушан макым ӱдат,

Кузе макым ӱдат?

- Теве тышан ӱдат,

Теве тыге ӱдат.

- Ош-канде кӧгӧрчен,

Каласе-ян мыланем:

Кузе маке шочалеш,

Кузе тудо пеледеш?

- Теве тыге шочалеш,

Теве тыге пеледеш.

- Ош-канде кӧгӧрчен,

Каласе-ян мыланем:

Кузе маке чумырга?

- Теве тыге чумырга,

Теве туге чумырга.

- Ош-канде кӧгӧрчен,

Каласе-ян мыланем:

Кузе макым почман?

- Теве тыге почман,

Теве туге почман.

 

- Голубой голубок,

Скажи-ка мне:

Где мак сеют,

Как мак сеют?

- Вот здесь сеют,

Вот так сеют.

- Голубой голубок,

Скажи-ка мне:

Как мак вырастает,

Как он расцветает?

- Вот так вырастает,

Вот так расцветает.

- Голубой голубок,

Скажи-ка мне:

Как образуются плоды мака?

- Вот так образуются,

Вот эдак образуются.

- Голубой голубок,

А скажи-ка мне:

Как мак открывать?

- Вот так открывать,

Вот эдак открывать.

 

«Черкела» модыш. 10 еҥ, чылан мурат:

 

656. Чер-чер-черчело,

Чор-чорола мурала,

Мур-мур мурала.

По-поло тунала,

Пи-пи-пипола.

Сомо-тигым, кумам-еҥгым,

Пичым пуш папа.

Шыл-шол, шыл-шол,

Кыло, шоно пис.

Но по капис пиралай.

 

Вара иктыже черке ӱмбалне:

 

Полотой, пы-пы-пыпалай,

Кирпичник галатай,

Йӱмемат шу.

Черке вуйымат йӧратем,

Попымат йӧратем.

Ой, попема сич.

 

Вара поп толеш, да кумытын кырат иктыжым. Вара тудо кола.

 

Игра в «церковь». 10 человек, все поют:

 

Чер-чер-черчело,

Чор-чорола мурала,

Мур-мур мурала.

По-поло тунала,

Пи-пи-пипола.

Сомо-тигым, кумам-еҥгым,

Пичым пуш папа.

Шыл-шол, шыл-шол,

Кыло, шоно пис.

Но по капис пиралай.

 

Затем один поёт с церкви:

 

Полотой, пы-пы-пыпалай,

Кирпичник галатай,

Пить мне захотелось.

Купола церковные люблю,

И попа люблю.

Ой, попема сич.

 

Затем приходит поп, и трое бьют одного. Потом он умирает.

 

«Телеграммыла» модыш. 6 еҥ. Телеграмм меҥгыла шогалыт, вара проводым шупшыт. Мурым мурат:

 

657. Золотойым палатай,

Копополым изиже кыра.

Пӱнчӧ уке, лӱнчӧ уло.

Каза почан, би-би-бим.

Сымба-ламба - лам-ба-ба,

Кинта-лонта - лон-га-га.

Кайык-кайык каяла,

Кайык, ит кай,

Шывыр гае муным пуэм.

Кайык-кайык, кай,

Тек ит тол.

Вес кайык толжо,

Кычкырал тол!

 

Игра «в телеграф». 6 человек встают как телеграфные столбы, протягивают провод. Поют песню:

 

Золотойым палатай,

Копопола младший бьёт.

Сосны нет, лӱнчӧ есть.

У козы есть хвост, би-би-бим.

Сымба-ламба - лам-ба-ба,

Киҥга-лоҥга - лоҥ-га-га.

Птичка-птичка каяла,

Птичка, не улетай,

Дам яйцо размером с пузырь.

Птичка-птичка, улетай,

Ладно, не прилетай.

Пусть другая птичка прилетит,

Позови её!

 

658*. - Ӱдыр-шамыч, ойлыза, рвезе-шамыч, ойлыза,

Кузе макым ӱдеда, кузе макым ӱдеда?

- Вот тыге, вот туге, теве тыге, вот туге!

Тыге макым ӱдена, тыге макым ӱдена.

- Ӱдыр-шамыч, ойлыза, рвезе-шамыч, ойлыза,

Кузе макым сомледа, кузе макым сомледа?

- Вот тыге, вот туге, теве тыге, вот туге!

Тыге макым сомлена, тыге макым сомлена.

- Ӱдыр-шамыч, ойлыза, рвезе-шамыч, ойлыза,

Кузе макым кӱрыда, кузе макым кӱрыда?

- Вот тыге, вот туге, теве тыге, вот туге!

Тыге макым кӱрына, тыге макым кӱрына.

- Ӱдыр-шамыч, ойлыза, рвезе-шамыч, ойлыза,

Кузе макым кочкыда, кузе макым кочкыда?

- Вот тыге, вот туге, теве тыге, вот туге!

Тыге макым кочкына, тыге макым кочкына.

 

- Вы скажите, девочки, вы скажите, парни,

Как вы сеете мак, как же сеете вы мак?

- А так, вот так, и так и вот так!

Так засеиваем мак, так засеиваем мак.

- Вы скажите, девочки, вы скажите, парни,

Как вы полете мак, как же полете вы мак?

- А так, вот так, и так и вот так!

Так мы полем мак, так пропалываем мак.

- Вы скажите, девочки, вы скажите, парни,

Как вы дёргаете мак, как теребите вы мак?

- А так, вот так, и так и вот так!

Так мы дёргаем мак, так. теребим мы мак.

- Вы скажите, девочки, вы скажите, парни,

Как вы кушаете мак, как едите вы мак?

- А так, вот так, и так и вот так,

Так едим мы мак, так мы кушаем мак.

 

Изи вӱд

 

659*. Олыклам, чодырам коден

Вашкена ме эҥер дек.

Лыжге веле мурена,

Шошым тышке кондена.

Муралтен ме эртена,

Ший гай чинчым шыжыктен.

Эре ончык вашкена,

Ончык, ончык чымена.

Куаналын, толкыналтын,

Шошо юж ден темалтын,

Ме шем мландыш шыҥена,

Теммеш вӱдым йӱктена.

Шыжена ме чолгыжалын,

Кечыйол ден волгалтын.

Ойлена ме мӱгыралын:

Толын тышке шошына!

 

Ручейки

 

Покинув луга и леса,

Спешим мы к реке.

Тихонько мы поём,

Приглашая сюда весну.

Протекаем мы с пением,

Разбрызгивая серебряные блёстки.

Всё время спешим вперёд,

Вперёд движемся.

Радостно, с волнением,

Наполнившись весенним воздухом,

Проникаем мы в чёрную землю,

Опаивая досыта водой.

Брызжем мы, сверкая,

Озаряясь солнечными лучами.

Кричим мы:

Пришла к нам весна!

 

660*. Ош мераҥге тӧршталта,

Йырге пӧрдын савырна.

Ош мераҥге ку(р)шталта,

Йырге пӧрдын савырна.

Ош мераҥге лекнеже,

Йырге пӧрдын савырна.

Ош мераҥге, кӧм йӧралтет,

Тудым луктын тый кертат.

Йырге пӧрдын савырна.

 

Белый зайчик прыгает,

Кружится вокруг себя.

Белый зайчик пляшет,

Кружится вокруг себя.

Белый зайчик хочет выйти,

Кружится вокруг себя.

Белый зайчик, кого любишь,

Того можешь вывести.

Крутится вокруг себя.

 

661*. Темпила-темпила,

Ярым-ярым, яктена.

Озан Йогор, мынь Йогор,

Чулка йолан алаша.

Кумло муно муныжо,

Ик салма туара.

Галинатын долгаже

«Мунак-мунак» манеш.

 

Темпила-темпила,

Ярым-ярым, яктена.

Хозяйский Егор, я Егор,

Белоногая лошадь.

Яиц тридцать штук,

Одна сковорода сырков.

Долги у Галины

«Мунак-мунак» говорят.

 

662*. Сур мераҥ тӧршталта,

Йыр-йыр пӧрдын савырна.

Сур мераҥ вачышкыже онча,

Йыр-йыр пӧрдын савырна.

Сур мераҥ вуйжым удырата,

Йыр-йыр пӧрдын савырна.

Сур мераҥ еҥым вашталта,

Йыр-йыр пӧрдын савырна.

Сур мераҥ юмылан кумалеш,

Йыр-йыр пӧрдын савырна.

Сур мераҥ рожым кычалеш,

Йыр-йыр пӧрдын савырна.

Сур мераҥ каналта,

Йыр-йыр пӧрдын савырна.

Сур мераҥ кушталта,

Йыр-йыр пӧрдын савырна.

 

Серый заяц прыгает,

Вокруг себя поворачивается.

Серый заяц смотрит на плечи,

Вокруг себя поворачивается.

Серый заяц голову свою чешет,

Вокруг себя поворачивается.

Серый заяц заменяет (ведущего),

Поворачивается вокруг себя.

Серый заяц богу молится,

Поворачивается вокруг себя.

Серый заяц нору ищет,

Поворачивается вокруг себя.

Серый заяц отдыхает,

Вертится вокруг себя.

Серый заяц пляшет,

Вертится вокруг себя.

 

663*. «Ай-ай» манме мо шомак,

Чувар оҥан - мо кайык?

Кайык манын ида ман,

Эре мотор Васлий улам.

 

«Ай-ай» что за слова,

Что за птица с пёстрой грудью?

Не говорите, что птица,

Всегда я, Василий, красив.

 

664*. Мемнан якын куваже

Лиштен латныл шочшым:

Ши-шимытше ӱдыр,

Ши-шимытше эрге.

Ни кочкаш огыт мошто.

Ваш-ваш ончат,

Тыге лиштен колтат.

Кӧм йӧратет, тудым лук,

Кӧм йӧратет, тудым лук.

 

Жена нашего дьяка

Родила четырнадцать детей:

Семь дочерей,

Семь сыновей.

Ни пить не умеют,

Ни есть не умеют,

Вот так делают.

Кого любишь, того выводи,

Кого любишь, того выводи.

 

665*. Кандыра еда ший шергаш коштеш,

Кандыра еда ший шергаш коштеш.

Кычал шергашым, кычал шергашым,

Кӧн кид йымалне ший шергаш?

 

По верёвочке движется серебряное колечко,

По верёвочке серебряное кольцо движется.

Ищи колечко, ищи его,

Под чьей рукою серебряное колечко?

 

666*. Кугу пошо покшечынет

Ош мераҥет кудалеш.

Ош мераҥ малдалалын,

Лӱялалын ида нал!

Ӱлыл мучачынет

Ведат Метриет кӱзалеш.

Тудын таҥже уло манын,

Кучалалын ида кыре.

Ой, Метрийжат, Метрийжат,

Пинчакет кӱчык, мом ыштет?

Изижат шуко, кугужат шуко,

Тыланет шушыжо нигӧат уке.

Изи лодкет, кугу лодкет,

Мо тыгане сай лодкет?

Изи Метриет, кугу Метриет,

Мо тыгане сай Метриет?

 

Среди поля чистого

Бежит белый заяц.

Говоря, что заяц-беляк,

Не стреляйте вы в него!

С нижней улицы

Митя, Федотов сын, поднимается.

Думая, что есть у него подруга,

Не бейте вы его.

Ах, Митя-Митя,

Пиджак твой короток, что делать?

И молоденьких, и постарше девушек много,

Но для тебя нет подходящих.

Малая лодка, большая лодка,

Какая же лодка лучше?

Маленький Митя, большой Митя,

Какой же Митя лучше?

 

667*. Ме шыдаҥым (в)ӱдена,

Ай, люли, (в)ӱдена.

Me шыдаҥым тошкена,

Ай, люли, тошкена.

Вара мо дене тошкеда,

Ай, люли, мо дене?

Порсын ярым шӧрмыч дене

Имньым пуртен тошкена,

Ай, люли, тошкена.

Вара мо дене тӱледа,

Ай, люли, мо дене?

Ме тӱлена ший дене,

Ме тӱлена кӱртньӧ дене.

Ай, люли, ший дене,

Ай, люли, кӱртньӧ дене.

Мыланна шийдаят огеш кӱл,

Мыланна кӱртньыдаят огеш кӱл,

Ай, люли, огеш кӱл.

Вара тыланда мо кӱлеш,

Ай, люли, мо кӱлеш?

 

Мы пшеницу сеем,

Ай, люли, сеем.

Мы пшеницу затаптываем,

Ай, люли, затаптываем.

Чем же вы затаптываете?

Ай, люли, чем же?

С шёлковой уздечкой

Коня заведя, затаптываем.

Ай, люли, затаптываем.

Чем же вы платите?

Ай, люли, чем же?

Мы платим серебром,

Мы платим железом.

Ай, люли, серебром,

Ай, люли, железом.

Нам не надо вашего серебра,

Не надо нам вашего железа.

Ай, люли, не надо.

Что же тогда вам надо?

Ай, люли, что надо?

 

668*. Кайыш теҥге, кайыш теҥге,

Кайыш теҥге - кидешак.

Тыште теҥге, тыште кок,

Тыште пел теҥге окса.

 

Покатился рубль, покатился рубль,

Покатился рубль - в руке же.

Здесь рубль, здесь два,

А здесь монета в полрубля.