Молитва предъ чтенiемъ духовныхъ книгъ

Святителя Иоанна Златоуста

Го́споди, Iису́се Хрiсте́! Отве́рзи о́чи мои́ серде́чные услы́шати Сло́во Твое́, и разу́мети е́го, и твори́ти Во́лю Твою́, я́ко прише́лецъ а́зъ е́смь на земли́, не скры́й отъ мене́ За́поведей Твои́хъ, но отве́рзи о́чи мои́, да уразуме́ю чудеса́ отъ Зако́на Твоего́. Скажи́ ми́ безве́ст­ная и та́йная Прему́дрости Твоея́; на Тя́ упова́ю, Бо́же мо́й, да Ты́ просвети́ши у́мъ мо́й и се́рдце мое́ Све́томъ Ра́зума Твоего́, да не то́кмо прочту́ напи́­саныя, но и испо́лню о́ное. Соде́лай, да́бы я́ не во грѣ́хъ себѣ́ Святы́хъ житiя́ и словеса́ прочита́лъ, но во обновле́нiе и просве­ще́нiе, и во спасе́нiе, и въ насле́дiе Жи́зни Вѣ́чныя. Ибо Ты́, Го́споди, Просвеще́нiе лежа́щихъ во тьмѣ́, и отъ Тебѣ́ е́сть вся́кое Дая́нiе Бла́го, и вся́къ Да́ръ Соверше́нъ. Ами́нь.

 

КРАТКІЕ МОЛИТВЫ НА РАЗЛИЧНУЮ ПОТРЕБУ*

 

Для защиты от злых людей и бесов, нужно почаще повторять эту молитву:

Ты́, Го́споди, сохрани́ши ны́, и соблюде́ши ны́ отъ ро́да сего́ и во́ вѣ́къ (Пс.11:8)

 

Для осуществления Замысла Божия. И для этого нужно держать на уме такое прошение:

Имже о́бразомъ жела́етъ еле́нь на исто́чники во́дныя, такъ жела́етъ душа́ моя́ къ Тѣбѣ́, Бо́же (Пс.41:2).

Молитва для того, чтобы ни в чем не нуждаться. (т.е. о стяжании благодарного за всё сердца Богу):

Сла́ва Тѣбѣ́, Го́споди, за всё что бы́ло! Сла́ва Тѣбѣ́, Го́споди, за всё что е́сть! Сла́ва Тѣбѣ́, Го́споди, за всё что бу́детъ.

 

При появлении страха необходимо ограждать себя молитвой:

Си́ла Небе́сная, изба́ви мя́ отъ си́лы вра́жiей!

 

При каждении в Храме или в доме нужно читать про себя молитву:

Ду́хъ Святы́й сойди́ на мя́ и Си́ла Всевы́шняго осени́ мя́!

 

Для ограждения от злых духов и колдунов творить молитву:

Яко съ на́ми Бо́гъ!

 

Для просвещении ума и познания всего Божьего:

Го́споди Бо́же мо́й, просвети́ши тьму́ мою́ (Пс.17:29).

 

При блудной брани молись такъ:

Го́споди, Iису́се Христе́, моли́твъ ра́ди Пречи́стыя Твоея́ Ма́тери положи́ коне́цъ идолопокло́нству души́ моея́.

 

Для приобретения и сохранения душевного мира нужно молиться словами Святителя Тихона Задонского:

Го́споди мо́й, Го́споди, ра́досте моя́, да́руй ми́ ми́ръ, да возра́дуюся о Ми́лости Твое́й.

 

Для укрепления духовных и телесных сил молись так:

Го́споди, облеки́ мя Си́лою Твое́ю.

 

Любовь к Богу уязвляет врагов Божьих. Поэтому надо почаще творить такую молитву:

Да́ждь, Го́споди, что́бы и́мя мое́ бы́ло стра́шно врага́мъ Твои́мъ!

Во время молитвы дома или в храме нужно смотреть прямо на образ или на вынесенную Чашу.

*Сіи кратенькие молитовки на разные случаи жизни взяты главным образом из духовного наследия Святой Блаженной Старицы Пелагии Рязанской.

ВЕЧЕРНИЕ МОЛИТВЫ ДЛЯ МIРЯНЪ

Начальная молитва

Во Имя Отца́ (при сих словах начинаем творить Крестное Знамение**: полагаем персты на лобъ), и Сы́на (на чрево), и Свята́го (на правое плечо) Ду́ха (на левое плечо). Ами́нь. Поклонъ.

Молитва Iисусова*

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́ , моли́твъ Пресвяты́я Богоро́дицы, Небе́сныхъ Си́лъ и всѣ́хъ Святы́хъ, поми́луй на́съ и мíръ Тво́й. Ами́нь.

Хвалебная пѣснь Господу Богу

Сла́́ва Тебѣ́́, Бо́́же на́шъ, Сла́́ва Тебѣ́́.

Молитва Святому Духу

Царю́ Небе́сный, Утѣ́шителю, Ду́ше Истины, Иже вездѣ́ сы́й и вся́ исполня́яй, Сокро́вище Благи́хъ и Жи́зни Пода́телю, прiиди́ и всели́ся въ ны́, и очи́сти ны́ отъ вся́кiя скве́рны, и спаси́, Бла́же, ду́ши на́ша.

Ангельская пѣснь Пресвятой Троицѣ

Святы́й Бо́же, Святы́й Крѣ́пкiй, Святы́й Безсме́ртный, поми́луй на́съ. (Трижды)

Малое славословiе Пресвятой Троицѣ

Сла́ва Отцу́ (творим Крестное Знамение*: полагаем персты на лобъ), и Сы́ну (на чрево), и Свято́му (на правое плечо) Ду́ху (на левое плечо), и ны́нѣ, и при́сно, и во вѣ́ки вѣко́въ. Ами́нь.

Молитва Пресвятой Троицѣ

Пресвята́я Тро́ице, поми́луй на́съ; Го́споди, очи́сти грѣхи́ на́ша; Влады́ко, прости́ беззако́нiя на́ша; Святы́й, посети́ и исцѣли́ не́мощи на́ша, Имене Твоего́ ра́ди.

Го́споди, поми́луй. (Трижды)

Малое славословiе Пресвятой Троицѣ

Сла́ва Отцу́ (на лобъ), и Сы́ну (на чрево), и Свято́му (на правое плечо) Ду́ху (на левое плечо), * и ны́нѣ, и при́сно, и во вѣ́ки вѣко́въ. Ами́нь.

 

МОЛИТВА ГОСПОДНЯ

Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́коже и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго; я́ко Тво́е е́сть Ца́рствіе, и Си́ла, и Сла́ва: Отца́ (на лобъ) и Сы́на (на чрево) и Свята́го(на правое плечо) Ду́ха (на левое плечо), ны́нѣ и при́сно во вѣ́ки вѣко́въ. Ами́нь.

Топари покаянные*

Поми́луй на́съ, Го́споди, поми́луй на́съ; вся́каго бо отвѣ́та недоумѣ́юще, сію́ Ти́ моли́тву, я́ко Влады́цѣ, грѣ́шніи прино́симъ: моли́твъ ра́ди Пречи́стыя Твоея́ Ма́тери и всѣ́хъ Святы́хъ, поми́луй на́съ.

Сла́ва Отцу́, и Сы́ну, и Свято́му Ду́ху.

Го́споди, поми́луй на́съ, на Тя́ бо упова́хомъ; не прогнѣ́вайся на ны́ зѣло́ (очень), ниже́ помяни́ беззако́ній на́­шихъ, но при́зри и ны́нѣ, я́ко Благоут­ро́бенъ, и изба́ви ны́ отъ вра́гъ на́шихъ; Ты́ бо еси́ Бо́гъ на́шъ, и мы́ лю́діе Твои́, вси́ дѣла́ Руку́ Твое́ю, и Имя Твое́ призыва́емъ, сего́ ра́ди моли́твъ Пречи́стыя Твоея́ Ма́тери и всѣ́хъ Святы́хъ, поми́луй на́съ.

И ны́нѣ, и при́сно, и во вѣ́ки вѣко́въ. Ами́нь.

Милосе́рдія две́ри отве́рзи на́мъ, Благослове́нная Богоро́дице, надѣ́ю­щіися на Тя́ да не поги́бнемъ, но да изба́вимся Тобо́ю отъ бѣ́дъ; Ты́ бо еси́ спасе́ніе ро́да Хрістіа́нскаго.

Тропарь Пресвятѣй Троицѣ

Благослове́нъ еси́ Трисвяты́й Го́­споди Бо́же на́шъ, и́же всю́ тва́рь Прему́дростiю Твое́ю созда́вый и па́дшій ро́дъ человѣ́чь Ми́лостiю Свое́ю не оста́вивый, покая́в­шим­ся же грѣ́шникомъ Живо́тъ Вѣ́чный дарова́ти обѣща́вый Человѣко­лю́бче, Сла́ва Тебѣ́!

Вся си́лы души́ моея́, прiиди́те, покло­ни́мся Бо́гу, въ Тро́ицѣ еди́ному, Отцу́ и Сы́ну и Свято́му Ду́ху!

Вся мы́сли се́рдца моего́, прiиди́те, пок­ло­­ни́мся Тро́ицѣ, во Едини́цѣ почита́емѣй!

Вся чу́вства тѣ́ла моего́, прiиди́те, поклони́мся и припаде́мъ и воспла́чемся предъ Го́сподемъ, сотво́ршимъ на́съ!

Покланя́юся Тебѣ́, Пресвята́я, Едино­су́щ­ная, Животворя́ща и Нераздѣли́мая Тро́и­це: О́тче, Сы́не, и Святы́й Ду́ше : вѣ́рую въ Тя и исповѣ́дую, сла́влю, благо­дарю́, хва­лю́, почита́ю, превозношу́ Тя́ и молю́: поми́луй мя, непотре́бнаго раба́ Твоего́!

Го́споди, поми́луй. (12-ть раз)