ое воскресенье после 13 декабря / 30 ноября

Тропарь, глас № 5:

    Днесь Вселенная светло ликовствует, / прославляюще Первозваннаго апостола Андрея с последователями своими, мученицами Инною, Пинною и Риммою, / апостолами Стахием, Амплием, Урваном и Филологом, / и со преподобною матерью нашею Поликсенией, / тии убо Господу житием своим, трудами и кончиною неленостне послужиша и Истину Нетленную нам явиша. // Тех предстательством, Долготерпеливе Господи, Вселенную в братолюбии, и единомыслии и милосердии сохрани до скончания века.

 

Кондак, глас № 3:

    Апостоле Христов Андрее Первозванне, сродниче Петров единокровне и Истины Христовой неленостне благовестителю, / вкупе с мученицами Инною, Пинною и Риммою, / апостолами Стахием, Амплием, Урваном и Филологом, / и преподобною матерью нашею Поликсенией, // Владыку всех молите даровати нам оставление прегрешений   

и велию милость.

 

Икос, глас № 4:

    Святый апостоле Христов Андрее Первозванне, / дерзновенне учения Христова проповедниче и попечителю неленостне о душах наших, / ты бо сети гласа апостольскаго над Вселенною раскинувый, / такожде и мучеников Инну, Пинну и Римму, / апостолов Стахия, Амплия, Урвана и Филолога, / и преподобную матерь нашу Поликсению Христу Богу унаследовавый. // Тем же молим вас, апостоле Христов Андрее, со всеми своими последователями, Христа Бога умолите даровати нам оставление прегрешений и велию милость.

Стихира, глас № 1

(коленопреклоненная):

    Светозарнии сосуды благодати Духа Святаго, /

наследницы Небеснаго Иерусалима, / дерзновении

Истины Христовой проповедницы, / апостоле Христов Андрее, со своими последователями: мучениками Инною, Пинною и Риммой, / апостолами Стахием, Амплием, Урваном и Филологом, / и преподобною матерью нашей Поликсенией, // Владыку всех молите долгов разрешение нам даровати, и спасение,

и велию милость.

 

Величание

    Величаем вас, апостоле Христов Андрее, / вкупе с последователями твоими, мучениками Инною, Пинною и Риммой, / апостолами Стахием, Амплием, Урваном и Филологом, / и преподобною матерью нашей Поликсенией, / и чтим святую память вашу, / вы бо непрестанно и усердно молите о нас Христа Бога нашего.

 

Припевы на молебне:

Святый апостоле Христов Андрее, моли Бога о нас!

 

 

Святии мученицы Инне, Пинне и Римме,   

молите Бога о нас!

 

 

Святии апостоли Стахие, Амплие, Урване  

и Филологе, молите Бога о нас!

 

 

Преподобная мати наша Поликсение,   

моли Бога о нас!

 

Молитва Собору

Апостола Андрея Первозванного

    О, святии апостоле Христов Андрее, мученицы Инне, Пинне и Римме, апостоли Христовы Стахие, Амплие, Урване и Филологе, преподобная мати наша Поликсение! Приимите глас нас недостойных и смиренных, во еже даровати нам  

от Господа оставление всех прегрешений наших вольных и невольных, помощи в добрых делех и начинаниях, благоугодных Господу, здравие духовное, душевное и телесное, даровати нам благопотребное и душеспасительное для жизни временней

и наследия Живота вечнаго, храму нашему, земле Пермской, стране Российской, и всей Вселенной ответ благоприятен на Страшнем Судилище Божьем и наследия Царствия Небеснаго.

Да сподобимся вкупе с вами и со всеми святыми славити и воспевати Пречестное и Великолепое Имя Господне, Отца,  

и Сына, и Святаго Духа, ныне   и присно, и во веки веков. Аминь.

 

Святии апостоле Христов Андрее, мученицы Инне, Пинне и Римме, апостоли Стахие, Амплие, Урване и Филологе, преподобная мати наша Поликсение, молите Бога о нас!

По благословению настоятеля храма апостола Андрея Первозванного города Перми,

протоиерея о. Александра (Толокнова).

Храм апостола Андрея Первозванного

Города Перми

Пермская Митрополия,

Пермь, 2020 год.