О заднице боярьстеи и о дружьнеи 





Мы поможем в написании ваших работ!



ЗНАЕТЕ ЛИ ВЫ?

О заднице боярьстеи и о дружьнеи



86. Аже в боярехъ любо въ дружине, то за князя задниця не идеть; но оже не будеть сыновъ, а дчери возмуть.

87. Аже кто оумирая разделить домъ свои детемъ, на том же стояти; паки ли безъ ряду оумреть, то всемъ детемъ, а на самого часть дати души.

88. Аже жена сядеть по мужи, то на ню часть дати; а что на ню мужь възложить, тому же есть госпожа, а задниця еи мужня не надобе. Будуть ли дети, то что первое жены, то то возмуть дети матере своея; любо си на женоу будеть възложилъ, обаче матери своеи возмуть.

89. Аже будеть сестра в домоу, то тои заднице не имати, но отдадять ю за мужь братия, како си могуть.

А се закладаюче городъ

90. А се оуроци городнику: закладаюче городню, куну взяти, а кончавше ногата; а за кормъ, и за вологу, и за мяса, и за рыбы 7 кунъ на неделю, 7 хлебовъ, 7 оуборковъ пшена, 7 луконъ овса на 4 кони: имати же ему, донеле городъ срубять, а солоду одину дадять 10 луконъ.

О мостницехъ

91. А се мостнику оуроци: помостивше мостъ, взяти 10 локотъ по ногате; аже починить моста ветхаго, то колико городне починить, то взяти ему по куне от городне; а мостнику самому ехати со отрокомь на дву коню, 4 лукна овса на неделю, а есть, что можеть.

А се о заднице

92. Аже будуть робьи дети оу мужа, то задници имъ не имати, но свобода имъ смертию(а).

К ст. 92. а) В Троицком первоначально было "смертию", но переправлено на "с матерью": так же в Син. и Пушкинском.

93. Аже будуть в дому дети мали, а не джи ся будуть сами собою печаловати, а мати имъ поидеть за мужь, то кто имъ ближии будеть, тому же дати на руце и с добыткомь и с домомь, донеле же возмогуть; а товаръ дати перед людми; а что срезить товаромь темь ли пригостить, то то ему собе, а истыи товаръ воротить имъ, а прикупъ ему собе, зане кормилъ и печаловалъся ими; яже от челяди плод или от скота, то то все поимати лицемь; что ли будеть ростерялъ, то то все ему платити детемъ тем.

94. Аче же и отчимъ прииметь дети с задницею, то тако же есть рядъ. А дворъ без дела отень всякъ меншему сынови.

О жене, аже ворчеться седети

95. Аже жена ворчеться седети по мужи, а ростеряеть добыток и поидеть за мужь, то платити еи все детемъ. Не хотети ли начнуть дети еи ни на дворе, а она начнеть всяко хотети и седети, то творити всяко волю, а детемъ не дати воли; но что еи далъ мужь, с тем же еи седети, или, свою часть вземше, седети же.

96. А матерня часть не надобе детемъ, но кому мати дасть, тому же взяти; дасть ли всемъ, а вси розделять; безъ языка ли оумреть, то оу кого будеть на дворе была и кто ю кормилъ, то тому взяти.

97. Аже будуть двою мужю дети, а одиное матери, то онемъ своего отця задниця, а онемъ своего. Будеть ли потерялъ своего иночима что, a отця, а оумреть, то възворотить брату, на не же и людье вылезуть, что будеть отець его истерялъ иночимля; а что ему своего отця, то держить.

98. А матери которыи сынъ добръ, перваго ли, другаго ли, тому же дасть свое; аче и вси сынове еи будуть лиси, а дчери можеть дати, кто ю кормить.

А се оуроци судебнии

99. А се оуроци судебнии: от виры 9 кунъ, а метелнику 9 векошь, а от бортное земли 30 кунъ, а о инехъ о всехъ тяжь, кому помогуть, по 4 куны, а метелнику 6 векошь.

О заднице

100. Аже братья ростяжються передъ княземь о задницю, которыи детьскии идеть их делитъ, то тому взяти гривна коунъ.

Оуроци ротнии

101. А се оуроци ротнии: от головы 30 кунъ, а отъ бортьное земли 30 кунъ бес трии кунъ, тако же и отъ ролеиное земли, а от свободы 9 кунъ.

О холопьстве

102. Холопьство обелное трое: оже кто хотя купить до полу гривны, а послухи поставить, а ногату дасть перед самемъ холопомь.

103. А второе холопьство: поиметь робу без ряду, поиметь ли с рядомь, то како ся будеть рядилъ, на том же стоить.

104. А се третьее холопьство: тивуньство без ряду или привяжеть ключь к собе без ряду, с рядомь ли, то како ся будеть рядилъ, на том же стоить.

105. А въ даче(а) не холопъ, ни по хлебе роботять, ни по придатъце; но оже не доходять года, то ворочати ему милость; отходить ли, то не виноватъ есть.

К ст. 105. а) В Троицком первоначально было "въ даче", но переправлено на "ер". В Син. "даче", в Пушк. "А въда y", но это испорченное из "въ даче"; в новгородском говоре "ч" менялось "ц" и обратно, поэтому первоначально было "а в даце".

106. Аже холопъ бежить, а заповесть господинъ, аже слышавъ кто или зная и ведая, оже есть холопъ, а дасть ему хлеба или оукажеть ему путь, то платити ему за холопъ 5 гривенъ, а за робу 6 гривенъ.

107. Аже кто переиметь чюжъ холопъ и дасть весть господину его, то имати ему переемъ гривна; не оублюдеть ли, то платити ему 4 гривны, а пятая переемная ему; а будеть роба, то 5 гривенъ, а шестая на переемъ отходить.

108. Аже кто своего холопа самъ досочиться въ чьемь любо городe, а будеть посадникъ не ведалъ его, то, поведавше ему, пояти же ему отрокъ от него и шедше оувязати и, и дати ему вязебную 10 кунъ, а переима нетуть; аче оупустить и гоня, а собе ему пагуба, а платить в то никто же, тем же и переима нетуть.

109. Аже кто не ведая чюжь холопъ оусрячеть и, или повесть дееть, любо держить и оу собе, а идеть от него, то ити ему роте, яко не ведалъ есмь, оже есть холопъ, а платежа в томь нетуть.

110. Аче же холопъ кде куны вложить(а), а онъ будеть не ведая вдалъ, то господину выкупати али лишитися его; ведая ли будеть далъ, а кунъ ему лишитися.

К ст. 110. а) В Пушк. "вылжеть".

111. Аже пустить холопъ в торгъ, а одолжаеть, то выкупати его господину и не лишитися его.

112. Аже кто кренеть чюжь холопъ не ведая, то первому господину холопъ поняти, а оному куны имати роте ходивше, яко не ведая есмь купилъ, ведая ли будет купилъ, то кунъ ему лиху быти.

113. Аже холопъ бегая будеть добудеть товара, то господину долгъ, господину же и товаръ, а не лишатися его.

114. Аже кто бежа, а поиметь суседне что или товаръ, то господину платити за нь оурокъ, что будеть взялъ.

115. Аже холопъ крадеть кого любо, то господину выкупати и любо выдати и, с кимь будеть кралъ, а жене и детемъ не надобе, но оже будуть с нимь крали и хоронили, то всехъ выдати, паки ли а выкупаеть господинъ; аже будуть свободнии с нимь крали или хоронили, то князю въ продаже.

 

ДОПОЛНИТЕЛЬНЫЕ ИСТОЧНИКИ

Челядь и холопы

Маврикий, «Стратегикон», кон. VI в.: «Племена склавов и антов одинаковы и по образу жизни, и по нравам; свободные, они никоим образом не склонны ни стать рабами, ни повиноваться, особенно в собственной земле… Пребывающих у них в плену они не держат в рабстве неопределенное время, как остальные племена, но, определив для них точный срок, предоставляют на их усмотрение: либо они пожелают вернуться домой за некий выкуп, либо останутся там как свободные люди и друзья» (Maur. XI.4; цит. по: Свод. 1991. Т. I. С. 369-375).

 

Ибн Русте, «Книга драгоценных сокровищ», 903–913 гг.: «С рабами [русы] обращаются хорошо и заботятся об их одежде, потому что занимают их при торговле…».

 

Гардизи, «Краса повествований», сер. XI в.: «И эти люди (русы) постоянно нападают на кораблях на славян, захватывают славян, обращают в рабов, отвозят в Хазаран и Балкар и там продают».

 

Ал-Гарнати, «Выборка воспоминаний о чудесах стран», сер. XII в.: «А у славян строгие порядки. Если кто-нибудь нанесет ущерб невольнице другого, или его сыну, или его скоту или нарушит законность каким-нибудь образом, то берут с нарушителя некоторую сумму денег. А если у него их нет, то продают его сыновей и дочерей и его жену за это преступление. А если нет у него семьи и детей, то продают его. И остается он рабом, служа тому, у кого он находится, пока не умрет или не отдаст то, что заплатили за него. И совсем не засчитывают ему в его цену ничего за служение господину. А страна их надежная. Когда мусульманин имеет дело с кем-нибудь из них, и славянин обанкротился, то продает он и детей своих и дом свой и отдает этому купцу долг».

 

Гервазий Тильберийский, «Императорские досуги», перв. треть XIII в.: «…народ русский, коснею­щий в праздности, со страстью предающийся охоте и неумеренному чревоугодию, почти никогда не преступает границ своей страны. Если же ко­го-либо посетит желание путешествовать, то для исполнения его он посы­лает своих рабов, которых у них множество, а по завершении путешествия за труды им в награду даруется свобода. Вот почему те ходят, выпраши­вая помощь у чужеземцев, нагие и нищие, презираемые всеми, как хрис­тианами, так и язычниками, не находя ни врага, ни грабителя, как будто это о них написано: “Неимущий путник поет песни даже завидев разбой­ника” (цитата из римского поэта Ювенала)».

 

Повесть временных лет (Ипатьевская летопись), кон. XII в.: «В лѣто . ҂s҃ . у҃ . к҃. [6419(911)]… аще полонѧннкъ ѡбою страну дѣржим̑ єсть . или ѿ Руси или ѿ Грѣкъ . проданъ въ ину страну . ѡже ѡбрѧщетьс̑ или Русинъ или Грѣчинъ . да не купѧть и възвратѧть и . скупленоє лице въ сво̑ю страну . и възмуть чѣну єго купѧщии . или мнитьсѧ въ куплю на дань челѧдинаӕ цѣна…; аще оукраденъ будеть челѧдинъ Рускыи . или въскочить . или по нужи̑ проданъ будет̑ . и жаловати начнуть Русь . да покажетьт̑ таковоє ѿ чє̑лѧдина . да имуть и въ Русь . но и гостьє погубїша челѧдинъ . и жалуют̑ . да ищють и ѡбрѣтаємоє да имуть є…

В лѣт̑ ҂s҃ х о҃ . и҃ . [6678(1170)]… и бъıс̑ вѣсть Половцем̑ ѿ кощѣӕ ѿ Гаврилкова . ѿ Иславича . ѡже идуть на нѣ кн҃зи Русьстии и побѣгоша… и толико взѧша полона множьство . ӕкоже всимъ . Рускимъ воемъ наполнитисѧ до изоѡбильӕ . и колодникъı и чагами и дѣтми ихъ и челѧдью . и скотъı и конми . хрс̑тьӕнъı же ѿполонивше пустиша на свободу вси…».

 

«Слово о полку Игореве», XII (?) в.: «Аже бы ты былъ,то была бы чага по ногатѣ, а кощей по резанѣ».

Изгои и рядовичи

 

Церковный устав вел. кн. Всеволода Ярославича, кон. XI в.: «А се церковныи люди: игуменъ, игумениа, попъ, дияконъ и дѣти ихъ, а кто въ крилосѣ, попадия, чернець, черница, проскурниця, паломникъ, свѣщегасъ, стороникъ, слѣпець, хромець, вдовиця, пущеникъ, задушьныи человѣкъ, изгои трои: поповъ сынъ грамоты не умѣеть, холопъ из холопьства выкупится, купѣць одолжаеть; а се четвертое изгоиство и себе приложимъ: аще князь осиротѣеть…».

 

«Наставления духовника кающимся грешникам», ок. XII в.: «И се пакы горее всего емлющим изгойстсво на искупающихся от работы: не имуть бо видети мило­сти… Такоже, иже кто выкупается на свободу, то толико же дасть на собе, колико же дано на немь; потом же, будя свободен, ти добудеть детей, то начнуть имати изгойство на них…».

 

Уставная грамота князя Ростислава Мстиславича, сер. XII в.: «и се даю… село Дросенское, со изгои и з землею святей Богородици и епископу, и село Ясенское, и з бортником и з землею и с изгои…».

 

Даниил Заточник, «Моление», XII в.: «Не имей собе двора близ княжа двора и не держи села близ княжа села: тиун бо его аки огнь трепетицею накладен, и рядовичи его аки искры: аще от огня устережешися, но от искор не можеши устеречися…».

 

Смерды

 

Новгородская первая летопись мл. извода: «В лѣто 6524 [1016]… Ярославъ иде къ Кыеву, сѣде на столѣ отца своего Володимира; и абие нача вои свои дѣлитѣ старостамъ по 10 гривенъ, а смердомъ по гривнѣ, а новгородцомъ по 10 гривенъ всѣмъ, и отпусти ихъ всѣх домовъ…

В лѣто 6579 [1071]… В се же время приключися приити от Святослава Яневи, сыну Вышатину, сбирати данѣ. Повѣдаша же ему бѣлозерци, яко “суть у нас два кудесника и избиша многыя жены по Волзи, по Шекъшнѣ и нонѣ приидоста сѣмо в нашю землю”. Янь же, испытавъ, чья еста смерда, и увѣдавши ясно, яко суть князя Святослава, и сице пославши к ним, и рече иже суть около двою кудесникъ: “выдаите ми волхва та сѣмо, яко тѣи суть смердѣ моего князя”. Они же сего не послушаша…

В лѣто 6701 [1193]… В то же лѣто идоша из Новагорода въ Югру ратью с воеводою Ядрѣикомъ; и приидоша въ Югру и взяша город, и приидоша къ другому городу, и затворишася въ градѣ, и стояша под городомъ 5 недѣль; и посылаху из города к нимъ съ льстивою рѣчью, ркуще тако: яко “сбираемъ сребро, и соболѣ, и иная узорочиа, а вы не губите нас, своих смердовъ и своеи дани”…

В лѣто 6677 [1169]. Иде Даньславъ Лазутиниць за Волокъ даньникомъ съ дружиною своею, и присла Андрѣи полкъ свои на нѣх, и бишася с ними, и бяше новгородѣць 400, а суздалець 7000; и пособи богъ новгородцемъ, и паде ихь 300 и 1000, а новгородцовъ 15 мужь, и отступиша новгородци, и опять ся воротивше, взяша всю дань, а на суздальскых смердехъ другую, и приидоша вси здрави…

В лѣто 6737 [1229]. Прииде княз Михаилъ ис Чернигова в Новъгород… и вдасть свободу смердом на 5 лѣт дани не платити, кто сбѣжалъ на чюжю землю, а симъ повелѣ, хто здѣ живеть, како уставилѣ преднии князи, тако платите дань…

Въ лѣто 6644 [1136]. Индикта лѣта 14, новгородьци призваша пльсковиче и ладожаны и сдумаша, яко изгонити князя своего Всеволода… А се вины его творяху: 1, не блюдеть смердъ…»

 

«Повесть временных лет», Ипатьевская летопись: «В лѣт̑ . ҂s҃ . х҃ . а҃ı . [6611(1103)] Вложи Бъ҃ оу серьдце Русьскимъ кнѧземъ . мысль бл҃гу . Ст҃ополку . Володимеру . и снѧстасѧ думати на Долобьскѣ . и сѣде Ст҃ополкъ съ своею дружиною . а Володимеръ съ своею дружиною . а въ единомь шатрѣ и поча думати . и начаша гл҃ти дружина Ст҃ополча . не веремѧ веснѣ воевати . хочемь погубити смерды и ролью имъ . и реч̑ Володимеръ . дивно мѧ дружино . ѡже лошади кто жалуеть . еюже ѡреть кто . а сего чему не расмотрите . ѡже начтенъ смердъ ѡрати . и Половчинъ приѣха вдарить смерда стрѣлою . а кобылу его поиметь . а в село въѣхавъ поиметь жену его и дѣти . и все имѣнье его возметь . то лошади его жалуешь . а самого чему не жалуешь…»

 

Грамота вел. кн. Изяслава Мстиславича Новгородскому Пантелеймонову монастырю, XII в.: «А смердам витославлицам не потянути им ни ко князю, ни к епискупу, ни в городцкии потуги, ни к смердом ни в какии потуги, ни иною вивирицою, а потянути им ко святому Пантелемону в монастырь к игумену и к братьи».

 

ВОПРОСЫ И ЛИТЕРАТУРА ДЛЯ ПОДГОТОВКИ

 

1. Проанализируйте текст «Русской Правды» (далее РП) и, с опорой на специальную литературу и свидетельства источников, попытайтесь определить социальный и юридический статус челяди и холопов. Выявите общее и особенное в их положении. Ознакомьтесь со взглядами научной школы Б.Д. Грекова на данные социальные категории. Сделайте выводы.

2. По научной литературе определите основные точки зрения относительно социально-юридического положения закупов, изгоев и рядовичей. Сопоставьте ученые реконструкции с РП и дополнительными источниками. Сделайте выводы.

3. Ознакомьтесь со взглядами Б.Д. Грекова на социальную сущность категории смердов. Основываясь на статьях РП, касающихся смердов и общины, и сведениях дополнительных источников, выявите уязвимые места концепции Б.Д. Грекова и его школы.

 

РЕКОМЕНДУЕМАЯ ЛИТЕРАТУРА И ИСТОЧНИКИ

Российское законодательство Х–ХХ вв. М., 1988. Т. 1.

Греков Б.Д. Крестьяне на Руси. М., 1952. Т. 2.

Греков Б.Д. Киевская Русь. М., 1953.

Зимин А.А. Холопы на Руси. М., 1973.

Свердлов М.Б. От Закона Русского к Русской Правде. М., 1988.

Фроянов И.Я. Киевская Русь. Очерки социально-экономической истории. Л., 1974.

Фроянов И.Я. Рабство и данничество у восточных славян: VI–X вв. СПб., 1996.

http://litopys.org.ua/ (древнерусские тексты летописей)

http://www.auditorium.ru/ (крупнейшая русскоязычная электронная библиотека по истории)

 





Последнее изменение этой страницы: 2019-11-02; просмотров: 86; Нарушение авторского права страницы; Мы поможем в написании вашей работы!

infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 54.224.133.198 (0.009 с.)