От пасхи до вознесения вместо этой молитвы читается тропарь: «христос воскресе из мертвых, смертию смерть поправ, и сущим во гробех живот даровав». (трижды)

УТРЕННИЕ МОЛИТВЫ ДЛЯ МIРЯНЪ

Начальная молитва*

Во Имя Отца́ (при сих словах начинаем творить Крестное Знамение**: полагаем персты на лобъ), и Сы́на (на чрево), и Свята́го (на правое плечо) Ду́ха (на левое плечо). Ами́нь. Поклонъ.

Молитва мытаря

Бо́же, ми́лостивъ бу́ди мнѣ́ грѣ́шному.

Молитва Iисусова*

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́ , моли́твъ Пресвяты́я Богоро́дицы, Небе́сныхъ Си́лъ и всѣ́хъ Святы́хъ, поми́луй мя́ грѣшна́го и мíръ Тво́й низпошли́. Ами́нь.

Хвалебная пѣснь Господу Богу

Сла́́ва Тебѣ́́, Бо́́же на́шъ, Сла́́ва Тебѣ́́. *

* Сей знак означает, что со словами: «Именем Господа Бога Отца, и Сына, и Святаго Духа. Аминь!» подобает сотворить Крестное Знамение, после чего сделать поясной/земной поклон.

Молитва Святому Духу

Царю́ Небе́сный, Утѣ́шителю, Ду́ше Истины, Иже вездѣ́ сы́й и вся́ исполня́яй, Сокро́вище Благи́хъ и Жи́зни Пода́телю, прiиди́ и всели́ся въ ны́, и очи́сти ны́ отъ вся́кiя скве́рны, и спаси́, Бла́же, ду́ши на́ша.

От Пасхи до Вознесения вместо этой молитвы читается тропарь: «Христос воскресе из мертвых, смертию смерть поправ, и сущим во гробех живот даровав». (Трижды)

От Вознесения до Троицы начинаем молитвы со «Святый Боже…», опуская все предшествующие.

Эти замечания относятся и к молитвам на сон грядущій.

Всю Светлую седмицу вместо утренних молитв и молитв на сон грядущій читаются часы Святой Пасхи.

Ангельская пѣснь Пресвятой Троицѣ

Святы́й Бо́же, Святы́й Крѣ́пкiй, Святы́й Безсме́ртный, поми́луй на́съ. (Трижды)

Малое славословiе Пресвятой Троицѣ

Сла́ва Отцу́ (творим Крестное Знамение*: полагаем персты на лобъ), и Сы́ну (на чрево), и Свято́му (на правое плечо) Ду́ху (на левое плечо), и ны́нѣ, и при́сно, и во вѣ́ки вѣко́въ. Ами́нь.

* Когда поминается Имя Пресвятой Троицы: "Отца, и Сына, и Святого Духа" ОБЯЗАТЕЛЬНО подобает творить Крестное Знамение.

Молитва Пресвятой Троицѣ

Пресвята́я Тро́ице, поми́луй на́съ; Го́споди, очи́сти грѣхи́ на́ша; Влады́ко, прости́ беззако́нiя на́ша; Святы́й, посети́ и исцѣли́ не́мощи на́ша, Имене Твоего́ ра́ди.

Го́споди, поми́луй. (Трижды)*

Малое славословiе Пресвятой Троицѣ

Сла́ва Отцу́ (на лобъ), и Сы́ну (на чрево), и Свято́му (на правое плечо) Ду́ху (на левое плечо), * и ны́нѣ, и при́сно, и во вѣ́ки вѣко́въ. Ами́нь.

* Сим знаком дается напоминание, что подобает сотворить Крестное Знамение.

МОЛИТВА ГОСПОДНЯ

Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́коже и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго; я́ко Тво́е е́сть Ца́рствіе, и Си́ла, и Сла́ва: Отца́ (на лобъ) и Сы́на (на чрево) и Свята́го(на правое плечо) Ду́ха (на левое плечо), ны́нѣ и при́сно во вѣ́ки вѣко́въ. Ами́нь.

Топари Пресвятой Троицѣ

Воста́вше отъ сна́, припа́даемъ Ти́, Бла́же, и Ангельскую пѣ́снь вопiе́мъ Ти́, Си́льне: Свя́тъ, Свя́тъ, Свя́тъ еси́, Бо́же, моли́твами Богоро́дицы и всѣ́хъ Святы́хъ, поми́луй на́съ.

Сла́ва Отцу́, и Сы́ну, и Свято́му Ду́ху.

Отъ одра́ и сна́ воздви́глъ мя́ еси́, Го́с­поди, у́мъ мо́й просвѣти́ и се́рдце, и уст­нѣ́ мои́ отве́рзи, во е́же (чтобы) пѣ́ти Тя́, Свята́я Тро́ице: Свя́тъ, Свя́тъ, Свя́тъ еси́, Бо́же, моли́твами Богоро́дицы и всѣ́хъ Святы́хъ, поми́луй на́съ.

И ны́нѣ, и при́сно, и во вѣ́ки вѣко́въ. Ами́нь.

Сподо́би, Го́споди, въ де́нь се́й безъ грѣха́ сохрани́тися на́мъ; да́руй на́мъ, Го́споди, да ни сло́вомъ, ни дѣ́ломъ, ни помышле́нiемъ прогне́ваемъ Тя́, Созда́теля на́шего, но вся́ дѣла́ на́ша, сове́ты и помышле́нiя да бу́дутъ во Сла́ву Пресвята́го Имени Твоего́, да зове́мъ Ти́ со умиле́нiемъ: Свя́тъ, Свя́тъ, Свя́тъ еси́, Бо́же, моли́твами Богоро́дицы и всѣ́хъ Святы́хъ, поми́луй на́съ.

Го́споди, поми́луй. (12-ть раз)

Молитва Пресвятой Троицѣ

Отъ сна́ воста́въ, благодарю́ Тя́, Свята́я Тро́ице, я́ко мно́гiя ра́ди Твоея́ Бла́гости и Долготерпѣ́нiя не прогнѣ́вался еси́ на мя́ лѣни́ваго и грѣ́шнаго, ниже́ погуби́лъ мя́ еси́ со беззако́ньми мои́ми; но человѣ­ко­лю́бствовалъ еси́ обы́чно, и въ неча́­янiи лежа́щаго воздви́глъ мя́ еси́, во е́же утренева́ти и славосло́вити Держа́ву Твою́. И ны́нѣ просвѣти́ мои́ о́чи мы́с­ленныя, отве́рзи моя́ уста́ поуча́тися Словесе́мъ Твои́мъ и разумѣ́ти За́повѣди Твоя́, и твори́ти Во́лю Тво́ю, и пѣ́ти Тя́ во исповѣда́нiи серде́чнѣмъ, и воспѣва́ти Всесвято́е Имя Твое́: Отца́, и Сы́на, и Свята́го Ду́ха ны́нѣ, и при́сно, и во вѣ́ки вѣко́въ. Ами́нь.

Прiиди́те, поклони́мся Царе́ви на́ше­му Бо́гу. Земной поклонъ*

Прiиди́те, поклони́мся и припаде́мъ Хрiсту́, Царе́ви на́шему Бо́гу. Земной поклонъ

Прiиди́те, поклони́мся и припаде́мъ Самому́ Хрiсту́, Царе́ви и Бо́гу на́шему. Земной поклонъ

Псаломъ 50-й, покаянный*

Поми́луй мя́, Бо́же, по Вели́цѣй Ми́лости Твое́й и по мно́жеству Щедро́тъ Твои́хъ очи́сти беззако́нiе мое́. Наипа́че омы́й мя́ отъ безза́конiя моего́, и отъ грѣха́ моего́ очи́сти мя́. Яко беззако́нiе мое́ а́зъ зна́ю, и грѣ́хъ мо́й пре́до мно́ю е́сть вы́ну. Тебѣ́ Еди́ному согрѣши́хъ и лука́вое пре́дъ Тобо́ю сотвори́хъ; я́ко да оправди́шися во Словесѣ́хъ Твои́хъ, и побѣди́ши внегда́ суди́ти Ти́. Се́ бо, въ беззако́нiихъ зача́тъ е́смь, и во грѣсѣ́хъ роди́ мя́ ма́ти моя́. Се́ бо, Истину возлю́билъ е́си; безве́стная и та́йная Прему́дрости Твоея́ яви́лъ ми́ еси́. Окропи́ши мя́ иссо́помъ, и очи́щуся; омы́еши мя́, и па́че снѣ́га убѣлю́ся. Слу́ху моему́ да́си ра́дость и весе́лiе; возра́дуются ко́сти смире́нныя. Отврати́ Лице́ Твое́ отъ грѣ́хъ мои́хъ и вся́ беззако́нiя моя́ очи́сти. Се́рдце чи́сто сози́жди во мнѣ́, Бо́же, и Ду́хъ Пра́въ обнови́ во утро́бѣ мое́й. Не отве́ржи мене́ отъ Лица́ Твоего́ и Ду́ха Твое́го Свята́го не отими́ отъ мене́. Возда́ждь ми́ ра́дость спасе́нiя Твоего́ и Ду́хомъ Влады́чнимъ утверди́ мя́. Научу́ беззако́нныя Путе́мъ Твои́мъ, и нечести́вiи къ Тебѣ́ обратя́тся. Изба́ви мя́ отъ крове́й, Бо́же, Бо́же спасе́нiя моего́; возра́дуется язы́къ мо́й Пра́вдѣ Твое́й. Го́споди, устнѣ́ мои́ отве́рзеши, и уста́ моя́ возвѣстя́тъ Хвалу́ Твою́. Яко а́ще бы восхотѣ́лъ еси́ же́ртвы, да́лъ бы́хъ у́бо; всесожже́нiя не благоволи́ши. Же́ртва Бо́гу ду́хъ сокруше́нъ; се́рдце сокруше́нно и смире́нно Бо́гъ не уничижи́тъ. Ублажи́, Го́споди, Благоволе́нiемъ Твои́мъ Сiо́на, и да сози́ждутся стѣ́ны Iерусали́мскiя. Тогда́ благоволи́ши Же́ртву Пра́вды, возноше́нiе и всесожега́емая; тогда́ во́́зложа́тъ на олта́рь Тво́й тельцы́. * Дабы иметь дерзновение пред Богом в молитве необходимо иметь чистую совесть. Чистая совесть достигается посредством деятльеного Покаяния, важнейшей частью коего суть покаянная молитва. Поэтому, прежде чем обращаться к Богу с какими-либо просьбами, нужно очистить свою душу от грѣха через Покаяние. "[Ибо] если сердце наше не осуждает нас, то мы имеем дерзновение к Богу, и, чего ни попросим, получим от Него, Если [же] сердце наше осуждает нас, то [кольми паче Бог], потому что Бог больше сердца нашего и знает все" (1Иоан.3:20-22).

ПРАВОСЛАВНЫЙ СѴМВОЛЪ ВѢРЫ

Вѣ́рую* во Еди́наго Бо́га Отца́, Вседержи́теля, Творца́ Не́бу и земли́, ви́димымъ же всѣ́мъ и неви́димымъ. И во Еди́наго Го́спода Iису́са Хрiста́, Сы́на Бо́жiя, Еди­норо́днаго, Иже отъ Отца́ рожде́ннаго пре́жде всѣ́хъ вѣ́къ; Свѣ́та отъ Свѣ́та, Бо́га Истинна отъ Бо́га Истинна, рожде́нна, не сотворе́нна, Единосу́щна Отцу́, Имже вся́ бы́ша; на́съ ра́ди чело­вѣ́къ, и на́шего ра́ди спасе́нiя сше́дшаго съ Небе́съ, и воплоти́вшагося отъ Ду́ха Свя́та и Марíи Дѣ́вы, и вочеловѣ́ч­шася; распя́таго же за ны́ при Понтíйстѣмъ Пiла́тѣ, и страда́вша, и погребе́нна; и воскре́сшаго въ тре́тiй де́нь по Писа́­нiемъ; и возше́дшаго на Небеса́, и сѣдя́­ща одесну́ю Отца; и па́ки гряду́щаго со сла́вою суди́ти живы́мъ и ме́ртвымъ, Его́же Ца́рствiю не бу́детъ конца́. И въ Ду́ха Свята́го, Го́спода, Животворя́щаго, Иже отъ Отца́ исходя́щаго, Иже со Отце́мъ и Сы́номъ спокланя́ема и сслави́ма, глаго́лавшаго Проро́ки. Во Еди́ну, Святу́ю, Собо́рную и Апо́с­тольскую Це́рковь. Исповѣ́дую еди́но Креще́нiе во оставле́­нiе грѣхо́въ. Ча́ю Воскресе́нiя ме́ртвыхъ и Жи́зни Бу́дущаго Вѣ́ка. Ами́нь.

* На Литургии мы поем «верую» (ед. число), а не «веруем» (мн. число), т.к. этим мы исповедуем наше Соборное Единство во Христе Иисусе. Мы – Православные Христиане – есть единое Тело Христово. Поэтому прежде чем подойти к Чаше со Святым Причастием, все предстоящие едиными усты исповедуют свое духовное единство во Христе, т.е. Соборность. Свою Соборность во Христе Православные исповедуют тем, что поют на Литургии (литургия перевод. как "общее дело") Символ Веры, как один человек, т.е. «верую», а не «веруем».

Молитва къ Богу Отцу

Го́споди, Бо́же Отче Вседержи́телю, Тво́рче и Содѣ́тею всего́ мíра, неспотижи́ме Го́сподеви, Нача́ло Свѣ́та и Преу́мная Си́ло, Иже Ѵпоста́снаго Сло́ва Оте́цъ, и Единоси́льнаго Твоего́ Ду́ха Иснусти́тель; милосе́рдныя ра́ди Ми́лости и неизрече́нныя Бла́гости Твоея́, не презрѣ́вый человѣ́ческаго естества́, тьмо́ю грѣха́ содержи́маго; но Боже́ственными Свѣ́ты Свяще́нныхъ Твои́хъ Учéній, Зако́номъ и Проро́ки мі́ру свѣти́вый, последи́ же Единоро́днаго Твоего́ Сы́на благоволи́вый на́мъ возсія́ти и на спасе́нiе мíру Христа́ Твоего́ дарова́ти: во пречу́дномъ Рождествѣ́ Сы́на Твоего́ человѣ́ческое естество́ Божеству́ совокупи́ти, во Иорда́нѣ Бо́га воплоще́нна мíру яви́ти*, на Фаво́ре Сла́ву Божества́ Твоего́ вѣ́рнымъ показа́ти, на Голго́фе па́дшего Ада́ма (т.е. весь ро́дъ человѣ́ческий) отъ грѣ́ха (первородного грѣха адама), прокля́тiя и сме́рти искупи́ти (т.е. спасти), и Воскресе́нiемъ Христо́вымъ прича́стними жи́зни бу́дущего вѣ́ка на́съ яви́ти и въ но́вомъ Естестве** при гла́се Ангельской трубы́ воскреси́ти. Сего́ ради услы́ши Го́споди гла́съ моле́нiй на́съ грѣ́шныхъ и ра́ди Имени возлю́бленнаго Сы́на Твоего́: Го́спода Бо́га Спа́са на́шего Iису́са Хріста́, поми́луй на́съ па́дшихъ ча́дъ Твои́хъ, омраче́нныхъ грѣ́хми ве́лими и наста́ви на́съ на Пу́ть Истины, да́руй на́мъ, Бо́же, во бдѣ́нномъ и тре́звенномъ сѣ́рдце ве́сь пу́ть настоя́щего сего́ житія́ преити́; да не ле́ностно и спя́ще (в грѣховномъ снѣ), но бо́дрствующе и воздви́жени въ дѣ́ланіи За́поведій Твои́хъ обря́щемся, и въ ра́дость Твою́ совни́демъ, иде́же пра́зднующихъ гла́съ непреста́нный, и неизрече́нная Сла́дость зря́щихъ Лица́ Твоего́ Добро́ту неизрече́нную, я́ко Бла́гъ и Челов́еколюбецъ Бо́гъ еси́, и Тебѣ́ Сла́ву и Благодаре́ніе возсыла́емъ: Отцу́, и Сы́ну, и Свято́му Ду́ху, ны́нѣ и при́сно, и во вѣ́ки вѣко́въ Ами́нь.

* Крещение Господне именуется не иначе как Богоявление. Поелику, Господь наш Иисус Христос, как совершенный Бог и совершенный Человек не нуждался в Крещении. Во ирдане Бог не крестился, а ЯВЛЕН был мiру извествованием Бога Отца и свидетельством Святаго Духа.

** Богочеловек Иисус Христос воскрес в качественно новом человеческом естестве – естестве жизни будущего вѣка. В естестве, в котором воскресит и нас в будущем вѣцѣ.

Власть побеждать зло

Живы́й въ По́мощи Вы́шняго, въ Кро́вѣ Бо́га Небе́снаго водвори́тся. Рече́тъ Го́спо­деви: Засту́пникъ мо́й еси́ и Прибѣ́жище мое́, Бо́гъ мо́й, и упова́ю на Него́. Яко То́й изба́витъ тя́ отъ сѣ́ти ло́вчи и отъ словесе́ мяте́жна. Плещма́ Свои́ма осѣни́тъ тя́, и подъ Крилѣ́ Его́ надѣ́ешися. Ору́жiемъ обы́детъ тя́ Истина Его́. Не убои́шися отъ стра́ха нощна́го, отъ стрѣлы́ летя́щiя во дни́, отъ ве́щи во тьмѣ́ преходя́щiя, отъ сря́ща и бѣ́са полу́деннаго. Паде́тъ отъ страны́ твоея́ ты́сяща, и тьма одесну́ю тебе́, къ тебѣ́ же не прибли́жится. Оба́че очи́ма твои́ма смо́триши, и воздая́нiе грѣ́шниковъ у́зриши. Яко Ты́, Го́споди, Упова́нiе мое́; Вы́шняго положи́лъ еси́ Прибѣ́жище твое́. Не прiи́детъ къ тебѣ́ зло́, и ра́на не прибли́жится тѣлеси́ твоему́; я́ко Ангеломъ Свои́мъ заповѣ́сть о тебѣ́, сохрани́ти тя́ во всѣ́хъ путе́хъ твои́хъ. На рука́хъ во́змутъ тя́, да не когда́ преткне́ши о ка́мень но́гу твою́. На а́спiда (змею) и васили́ска (льва) насту́пиши, и попере́ши льва́ и змíя. Яко на Мя́ упова́, и изба́влю и́ (тебя), покры́ю и́, я́ко позна́ Имя Мое́. Воззове́тъ ко Мнѣ́, и услы́шу его́. Съ ни́мъ е́смь въ ско́рби, изму́ его́ и просла́влю его́. Долго́тою днíй испо́лню его́, и явлю́ ему́ Спасе́нiе Мое́.

ТРОПАРЬ НЕБЕСНЫМЪ СИЛАМЪ

Небе́сныхъ Во́инствъ Архистрати́зи: Михаíле, Гаврiи́ле, Рафаíле, Урiи́ле, Селафiи́ле, Iегудiи́ле, Варахiи́ле; и вси́ Святíи Небе́сные Си́лы: Серафи́мы, Херуви́мы, Престо́ли; Госпо́дствія, Си́лы и Вла́сти; Нача́ла, Арха́нгели и Ангели, сла́вящiе Го́спода, мо́лимъ ва́съ при́сно мы́ недосто́йнiи, да ва́шими моли́твами огради́те на́съ кро́вомъ кри́лъ невеще́ственныя ва́шея сла́вы, сохраня́юще ны́ припада́ющихъ прилѣ́жно и вопiю́щихъ: отъ бѣ́дъ изба́вите ны́, я́ко служи́тели Го́спода Бо́га Си́лъ.

Молитва Ангелу Хранителю

Ангеле Бо́жiй, храни́телю мо́й Святы́й, на соблюде́нiе мнѣ́ отъ Бо́га съ Небесе́ да́нный! Прилѣ́жно молю́ тя́, ты́ мя́ дне́сь просвѣти́ и отъ вся́каго зла́ сохрани́, ко благо́му дѣя́нiю наста́ви и на Пу́ть Спасе́нiя напра́ви. Ами́нь.

Молитвы 9-ти Чинамъ Святыхъ

О вси́ Святі́и Благовѣ́рніи Пра́отцы, Ца́рiе и Кня́зiе, Ревни́тели Благоче́стія Хрістіа́н­скаго и Защи́тницы Це́ркви Правосла́в­ныя! Предста́тельствомъ свои́мъ спаси́­те на́съ отъ всѣ́хъ супоста́тъ ви́димыхъ и неви́димыхъ и бу́дите на́мъ въ щи́тъ и огражде́ніе отъ во́рога (врага) лю́того.

О вси́ Святі́и Проро́цы, Су́дебъ Бо́жі­ихъ провозвѣ́стницы и въ Истинѣ Госпо́д­ней человѣ́ковъ наста́вницы! Моли́твами ва́ши­ми отве́рзите на́мъ у́мъ къ позна́нію Истины и просвѣти́те Свѣ́томъ Боговѣ́­денія ду́ши и тѣлеса́ на́ша.

О вси́ Святі́и Апо́столи, Благовѣ́с­тницы Хрісто́вы и Вѣ́ры Правосла́вныя насади­́тели! Споспе́шествуйте на́мъ Вѣ́ру Хрісто́ву твѣ́рдо содержа́ти и Дѣла́ми Вѣ́ры Бо́га во всѣ́мъ прослав­ля́ти.

О вси́ Святи́тели Хрісто́вы, па́стыри Бо́жіи! Го́спода моли́те въ Истине Хрісто́вѣй на́съ непоколеби́мо утверди́­ти, е́реси же, раско́лы и нестрое́нія въ Це́ркви потреби́ти, расточе́н­ныя о́вцы воеди́но собра́ти и отъ всѣ́хъ волко́въ ста́до Хрісто́во огради́ти.

О вси́ Святі́и Му́ченицы, свидѣ́тели Истины Хрісто́вы! Моли́твами ва́шими укрепи́те на́съ на Ка́менѣ Исповѣ́данія Вѣ́ры Правосла́вныя; да ни ско́рбь, ни теснота́, ни гоне́нія, ни гла́дъ, ни нагота́, ни бѣда́, ни ме́чъ не возмо́гутъ на́съ разлучи́ти отъ Любве́ Бо́жія, я́же о Хрісте́ Iису́се.

О вси́ Святі́и Преподо́бніи, моли́тве­ницы на́ши! Хода́тайствомъ свои́мъ сохрани́те на́съ отъ пре́лестей мі́ра и ко́зней лука́ваго; да отве́ргшеся себе́ и взе́мше кре́стъ сво́й после́дуемъ Хрі́сту и Бо́гу своему́.

О вси́ Святі́и Блаже́нніи, безу́миемъ мни́мымъ безу́міе мі́ра сего́ обличи́в­шія! Испроси́те у Го́спода на́мъ му́д­рость въ Ра́зумъ Истины пріити́, да Си́лою Креста́ Хрісто́ва во Благоче́стіи утверди́вшеся, го́рнее, а не земно́е помышля́емъ.

О вси́ Святі́и Безсребре́нницы, цѣли́­тели Бо́жіии! Моли́твами ва́шими увра­чу́йте стру́пы ду́шъ и тѣле́съ на́шихъ.

О вси́ Святі́и Пра́ведніи, въ жи́зни се́й съ Бо́гомъ пожи́вшіе и въ не́мощ­немъ естестве́ по́двиги ве́лія яви́вшія! Моли́теся за ны́, да ду́хъ смире́нія, терпе́нія и любве́, и́же бе́ въ ва́съ нико­́лиже не оскуде́етъ и въ на́съ. Ами́нъ.

Тропарь всѣмъ Святымъ въ Землѣ Русьской просіявшимъ

Якоже пло́дъ кра́сный Зѣмля́ Ру́сьская прино́ситъ Ти́, Го́споди, и вси́ Святíи въ то́й просия́вшiя; те́хъ моли́твами въ ми́рѣ глубо́це Це́рковь и Страну́ на́шу Русьскую Богоро́дицею соблюди́, Многоми́лостиве.

Молитва Небѣсному покровителю

Моли́ Бо́га о мнѣ́, Ствяты́й Уго́дниче Бо́жiй (имя)* я́ко а́зъ усе́рдно къ тебѣ́ прибѣга́ю, ско́рому помо́шнику и моли́твеннику о душѣ́ мое́й. Ами́нь.

ПѢСНЬ ПРЕСВЯТѢЙ БОГОРОДИЦѢ

Богоро́дице Дѣ́во, ра́дуйся! Благода́тная Марíе, Госпо́дь съ Тобо́ю; благослове́нна Ты́ въ жена́хъ и благослове́нъ Пло́дъ Чре́ва Твоего́, я́ко Спа́са родила́ еси́ ду́шъ на́шихъ.

ТРОПАРЬ КРЕСТУ ХРІСТОВУ

Спаси́, Го́споди, лю́ди Твоя́, и блогослови́ достоя́нiе Твое́, побѣ́ды Православным христианом на сопроти́вныя да́руя, и Твое́ сохраня́я Крѣсто́мъ Твои́мъ Жи́тельство.

Молитва Оптинскихъ Старцевъ

Го́споди [Бо́же Отче Вседержи́телю, ра́ди Имени Единоро́днаго Сы́на Твоего́, Го́спода на́шего Iису́са Христа́, и возлю́бленнаго Дави́да, Свята́го раба́ Твоего́] да́руй ми́ съ душе́внымъ споко́йствiем встре́́тить всѣ́, что принесе́тъ мнѣ́ наступа́ющій де́нь. Го́споди, да́руй ми́ всеце́ло преда́ться Во́лѣ Твое́й Свято́й. Го́споди, на вся́кiй ча́съ сего́ дня́ во всѣ́мъ наста́вь и подержи́ меня́. Го́споди, какíе бы я́ ни получа́лъ изве́стiя въ тече́нiи дня́, научи́ мя́ приня́ть и́хъ со споко́йною душо́ю и съ тве́рдымъ убежде́нiемъ, что на всѣ́ Твоя́ Свята́я Во́ля. Го́споди, откро́й мнѣ́ Во́лю Твою́ Святу́ю для меня́ и окружа́ющихъ меня́. Го́споди, во всѣ́хъ мои́хъ слова́хъ и помышле́нiяхъ Са́мъ руководи́ мои́ми мы́слями и чу́вствами. Го́споди, во всѣ́хъ непредви́денныхъ слу́чаяхъ не да́й мнѣ́ забы́ть, что всѣ́ ниспо́слано Тобо́ю. Го́споди, научи́ мя́ пра́вильно, про́сто, разу́мно обраща́ться со все́ми дома́шними и окружаю́щими меня́, ста́ршими, ра́вными и мла́дшими, что́бы мнѣ́ никого́ не огорча́ть, но всѣ́мъ соде́йствовать ко Бла́гу. Го́споди, да́руй ми́ си́лы перенести́ утомле́нiе наступа́ющего дня́ и все́ собы́тiя въ тече́нiе дня́. Го́споди, руководи́ Са́мъ Ты́ мое́ю во́лею и научи́ мя́ моли́ться, надея́ться, вѣ́рить, люби́ть, терпе́ть и проща́ть. Го́споди, не да́й мене́ на произво́лъ врага́мъ мои́мъ, но ра́ди Имени Твоего́ Свята́го Са́мъ води́ и управля́й мно́ю. Го́споди, просвети́ у́мъ мо́й и се́рдце для разуме́нiя Твои́хъ вѣ́чныхъ и неизме́нныхъ Зако́нов, управля́ющихъ мíромъ, что́бы я́, грѣ́шный ра́бъ Тво́й, мо́гъ пра́вильно служи́ть Тебѣ́ и бли́жнимъ мои́мъ. Го́споди, благодарю́ Тя́ за всѣ́, что со мно́ю бу́детъ, и́бо тве́рдо вѣ́рю, что лю́бящимъ Тя́ всѣ́ соде́йствуетъ ко бла́гу. Го́споди, благослови́ все́ мои́ выхожде́нiя и вхожде́нiя, дѣя́нiя дѣ́лъ, слова́ и помышле́нiя, удосто́й мя́ всегда́ ра́достно прославля́ть, воспева́ть и благословля́ть Тебя́, и́бо Ты́ Благослове́нъ во вѣ́ки вѣко́въ. Ами́нь.

МОЛИТВЫ ВЪ ПРОДОЛЖЕНIИ ДНЯ

 

Молитва на принятiе Просфоры и Святой Воды*

Го́споди, Iису́се Христе́, Бо́же на́шъ, да бу́детъ Да́ръ Тво́й Святы́й: Просфора́(или Артос), и Свята́я Вода́ Твоя́ во оставле́нiе грѣхо́въ мои́хъ, въ прос­веще́нiе ума́ моего́, во очище́нiе се́рдца, во укрепле́нiе душе́в­ныхъ и тѣле́сныхъ си́лъ мои́хъ, въ здра́вiе души́ и тѣ́ла моего́, въ покоре́нiе страсте́й и не́мощей мои́хъ, во утвержде́ние во́ли моея́ на Путя́хъ исполне́нія Во́ли Твое́я, въ разруше́ніе и прогна́ніе вся́каго дѣ́йства и ко́зней діаволи́хъ по Безпреде́льному Милосе́рдію Твоему́, Си́лою Честна́го и Животворя́щего Креста́, моли́твами Пречи́стыя Твоея́ Ма́тери, Небе́сныхъ Си́лъ Безпло́тныхъ и всѣ́хъ Твои́хъ Святы́хъ. Ами́нь.

* По пробуждении от сна, Православному Христианину подобает с молитвой: «Слава Тебе, Господи, за сегодняшний сон. Благослови на день грядущий!» восстать от своего ложа. Затем пойти и с молитвой: «Боже, очисти мя грѣшнаго!» трижды умыть лицо, после чего – принять Святой Воды с Просфорой. Ежедневное принятие натощак Святой Воды с Просфорой имеет великую духовную силу. Кто так будет поступать, того Благодать Божия будет покрывать в течении всего дня, а злые люди будут бессильны нанести нам какой-либо вред.

 

Іисусова Молитва

Молитва после вкушенiя пищи

Во Имя Отца́, и Сы́на, и Свята́го Ду́ха. Ами́нь.

Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́коже и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго; я́ко Тво́е е́сть Ца́рствіе, и Си́ла, и Сла́ва: Отца́ и Сы́на и Свята́го Ду́ха, ны́нѣ и при́сно во вѣ́ки вѣко́въ. Ами́нь.

Вознесы́йся на Крѣ́стъ Во́лею, Тезоимени́тому Твоему́ Но́вому Жи́тельству Щедро́ты Твоя́ да́руй, Хрiсте́ Бо́же, возвесели́ Си́лою Твое́ю ны, побѣ́ды дая́ нам на сопоста́ты, посо́бiе иму́щу Твое́ ору́жiе ми́ра, непобѣди́мую побѣ́ду.

Досто́йно е́сть я́ко вои́стинну блажи́ти Тя́ Богоро́дицу, Присноблаже́нную и Пренепо­ро́чную и Ма́терь Бо́га на́шего; Честнѣ́йшую Херуві́мъ и Славнѣ́йшую безъ сравне́нія Серафі́мъ, безъ истлѣ́нія Бо́га Сло́ва ро́жд­шую, су́щую Богоро́­дицу Тя́ велича́емъ.

Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.

Аллилу́іа, Аллилу́іа, Аллилу́іа, Сла́ва Тебѣ́ Бо́же. (Трижды)

Го́споди, поми́луй. (Трижды)

Благодари́мъ Тя́, Хрiсте́ Бо́же на́шъ, я́ко насы́тилъ еси́ на́съ земны́хъ Тво­и́хъ Бла́гъ, и ра́ди Имени Твоего́ Свята́го не лиши́ на́съ и Небе́с­наго Твоего́ Ца́рствiя, моли́твами Пречи́стыя Твоея́ Ма́тре, предста́тельствы Небе́сныхъ Си́лъ Безпло́тныхъ и всѣ́хъ Твои́хъ Святы́хъ. Ами́нь.

 

Молитва предъ ученiемъ

Преблагі́́й Го́споди! Низпосли́ на́мъ Благо­да́ть Ду́ха Твоего́ Свята́го, да́рст­вующаго и укрепля́ющаго душе́в­ныя на́шя си́лы, да́бы внима́юще препода­ва́емому на́мъ ученію, возрасли́ мы́ Тебѣ́ на́шему Создате́лю во Сла́ву, роди́­те­лемъ же на́шимъ на утеше́нiе, Це́ркви и Оте́честву на по́льзу. Ами́нь.

 

Молитва после ученiя

Благодари́мъ Тебе́, Созда́телю, я́ко сподо́­билъ еси́ на́съ Благода́ти Твоея́, во е́же вни­ма́ти уче́нію. Благослови́, роди́телей и учи́телей, веду́щихъ ны́ къ позна́нію бла́га, и пода́ждь на́мъ си́лу и кре́­пость къ продолже́нію уче́нiя сего́. Ами́нь.

 

ВЕЧЕРНИЕ МОЛИТВЫ ДЛЯ МIРЯНЪ

Начальная молитва

Во Имя Отца́ (при сих словах начинаем творить Крестное Знамение**: полагаем персты на лобъ), и Сы́на (на чрево), и Свята́го (на правое плечо) Ду́ха (на левое плечо). Ами́нь. Поклонъ.

Молитва Iисусова*

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́ , моли́твъ Пресвяты́я Богоро́дицы, Небе́сныхъ Си́лъ и всѣ́хъ Святы́хъ, поми́луй на́съ и мíръ Тво́й. Ами́нь.

Хвалебная пѣснь Господу Богу

Сла́́ва Тебѣ́́, Бо́́же на́шъ, Сла́́ва Тебѣ́́.

Молитва Святому Духу

Царю́ Небе́сный, Утѣ́шителю, Ду́ше Истины, Иже вездѣ́ сы́й и вся́ исполня́яй, Сокро́вище Благи́хъ и Жи́зни Пода́телю, прiиди́ и всели́ся въ ны́, и очи́сти ны́ отъ вся́кiя скве́рны, и спаси́, Бла́же, ду́ши на́ша.

Ангельская пѣснь Пресвятой Троицѣ

Святы́й Бо́же, Святы́й Крѣ́пкiй, Святы́й Безсме́ртный, поми́луй на́съ. (Трижды)

Малое славословiе Пресвятой Троицѣ

Сла́ва Отцу́ (творим Крестное Знамение*: полагаем персты на лобъ), и Сы́ну (на чрево), и Свято́му (на правое плечо) Ду́ху (на левое плечо), и ны́нѣ, и при́сно, и во вѣ́ки вѣко́въ. Ами́нь.

Молитва Пресвятой Троицѣ

Пресвята́я Тро́ице, поми́луй на́съ; Го́споди, очи́сти грѣхи́ на́ша; Влады́ко, прости́ беззако́нiя на́ша; Святы́й, посети́ и исцѣли́ не́мощи на́ша, Имене Твоего́ ра́ди.

Го́споди, поми́луй. (Трижды)

Малое славословiе Пресвятой Троицѣ

Сла́ва Отцу́ (на лобъ), и Сы́ну (на чрево), и Свято́му (на правое плечо) Ду́ху (на левое плечо), * и ны́нѣ, и при́сно, и во вѣ́ки вѣко́въ. Ами́нь.

 

МОЛИТВА ГОСПОДНЯ

Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́коже и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго; я́ко Тво́е е́сть Ца́рствіе, и Си́ла, и Сла́ва: Отца́ (на лобъ) и Сы́на (на чрево) и Свята́го(на правое плечо) Ду́ха (на левое плечо), ны́нѣ и при́сно во вѣ́ки вѣко́въ. Ами́нь.

Топари покаянные*

Поми́луй на́съ, Го́споди, поми́луй на́съ; вся́каго бо отвѣ́та недоумѣ́юще, сію́ Ти́ моли́тву, я́ко Влады́цѣ, грѣ́шніи прино́симъ: моли́твъ ра́ди Пречи́стыя Твоея́ Ма́тери и всѣ́хъ Святы́хъ, поми́луй на́съ.

Сла́ва Отцу́, и Сы́ну, и Свято́му Ду́ху.

Го́споди, поми́луй на́съ, на Тя́ бо упова́хомъ; не прогнѣ́вайся на ны́ зѣло́ (очень), ниже́ помяни́ беззако́ній на́­шихъ, но при́зри и ны́нѣ, я́ко Благоут­ро́бенъ, и изба́ви ны́ отъ вра́гъ на́шихъ; Ты́ бо еси́ Бо́гъ на́шъ, и мы́ лю́діе Твои́, вси́ дѣла́ Руку́ Твое́ю, и Имя Твое́ призыва́емъ, сего́ ра́ди моли́твъ Пречи́стыя Твоея́ Ма́тери и всѣ́хъ Святы́хъ, поми́луй на́съ.

И ны́нѣ, и при́сно, и во вѣ́ки вѣко́въ. Ами́нь.

Милосе́рдія две́ри отве́рзи на́мъ, Благослове́нная Богоро́дице, надѣ́ю­щіися на Тя́ да не поги́бнемъ, но да изба́вимся Тобо́ю отъ бѣ́дъ; Ты́ бо еси́ спасе́ніе ро́да Хрістіа́нскаго.

Тропарь Пресвятѣй Троицѣ

Благослове́нъ еси́ Трисвяты́й Го́­споди Бо́же на́шъ, и́же всю́ тва́рь Прему́дростiю Твое́ю созда́вый и па́дшій ро́дъ человѣ́чь Ми́лостiю Свое́ю не оста́вивый, покая́в­шим­ся же грѣ́шникомъ Живо́тъ Вѣ́чный дарова́ти обѣща́вый Человѣко­лю́бче, Сла́ва Тебѣ́!

Вся си́лы души́ моея́, прiиди́те, покло­ни́мся Бо́гу, въ Тро́ицѣ еди́ному, Отцу́ и Сы́ну и Свято́му Ду́ху!

Вся мы́сли се́рдца моего́, прiиди́те, пок­ло­­ни́мся Тро́ицѣ, во Едини́цѣ почита́емѣй!

Вся чу́вства тѣ́ла моего́, прiиди́те, поклони́мся и припаде́мъ и воспла́чемся предъ Го́сподемъ, сотво́ршимъ на́съ!

Покланя́юся Тебѣ́, Пресвята́я, Едино­су́щ­ная, Животворя́ща и Нераздѣли́мая Тро́и­це: О́тче, Сы́не, и Святы́й Ду́ше : вѣ́рую въ Тя и исповѣ́дую, сла́влю, благо­дарю́, хва­лю́, почита́ю, превозношу́ Тя́ и молю́: поми́луй мя, непотре́бнаго раба́ Твоего́!

Го́споди, поми́луй. (12-ть раз)

 

 

Псаломъ 131-й