Еди́на еси́ всех предста́тельница христиа́н,/ богома́ти пречи́стая,/ услы́ши на́ше моле́ние,/ воззри́ на ны, всепе́тая,/ спаси́ град весь и оби́тель твою́/ и озари́ ста́до тво

Еди́на еси́ всех Предста́тельница христиа́н,/ Богома́ти Пречи́стая,/ услы́ши на́ше моле́ние,/ воззри́ на ны, Всепе́тая,/ спаси́ град весь и оби́тель Твою́/ и озари́ ста́до Твое́/ благода́тию Твоего́ заступле́ния, Умиле́ние.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Да лику́ет све́тло избра́нная Тобо́ю оби́тель,/ иму́щи чудотво́рную ико́ну Умиле́ния Бо́жия Ма́тере,/ Ю́же ублажа́ем Боже́ственными пе́сньми:/ ра́дуйся, ве́рных спасе́ние;/ ра́дуйся, всех ра́достей Ра́досте;/ ра́дуйся, Неве́сто Неневе́стная.

Сла́ва, и ны́не, глас 8: Богоро́дицу Мари́ю вси воспои́м:/ ра́дуйся, Ма́ти Бо́жия;/ ра́дуйся, ле́ствице одушевле́нная;/ ра́дуйся, купино́ неопали́мая;/ ра́дуйся, ста́мно всезлата́я;/ ра́дуйся, цве́те ве́ры;/ ра́дуйся, же́зле прозябы́й;/ ра́дуйся, злата́я кади́льнице;/ ра́дуйся, горо́ Бо́жия присе́нная, Де́во;/ ра́дуйся, разреше́ние кля́твы пе́рвыя Е́вы;/ ра́дуйся, Престо́ле Госпо́день;/ ра́дуйся, многомоли́твенная красото́;/ ра́дуйся, Влады́чице, всех ра́достей Ра́досте.

<далее см. основной Чин>

Проки́мен после «Све́те ти́хий»: См. Прокимен дня

<далее см. основной Чин>

Лития глас 3:

Прииди́те, вси концы́ земли́,/ честно́му о́бразу Бо́жия Ма́тере, Умиле́нию, поклони́мся:/ Та бо непреста́нно мо́лится о нас/ и Тоя́ святы́м о́бразом на́ше ме́сто оживле́но бысть,/ мы же, псалмы́ и пе́сньми духо́вными пою́ще Ей,/ со все́ми святы́ми пра́зднуем све́тло.

Сла́ва, и ны́не, глас 8: О, пресла́внаго чудесе́:/ во всех страна́х Тебе́ ра́ди/ прославля́емо ме́сто свято́е сие́, Богоневе́сто,/ я́ко и́мать в себе́ чудотво́рную Твою́ ико́ну,/ от нея́же неизрече́нныя цельбы́ прие́млюще,/ благода́рственно вопие́м Тебе́ и уми́льно мо́лим Тя:/ Пресвята́я Де́во, спаси́ ду́ши на́ша,/ всех ра́достей Ра́досте.

По полиеле́и седа́лен глас 1: