Сделай необходимые согласования в предложениях.

1) Аркадий Мошев, Василий Игнатов, Рем Ермолин – нималана коми (серпасасьысь).

2) Меным ёна (кажитчыны) Виталий Кокачёвлӧн «В госпитале» серпас,
сы вöсна мый сiйö сьöлöм вöрзьöдана.

3) Сергей Добряков (серпасавны) коми вӧр-ва.

4) Николай Лемзаков (серпасасьны) 18 арӧссянь.

5) Ванялы кажитчӧны удж йылысь (серпас), сы вöсна мый найö збыль олöмысь.

6) Кык во сайын Сыктывкарын (мунны) Аркадий Мошев серпасъяслӧн выставка.

7) Василий Игнатовлӧн (серпас) югыдӧсь, мичаӧсь, ловъяӧсь.

8) Герман Тонков (серпасавны) иконаяс. Сійӧ медводдза коми иконописец.

8. Сетöй öта-мöдлы юалöмъяс да вочавидзöй на вылö.

Задайте друг другу следующие вопросы и ответьте на них.

1) Кодi тэнад медся радейтана серпасасьысь?

2) Мыйла тэныд кажитчöны сылöн серпасъясыс?

3) Ветлін-ӧ тэ серпасасьысьлӧн выставка вылӧ? Художественнöй музейö?

4) Тэ радейтан серпасасьны?

5) Мый тэ радейтан серпасавны?

9. а) Послушай аудиозапись и скажи, о каком событии культурной жизни Республики Коми в ней рассказывается.

1961 воын петкöдлiсны «Яг-Морт» нима медводдза коми национальнöй балет. Сiйöс лöсьöдöма «Яг-Морт» легенда серти. Яг-Морт – тайö вöрса олысь, йöзлы лёк вöчысь. Балетыс ёна кажитчис видзöдысьяслы, торйöн нин мойд кодь декорацияяс да артистъяслöн яръюгыд костюмъяс понда. Дасьтiс декорация да костюм эскизъяссö Василий Георгиевич Игнатов, кодi 40 сайö во серпасалiс коми легендаяс да преданиеяс. «Яг-Морт» балет кажитчö йöзыслы и талун.

 

Игнатов В.Г. Эскиз костюма Яг-Морта к балету Я.Перепелицы «Яг-Морт»	Игнатов В.Г. Эскиз костюма Ёмы к балету Я.Перепелицы «Яг-Морт»

б) Помав сёрникузяяссö.

Закончи предложения.

1) 1961 воын петкöдлiсны ….

2) «Яг-Морт» балетсö лöсьöдöма ….

3) Балетыс кажитчис йöзыслы ….

4) Декорация да костюм эскизъяссö дасьтiс ….

5) 40 сайö во Василий Георгиевич Игнатов ….

 

в) Рассмотри эскизы театральных костюмов, выполненных
В.Г. Игнатовым, и опиши их.

 

10. а) Прочитай, о чём беседуют ученики художественной школы Ирина и Сергей, и назови тему их разговора.

Ирина: Чолӧм, Сергей! Кутшӧм тайӧ альбом тэнад?

Сергей: Анна Степановна сетіс гортӧ видзӧдлыны Аркадий Васильевич Мошевлысь серпасъяссӧ. Сылӧн петӧма «Мифология народа Коми в графике А.В. Мошева» нима альбом.

Ирина: Ме тӧда, мый Аркадий Мошев нималана коми серпасасьысь. Вай видзӧдлам альбомсӧ ӧтлаын.

Сергей: Со видзӧд, сійӧ серпасасьӧ карандашӧн. Серпасалӧма коми преданиеясысь персонажъясӧс. Со Йиркап, Шыпича, Пера-богатырь, Кудым Ош, Яг-Морт, Пам Сотник. Тайӧ альбомын 43 серпас.

Ирина: Ме кывлі, мый серпасасьысь Мошев уна во уджаліс Коми книжнӧй издательствоын. Серпасаліс коми да роч гижысьяслысь зэв уна небӧг.

Сергей: Ёна мичмӧдӧны сылӧн серпасъясыс челядьлы коми мойд чукӧръяс. Аркадий Васильевичлӧн серпасъясыс пырисны Иван Куратовлӧн «Закар ордын» небӧгӧ.

Ирина: Менам гортын эм Владимир Тиминлӧн «Эжва Перымса зонка» повесьт. Серпасасьысьыс сэні тшӧтш Аркадий Мошев.

Сергей: Меным кажитчӧны Мошевлӧн серпасъясыс. Найӧ зэв шаньӧсь, ловъяӧсь. Весиг менам ичӧт вок радейтӧ видлавны сылысь серпасъяссӧ. Шуӧ, мый найӧ зэв мичаӧсь.

Ирина: Сылысь уджъяссӧ петкӧдлісны выставкаяс вылын. Сэки тöдмалi, мый Аркадий Мошев чужис Кудымкарын.

Сергей: Анна Степановна висьталіс, мый Аркадий Мошев 8 арӧсын серпасалӧма медводдза портрет: суседсӧ да сылысь вӧвсӧ. Школаын быд стенгазетын вӧліны сылӧн серпасъяс. Ичӧтсянь Аркадий Мошев кӧсйис лоны серпасасьысьӧн, кӧть бать-мамыс шуисны, мый тайӧ абу удж.

Ирина: Сідзкӧ, прӧстӧй коми-пермяцкӧй семьяысь петіс паськыда нималана серпасасьысь. Гашкӧ, и миян школаысь коркӧ петасны нималана художникъяс.

Йиркап и волшебные лыжи	Кöрт Айка и Стефан Пермский

 

б) Аддзы да бырöд öшыбкаяссö, кодъяс лоисны сёрникузяясын компьютернöй вирус понда.

Найди и исправь неточности, которые появились в предложениях из-за компьютерного вируса.

 

1) Нималана серпасасьысь чужис Коми республикалӧн юркарын.

2) Коми велӧдысьяс семьяысь петіс паськыда нималана серпасасьысь.

3) Мошевлӧн серпасъясыс серпасалöны збыль олöмысь лоöмторъяс.

4) Владимир Тиминлысь «Эжва Перымса зонка» повесьт мичмӧдісны Василий Игнатовлӧн серпасъясыс.

5) Аркадий Мошев серпасасис акварельӧн.

в) Вочавидз юалöмъяс вылö.

1) Кутшӧм стильӧн серпасасьӧ Аркадий Мошев?

2) Мый серпасаліс нималана серпасасьысь?

3) Мыйла Сергейлы да сылӧн вокыслы кажитчӧны Мошевлӧн серпасъясыс?

4) Кӧні уджаліс Аркадий Мошев?

5) Кутшӧмӧн вӧлі Аркадий Мошев ичӧтдырйиыс?

 

г) Расскажи об Аркадии Васильевиче Мошеве по плану.

1) Кӧні чужис.

2) Сылӧн ичӧтдыр.

3) Мый радейтӧ серпасавны.

4) Кыдзи серпасасьö.

5) Нималана серпасъяс.

6) Кутшӧм сылӧн серпасъясыс.

 

 

 

11. а) Подготовь план сообщения о любом художнике Республики Коми.

б) Используя план, познакомь одноклассников с творчеством художника. Проиллюстрируй сообщение одной или несколькими картинами художника.

 

 

У рок и 49-50

Нималана земляк

Известный земляк

На уроке ты научишься

Рассказывать о земляке творческой профессии.

1. Видлав сёрникузяяссö да висьтав, кыдзи тэ найöс гöгöрвоан.

Проанализируй предложения и объясни, как ты их понимаешь.

1) Миян Республикаын уна нималана йӧз: гижысьяс, кывбуралысьяс, серпасасьысьяс. 2) Творческӧй профессияа йӧз нимӧдӧны Коми мусö став мир пасьта. 3) Опера да балет театр водзын сулалӧ медводдза коми кывбуралысьлы памятник. 4) Медводдза коми гижысь-драматурглысь нимсӧ сетӧма Коми республикаса драма театрлы. 5) Уналы тӧдсаӧсь Рем Ермолинлӧн да Василий Игнатовлӧн нимъясыс, найӧ – нималана серпасасьысьяс. 6) 2006-öд восянь быд во ставмирса поэзия лунö Сыктывкарын нуöдöны «Поэтическöй марафон».
7) «Поэтическöй марафон» вылын И.А. Куратов нима музейын лыддьöны ассьыныс кывбуръяссö республикаса да мукӧд регионса кывбуралысьяс.
8) Анжелика Елфимова, Алёна Шомысова, Алёна Ельцова – нималана коми кывбуралысьяс. 9) Кывбуралысьяс аслас кывбуръясын нимкодясьöны да нимӧдӧны чужан коми мусӧ, коми кывсӧ да коми войтырсӧ.

 

 

2. Аддзы пöвсö.

Установи соответствия.

Вöч тадзи: Яков Перепелица, Прометей Чисталёв – Коми Республикаын нималана композиторъяс.

 

1) Иван Куратов 2) Виктор Савин 3) Рем Ермолин 4) Владимир Тимин 5) Герман Тонков 6) Елена Габова 7) Алёна Ельцова 8) Николай Лемзаков 9) Геннадий Юшков 10) Иван Торопов 11) Аркадий Мошев 12) Василий Лыткин 13) Елена Козлова

а) кывбуралысь б) гижысь в) серпасасьысь

 

3. а) В честь празднования 95-летия Республики Коми был объявлен конкурс на тему «Менам нималана земляк». Послушай высказывания ребят и назови все творческие профессии, которые в них встречаются.

Ирина: А миян Удора районса Ёртом сиктын чужис нималана коми гижысь Галина Васильевна Бутырева. Сiйö вöлi «Арт» журналын главнöй редакторöн. Галина Бутырева гижö Коми му йылысь, вöр-ва йылысь, олöм йылысь кывбуръяс. Сылысь кывбуръяссö вуджöдiсны эстонскöй, финскöй, венгерскöй кывъяс вылö. Нöшта Удора районын чужис нималана коми гижысь Альберт Егорович Ванеев.

 

Сергей: А Луздор районса Занулье сиктын чужис нималана коми гижысь Василий Васильевич Юхнин. Сiйö гижис кывбуръяс, поэмаяс, очеркъяс. Занулье сиктын пыр на сулалö Василий Юхнинлöн керкаыс. 2007 воын гижысьлы сэнi сувтöдiсны памятник.

 

Валя: Емдiн сиктысь петiс нималана коми драматург Николай Михайлович Дьяконов. Сiйö помалiс Ленинградскöй театральнöй училище. Уджалiс актёрöн да режиссёрöн Коми национальнöй театрын.

 

б) Соотнеси район и имя известного земляка.

Луздор район Удора район Емдiн район

Альберт Егорович Ванеев Василий Васильевич Юхнин Галина Васильевна Бутырева Николай Михайлович Дьяконов

в) Заполни таблицу.

Земляк	Чужанiн	Профессия ним