Мы поможем в написании ваших работ!
ЗНАЕТЕ ЛИ ВЫ?
|
Бронхтық астманы «Физиотерапия, реабилитациялау және емдік массажды» қолдану, емдеу.
Бронх демікпесі (БД) (бронхиалды астма) – оның негізгі патогенетикалық механизмдері қабынулармен шартталған бронхтардың гипербелсенділігі, ал негізгі клиникалық көріністері бронхтарылу салдарынан тұншығу ұстамасы (көбінесе эспираторлық мінездегі), бронх сілемейлі қабатының гиперсекрециясы мен ісінулері болып табылатын, тыныс жолдарының созылмалы ауруы. Тұншығу ұстамалары, сонымен қатар бронх демікпесіне тән жөтел, кеудедегі «бітелу» сезімі, ысқырмалы шалғайлық сырылдар, көп жағдайда түнгі немесе таңертеңгі уақыттарда пайда болады және жартылай немесе толық қайтымды (аяқ астынан немесе ем салдарынан) бронхиалдық обструкциямен бірге жүреді.
Бронх демікпесінің жіктелуі
Демікпе жіктемесі клиникалық көріністер мен өкпе функцияларының көрсеткіштерін бірлесіп бағалауға негізделеді:
1. Этиологиясы бойынша:
— атопиялық (экзогендік);
— атопиялық емес (эндогендік);
— аралас.
2. Аурудың ауырлығы бойынша бөледі:
I баспалдақ (жеңіл интермиттирлеуші):
— күндіз симптомдардың саны аптасына 2 рет;
— асқынулар арасындағы тыныс шығарудың шыңдық жылдамдығының (ТШШЖ) болмауы және қалыпты көрсеткіші, түнде симптомдардың саны айына 2 рет;
— ОФВ1 немесе ПСВ — 80% норма, ПСВ көрсеткіштері 20% аз.
II баспалдақ (жеңіл персистирлеуші):
— күндіз симптомдардың саны > аптасына 1 рет, бірақ <күніне 1 рет;
— ұстамалар белсенділікті бұзады; түнгі симптомдар > айына 2 рет;
— ОФВ1 немесе ПСВ. 80% норма, ПСВ көрсеткіштері 20%-30%.
III баспалдақ (персистирлеуші, орташа ауырлықтағы):
— симптомдар күнделікті, ұстамалар белсенділікті бұзады;
— түнгі симптомдар > аптасына 1 рет;
— ОФВ1 немесе ПСВ – 60- 80% норма, ПСВ көрсеткіштері > 30%.
IV баспалдақ (ауыр персистирлеуші):
— симптомдар үнемі, физикалық белсенділік шектелген;
— түнгі симптомдар жиі; ОФВ1 немесе ПСВ < 60% норма, ПСВ көрсеткіштері > 30%.
3. Ағым фазалары бойынша:
— асқыну;
— тұрақсыз ремиссия;
— ремиссия;
— тұрақты ремиссия (2 жылдан астам).
БРОНХ ДЕМІКПЕСІНІҢ ҚАУІП-ҚАТЕР ФАКТОРЛАР
Қауіп-қатерлі факторлар: кене аллергендері, үйдегі тозаңдар (өте ұсақ болғандықтан, жай көзге көрінбейді), темекі тарту (науқас өзі темекі тартады немесе басқалар тартқанда, түтінмен дем алады), түбітпен қапталған жануарлар аллергендері, тарақан аллергендері, бөлмеден тыстағы тозаңдар мен зеңдік саңырауқұлақтар, бөлме ішіндегі зеңдік саңырауқұлақтар, физикалық белсенділік, дəрілер.
БРОНХ ДЕМІКПЕСІНІҢ ДИАГНОСТИКАСЫ
Диагностика критерийлері
Шағымдар мен анамнез:
-жөтел, əсіресе түнде;
-қайталанбалы сырылдар;
-қайталанбалы қиындаған тыныс алу;
-қайталамалы кеуде клеткасының басылу сезімі;
-симптомдар түнде пайда болады немесе нашарлайды;
-симптомдар триггерлермен жанасу кезінде ауырлайды;
Аяқ астынан немесе бронходилататорлар мен қабынуға қарсы препараттарды қабылдағаннан кейін симптомдардың жоғалуы, бронх демікпесінің маңызды маркерлері болып табылады. Науқаста немесе оның туыстарында атопиялық аурулардың болуы.
Физикалық тексеру:
Термометрия. Дене қызуының тұрақты жəне ұзақ уақыт көтерілуі кезінде, қызбаның жоғарылығында, флораның антибиотиктерге сезімталдылығын анықтаумен гемокультураны бактериемияға зерттеу.
Инструменталдық зерттеулер:
Спирометр (ОФВ 1 немесе ФЖЕЛ) немесе пикфлоуметр көрсетімдері бойынша (тыныс шығарудың шыңдық жылдамдығы – ТШШЖ) тыныс жолдарының қайтымды немесе өзгермелі төмендеуі.
Пикфлоуметрді пайдалану кезінде демікпе жайлы ойлауға болады, егер: ЖШШЖ тез əсер ететін агонистер жұтқаннан соң, 15-20 минуттан кейін 15% аса жоғарыласа, немесе Бронходилататорлар қабылдайтын науқастарда, кешке өлшенген ЖШШЖ таңертеңгілік мəннен 20% жəне бронходилататорлар қабылдамайтын науқастарда 10% ерекшеленсе, немесе ЖШШЖ 6 минут үздіксіз жүгіру немесе физикалық жүктемеден кейін 15% аса төмендесе.
Мамандар консультациясы үшін көрсетімдер: көрсетімдер бойынша.
Бронх демікпесі (астмасы) кезіндегі негізгі жəне қосымша диагностиклық шаралар тізімі
Негізгі диагностикалық шаралар тізімі:
Қанның жалпы анализі.
Зəрдің жалпы анализі.
Микрореакция.
Қақырықтың жалпы анализі.
Флюорография.
Сыртқы тыныс алу функцияларын зерттеу.
Қосымша диагностикалық шаралар тізімі:
Кеуде клеткалары ағзаларының рентгенографиясы.
Пульмонолог консультациясы.
Стоматолог консультациясы.
Отоларинголог консультациясы.
Тері сынамалары.
Провокациялық сынамалар.
Қақырық цитологиясы, қақырықты БК-ға зерттеу.
Микробтардың антибиотиктерге сезімталдығын талдау.
Аллергосынамаларды жүргізу.
Сыртқы тыныс алуды бронхолитикпен жəне /немесе бронхопровокатормен зерттеу.
Бронх демікпесі кезіндегі емдеу тактикасы
Ем мақсаты: тұншығу ұстамасын, аурудың асқынуларын басу.
Дəрі-дəрмексіз ем: себепті аллергендермен жанасуды, спецификалық емес тітіркендіргіштер əсерін болдырмау (темекі тарту, кəсіби зияндықтар, поллютанттар, өткір иістер жəне басқа).
Дəрі-дəрмектік ем. Ұстамаларды басу: ингаляциялық тез əсердегі 2-агонистер (сальбутамол, фенотерол); əсері тез басталатын ұзақ əсердегі 2-агонистер (сальметерол, формотерол); ингаляциялық холинолитиктер (ипратропий бромиді); құрамында холинолитиктер мен 2-агонистер қосылған комбинациялы дəрі дəрмектер; қысқа əсердегі метилксантиндер (аминофиллин); жүйелі ГКС (преднизолон). демікпені ұзақ жүргізу үшін, ауырлық дəрежесіне байланысты баспалдақты əдіс ұсынылады.
Барлық деңгейлер үшін: тұрақты күнделікті терапияға қосымша, қажет жағдайда тез əрекеттегі ингаляциялық 2-агонистер қолданулуы қажет, бірақ күніне 3-4 реттен жиі емес, фенотерол мен ипротропий бромиді тіркелген комбинациясы.
I дəреже – ауруды бақылау үшін күнделікті қабылдау қажет емес. Қысқа əсердегі бронходилататорларды қажеттілік бойынша күніне 1-2 рет қолдану ұсынылады.
II дəреже – ингаляциялы ГКС: беклометазон дипропионат 200-500 мкг 1-2 қабылдауға, флутиказон пропионат 120 доза (100-200 мкг тəулігіне 2 рет), будесонид 100-250 мкг/тəулігіне.
Альтернативті ем: теофиллиннің ұзақ əсердегі препараттарын тағайындау (теотард, теопэк 200-400 мг/тəулігіне), кромондар (кромоглиц қышқылымен ингаляция 10 мг тəулігіне 4 рет немесе интал 5 мг/доза), лейкотриен рецепторларын бөгегіштер (зафирлукаст 20 мг күніне 2 рет). Қысқа əсердегі бронходилататорлар (сальбутамол, фенотерол) қажеттілік бойынша тəулігіне 3-4 рет.
III дəреже — ингаляциялы ГКС: беклометазон дипропионат (800-1600 мкг в 3-4 қабылдауға) флутиказон пропионат 120 доза (400-1000 мкг тəулігіне 3-4 рет), Будесонид 800-1600 мкг/тəулігіне немесе ИГКС стандартты дозада ұзақ əсердегі адренорецепторлардың 2 агонистерімен бірге (сальметерол 50 мкг күніне 2 рет немесе формотерол 12 мкг күніне 2 рет), фенотерол мен ипротропий бромидінің тіркелген комбинациясы немесе теофиллиннің ұзақ əсердегі препаратымен.
Қысқа əсердегі бронходилататорлар (сальбутамол, фенотерол) қажеттілік бойынша, бірақ тəулігіне 3-4 реттен көп емес.
Альтернативті ем: теофиллиннің ұзақ əсердегі препараттарын тағайындау (200-700 мг/тəулігіне), кромондар (кромоглиц қышқылымен ингаляция 20 мг тəулігіне 4-8 рет немесе интал 5 мг/доза), лейкотриен рецепторларының бөгегіштері (зафирлукаст 20 мг күніне 2 рет).
IV дəреже — ингаляциялық ГКС: беклометазон дипропионат 100 мкг — 10 доза (1000 мкг аса) тəулігіне флутиказон пропионаты 100-200 мкг тəулігіне 3-4 рет, будесонид 800 мкг/тəулігіне аса, немесе эквивалент плюс қасқа əсердегі ингаляциялық 2-агонист (сальметерол, формотерол), фенотерол мен ипротропий бромидінің тіркелген комбинациясы; плюс бір немесе одан көп келесі препараттар, егер бұл қажет болса: баяулы босайтын теофиллин, антилейкотриен препараты, пероралды қысқа əсердегі 2 агонисттер, пероралды ГКС.
Іріңді қақырық болған кезде, жоғары лейкоцитоз, эритоциттердің тұну жылдамдығының артуында антибиотикограмманы ескеріп, антибактериалды терапия курсын тағайындайды (спирамицин 3000 000 БІРЛІК х 2 рет, 5-7 күн, амоксициллин+клавулан қышқылы 625 мг х 2 рет, 7 күн, кларитромицин 250 мг х 2 рет, 5-7 күн, цефтриаксон 1,0 х 1 рет, 5 күн). Тұтқыр қақырықпен науқастарға муколитиктер тағайындайды (амброксол, карбоцистеин, ацетилцистеин).
Бронх демікпесін емдеуде негізгі жəне қосымша дəрі-дəрмектер тізімі
Негізгі дəрі дəрмектер тізімі:
**Бекламетазон аэрозоль 200 доза.
*Ипратропий бромиді аэрозоль 100 доза.
Кромоглиций қышқылы дозаланған аэрозоль 5 мг; капсула 20 мг.
**Сальбутамол аэрозоль 100 мкг/доза; капсула 2 мг, 8 мг; небулайзер үшін ерітінді 20 мл.
**Теофиллин таблетка 100 мг, 200 мг, 300 мг; капсула 100 мг; 200 мг; 300 мг; капсула ретард 350 мг.
*Фенотерол аэрозоль 200 доза.
*Амброксол таблетка 30 мг; сироп 30 мг/5 мл.
**Преднизолон, таблетка 5 мг; инъекция үшін ерітінді 30мг/1 мл.
Буденосид 100 мг, аэрозоль.
*Ипратропия бромиді 21 мкг+фенотерол гидробромиді 50 мкг.
*Сальметерол+флутиказон 25мкг/50 мкг120доза, 25/125 мкг/120 доза, 25/250 мкг/120 доза аэрозоль (ДАИ), 50мкг/100 мкг 60доза, 50/250 мкг 60 доза, 50/500 мкг 60 доза ұнтақтық ингалятор.
Қосымша дəрі-дəрмектер тізімі:
**Флютиказон аэрозоль 60 доза, 120 доза (немесе олардың комбинациясы: салметерол, флютиказона пропионат, 25/50 мкг; 25/250 мкг).
*Кларитромицин 500 мг, табл.
*Спирамицин 3 млн. ЕД, табл.
*Аминофиллин инъекция үшін ерітінді 2,4% в ампуле 5 мл, 10 мл.
**Салметерол ингаляции үшін аэрозоль 25 мкг/доза.
*Амоксициллин+клавулонды қышқыл табл, оның қабықшасын жабу 500 мг/125мг, 875 мг/125 мг.
*Азитромицин 500 мг, капсулы.
Ем тиімділігінің индикаторлары:
симптомдардың айқындылығын азайту жəне оларды жою;
өкпе функциясын жақсарту;
асқынулардың дамуын алдын алу;
дəрілік заттарды қабылдау қажеттілігін азайту;
емнің жанама əсерінің даму қаупін төмендету;
науқастарды өзін-өзі емдеуге оқыту.
Госпитализациялауға көрсетімдер: бронхолиттік терапия тиімсіздігі, 6-8 сағат бойы басылмайтын тұншығу ұстамалары, тыныс алу жеткіліксіздігінің үдеуі, «мылқау өкпе».
Бронх демікпесін алдын алу. Біріншілік профилактика: пайда болуына жəне/немесе асқынуына триггерлердің əсер ету профилактикасы.
Профилактикалық шаралар:
Бөлмедегі шаңды тазарту, фильтрация жүйесін пайдалану.
Үй кенелеріне аллергия болған кезде – оларды жою.
Әрі қарай жүргізу: жылына 2-3 рет терапевттің қарауы, пульмонолог, аллерголог – жылына 1 рет.
Диспансерлік бақылау – БД кез келген формасы мен ауырлық дəрежесінде науқасты оқыту қажет. Емделуші БД мəнін, тұншығу ұстамаларын өзі басуды, қай жағдайда дəрігерді шақыру керектігін, демкпенің жеке триггерлерін, тұншығу белгілерін жəне ахуалының нашарлауын жəне бронхтық өтімділікті, демікпені бақылап отыру үшін күнделікті қабылданатын профилактикалық препараттардың жеке дозасын білуі қажет.
Бронх демікпесі кезіндегі физиотерапияда: -Баротерапия, -Демікпе кезіндегі тыныс алу гимнастикасы, -Сумен жаттығулар жасау, -Демікпе кезіндегі диета, -Фонофорез және электрофорез, -Астма кезіндегі климаттық терапия. Баротерапия (грекше baros — ауырлық және therapeіa — емдеу) — емдеу мақсатында төменгі немесе жоғары атмосфералық қысымды қолдану. Баротерапия вакуумды барокамера немесе компрессиялы барокамера көмегімен жүргізіледі. Баротерапияның негізгі емдік механизмі тері жабындысындағы қантамырлар мен олардың капиллярлар торына, организмнің тереңде орналасқан тіндеріне өзгертілген атмосфералық қысыммен әсер етуге негізделген. Оның жалпы баротерапия және жергілікті баротерапия деген 2 түрі бар. Жалпы Баротерапия — арнайы барокамераларда жүргізіледі. Ол ұзақ уақыт бітпеген жарақаттар мен жараларды, гипоксияны, гипертониялық, коронарлық ауруларды, Кессон ауруын, т.б. емдеуге қолданылады. Жергілікті Баротерапия — дененің шектеулі бір бөлігіне ғана қолданылады, ол үшін, мыс., қарапайым мед. банкілер пайдаланылады. Баротерапияны жүргізу тәсілі және мөлшері әр науқасқа жеке тағайындалады. Егер науқас туберкулез, гемофилия, қатерлі ісік ауруларымен ауырса немесе адам организмі қан кетуге бейім болса, сондай-ақ, жүктілік кезінде науқасты Баротерапиямен емдеуге болмайды.
Тыныс алу гимнастикасы- кислородты толық, максимальды түрде ауаны өкпеге жинауға және де көмірқышқыл газын сыртқа шығаруға көмектеседі. Ол үшін келесілер орындалады: - 10 мин ашық терезенің алдында тұрып дем алу, - баяу ішке терең ауаны жинау, бұл кезде көкірек қуысы көтерілу керек және жедел түрде ауаны сыртқа шығару. - Ішке терең ауаны жинау жинаумен бірге қолды жоғары көтеру. Бұл кезде ауаны шығару ұзағырақ болу керек. Бұл жаттығуларды таңертең және кешке ұйқы алдында істеу керек.
Сумен жаттығу жасау. Бронх демікпесі бар науқастарға су жаттығуларын орындау ұсынылады. Ең қарапайым және қолжетімді әдіс таңертеңгілік ылғалды сүлгімен сүрту. Бастапқыда бұл әдісті жеңіл түрде бастап, қарқынын біртіндеп жоғарылатып отырамыз. Бірінші жаттығуды жылы сумен бастап, кейіннен температураны төмендету керек, ол тері қан тамырларының белсендіреді және теріде зат алмасуыды, жүйке жүйесін жақсартады. Мұндай жаттығулар организмде иммундық жүйені жақсартады. Жақсы нәтижеге аяқ-қолдарға арналған ыстық аяқ ванналарын қабылдау арқылы қол жеткізіледі. Бұл процедура әртүрлі температурада жүзеге асырылады. Нәтижесінде қан тамырлар кеңейеді, қанда аллергендер саны көбейеді. Бұл жағдайда кез-келген антигистаминді препаратты қабылдау керек.
 
Бронхтық астма кезінде диета. БА кезіндегі физиотерапия арнайы диетаны сақтауды қажет етеді, әсіресе аурудың атопиялық түрінде. Азық-түлікте аллергендер аурудың белгілерін жоғарылатуы мүмкін. Әрбір жеке жағдайда диеталық тағамдар пациенттің жалпы жағдайын, симптомдардың ауырлық дәрежесін және созылмалы аурулардың болуын ескере отырып тағайындалады. Астматика үшін рұқсат етілген және тыйым салынған тағамдар тізімі бар. Аурудың осы түрімен ауыратын науқастар жаңғақ, жусан, жарма, күнбағыс өнімдерін диетадан шығарған жөн. Бұдан басқа бронх демікпесі бар науқастар фракциялық тамақтануды (күніне 5 рет) ұстау керек. Порция аз болуы керек, ал соңғы тамақтану ұйқыға жатар алдында 2 сағаттан кешіктірмей ішу керек.
Фонофорез және электрофорез. Жауырын аралығы аймағына бронх кеңейтуші дәрілер арқылы электрофорез жасау арқылы бронхтың дренаждық қызметін жақсартады. Тағы бір физиотерапиялық метод магнитотерапия арқылы науқас оргнизміне әсер ету болып табылады. Бұл процедура бронхтың өткізгіштігін жақсартады, сыртқы тыныс алуды жақсартады және организмдегі иммунобиологиялық резистенттілікті жоғарылатады. Жауырын аралық фонофорезмен бір уақытта қолдану ұсынылады: -сегменттік көкірек аймағында гидрокортизон қосылған фонофорез; - кальций ионымен электрофорезді қолдану; - эндоназальды электрофорезді қолдану;  - электроұйқы; - ауырсыну синдромы кезінде электроанальгезия қолдану;
Реабилитация және емдік массаж. Көрсетпелері: қабыну сипатындағы аурулар, трахеиттер, бронхоэктаздар, тыныс демікпесі, өкпе эмфиземасы, пневмониядан кейінгі қалдық өзгерістер, тыныс жолдарының дистальды бөлігіндегі өзгерістер, тыныс жетіспеушілігі, құрғақ немесе экссудативті плевриттен кейінгі өзгерістер, гаймориттер, риниттер, синуситтер, фронтиттер, тыныс жолдарының функциональды бұзылыстары. Кері көрсеткіштері: жедел жағдайлар , терідегі бөртпелер, қатерлі ісіктер, туберкулездің жұқпалы түрлері.
Тыныс демікпесі тыныс мүшелерінің созылмалы аллергиялық ауруы. Бронх өзегі түйілгеннен, кілегей қабаттың ісінгенінен және бітелгенінен мезгіл-мезгіл тұншығу ұстамасымен сипатталады. Қақырық бөлінеді. Массаж ремиссия сатысында қолданылады. Науқас қалпы отыру немесе шалқасынан жату түрінде болады.
ü Кеуденің арқасын сипалау, сылау, соққы әдістері;
ü Жауырын маңы аймағында – екі жауырын маңы қатар массаждалады, жауырындардың ішкі бетіне D4,D2 маңына көңіл аударылады;
ü Жауырын асты аймаққа кіре массаждау;
ü Қабырға аралық кеңістікте төстен қолтық аймағына қарай барлық классикалық әдістер қолданылады;
ü Шалқасынан жатқанда кеуде сипаланады, сыланады, уқаланады, әсіресе бұғананың төменгі деңгейі, қабырғалардың төске бекіген жерлерден бұғанаға дейінгі екі жақтың массажы. Аралау, сылау, вибрациялау, тыныс жаттығулары, тыныс массажы жоғарғы, ортанғы бөліктеріне сипалау, шайқау қолданылады. 15-30 минуттан 12-15 массаж, дәнекер тіні, периосталды массаждар, физиоем, фитотерапия, климаттық ем, нүктелі массаж бірге пайдаланылады.
Пайдаланылған әдебиеттер:
1.Лукиных Л.М., Успенская О.А. Физиотерапия в практике терапевтической стоматологии: Учеб. пособ. /Л.М.Лукиных, О.А.Успенская - Нижний Новгород: НГМА,2007.-36 с.
2. Өтеубаева Р.Д. Физиотерапия:Оқу- әдістемелік құрал /Р.Д. Өтеубаева - Қарағанды,2009. - 96 б.
3.Улащик В.С. Физиотерапия. Универсальная медицинская энциклопедия / В.С. Улащик. – Минск: Книжный дом,2008. – 640 с.
4. Частная физиотерапия:Учеб. пособ./Под ред. Г.Н. Пономаренко. – М.: Медицина,2005.- 744 с.
Жоспар.
I.Кіріспе. Бронхтық демікпе дегеніміз не?
II. Негізгі бөлім.
1. Бронхтық астманың этиологиясы және патогенезі. 2. Демікпенің жіктемесі, клиникасы. 3. Демікпе кезіндегі диагностика және емі. 4. Бронхдық демікпе кезіндегі физиотерапия, реабилитация және емдік массаж.
III. Қорытынды.
IV. Пайдаланылған әдебиеттер
Қорытынды
Бронх демікпесінің дамуын соңғы жылдары бронх қабынуының ерекше түрімен байланыстырады, олардың сезімталдығы қоздыратын факторлар әсерінен бірден артады. Қоздыратын («асқындыратын») фактордың әсерінен бронхтардың бұлшық еттері тартылады (бронхтардың жиырылады), шырышты бронхтар ісінеді, қою сөл (қақырық) пайда болады, бұл үдерістер демікпе ұстамаларының (тұншығу ұстамаларының) дамуын анықтайды. Бронх демікпесімен ауыратын науқаста әрқашан өзімен бірге тез әрекет ететін препарат болуы тиіс. Әр пациент тез әрекет ететін ингаляторды жиі (тәулігіне 4-реттен көп) қолдануына болмайды, себебі тұншығудың ауыр ұстамасы – демікпе мәртебесіне әкеп соғуы мүмкін. Әдетте қолданылатын препараттардың әсері азайған кезде шұғыл түрде дәрігерге баруыңыз қажет.
|
Археология
Биология
Генетика
География
Информатика
История
Логика
Маркетинг
Математика
Менеджмент
Механика
Педагогика
Религия
Социология
Технологии
Физика
Философия
Финансы
Химия
Экология
