Тропарь праведным Богоотцам Иоакиму и Анне

Иже в законней благодати праведни бывше, младенца Богоданнаго породиша нам Иоаким и Анна; темже днесь светло торжествует, весело празднующи Божественная Церковь честную вашу память, славящи Бога, воздвигшаго рог спасения нам в дому Давидове.

Тропарь первомученику Стефану

Царским венцем венчася твой верх от страданий, яже претерпел еси по Христе Бозе, мучеников первострадальче Стефане: ты бо иудейское обличивый неистовство, видел еси твоего Спаса одесную Отца: Того убо моли о душах наших.

ТРОПАРИ - ОТ РАЗНЫХ БОЛЕЗНЕЙ

Первый тропарь

Иконе Божией Матери

“ Целительница ”

Яко Пресветлая Звездо, просия Божественными чудесы святый Твой образ Целительнице, подаждь убо и нам, Богородице Марие, исцеление недугов душевных и телесных, спасение и велию милость.

Второй тропарь

Иконе Божией Матери

“ Целительница ”

Любовию, Чистая Дево, Твою святую икону почитающим и Божию Тя истинную Матерь прославляющим и верно поклоняющимся Целительница явися, всякое зло и болезни от сих удаляющая, яко Всемогущая.

Тропарь великомученику Никите Цареградскому

Крест Христов, яко некое оружие, усердно воспоим, и к борению врагов притекл еси, и за Христа пострадав, последи огнем священную твою душу Господу предал еси: отонудуже и даров исцеления от Него сподобился еси прияти, великомучениче Никито. Моли Христа Бога, спастися душам нашим.

(Читать об исцелении от припадков)

Тропарь священномученику Панкратию Тавроменийскому

Яко стрела огнезрачная, от Верховнаго послан был еси Тавроменийскому престолу уязвляти безбожных злочестие, верных же сердца просвещати, яже боговещанными твоими словесы в вере утвердив и течение совершив, пострадал еси до крове, священномучениче Панкратие, моли за вся, поющия память твою.

Тропарь мученику Смарагду Римскому

Мученик Твой, Господи, Смарагде, во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

(Читать об избавлении от заражения крови)

Тропарь преподобному Феодору Освященному (Молчальнику)

Пустынный житель, и в телеси Ангел, и чудотворец явился еси, Богоносе отче наш Феодоре: постом, бдением, молитвою небесная дарования приим, исцеляеши недужныя и души верою притекающих ти. Слава Давшему тебе крепость, слава Венчавшему тя, слава Действующему тобою всем исцеления.

(Читать об избавлении от болей в пояснице)

ТРОПАРИ - ОТ НАСИЛЬСТВЕННОГО ОСКВЕРНЕНИЯ

Тропарь Ангелу хранителю

Ангеле Божий, хранителю мой святый, живот мой соблюди во страсе Христа Бога, ум мой утверди во истиннем пути, и к любви горней уязви душу мою да тобою направляемь, получу от Христа Бога велию милость.

Тропарь великомученице Анастасии

Победоноснаго Воскресения истинноименитая наречена еси, великомученице Христова, победы на враги поставила еси мук терпением, Христа ради, Жениха твоего, Егоже возлюбила еси. Того моли спасти души наша.

Тропарь мученице Агнии

Агница Твоя, Иисусе, Агние зовет велиим гласом: Тебе, Женише мой, люблю, и Тебе ищущи страдальчествую и сраспинаюся и спогребаюся крещению Твоему, и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

***

О Блаженная девице Пелагие, возлюбленная дщи пастыря Саровскаго Серафима пламеннаго!

Еще в земном житии твоем нас нынешних возлюбившая и прорекшая нас ради вся грядущая на род наш, заступи ны молитвами твоими ко Господу во дни погибели и отступления от Веры истинныя Православныя, укрепи дух наш в обышедших нас скорбех лютых, избави нас от слуг антихристовых, волков в овечьих шкурах, за собоюнас во ад влекущих, подаждь нам хлеба во дни гладныя и кровы во дни Бегства нашего.