Помощник и Покровитель бысть мне во спасение, / Сей мой Бог, и прославлю Его, / Бог отца моего, и вознесу Его.



Мы поможем в написании ваших работ!


Мы поможем в написании ваших работ!



Мы поможем в написании ваших работ!


ЗНАЕТЕ ЛИ ВЫ?

Помощник и Покровитель бысть мне во спасение, / Сей мой Бог, и прославлю Его, / Бог отца моего, и вознесу Его.



Помощник и Покровитель бысть мне во спасение, / Сей мой Бог, и прославлю Его, / Бог отца моего, и вознесу Его.

Пресвята́я Богоро́дице, спаси́ нас.

Богоро́дичен: Ра́дуйся, благода́ти исто́чниче,/ ра́дуйся ле́ствице, и две́ре небе́сная,/ ра́дуйся све́щнице, и ру́чко злата́я, и горо́ несеко́мая,// Я́же Жизнода́вца Христа́ ми́рови ро́ждшая.

Кано́н Богоро́дицы воскре́сный, глас 1:

на 10:Господь, сокрушаяй брани, / Господь Имя Ему, / колесницы фараоновы и силу его верже в море.

Пресвята́я Богоро́дице, спаси́ нас.

Ку́ю Ти досто́йную песнь на́ше принесе́т неможе́ние?/ то́чию обра́довательную,/ е́йже нас Гаврии́л та́йно научи́л есть:// ра́дуйся, Богоро́дице Де́во, Ма́ти Неневе́стная.

Пучиною покры я, / погрязоша во глубине яко камень.

Пресвята́я Богоро́дице, спаси́ нас.

Присноде́ве и Ма́тери Царя́ вы́шних сил,/ от чисте́йша се́рдца, ве́рнии, духо́вне возопии́м:// ра́дуйся, Богоро́дице Де́во, Ма́ти Неневе́стная.

Кано́н ру́сским святы́м, глас 8:

на 8:Тогда потщашася владыки Едомстии, / и князей Моавитских, прият я трепет, / растаяша вси живущии в Ханаане.

Вси святи́и земли́ Ру́сския, моли́те Бо́га о нас.

Вси в пе́снех духо́вных воспои́м согла́сно/ во благоче́стии просия́вшия Боже́ственныя отцы́ на́ша,/ я́же изнесе́ Ру́сския земли́ вся́ко ме́сто и страна́// и я́же Це́рковь Ру́сская воспита́.

Нападет на ня страх и трепет, / величием мышцы Твоея да окаменятся.

Вси святи́и земли́ Ру́сския, моли́те Бо́га о нас.


Ра́дуйтеся, святи́телие седмочи́сленнии:/ Васи́лие, Ефре́ме, Евге́ние, Елпи́дие, Агафодо́ре, Ефе́рие и Капито́не,/ в Херсо́не епи́скопствовавшии// и зе́млю на́шу кровьми́ свои́ми освяти́вшии.

на 6:Дондеже пройдут людие Твои, Господи, / дондеже пройдут людие Твои сии, яже стяжал еси.

Вси святи́и земли́ Ру́сския, моли́те Бо́га о нас.

Прииди́те, мучениколю́бцы ве́рнии,/ пе́сньми почти́м первому́ченики ру́сския, Фео́дора и ю́наго Иоа́нна,// и́долом не послужи́вшия и кро́ви своя́ за Христа́ да́вшия.

Соделал еси, Господи, святыню, / юже уготовасте руце Твои.

Вси святи́и земли́ Ру́сския, моли́те Бо́га о нас.

Вели́чие на́ше и похвала́ ты еси́, О́льго Богому́драя,/ тобо́ю бо свободи́хомся от бесо́вскаго прельще́ния,// не преста́й и ны́не моли́ти за лю́ди, я́же Бо́гу привела́ еси́.

на 4:Господь царствуяй веки и на век, и еще, / егда вниде конь фараонов с колесницами и всадники в море.

Вси святи́и земли́ Ру́сския, моли́те Бо́га о нас.

Ра́дуйся и весели́ся, ра́бе Христо́в,/ кня́же вели́кий и му́дрый Влади́мире, просвети́телю наш,/ тобо́ю бо изба́вихомся от душепа́губнаго идолослуже́ния,// те́мже, ра́дуйся, вопие́м тебе́.

Сынове же Израилевы проидоша сушею / посреде моря.

Вси святи́и земли́ Ру́сския, моли́те Бо́га о нас.

Сия́ет, я́ко звезда́ на небеси́, Бо́жий иера́рх Михаи́л,/ зе́млю Ру́сскую просвети́вый све́том позна́ния Боже́ственныя ве́ры// и Влады́це приведы́й лю́ди но́вы, ба́нею креще́ния обновле́нны.

Сла́ва Отцу́, и Сы́ну, и Свято́му Ду́ху.

О блаже́ннии страстоте́рпцы Христо́вы,/ кня́зие Бори́се, Гле́бе, и И́горе, и Михаи́ле с боля́рином Фео́дором!/ Не забу́дите оте́чества ва́шего, глад и озлобле́ние отгони́те,// от грехопаде́ний междоусо́бий изба́вите ны.

И ны́не и при́сно и во ве́ки веко́в, ами́нь.

Богоро́дичен: С чи́нми а́нгел, Влады́чице,/ со проро́ки, и апо́столы, и со все́ми святы́ми/ за ны, гре́шныя, Бо́гу помоли́ся,// Твоего́ Покро́ва пра́здник в Росси́йстей земли́ просла́вльшия.

Катава́сия, глас 4: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,// и воспою́, ра́дуяся, Тоя́ чудеса́.

Песнь 3:

Кано́н воскре́сный, глас 1:

Ирмо́с: Еди́не ве́дый челове́ческаго существа́ не́мощь/ и ми́лостивно в не вообра́жся,/ препоя́ши мя с высоты́ си́лою,/ е́же вопи́ти Тебе́, Святы́й,// одушевле́нный хра́ме неизрече́нныя сла́вы Твоея́, Человеколю́бче.

Сла́ва, Го́споди, свято́му Воскресе́нию Твоему́.


Бог Сый мне, Бла́же, па́дшаго уще́дрил еси́,/ и сни́ти ко мне благоволи́в, возне́сл мя еси́ распя́тием,/ е́же вопи́ти Тебе́, Святы́й:// Хра́ме одушевле́нный неизрече́нныя Твоея́ сла́вы, Человеколю́бче.

Утвердися сердце мое во Господе, / вознесеся рог мой о Бозе моем, / разширишася уста моя на враги моя, / возвеселихся о спасении Твоем.

Сла́ва, Го́споди, свято́му Воскресе́нию Твоему́.

Живо́т ипоста́сный Христе́ сый,/ в истле́вша мя, я́ко Милосе́рдый Бог, обо́лкся,/ в персть сме́ртную соше́д, Влады́ко,/ сме́ртную держа́ву разруши́л еси́,/ и мертв тридне́вен воскре́с,// в нетле́ние мя обле́кл еси́.

Яко несть свят, яко Господь, / и несть праведен яко Бог наш, / и несть свят паче Тебе.

Пресвята́я Богоро́дице, спаси́ нас.

Богоро́дичен: Бо́га заче́нши во чре́ве, Де́во, Ду́хом Пресвяты́м,/ пребыла́ еси́ неопали́ма,/ поне́же Тя купина́ законополо́жнику Моисе́ю,/ пали́мую нежего́мо, я́ве предвозвести́,// огнь нестерпи́мый прие́мшую.

Кано́н Богоро́дицы воскре́сный, глас 1:

Не хвалитеся и не глаголите высокая в гордыни, / ниже да изыдет велеречие из уст ваших.

Пресвята́я Богоро́дице, спаси́ нас.

О́блак Тя ле́гкий нело́жно, Де́во, имену́ем,/ проро́ческим возсле́дующе рече́нием:/ прии́де бо на Тебе́ Госпо́дь/ низложи́ти еги́петския пре́лести рукотворе́ния,// и просвети́ти сим служа́щия.

Яко Бог разумов Господь, / и Бог, уготовляяй начинания Своя.

Пресвята́я Богоро́дице, спаси́ нас.

Тя запеча́танный вои́стинну лик проро́ческий исто́чник,/ и заключе́нную дверь именова́, де́вства Твоего́, Всепе́тая,/ я́вственне зна́мения нам пи́шуще:// е́же сохрани́ла еси́ и по рождестве́.

Кано́н ру́сским святы́м, глас 8:

На 8: Даяй молитву молящемуся, / и благослови лета праведнаго.,

Вси святи́и земли́ Ру́сския, моли́те Бо́га о нас.

Пропове́дует пресла́вно и па́че трубы́ вопие́т/ вели́кая Ла́вра Пече́рская,/ тобо́ю нача́ло прии́мшая, о́тче преподо́бне, Анто́ние сла́вне,// всех росси́йских мона́хов первонача́льниче.

Господь немощна сотвори супостата Его, / Господь Свят.

Вси святи́и земли́ Ру́сския, моли́те Бо́га о нас.

Воспои́м све́тло мона́шескаго о́бщаго жития́/ в Ру́сстей земли́ устрои́теля, блаже́ннаго Феодо́сия,/ с ним и Не́стора, достопа́мятных дея́ний списа́теля,// и Али́пия, живописа́ния в Росси́и нача́льника.

на 6:Да не хвалится премудрый премудростию своею, / и да не хвалится сильный силою своею, / и да не хвалится богатый богатством своим.

Вси святи́и земли́ Ру́сския, моли́те Бо́га о нас.


Рай мы́сленный еси́, Пече́рская свята́я горо́,/ умно́жившая духо́вная древеса́, блаже́нныя отцы́,/ и́хже исчести́ по еди́ному не могу́ще,// о всех вку́пе хвалу́ принесе́м Еди́ному Влады́це.

Но о сем да хвалится хваляйся, / еже разумети и знати Господа / и творити суд и правду посреде земли.

Вси святи́и земли́ Ру́сския, моли́те Бо́га о нас.

Анто́ние, Иоа́нне и Евста́фие, тве́рдии испове́дницы правосла́вныя ве́ры,/ и́здревле в земли́ Росси́йско-Лито́встей насажде́ннии,/ моли́твами ва́шими от зловре́дных инове́рных му́дрований// соо́тчичей ва́ших и всех нас огражда́йте.

На 4: Господь взыде на Небеса и возгреме, / Той судит концем земли, праведен Сый.

Вси святи́и земли́ Ру́сския, моли́те Бо́га о нас.

Хода́таи бу́дите за оте́чество ва́ше земно́е,/ Афана́сие преподобному́чениче, и ты, о́троче Гаврии́ле,/ научи́те у́бо и нас Правосла́вие дерзнове́нно испове́дати// и стра́ха вра́жия не боя́тися.

Господи, услышах слух Твой и убояхся; / Господи, разумех дела Твоя и ужасохся.

Сла́ва, Го́споди, свято́му Воскресе́нию Твоему́.

Ви́дите лю́дие непокори́вии, и устыди́теся:/ Его́же бо я́ко злоде́я вы вознести́ на крест у Пила́та испроси́сте умовре́дне,// сме́рти разруши́в си́лу, боголе́пно воскре́с из гро́ба.

Внегда смутитися души моей во гневе, / милость Твою помянеши.

Пресвята́я Богоро́дице, спаси́ нас.

Богоро́дичен: Дре́во Тя, Де́во, жи́зни ве́мы:/ не бо сне́ди плод смертоно́сный челове́ком из Тебе́ прозябе́,/ но живота́ присносу́щнаго наслажде́ние,// во Спасе́ние нас пою́щих Тя.

Кано́н Богоро́дицы воскре́сный, глас 1:

Бог от юга приидет, / и Святый из горы приосененныя чащи.

Пресвята́я Богоро́дице, спаси́ нас.

Слы́ши чуде́с не́бо, и внуша́й земле́,/ я́ко Дщи пе́рстнаго у́бо па́дшаго Ада́ма, Бо́гу нарече́на бысть,/ и Своему́ Соде́телю Роди́тельница,// на Спасе́ние на́ше и обновле́ние.

Покры Небеса добродетель Его, / и хвалы Его исполнь земля.

Пресвята́я Богоро́дице, спаси́ нас.

Пое́м вели́кое и стра́шное Твое́ та́инство,/ преми́рных бо утаи́вся чинонача́лий,/ на Тя И́же сый сни́де я́ко дождь на руно́, Всепе́тая,// на Спасе́ние нас пою́щих Тя


 

Кано́н ру́сским святы́м, глас 8:

на 8:Зане смоквь не плодопринесет, / и не будет рода в лозах.

Вси святи́и земли́ Ру́сския, моли́те Бо́га о нас.

Первонача́льника и устрои́теля гра́да Москвы́,/ блаже́нне кня́же Дании́ле, показа́ тя Госпо́дь,/ к Нему́ же непреста́нно моля́ся, град твой охраня́й,/ зе́млю на́шу от бед спаса́й,// правосла́вныя же ру́сския лю́ди посеща́ти ми́лостивно не преста́й.

Помощник и Покровитель бысть мне во спасение, / Сей мой Бог, и прославлю Его, / Бог отца моего, и вознесу Его.

Пресвята́я Богоро́дице, спаси́ нас.

Богоро́дичен: Ра́дуйся, благода́ти исто́чниче,/ ра́дуйся ле́ствице, и две́ре небе́сная,/ ра́дуйся све́щнице, и ру́чко злата́я, и горо́ несеко́мая,// Я́же Жизнода́вца Христа́ ми́рови ро́ждшая.

Кано́н Богоро́дицы воскре́сный, глас 1:

на 10:Господь, сокрушаяй брани, / Господь Имя Ему, / колесницы фараоновы и силу его верже в море.

Пресвята́я Богоро́дице, спаси́ нас.

Ку́ю Ти досто́йную песнь на́ше принесе́т неможе́ние?/ то́чию обра́довательную,/ е́йже нас Гаврии́л та́йно научи́л есть:// ра́дуйся, Богоро́дице Де́во, Ма́ти Неневе́стная.



Последнее изменение этой страницы: 2016-04-07; Нарушение авторского права страницы; Мы поможем в написании вашей работы!

infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 3.235.11.178 (0.012 с.)