Молитва пред иконою пресвятыя Богородицы, именуемою «Скоропослушница» 


Мы поможем в написании ваших работ!



ЗНАЕТЕ ЛИ ВЫ?

Молитва пред иконою пресвятыя Богородицы, именуемою «Скоропослушница»



 

О пресвятая дево, мати Господа вышняго, скоропослушная заступнице всех, к Тебе с верою прибегающих! Призри с высоты небеснаго величия Твоего на мя непотребнаго, ко святей иконе Твоей припадающа: услыши скоро смиренную молитву мене грешнаго и принеси ю к Сыну Твоему: умоли Его, да озарит мрачную душу мою светом Божественныя благодати Своея и очистит ум мой от помыслов суетных, да умирит страждущее мое сердце и исцелит раны его, да вразумит мя на добрая дела и укрепит работати Ему со страхом, да простит вся содеянная мною злая, да избавит от вечныя муки и не лишит небеснаго Своего царствия. О преблагословенная Богородице! Ты благоизволила еси нарещися во образе Твоем Скоропослушница, повелевающи всем притекати к Тебе с верою: не призри убо мене скорбнаго и не попусти погибнути мне в бездне грехов моих: на Тя по Бозе все мое упование и надежа спасения, и Твоему покрову и предстательству вручаю себе во веки веков.

 

От болезни в ногах

 

Молитва праведному Симеону Верхотурскому (см. «Об исцелении болезни очныя», с. 628), Божией Матери пред иконою Ее, именуемою «Скоропослушница» (см. «О прозрении слепых очей», с. 627).

 

О прогнании лукавых духов от человека

 

 

Молитва святому мученику Трифону

 

О святый мучениче Христов Трифоне, скорый помощниче всем к тебе прибегающим, и молящымся пред святым твоим образом скоропослушный предстателю! Услыши ныне и на всякий час моление нас, почитающих святую память твою во всечестнем храме сем (созданием на похвалу святому имени твоему) и предстательствуй о нас пред Господем на всяком месте: ты бо, угодниче Христов, святый мучениче и чудотворче Трифоне, в великих чудесех возсиявый, прежде исхода твоего от жития сего тленнаго молился еси за ны ко Господу и испросил еси у Него дар сей: аще кто в коей-либо нужде, беде, печали и болезни душевней или телесней призывати начнет святое имя твое, той избавлен будет от всякаго прилога злаго: и якоже ты некогда дщерь цареву, во граде Риме от диавола мучиму, исцелил еси: сице и нас от лютых его козней сохрани во вся дни жития нашего, наипаче же в день последняго нашего издыхания предстательствуй о нас: буди нам тогда помощник, и скорый прогонитель лукавых духов, и к царствию небесному предводитель, идеже ты ныне предстоиши с лики святых у престола Божия: моли Господа, да сподобит и нас причастники быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков.

 

Святому священномученику Киприану и святой мученице Иустине Кондак, гл. 1

 

От художества волшебнаго обратився, богомудре, к познанию божественному, показался еси миру врач мудрейший, исцеления даруя чествующим тя, Киприане, со Иустиною: с нею же молися Человеколюбцу Владыце, спасти душы наша.

 

Молитва

 

О святые угодники Божии Киприане со Иустиною! Подвигом добрым подвязавшиеся на земли, восприяли еси на небесех венцы правды, их же уготовал есть Господь всем любящым Его. Тем же взирающе на святые ваша образы, радуемся о преславнем скончании жительства вашего и чтим святую память вашу. Вы же, предстоя престолу Божию, поймите моления наши и ко Всемилостивому Богу принесите, о еже простите нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством вашим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков.

 

Тропарь, гл. 4

 

Мученик твой, Господи, Киприане во страдании своем венец прият нетленный от тебе Бога нашего: имея бо крепость твою, мучителей низложи, сокруши и демонов немощныя дерзости. Того молитвами спаси души наша.

 

Тропарь, гл. 4

 

Агница твоя, Иисусе, Иустина зовет велиим гласом: Тебе, женише мой, люблю, и Тебе ищущи страдальчествую, и сраспинаюся, и спогребаюся крещению Твоему: и стражду Тебе ради, яко да царствую в Тебе: и умираю за Тя, да и живу с Тобою: но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

 

Величание

 

Величаем вас, страстотерпцы святии, Киприане со Иустиною, и чтим четная страдания ваша, яже за Христа претерпели есте.

 



Поделиться:


Последнее изменение этой страницы: 2019-08-19; просмотров: 138; Нарушение авторского права страницы; Мы поможем в написании вашей работы!

infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 54.163.200.109 (0.048 с.)