Святый апостоле Андрее моли Бога о нас.

 

Прите́кл еси́ жа́ждею не зва́н, андре́е, но самово́льне жи́зни ко исто́чнику, я́коже еле́нь, и все́м сего́ обре́т пропове́дал еси́: и пи́в, напои́л еси́ нетле́ния вода́ми иста́явшия жа́ждею концы́.

 

 

И́н.

Святый апостоле Андрее моли Бога о нас.

 

Да утверди́тся се́рдце мое́ в во́ли твое́й, Христе́ Бо́же, и́же над вода́ми не́бо утвержде́й второ́е, и основа́вый на вода́х зе́млю, всеси́льне.

Святый апостоле Андрее моли Бога о нас.

 

Сло́вом призыва́ющему, гряди́ во сле́д мене́, Христу́ а́бие после́дова со андре́ем и ки́фа, роди́теля оста́вивше, и ладию́ и мре́жи, я́ко ве́ры предусмотри́телие.

 

Сла́ва И ны́не.

Катава́сия:

Хор: Пре́жде век от Отца́ рожде́нному нетле́нно Сы́ну/ и в после́дняя от Де́вы/ воплоще́нному безсе́менно,/ Христу́ Бо́гу возопии́м:/ вознесы́й рог наш,// свят еси́, Го́споди.

Седа́лен, гла́с 8. Подо́бен: Прему́дрости:

 

Яко первозва́ннаго все́х учени́ико́в, и самови́дца (с. 637) сло́ва и служи́теля, андре́е апо́столе, по до́лгу чти́м тя́: а́гнцу бо, взе́млющему грехи́ ми́ра, несомне́нною ве́рою те́пле после́довал еси́: отону́дуже и стра́сти его́ о́бщник показа́лся еси́, пло́тию претерпе́вшаго на́с ра́ди во́льно сме́рть. сего́ ра́ди вопие́м ти́: моли́ся Христу́ Бо́гу, грехо́в оставле́ние пода́ти пра́зднующим любо́вию святу́ю па́мять твою́.

 

Сла́ва, и́н седа́лен, гла́с и подо́бен то́йже:

 

и́дольския свире́пства низложи́в, Спа́совы стра́сти вожделе́в, андре́е блаже́нне, показа́лся еси́ апо́стол, с Небе́се́ все́м точа́ чудеса́, и язы́ков бы́л еси́, всеблаже́нне, учи́тель. те́м твою́ па́мять досто́йно чту́ще, в пе́снех сла́вим, и ве́рно велича́ем, Госпо́день апо́столе, моли́ся Христу́ Бо́гу, грехо́в оставле́ние дарова́ти пра́зднующим любо́вию святу́ю па́мять твою́.

 

И ны́не, Богоро́дичен:

Ра́дуйся, престо́ле огнезра́чный Бо́жий: ра́дуйся, отрокови́це, седа́лище ца́рское, о́дре упещреннопостла́нный, златопорфи́рный черто́же, хлами́до червленоша́рная, украше́нный хра́ме, молниено́сная колесни́це, свети́льниче многосве́тлый: ра́дуйся, Богоро́дице, двонадесятосте́нный гра́де, и две́рь златоко́ванная, и черто́же светообра́зный, светлопозлаще́нная трапе́зо, Богоукраше́нная ски́ние: ра́дуйся, сла́вная неве́сто солнцека́плющая: ра́дуйся, еди́на души́ моея́ благоле́пие.

 

Пе́снь 4. ирмо́с: Ду́хом прови́дя, проро́че авваку́ме, словесе́ воплоще́ние, пропове́дал еси́, вопия́: внегда́ прибли́житися ле́том, позна́ешися, внегда́ приити́ вре́мени, пока́жешися. сла́ва си́ле твое́й, Го́споди.

Пресвятая Богородице спаси нас

Де́во всесвя́та́я, нескве́рная ски́ние, оскверне́на мя́ прегреше́ньми, очи́сти ны́не щедро́т твои́х чисте́йшими (с. 638) кропле́ньми, и да́ждь ми́ ру́ку по́мощи, да зову́: сла́ва тебе́, чи́стая, Богопросла́вленная.

Пресвятая Богородице спаси нас

Хра́м освяще́нный яви́лася еси́ Бо́га, в тя́ все́льшагося, Де́во, па́че ума́: того́ моли́ грехо́вныя на́с скве́рны очи́стити, я́ко да хра́м позна́емся и оби́телище Ду́ха.

Святый апостоле Андрее моли Бога о нас

Боже́ственная, истреби́тельная го́ршаго, вседе́тельнаго и светоза́рнаго Ду́ха си́ла, в тя́, андре́е, все́льшися Боголе́пне, о́гненнаго язы́ка во о́бразе, неизрече́нных показа́ тя пропове́дника.

Святый апостоле Андрее моли Бога о нас

Не ору́жия ко мще́нию взя́ше плотска́я, и к низверже́нию кре́пких тверды́нь вра́жиих андре́й всечестны́й, но Христо́м огради́вся принесе́, плени́в язы́ки в послуша́ние.

 

Святый апостоле Андрее моли Бога о нас

Ду́хом прови́дя, проро́че авваку́ме, словесе́ воплоще́ние, пропове́дал еси́, вопия́: внегда́ прибли́житися ле́том, позна́ешися: внегда́ приити́ вре́мени, пока́жешися. Сла́ва си́ле твое́й, Го́споди.

Святый апостоле Андрее моли Бога о нас

Мре́жи твоя́ пове́рг, и взе́м Крест, путе́м после́довал еси́ зову́щему Христу́, и мре́жу Ду́ха распросте́р, вме́сто ры́б челове́ки ло́виши: сла́ва да́вшему ти́ Ду́ху.

Сла́ва, И ны́не:

 

Пе́снь 5. ирмо́с:Тво́й ми́р да́ждь на́м, Сы́не Бо́жий, ино́го бо, ра́зве тебе́, бо́га не зна́ем, и́мя твое́ имену́ем, я́ко Бо́г живы́х и ме́ртвых еси́.

Пресвятая Богородице спаси нас

зе́ницы се́рдца моего́ разве́рзи, чи́стая, зре́ти ми́ я́сно Боже́ственное сия́ние, и твою́ сла́ву неизрече́нную, я́ко да ми́лость получу́ и ве́чную сла́ву.